[科幻/奇幻]我参加了一場遊戲，賭注是整個地球

呢part你地可能會覺得同主線冇咩關係, 節奏有啲慢
但係我覺得係好重要的, 希望你地會繼續睇落去

加油，等你發揮喇

係, 你啱

隨著嗄吱聲響起，大門也隨即打開｡ 迎接之人是一個兩鬢白髮的老伯，他看著面前三個年輕人，帶著半分驚恐半分迷茫｡

｢你地係....?咳咳...｣

段弦月強忍著心中的激動，問:｢你...你係咪段世言?｣

｢咳咳...我係，你係?｣

｢一言難盡，老伯，你介唔介意我入黎坐下?｣

段弦月脫口而出，意識到此舉唐突，本想解釋一番，豈料段世言卻笑笑道:｢入黎坐啦，我自己一個都好悶，有人陪我傾下計都好｡｣

段弦月略感震驚，沒想到在這個人人自危的年代，此人居然會如此沒有戒心，他立即說:｢好，好｡｣轉頭對身後兩個保鑣說:｢你地兩個喺出面等一陣｡｣

｢但係....｣保鑣大驚

｢我就喺呢間屋仔入面，可以走得去邊?｣

他們想了想，說:｢咁好啦，段先生你自己小心啲｡｣

段弦月點點頭，接著便進屋關門｡

｢咦...後生仔你都係姓段? 依家好少人係呢個姓啦｡ 黎呢邊坐啦｡｣段世言笑笑道，帶領段弦月前往客廳梳發

｢啊...係呀｡｣

此時段世言已端著一杯熱茶，送到他面前，說:｢飲杯茶先啦｡｣

段弦月接過茶杯，連忙道謝，接著問:｢係喎，伯伯你啲屋企人呢? 我唔會阻住你地呀可?｣

段世言笑笑說:｢唉我老婆死得早，仔女都出哂去做野，周不時會返黎探下我咁啦，不過多數都係得我自己一個喺屋企架咋｡｣

｢啊...｣此時段弦月瞄到梳發桌上的一張照片，相中是一名三十來歲的少婦，容貌秀麗，手拿著一玉雕茶杯，很是高貴｡

｢咦呢個係你太太後生嗰陣? 幾靚女喎｡｣

｢噢，唔係｡｣段世言拿起照片，似是十分懷念，說:｢佢係我個妹，叫段世月｡｣

｢原來係你個妹....｣段弦月頓了一下

段世言，段世月? 言，月......

段弦月心中一震，淚水在眼眶裡打轉｡

段世言沒有察覺異樣，繼續說:｢我個妹係幾靚女架，唉但係早幾年走埋，我仲記得細個嗰時阿爺好錫佢架，吖...講起我阿爺，我同我個妹個名都係佢改架，佢成日都話......哇後生仔你做咩呀?｣

他眼見段弦月愴然淚下，一時不知所措，情急下便把整盒紙巾遞給他｡

段弦月甚是尷尬，搖搖頭，說:｢唔洗啦，我...風沙入眼姐，你繼續講呀，我幾有興趣聽，你頭先好似講到你爺爺?｣

幸好段世言沒甚機心，而且上了年紀之人都喜歡跟人訴說過往，於是他便開始滔滔不絕｡

｢你後生可能唔知，我細個嗰陣個世界好亂架，竟直係....真係同地獄一樣｡ 咁嗰時我阿爺就成日同我地講一個故事，佢話喎，佢好多年前有一個仔，喺天上面好努力咁為個世界奮鬥緊，係一個英雄，叫我地唔洗驚會世界末日喎....哈哈，仲話我地個名係跟佢改添｡｣

段弦月強忍淚水，以免破壞他說故事的興致｡

段世言續道:｢咁我又問我阿爺，佢係咪好叻，好犀利架，我阿爺每次都會好嚴肅咁話...｣他皺起眉頭，模仿段煬:｢佢係一個蠢材，跟住就指一指佢斷左既左手，話就係佢累成既｡｣

