[得閒直播]雙失廢青由香港踩車就到拉薩(完)

老虎

因為前度supreme騰出現, 令老虎主動放棄?

你都好幻想力

樓豬住宿方面有冇咩阻滯？
之前去西藏，好多地方都唔比香港人住
想自己再去多次

樓豬上次遇著公安查房比人困左係黑房

估唔到兜兜轉轉, supreme騰先係官配 !!! 佢考ielts考成點？樓主, 好好珍惜你的戰友, 老虎點解放棄？

老虎點解放棄，今晚先講

好撚鍾意食蛋卷

老虎應該係身體負荷唔到?
佢之前好似早過樓主有高反又好頭痛

高反真係死得人 唔應該死頂

真係越大隻越易有高山反應，樓主同supreme騰咁瘦就冇乜事

運動員先易喎，肥仔反而無乜事

應該係肌肉多易有事

當年好似係東達出現高反
好撚攰 好眼瞓
唔記得點樣捱到入房 即刻瞓到第2朝

老虎唔踩無所謂，最緊要樓主無事平平安安

睇完個post 我決定自己都要plan一個咁既旅行

咁我應該先嚴重喎 嗰陣已經有理冇理吸咗氧氣先
踩咗38公里逆風長上坡，呢到有另外三個車友

急性，透唔到氣果d要即刻聞充氧，call白車
普通頭暈，心跳加快，你深呼吸幾吓，等身體自己調節，食少少藥，早d休息

認真 樓主有無見過女車友入藏？

有 怒江七十二拐嗰日十幾個車友，第一次見到有女



中間紅衫

琴晚老虎叫我幫佢渣機拍一條片擺上快手 ( 大陸類似instagram既直播app )，條片表面上係關於夢想，但背後其實係放棄夢想，繼續頹廢。

睇佢特登摷亂個頭就知咩事


仲有呢段嘢


熄房燈，我哋三個準備訓既時候。老虎自言自語話打算放棄，覺得呢趟旅程搞到佢身體又壞又無意義，架車又壞壞哋唔好踩。我同Supreme騰都沉默無回應。隔咗一陣，老虎問我 : 「港哥，你覺得怎樣。」「可以呀，你決定了就好。」「我已經決定了。」

到咗今朝，本身諗住三個一齊由朝早七點出發一嘢翻過安久拉山直屌然烏鎮。但我撳熄咗個鬧鐘之後，再望一望隔離床既Supreme騰，都係繼續訓算。

老虎十點左右話要請我哋食最後午餐，三條友四餸一湯仲有蝦食，老虎臨走時叫我俾張港紙佢留念，於是我就俾咗張廿蚊紙佢，然後同佢喺八宿縣大街道碰肩別

好耐冇同Supreme騰兩條佬踩車，今日咁晏起身，只能夠踩去三十八公里遠既吉達鄉。呢段去然烏鎮方向，沿住冷曲河既七十公里上坡路，一到咗晏晝就會吹大逆風，就好似前幾日同老虎踩既玉曲河段一樣，食風食到飽



逆風上坡可以話係踩車既惡夢，六七級風力吹撚到我同Supreme騰曾經一齊撞埋去路邊欄杆。架車左搖右擺，風褸眼鏡面罩俾怪風吹起既沙石打到啪啪聲

久違既不死騎 x 吱吱車合影


武警喺軍用車上面掟落嚟既紅牛


我同Supreme騰踩車好少休息。終於踩咗一兩個鐘去到3737段，第一次小休。估唔到就喺呢個時候，有架大巴光速駛過，我隱約見到有個肥仔喺上面大力同我哋揮手道別。我唯一能夠做既嘢就係畫花個欄杆送俾佢


好多車友都係咁做，我都係有樣學樣


就到吉達鄉，路邊既秋葉同廢屋




Supreme騰滄桑咗好撚型，但佢唔鍾意自己咁樣



六十蚊包早晚餐床位


三千九海拔既夜晚，零下七八度，點樣震住喘住氣所有生理保暖機制打開哂沖涼費事再形容 好彩呢間驛站有暖毯。

講返起老虎，雖然佢既價值觀同我差好遠。但呢啲基於每個人既成長背景環境而唔同既諗法真係無咩好執著。

我突然諗返起，喺緬甸出發經雲南瑞麗，仲要喺單車後面拖住架車仔載住隻養咗好多年，但半途因為頂唔順天氣而瓜咗既既阿拉斯加，踩到嚟西藏八宿，總算起碼踏出咗第一步、完成咗夢想一半既老虎，呢個鐘數已經到咗林芝市，唔知我哋下次見面會係幾時﹖

樓主預計幾時完結旅程？

樓主腹肌好勁㗎

好sad , 老虎到臨尾至放棄…

發生咩事阿騰轉性