[得閒直播]雙失廢青由香港踩車就到拉薩(完)

加油

樓主到左拉薩係咪真係決定回程？
回程係原計劃踩返香港
還是搭車 坐飛機

原定計劃係踩青藏上青海，但依家我諗應該搭飛機/火車上新疆一轉先。吱吱車應該跟唔到我去，所以…

叫你家姐同你寄本特衰去拉薩俾你，12月踩中尼友誼公路去尼泊爾行Annapurna，之後經印度去巴基斯坦踩中巴公路去新疆，唔駛咁早去新疆，冬天零下二三十度凍到9縮呀！

師父 我有特衰，但我冇簽證去唔到印度同巴基，資金都係一個問題。如果我有錢，一早喺網上搞哂簽證踩咗去歐洲喇

拉薩消費幾高…
最平搭巴士 1蚊 ,不過夜晚9點就冇車
係拉薩留3日就夠

八點三起身，叫咗一聲Supreme騰，嗯完我就算，唔理佢了。自己踩 (其實佢無變過 )

吱吱車感冒了


喺藏式早店啪個蛋麵，兩個包，再翻色季拉山



今日路線，滇藏線尾二既山了

樓主踩單車唔駛坐巴士, 1蚊都唔駛畀, 拉薩有青藏鐵路, 物資運費已接近內地, 唔似以前乜春都靠大貨車跑青藏線拉入嚟.

北京路遊客區梗係劏客, 你估D當地居民真係咁有米餐餐都食幾十人仔? 睇吓青旅可唔可以借用廚房, 喺市區超市同市場買餸自煮燃發, 少少錢夠你係拉薩慢活一兩個月. 趁11月仲未最凍踩車去納木錯, 羊湖, 山南, 桑耶寺.

印度巴基斯坦visa可以去加德滿都搞, 你去Lonely Planet thorn tree爬吓文睇吓而家巴基斯坦visa仲搞唔搞到先, 印度有e-visa可上網申請, 不過未玩過唔知陸路入境用唔用得, 唔得就玩完尼泊爾又踩返入西藏囉.

最後絕招係叫你家姐同你去香港印度,巴基斯坦攞visa form 寄去拉薩畀你填好, 再寄返香港幫你交表, 喺香港搞掂visa再寄返本特衰去拉薩俾你, 中間你就係拉薩周圍踩吓車hea吓先.

藏式麵個湯底好似好紅好辣咁, 是不是氣候關係所以當地人都偏向食辣多

有時自己去完旅行放完個長假再搵工都會好難接受。
好難想像樓主完左旅程之後番番香港要適應番香港既生活

加油

喜瑪拉雅山脈既東端，八千米下最高峰既南迦巴瓦峰今日見到了

呢度四千海拔，座野7782米

原來真係睇到

個幾星期係公司追post到live咗，好彩仲有機會同樓主講句 加油

第一次有走在天路既感覺


外賣午餐


屌

三秒定律啊 仲影相

影埋呢張真係落山

Agger
利申未試 但好想試
樓主睇完你個post 希望可以做到我的dream job 再自己一個單車遊

lm

所以樓主到左目的地都可以繼續up自己內心感受

所以要遺棄吱吱車？
唔會想留返佢黎記念下咩 佢同你一齊行左咁多路

琴晚無教好訓，八點幾鬧鐘未響，我已經預先熄咗仲諗住認真訓多陣 點知Supreme騰原來都有教鬧鐘
「起床嗎﹖」
「嗯。」
喺we柒留咗個Message，自己出發了。

魯朗鎮呢度唔算好高，海拔三千四左右。但竟然可以凍到吱吱車都結霜


無咩興趣喺魯朗逗留，除咗住既條件一般般之外，呢度仲無啖好食。石鍋雞食一次就夠了

一路爬，南迦巴瓦峰就越露越多。山腰腳下係一片無盡既森林

大地在我腳下



九點開始爬廿五公里，呢個色季拉山埡口真係好‧撚‧斜 有一段爛路我印象好深刻。當時為咗避開路面既凹凸不平，我踩咗上石壆。當時海拔大概四千幾，我渣住牛角把已經好似缺氧咁周身無力又眼訓。點知一個唔小心前轆Sir咗落壆失平衡成架車訓低

咁啱右邊就係一個好撚深既明渠，我差啲就連人帶車跌落去 好彩當時龜速爬緊坡，如果唔係真係唔知可以點上返嚟

就係呢個閪位


仆咗仆腳踏板鏗到隻腳，嬲嬲哋沉默咗幾秒，索住氣眼鏡都朦撚哂。我除撚咗副眼鏡，笠實頂保暖帽，都係推陣車算

踩到山腰，吱吱車話想抖抖先


飲完罐可樂好似啪咗大力菜咁，話咁快就到埡口。一路上無頭痛無盛，狀態其實好fit，只不過琴晚真係訓得麻麻

最後直路



色季拉山埡口呢度咁啱有堆廣東中山團，係咁煩住要影相又拎我頭盔眼鏡帶裝哂B咁 呢個唔係重點，重點係對面既南迦巴瓦峰

雖然埡口標高4720m，但我肯定佢得4556m


南迦巴瓦峰，7782m


西藏林芝地區最高既山峰就係佢，因為佢同藏傳最古老既佛教有好大關係。除咗有「西藏聚山之父」之稱，又叫做「羞女峰」。

但今日既佢毫無保留

說遲時那時快，影完兩張相走到去埡口標高石碑，竟然見到Supreme騰 佢架車喺一架小卡車既車尾上面。原來佢訓到12點幾先起身，2點先出發，喺山腳攔便車，好nice既四川司機就載咗佢上嚟了

講真，我已經唔care。即使我爬咗六個鐘坡，佢只係用咗廿分鐘就上到嚟。我仲問佢係咪一齊剷落山 如是者，平均時速50km/h 直落少彎渣電單車咁，差啲就磨埋膝過彎 望住山下林芝山色、聞住秋葉既味道，半粒鐘多啲就玩完30公里。


聽講林芝地區係西藏海拔最低既地方，仲有「西藏江南」之稱。我就唔理佢咩料，但林芝市係我入藏以嚟第一個踏足既市區。密密麻麻既平房、大酒店、大街道、單車徑、行綠燈……上一次有呢種感覺已經係喺香格里拉既時候了 而且呢個市人影都唔多個，車又少，比較似鬼城

第一次住咗間所謂三星酒店，同Supreme騰share每人都只係$85仲包早餐。點知一上樓就作感冒，啱哂 因為一早已經想喺呢度浸個木桶浴消吓日積月累既寒氣

仲有桑拿焗，夫復何求﹖


望落間spa好似邪邪哋﹖


3星酒店既可樂要$10罐唔係重點，而係可以搭𨋢攬住架車訓


第100日代表就到尾聲﹖