點解邏輯學唔係必修？

邏輯推論好多時涉及以下嘅terms：

命題、陳述句、條件、結論

真假、是非 true false

當、僅當、當且僅當 if then（前面推到後面）, only if（後面推到前面）, if and only if(iff)（前面推到後面，後面亦可以推返去前面，即係equivalence，所以數學有恒等式，左邊條式可以推到去右邊條式，右邊條式可以推到左邊條式）

一定、絕對、必然、必定、有機會、未必、可能、不一定、不可能

充分條件（parallel關係）、必要條件（series關係）、充分必要條件

矛盾 contradictions

是、不是、同時係

其實好多時好多logic花啲時間去諗就會諗得清楚，當然做得多就會諗得更快，好多時係熟能生巧而已，不過有時只係啲terms嘅問題，通常係啲中文或者英文詞彙所造成，例如最大問題應該係only if即係中文嘅「僅當」，其實講得清楚一啲就係「只有當/僅當XXX嘅時候，才有可能/先至會有可能YYY」其實成件事嘅重點係「才有可能」呢幾隻字，啲人經常性會忽略咗，所以搞到成件事好含糊不清

好似wiki用咗當同埋當且僅當嚟做例子，但佢無用到僅當嚟做例子，呢度可以用僅當講解一下

「僅當雪糕係雲呢拿味，小王才可能會食呢杯雪糕。」
1. 即係話當小王食呢杯雪糕，呢杯雪糕必然係雲呢拿味
2. 但就算雪糕係雲呢拿味，小王有機會食呢杯雪糕，亦有可能唔食（因為佢話才「可能」會食呢杯雪糕，並唔代表佢一定會食）
3. 亦即係話呢杯雪糕唔係雲呢拿味，小王係絕對唔會食呢杯雪糕（所以雪糕係雲呢拿味係小王食呢杯雪糕嘅必要條件）
4. 但就算小王唔食呢杯雪糕，杯雪糕都有機會係雲呢拿味，亦可能唔係雲呢拿味而係其他味道（所以小王食呢杯雪糕只係雪糕係雲呢拿味嘅充分條件，因為無話過小王唔食呢杯雪糕，呢杯雪糕一定唔係雲呢拿味，可以用簡單啲嘅講法，就好似如果燒柴必然會產生CO2，但無話過唔燒柴就唔可以產生CO2，燒碳亦可以產生CO2，燒鑽石亦都可以產生CO2，所以燒柴係產生CO2嘅充分條件）
充分條件S sufficient：唔係100%，唔係全部，其中之一
必要條件N necessary：係100%，係全部


https://zh.wikipedia.org/zh-hk/%E5%BD%93%E4%B8%94%E4%BB%85%E5%BD%93

其實做呢啲題目畫truth table應該比較好，但做慣咗就應該好快諗到

突然諗起陳志雲講嘅嘢：「真的假不了，假的真不了」

可以參考一下下面條link
http://www.cnblogs.com/LYLtim/archive/2012/08/04/2623009.html