他的模仿十分神似，讓段弦月不禁破涕一笑｡

他續道:｢咁我心諗佢一定有其他過人之處啦，點知佢又話無喎，咁我就奇怪啦，點解會話佢係一個英雄呢? 佢又憑咩救世界呢? 每次一講到呢到，阿爺就會望出窗外面，笑笑口咁話:｢我都唔知，或者如果有一日佢返左黎，阿言你幫我問下佢｡｣....｣他頓了一頓，說:｢唉...不過都好多年前既事啦｡｣

說畢段世言也略顯傷感，往事如煙，光陰一去不復返，徒留的追憶往往如皎月般，孤寂而悲涼｡

｢佢自己都唔知｡｣段弦月忽然說道

段世言輕皺眉頭，問:｢你講咩話?｣

｢你唔係要幫你爺爺問咩? ....呢個就係答案｡｣

段世言先是疑惑，接著是震驚，他連忙戴上老花眼鏡｡

｢你....｣二話不說，他急忙走到房間裡，拿出一張相片

他把照片與段弦月對比一番，揉揉眼睛，確定自己沒有看錯｡｢你...你係伯....｣

段弦月收起眼淚，微笑說:｢我就係段弦月，點呀...同你想像中既英雄有冇出入?｣

｢呢個.....原來係真，我一直以為只係一個故事，太神奇啦｡｣

｢係呀，好神奇，我都估唔到我竟然有個咁大既侄仔｡｣

他們倆叔侄開始了一段跨越時空的談話，彷彿如失散多年的故友般，滔滔不絕，無所不談｡

一直到晚上，段世言突然想起一件往事，於是便回到房間，拿出一個佈滿塵埃的盒子｡ 他拍拍盒子上的灰塵，然後打開它，遞給段弦月:｢呢個係我阿爺留落黎，話如果有一日你返黎就交比你，我嗰時都唔係好信呢件事，所以就一直無好好保管佢｡｣

盒子裡放著兩封書信，一黑一白，段世言繼續解釋說

｢阿爺話呢到一封係....等我諗下先...吖係，黑色呢封你睇完就會明白佢所做既野，我都唔知係咩意思｡ 至於白色嗰封，我就唔知啦｡｣

段弦月先拿出黑色信封，取出書信，由於年代久遠，紙張顯得發黃殘舊｡ 他小心翼翼地翻開書信，信上只有短短幾行字，簡潔清晰｡

｢致 兒 段弦月:
當你看到此信時，大概已聽聞關於我實行的政策｡ 以下是實施政策的兩大原因｡
第一，資源分配嚴重不足，弱肉強食之政策能讓社會人口減少，以降低資源消耗｡
第二， 弱肉強食之政策，順應自然淘汰機制，為社會保留精英份子，以延續人類文明｡
望兒能理解｡
此外，假若世界安定太平，再沒饑民挨餓，不再民怨四起｡ 那就放棄盛宴吧，賭注風險太大了，不值得為它賭上全人類｡｣

閱畢，他把書信合上，喃喃說:｢弱肉強食，咁樣同原始人，同動物有咩分別?｣

段世言見他神色有異，便問:｢封信...有問題?｣

段弦月搖頭，順手拿出白色信封，說:｢冇咩問題｡｣

接著他從信封中拿出書信，同樣是久遠發黃的紙張，同樣是簡潔的幾行字｡

｢致 兒 段弦月:
以下所說之事甚為離奇，但請務必相信｡
你並非我之親兒，而是來自陽星，在某一晚上降臨於地球上｡
此事我所知不多，甚是不解，或許你的隊友能解答一二｡
信封裡附有一張照片｡｣

