廿四歲踩到廿五歲
.
.
.
琴晚真係無夜尿痾
一路上緩緩上坡,直到三千八海拔既芒康縣。
轉左進入318國道,直到拉薩
不過由朝早四個一齊踩咗無五分鐘,又變返自己踩了
因為隻閪腳又發作
弓步拉左十萬次阿基里斯乜鳩腱,都係痛
唔止阿基里斯乜鳩腱發炎,膝頭哥都痛埋一份
所以踩到拉烏山既四千海拔山腳,就頂唔順推咗兩粒鐘車了
拉烏山山腰
Btw,今日先發現碟剎咬盤
究竟琴日我係點爬紅拉山
﹖喺山頂搞搞部車,睇吓數唔盡既耗牛群,影吓雀仔。然後三十幾公里連續下坡
直到二千六海拔既如美鎮。
拉烏山,4376m
自從喺鹽井日日唔係食青稞麵、餃子、拉麵……今日終於可以食返餐正正常常既飯了
Btw,我懷疑自己有青稞麵不消化症,次次食親都痾爛屎
睇地圖發現呢個鎮最平既獨立房都要舊幾水。去登記嗰陣,事頭婆問我要床位定標間……
我諗咗陣,「床位吧。能洗澡嗎﹖」
明白哂,原來呢到興唔沖涼既床位
見我一支公,優惠價八十蚊
喺雜貨鋪買咗支蠟燭賀賀佢。事頭婆喺混亂中好唔容易地摷咗支難得唔斷既白蠟燭出黎。佢同我講呢度紅蠟燭先唔老嚟
不過我唔信嗰味嘢的
生快
希望隻閪腳快啲唔痛
廿五歲,一事無成
完