[得閒直播]雙失廢青由香港踩車就到拉薩(完)

supreme騰都幾勁 徒步雨崩起碼2 3 日

大媽揸波子, 我覺得自己係零...

Lm

連續38公里下坡，72彎

意想不到supreme騰既成長

怒江72道拐, 當年坐車經過都轉到頭暈, 踩車就更加不得了, 落就正, 調返轉上就

Supreme騰一排冇見升咗級, 而家調返轉踩車快過樓主

諗住嗰景壯觀，啲彎仲壯觀

今日我哋三個最遲出發，但係我同Supreme騰最早到八宿

勁喎supreme騰 但佢仲係由朝到黑渣住部機
佢仲踩緊以前話會背痛果架車?

lm

supreme騰仲有冇偷雞坐車

佢呾短時間殘左咁多睇黎有段故

滕仔拓海上身

本身我哋諗住今朝七點鐘起身，好好迎接九十七公里翻山過怒江直屌去八宿。以邦達鎮做起點，已經有差唔多成十個車友一齊出發。我真係信每年有幾萬人踩車入藏

三條友向住睇唔到盡頭既山頭進發


點知全部唔知醒，九點幾先食完早餐，最遲就係我哋。今日既路線就係先爬五百米翻過業拉山，然後三十八公里連續七十二拐落山，又再三十八公里陪住條海拔兩千七既怒江又上又落咁慢慢爬坡，直到海拔三千二百八宿縣。

滄桑咗廿年既Supreme騰


濕鳩老虎


一開始我同老虎一樣節奏，Supreme騰三兩下已經快到唔見咗影 我唔信邪，發現自己竟然原來跟到佢既速度，仲請哂所有今朝早過我哋出發既車友食塵

初頭同老虎喺後面輕鬆踩，交接Gopro拍片



全靠Fit馬到仆街既Supreme騰，我終於搵得返速度既感覺 上坡當平路踩，話咁快就到咗埡口。望返後面既路，真係好療癒


業拉山埡口，4658米

今日呢段路程既精華所在一定係怒江七十二拐，又叫做川藏九十九道彎，又有人話係一零八道拐先真。親身踩過呢幾十公里，就會發現跟本唔止咁少。

喺免費既觀景台都只係望到唔夠五分之一既路段


撞見幾次既上海車友話想整返張合影


網上話呢段係川藏線上最斜既坡，最高最低相差兩千海拔。一路上由業拉山埡口既冬天，山腰既同尼村、嘎瑪村既秋天，踩到山谷怒江出太陽熱到仆街既夏天，個半鐘就經歷咗四季 急彎、盲點、山崖、落石……



山谷怒江邊既高高低低，親眼目睹泥石塌方都唔係最難忘。而係逆住狂風踩足幾十公里，我終於知咩叫落斜都踩唔郁 不過被山谷包圍既感覺好撚正


一路上同Supreme騰拍住踩，我都不其然突破咗自己既極限，亦可能只係搵返以前踩車當操腳既節奏。快到抖咗幾次總共粒幾鐘，最後都係喺最快到八宿縣

同真‧蓋飯王食久違既蓋飯


點知間騎行青旅唔俾外地人住 我冇登記到證件，咁啱又有公安嚟查房 老闆姐姐好好人無趕我走，仲帶咗我去間空既黑房避避。

如是者，我喺一個黑媽媽既廁所踎廁隔離坐咗十分鐘直到公安拉隊走人。屌你老味搞到我仲緊張過老闆姐姐，為既只係呢間每人三十蚊既高質三人間

樓主睇住supreme騰有冇好似見證個仔成長咗嘅感覺？

supreme 騰會唔會勁左太多

第二次撞返阿騰
係呢個世界太細定係真係緣分

咁踩車入藏都係嗰條路 撞到都好正常

見到上年去西藏嘅山色
好勁呀樓主，由post 1睇你著拖鞋踩
到宜家竟然上到西藏！！！！

慢慢踩，唔好急
最好踩到1001再開po

btw去到西藏記得食薯條，真係好好食
佢地好自豪啲薯條一定係用西藏種嘅薯仔整

巴打依家好撚型
已經唔係開頭瘋狂炒車既傻仔了
依家係真正既浪子

會唔會係誤會咗supreme 騰

佢之前只係覺得太悶或者手機game 有活動或者要睇抖音直播

所以先坐車, 其實佢一向都踩得好輕鬆

vpn master 已經被我放棄了，垃圾到仆街
轉咗另一個新出既vpn叫小鹿，又快又唔會斷，開成晚都仲喺度
課咗vip半年都只係兩舊水。
利申: 非打手

Sim卡本來係聯通，依家用緊中國電信，西藏嚟講電信最少盲點。但iphone唔支援電信卡，變相我只能夠用嚟上網，打唔到電話同sms。連data package都買唔到，要上淘寶買好撚麻鳩煩。不過都可以插張卡落人哋部an機買

樓主有冇問問supreme騰點解有咁大既轉變