[得閒直播]雙失廢青由香港踩車就到拉薩(完)

每日既唯一娛樂就係睇樓主更新

恭喜樓主

好撚感動 樓主終於完成使命

好感動 睇左咁耐樓主終於到
巴打係拉薩慢慢chill住過啦 好好休息enjoy

你比我認識到原來單車可以咁大威力
可以行到咁遠
仲有咁多連登仔一齊見證住
好感動

樓豬同supreme騰沉醉係溫柔鄉中
唔得閒應機了

由第一個po追到而家

等我諗諗點post啦 我無搵Supreme騰，無覆佢，佢都無再搵我

小學雞騰留返俾大家享用，我就不了

幾日唔記得入嚟睇 樓主已經到咗拉薩
明明追咗咁耐 好似睇唔到個仔出世咁
Btw恭喜你啊，達到咗人生其中嘅目標

恭喜樓主!
等你下一個旅程

由墨竹工卡縣到拉薩市有70公里遠。一路向西，又吹逆風，啱哂 專登慢慢踩，將當初啱啱入藏既熱情再次流露喺路上既風景。最好可以永遠將時間停頓



其實同自己影相真係好煩 不過都係煩埋今日 所以想試吓影返啲一直懶影既鏡頭，希望日後用得著



驚去到拉薩搵唔到原始既食店，所以專登喺路上搵咗間比較正宗既藏餐館。唔太特別既牛肉餃子唔係第一次食，但應該係最後一次。


係人都知自從起咗青藏鐵路之後，拉薩市喺十年嚟，無論係生產總值定人口密度都發展得好快。大陸既發達城市唔使講都係一個樣。所以我早有心理準備，唔會覺得拉薩係一生必定要去既地方，唔會高舉聖城呢個名，更加唔會以此為踩車旅程既終點。我只係逼不得已無筆直繼續踩先至要喺度作結而已

拉薩對我嚟講，只不過係一個西藏省城而已


好耐無開住導航踩車。經過沙塵滾滾既達孜區後。喺市中心10幾公里遠已經見到拉薩大橋、架空道路縱橫交錯、車水馬龍⋯⋯上一次有呢種感覺應該係喺昆明市既時候

進入拉薩市，全世界都要過安檢


巴打介紹既東措青旅，最平床位$25/晚。聽講住得耐有價講。所以一炮過訂咗10晚，$200

間嘢真係大過監獄



優質熱水浴


條繩最後一次派上用場


布達拉宮留影 屌你最後一日都要遮樣


講真，呢百零日由粉嶺一路踩到拉薩5000公里直到見到布達拉宮既我，內心無咩特別情緒躍動。反而諗起琴日喺米拉山口見到氣勢磅礡既超級經幡。當時渣住車把搖呀搖咁一路踩，竟然傻笑咗出嚟

喺拉薩呢個幾星期，除咗趁景點免票季節周圍盪吓、度縮買吓當地呃錢嘢、寫吓postcard俾自己、再諗吓跟唔跟走馬看花平價團去吓附近景點之外 (納木措已封山去唔到 ) 我比較期待可以見到真正既藏傳佛教、信仰、人生百態，同埋咁可愛既小朋友

希望佢唔係我相機下唯一入藏後既肖像啦

西藏果然同其他中國城市好唔同

恭喜順利達陣

時間過得真係快
樓主 恭喜你

雖然我好少係post留言，但每日臨訓前追post已經成為左每日要做既事。見樓主採完有啲唔捨得

恭喜達陣 開頭仲以為樓主會衰係老闆娘到，又以為中途會俾屋企人捉返香港，最後能成功達陣，好似唐三藏成功取西經，功德圓滿

恭喜樓主

巴打終於到拉薩啦

好感動 真係好似親歷其境咁
多謝你東哥 旅程結束先係另一段旅程嘅開始

樓主 如果只係錢問題 ，我唸大家都會支持你 你咁有 heart 不妨再去尋夢 錢回來搵就好了

樓主d拍攝風格同剪接好正 返到黎可以接下d婚禮job