[得閒直播]雙失廢青由香港踩車就到拉薩(完)

牛係邊度

Supreme騰連續兩晚都係天光先瞓，所以我朝早八點幾見佢熄咗兩次鬧鐘都仲未肯醒，就自己落去食咗碗花生撈粥了。

上返房，見條友竟然開咗天眼。我問佢係咪淨係瞓咗兩個鐘 佢好威咁講 : 「感覺沒什麼，挺精神的。」

直到我執好哂嘢準備出發，佢仲喺床度打橫部電話撳撳撳。我已經費鳩事哂氣，所以一句「我先騎了，可以的話就追上來吧。」

今日由林芝市去工布江達縣呢百三公里靚起伏平路，一路沿住條藍到好假既雅魯藏布江支流，尼洋河。藏語即係神女既眼淚咁解，條河仲係林芝人既老母。至於點解條河咁藍，可能係因為秋季含沙量少。所以話林芝地區既深秋真係三步一景



今日條路無乜車又好行，真係一大樂事 自林芝市開始入拉薩，國道隔離多咗條林拉高速。分流吓車輛，雖然兩條路都極少車。

秋天既味道


朝早十點踩到夜晚七半左右，Supreme騰突然we柒問我喺邊，仲腥咗條踩車片話自己就到 當時我心諗，屌，條友真係識飛 原來佢話自己踩高速，不過以我所知，就算冒住俾警察捉返去林芝既風險偷上高速，今日都只係行少十公里左右


見面之後佢好興奮咁同我講，今日竟然攔咗架警車，但差佬無理佢 其實我都真係已經費事理佢點旅行法。直到啱啱食地獄辣麵無嘢做。我隨口問吓Supreme騰今日幾點出發，佢口窒窒諗咗幾秒答我「下午吧」。然後⋯⋯我真係唔應該篤爆佢，但我唔明點解要呃鳩我﹖ 搭車咪搭車囉屌你咪自己坦白，唔係一件咩特別事。

「你應該坐了一程便車吧。」「Errrr，坐了一程大巴，50公里左右的樣子。」「牛逼。」

我好認同每個人都有自己旅行風格，搭車咪搭車，截車咪截車。咪認咗佢 做咩要呃鳩我先﹖ 搞到我喺度懷疑自己係咪真係踩得咁慢

唔怕講，呢幾日無教好瞓，都係因為佢。詳情就唔講了，我真係好希望Supreme騰將來會變成好似我相機下好撚佬味既Super騰。而唔係一個成日掛住奶茶鋪、食零食卥味、大大聲打王者吃雞、睇韓劇到天光先瞓既BB

正如之前某個巴打所講，每日分開踩，夜晚先join返埋夾房食飯都已經幾唔錯

工布江達縣都算幾大。搵咗間最抵屌既游騎青旅，又要冒住俾差佬查房匿埋既風險，冇涼沖過一晚

二樓$30床位，痾夜尿又要落地下

林拉高速d公廁 又新又正

super騰又變翻superme騰

真係唔駛勞氣
每個人有每個人唔同既方式 亦有唔同既追求
有人係追求結果
有人係享受過程
亦有人係做左就算 結果同過程wfc

只可以講 樓主係supreme騰眼中
真係太有霸氣

搭便車又扮踩車 使唔使咁呀

唔怕講，呢幾日無教好瞓，都係因為佢。詳情就唔講了，我真係好希望Supreme騰將來會變成好似我相機下好撚佬味既Super騰。而唔係一個成日掛住奶茶鋪、食零食卥味、大大聲打王者吃雞、睇韓劇到天光先瞓既BB

唔怪得你瞓唔好, 好撚憎D人夜媽媽起度整D聲出黎, 又唔係唔知夜晚特別響

成十二點佢依家仲喺度播緊歌，好聽啱我聽都算，弊在係啲聽完會毛管棵既歌
佢啱啱食完有汁液既零食掟到床邊地下一地都係 我唔為意一嘢踩撚咗落地

唔知佢聽日又幾點先瞓了。我估都係唔洗理佢自己踩先 不過講真，我好享受自己踩車 有條友跟尾好唔自然

自己一個, 想停就停, 又唔洗理佢跟唔跟到, 或者洗唔洗落力跟佢...獨遊係會上癮

咁仲好啦，share返房費$

Super騰好似為左同你瞓埋同一間房先踩車咁

點解要講大話
好小朋友，可能怕你知佢坐車會鄙視佢
但佢嘅速度好明顯唔合理

比大家欣賞吓Supreme騰既手尾先

成地痴立立


屌 俾軟禁

Superme騰的手尾超出我想像

其實唔係獨遊正，係supreme騰太麻煩
同一間房訓但係有時差CLS

太陽眼鏡正式收皮，代表我都準備收皮

豬紅麵? 就快食lunch看到好肚餓

成條眼鏡臂斷了

牛肉嚟
眼鏡用超能膠同UHU都痴唔返了

架車仲要瘋狂咬盤 點搞㗎今日

加油呀 巴打

咩野都唔急嘅 慢慢踩啦 特別係搵工番工
你要番工嘅 仲有四十幾年工 要你番

去玩陣再番香港都未遲

已成功匯錢返大陸 成件事都幾崎嶇 適當時提供緩助

好撚氣餒 今日仲未踩就咁多不濟。
架車整唔撚到

我上次踩果陣, 無裝貨架, 全程咩住一個36L既背囊...雖然辛苦, 但係覺得靈活好多

點解？

我決定唔再搞，拆撚咗個後煞佢踩算

頂住先，屌

好似啲主角部機，打到最後無乜資源夾硬裝啲甲上去