書信的內容直把他帶到九霄雲外，久久未能回神，心中滿是不解｡ 待冷靜過後，他按指示拿出信封裡的照片｡

照片中是一個嬰孩，臉上淺印著一個圖案｡ 十字圖案從中間破裂而開，正是小加所贈徽章上的圖案｡

段弦月震驚不已，冷汗直流，連忙把書信合上｡ 他拿起茶杯，想喝一口熱茶，卻不慎把茶杯摔碎｡

段世言一驚:｢伯父...你冇野呀嘛?｣

段弦月擠出一個微笑:｢我...冇事，呀唔好意思｡｣他看著地上破碎的茶杯

｢啊唔緊要，最緊要你冇事，我幫你執返佢｡｣

｢啊唔洗，我自己黎得啦｡｣段弦月阻止他，接著俯身收拾茶杯碎片

此時，虛空中傳來廣播聲音:｢各參加者注意，請儘快返到太空船上，比答覆我同準備下一場遊戲｡｣

段弦月看一看段世言，發覺並無異樣，看來廣播沒有傳到他耳中｡

段世言見他看著自己，甚是奇怪，便問:｢咩事?｣

｢冇咩，係呢，我阿爸...即係你阿爺有冇墓之類? 如果有既，我想去一去，之後就要走啦｡｣

段世言想了想，說:｢有，講起上黎我都好耐冇去拜過阿爺，不過...你咁快又要走啦?｣

｢嗯，有啲手尾要搞埋佢｡｣

｢又去救世界?｣段世言意味深身地笑一笑

段弦月愣了一下，接著微笑道:｢嗯，個世界依家先真正須要我去救｡｣

----------------------------------------------------------------------
星月無光，夜幕之下立著一個石碑，滿佈灰塵，雜草叢生，顯然缺乏打理｡ 石碑上簡單刻著｢段煬之墓｣四個大字，沒想到這裡便是曾經叱吒風雲的聯合元首最後的歸宿｡

｢阿爺，好耐冇黎睇過你啦｡｣段世言拿著大剪刀，清理墳墓周圍的雜草

｢世言｡｣段弦月語氣凝重，說:｢你怕唔怕死?｣

段世言愣了一下，接著說:｢唉，我都一把年紀，死唔死都冇所謂啦，有咩好驚?｣

｢咁你啲仔女呢，你啲孫呢? 你怕唔怕佢地死?｣

他遲疑了一會，然後說:｢怕，梗係怕，佢地仲好後生，好多野未經歷過｡｣

｢咁如果比你揀，你會寧願佢地死，定寧願佢地做一隻惡魔?｣

這次他沉默更久，甚至放下大剪刀｡

過了良久，他終於說:｢如果做一隻惡魔，同生活喺地獄有咩分別?｣

段弦月笑了笑，眼見雜草已清理得七七八八，便說:｢嗯好啦，我仲有啲野想同阿爸講，你走先啦｡｣

｢咁好啦，你自己識走架啦?｣

段弦月''嗯''了一聲｡

段世言點點頭，便打算離去，剛踏出幾步，突然回頭問:｢伯父，我地會再見嗎?｣

段弦月想了想，說:｢唔會，唔會喺呢個世界再見｡｣

段世言點點頭，便拄著拐杖離去，這一次，他沒有再回頭｡

待他遠去後，段弦月便走近墳墓，伸手一抹上面的灰塵，說:｢阿爸，你延續左人類既文明，但係你將佢地變哂做惡魔，呢樣就係你想見到既世界咩?｣

｢你叫我放棄盛宴，話有可能令到人類滅亡，但係你要全人類活喺地獄入面，咁樣有意思咩?｣

這次，是段弦月第一次反思作為救世主的意義｡ 到底他真正應該拯救的，是人類的生命，還是人類的心性呢?

他站起身來，仰望著被烏雲密佈的夜空，星光雖被掩蓋，但待烏雲散去，終會重見天日｡ 只是，屬於人類文明的烏雲，會有散去的一天嗎?

｢安倫格!｣他向天說道:｢走啦，我決定繼續參加盛宴｡｣

爆左好多文, 比我抖返一兩日

難得有心理描寫

初頭幾正

今日一口氣追晒 幾好睇

開始好睇

推

push

寫得唔錯

推

承上啟下得幾好

但主角個動機比我感覺似
一個傳統既死老野接受唔到新思想就係都要搞尻人咁款

我覺得呢個都係遊戲一部份嚟

其實大會個神會唔會唔知男主角唔係地球人呀？ 咁都比佢化代表地球參賽？

新讀者lm

由0到live
而且係上咗連登咁奶睇嘅第一篇文
支持
btw想問鹽魚玩呢個game之前幾歲

sor 其實係2day 前only
問完立即見到個答案

正 留名推