[得閒直播]雙失廢青由香港踩車就到拉薩(完)

衝呀

果時有追第一個po 仲係著拖鞋踩先癲

LM 樓主加油

又有人迷路喇

迷途知返呀施主

由第一個post追到呢到 好唔捨得你啊

準備落山

繼續追post留名

Same

韓孟宇，20，江蘇


老虎，21，河南


三條友一齊踩車係咩感覺﹖ 無咩感覺，因為踩咗廿幾公里後我就拋離咗佢哋了 牛高馬大既金毛宇周身肌肉，一上車就爆炸力十足。但持久力好低，全程推車多過踩 至於架車重過泥頭車既老虎，成日開住直播自high，份人幾樂天。聽佢講話讀完中學幾年就冇再讀書，走去做電視台打雜，仲見過好多大明星咁話

踩踩吓竟然遇到兩個由麗江出發，都係踩去拉薩既車友。一個廿三，一個四張幾，仲踩咗五次滇藏線 結果四張幾老屎忽最先到達山頂，條友上坡好似踩平路咁快

一路上壯麗既山河，仲有秋天既味道



紅拉山其實係一個好大範圍既自然保護區，除咗又係擁有滇金絲猴、雲豹、小熊貓、馬來熊等奇珍異獸、仲有大量紅松、紅豆杉。仲有呢個4448米既山頂


為咗影呢張相，真係唔簡單 要搬樓梯


對面既無名雪山山脈


喺山頂等咗個幾鐘，金毛宇同老虎都仲未到。留咗個訊息就落山先了


山頂距縣城其實仲有六十公里，而下坡只有十五公里咁大把。結果踩咗兩個幾鐘夜車，都仲未到芒康縣。唯有喺一個距離芒康縣仲有廿幾公里既普拉村食個麵、訓個便教，聽日再踩去如美鎮。

估唔到係我最先到普拉村，嗰兩個偶遇既車友竟然都喺度落腳 send個定位俾金毛宇。然後我哋四個飲茶食麵傾計，一齊訓一間四床房。

$15大大碗拉麵、$30一個床位，但冇得沖涼



最慢既老虎呢﹖ 因為佢大感冒落完山先發作，仲又嘔又痾，我就覺得佢似高反多啲。聽講佢已經搵咗個地方紮營，我哋就祝福佢了

呢度三千七海拔，夜晚接近零度。今年既生日願望係希望今晚千奇唔好有夜尿痾，因為要行去幾十米遠既公廁 仆街唔記得留返個水樽

有無樓主肌肉相

準備生日快樂

生快

生日快樂

生日快樂

生日快樂

生日快樂

樓主之前自爆過佢同老闆娘IG
等佢自己Po 啦

利申：東哥科勞牙

生日快樂 我都係由1開始追到而家 雖然我少留言 但就黎完真係有啲唔捨得 2個月由一開波小學雞踢拖除衫炒車到而家成陣佬味散發出黎 呢啲既經歷同得著真係用錢都買唔到 有勇氣踏出呢步同堅持落去既樓主我好想俾個like你 祝你剩餘既車程都一路平安 順順利利 溝到條女

生快巴打

爬2000 米山唔容易, 等於踩2 個大帽山

呢個山都難唔到你, 好快就到終點

lm

咪玩啦青 我瘦咗幾多你係唔會知

自己返post1搵圖啦，你敢科我敢accept

小卓瑪都唔捨得我 琴晚仲videocall我