[得閒直播]雙失廢青由香港踩車就到拉薩(完)

Supreme騰
好有緣

樓主同老虎一嘢踩到邦達咁勁, 下一站係咪直踩八宿白馬鎮?

Supreme騰其實係咪想追樓主? 佢唔駛返學咩?

今餐仲好，有三餸 不過又係川菜
我不嬲都鍾意食辣，但其實雲貴川係貴州最食得辣，喺貴州遊嗰排真係食到癲咗

宮爆肉丁、魚香肉絲、蕃茄炒蛋


空投包最後物資，雲南紅糖水，好好飲

Supreme騰已經好滄桑了 係我既偶像，踩車快到仆街。爬坡似平路，平路似落斜

原本想留言問老虎有冇好似Supreme騰咁瘋狂同電話做愛
今日追post就有Supreme騰

其實佢貨金定真係自己踩 好奇怪

難分真與假

呀騰搞咩變左個中佬

我前日去色達， 突然落雪，應該凍親
又感冒又高反

普通高反，我就有d頭痛/頭暈，心跳快
d大陸拼車友俾包咩頭痛散就好快好

巴打幾時走？
我月尾至到拉薩

坐車係咁上下

LM

佢喺度等你

Supreme 騰坐車同樓主踩車速度一樣

人地架車食汽油你架車食白飯梗平路似落斜啦

拆啦拆開兩三日都好過你一日死頂
身體都未自我調節到

死頂踩咗104km，無拆

睇吓邊個喺度﹖

Supreme騰仲有冇著supreme
搭咗幾耐車嚟啊

Supreme騰已經好滄桑了 係我既偶像，踩車快到仆街。爬坡似平路，平路似落斜

係supreme騰

由左貢縣踩去邦達鎮呢段路，係一段徘徊喺四千海拔左右，同埋一條乳綠色既玉曲河既高地平原。

秋色隨處可見



老虎報恩，幫手渣機


青稞係藏族既主要糧食，家家戶戶都有儲備


一路上雖然主要都係平路，有時爬吓短坡，落吓斜咁。但可能因為琴日翻五千一海拔既東達山，搞到高反頭痛未消，今日幾乎全日都頭赤赤 仲有少少鼻水鼻塞，踩到有啲辛苦。

中途買咗啲乾糧，同老虎喺馬路邊野餐



踩咗四十公里左右，喺田妥鎮買糧食當午餐既時候，竟然俾我發現Supreme騰著住藍色褸踩車熟悉既背影 當時距離好遠，差不多消失喺地平線之下，但我都幾肯定自己無睇錯。

花咗半個鐘公路野餐完，然後又踩咗廿公里左右，點知又發現Supreme騰既背影 佢喺馬路中間停低咗唔知睇乜柒直播比賽。嗰陣四點鐘左右，距離今日目標邦達鎮仲有五十公里。阿騰拍哂心口，輕鬆無難度咁話 我就話要趕路走先了

道別完無耐，Supreme騰真係成支箭咁喺我同老虎隔離飛過 嗰刻我先知道咩叫做爬坡似平路，平路似落斜 然之後就連佢既影都再見唔到



踩到差不多天黑，仲差廿五公里左右。點知又見到Supreme騰喺路邊鳩hea 佢話佢車前燈壞咗，所以等埋我哋一齊踩，仲話自己等咗半個鐘，打咗鋪王者榮耀咁話

喺路上傾住計踩咗兩個幾鐘夜車，Supreme騰分享返自己喺麗江既中秋、識到既靚女、雨崩村既徒步同埋香格里拉既艷遇但有食唔食……佢話佢自從徒步完雨崩就覺得自己踩車快咗。直到踩完百零公里到咗邦達鎮，三個人食飯，然後去咗盤石青旅一邊檢查單車一邊傾計……有天然呆老虎既映襯之下，慢慢由心覺得Supreme騰唔單止滄桑咗，仲大個仔咗

三十蚊，三個人一間房

老虎好鍾意條片，話up咗上直播app之後有好多出名既主播留言俾佢

不過無聲真係差啲

Supreme騰真係踩車？

啲片加個尋找他鄉的故事嘅配樂做bgm會幾襯

樓豬跟佢一日

唔記得樓豬係咪買左VPN MASTER一個月?
但上網卡用邊張?

大器晚成既supreme 騰

叫supreme騰小心啲踩 唔好炒車 以佢家陣咁hyper嘅狀態好易出事

聽你講


琴晚仲啪咗紅景天

一朝早由二樓痾尿落地下係咩感覺﹖

早餐廿蚊，牛肉麵、油條，廿蚊