喺去布達拉宮之前,去咗建於1419年既色拉寺同埋佢既分寺 - 札基寺
藏傳佛教有四大主流教派,分別係寧瑪派、噶舉派、薩迦派同格魯派。簡單啲可以從佢哋既服飾同建築物既特色嚟分,即係紅派、白派、花派同黃派。
色拉寺同札基寺就係格魯派,為人熟悉既達賴喇嘛就係黃派既其中一個大佬。雖然黃派最遲出現,但佢係影響藏區最深既教派。另外,例如紅派寧瑪派就有如來佛祖。
睇睇吓,原來色拉寺既喇嘛曾經組咗隊足球隊,仲因為顏色相似所以著哂葡萄牙國家隊既波衫
入到寺廟室內壯嚴環境就要有應有既禮儀,例如順時針行、除黑超、收埋相機等等。影相既同時仲留意吓諗吓有無影響到人或者唔尊重
就好似呢張偷拍相咁,就係錯誤示範
當見到咁好既笑容,代表溝通成功了
.
.
.
去完兩個寺廟,走咗去路邊print相順便買咗疊郵票 (好撚貴
) 點知坐咗喺度同老闆傾咗兩個鐘
知道咗唔少西藏不為人知既秘密
原來今日係冬至,聽講呢度既習俗係食餃子。然後電話響起,青旅既一個福建哥仔話等埋我過節喎
屌﹗唔通又要食啲皮硬到乜既牛肉餃子﹖