[科幻/奇幻]我参加了一場遊戲，賭注是整個地球

文呢...做哂野..等追

Lm

今日應該出唔到住
btw可以留意返#296

lm

不孝男主寧願殺老豆都唔燒野

文呢...做哂野..等追

今日應該出唔到住
btw可以留意返#296

慢慢出唔洗急 加油支持

今晚晏少少有文了
多謝各位忠實讀者繼續推post

推爆佢

魔神的盛宴 第七章 不存在的賭注

遊戲剛剛結束，參加者們要麼垂頭喪氣，茶飯不思，正盤算著該如何彌補這次的失敗，又或是該如何拯救自己的星球；要麼嘗試放鬆心情，放空一切，好好享受一下這得來不易的閒暇時光｡可是，在房間樓層的盡頭，28號房間裡，卻有一群人在密謀一些不為人知的計劃｡

｢大哥，我地既隊伍依家剩返五個人，而且大部分人都淨係遇贏得一場遊戲，得一個贏左兩場，跟住落黎就係盛宴既後半部，我地點算呀.....?｣那人在房間內來回踱步，神情十分焦急

其實不止是他，房間內大部分人都表現出跟他一樣的擔憂，在他們奇形怪狀的臉龐上滿是後悔和焦慮｡

其中被稱作''大哥''的外星人，他全名為泰山厄滋勒，以下略稱泰山，他的體型十分龐大，臉龐也是在地球人眼裡十分醜陋的類型，不同的是，他的臉上卻沒有半分焦急，不慌不忙道:｢唔係仲有三場咩，莫講話贏左一場，就算一場都未贏過都仲有機會可以完成盛宴既條件｡｣

這句安慰說話卻完全起不了作用，眾人眼裡都只有恐懼與懷疑，其中一人說道:｢但...但係真係有機會咩，後半部三場遊戲唔係咁易控制到｡｣說話的正是在第一場遊戲裡欺騙並帶領''人陣營''的參加者到阿朗房間的人，人稱成小子｡

泰山想了片刻，接著道:｢的確冇機會｡｣

這句話讓本已人心惶惶的房間更添一分凝重，泰山見狀便笑了笑，接著道:｢因為我地呢到有內鬼｡｣

這話不僅震驚那些奇形怪狀的外星人，就連一直站在角落，默不作聲的美貌少女也不禁面露異色｡

過了片刻，泰山便站起身來，慢慢走向美貌少女，說道:｢卡娜，你咁聰明，不如你估下係邊個?｣

卡娜抬起頭來，直視著他，美麗的眼睛裡依然透著過人的自信，她說道:｢我唔知道，不過聽你既語氣，似乎已經有啲眉目｡｣

｢係呀，而且嗰個人仲係我最信任既人｡｣泰山的眼神裡透著恨意

｢噢?阿朗唔係已經被你踢走左啦咩?｣

｢阿朗? 我從來冇信任過佢，互相利用既關係姐｡ 乜你真係唔知內鬼係邊個咩，卡娜｡｣

｢唔知｡｣

｢乜精靈星有演藝學院既咩?｣

｢冇，你想講咩?｣

｢咁點解你做戲咁好既?｣

氣氛立時凝重起來，過了一會，卡娜才說:｢所以你係懷疑我?｣

泰山慢慢返回自己的座位上，拿起杯子，喝了一口，接著道:｢唔係我想懷疑你，係所有野都太巧合啦｡｣

他接著問成小子:｢我地第一場遊戲既計劃係點樣失敗架?｣

｢係因為嗰個地球代表，佢喺間黑房到走甩左，佢好似叫......段弦月｡｣

泰山點點頭，續道:｢我已經''星際導覽''查過，地球人並無夜視功能，亦都冇超強既第六感，想喺一間完全昏暗又混亂既房入面走到出去，幾乎係冇可能｡｣

眾人只是聽著，沒有作出回應，包括卡娜也是｡

泰山續道:｢不過算，就當佢咁犀利可以走到出去，但係佢竟然識得走去一個最隱蔽既死角位度匿埋? 根據''星際導覽''記載，地球係第一次派代表黎參加盛宴，換言之，好大可能係有一個上屆參加過，而且好熟悉太空船結構既人帶佢去｡｣

｢咁又點?｣卡娜說道:｢首先，你呢個只係推測，第二，我地呢到有邊個係上一屆冇參加過，但係你淨係懷疑我?｣

｢哈哈....真係越睇你越好戲，如果盛宴有得選視后我一定提名你｡｣泰山接著道:｢好，我地就先唔講呢樣，我地講下最後精彩既一幕｡｣

此時眾人都憶起當天的情景，在最後的五秒鍾，卡娜在廣場內狂奔抓捕段弦月，眼看正要捉到之際，段弦月竟來個急身轉彎，避過了卡娜的飛撲｡

泰山續道:｢一個地球人係冇可能有咁既反應同能力做到，即係話一定有人暗中幫佢，咁到底係邊個呢? 有能力做到既人.....唔通係安倫格? 唔合理，佢身為主持人冇理由會咁做，咁就只係淨返......｣

他先停頓一下，說道:｢我聽聞過精靈族既人天生就有控制風既神力，雖然去到今日已經弱化左好多，但都仲可以借助風既力量跑得好快，亦都可以....比如話，利用風力將一個人突然轉向｡｣

到了這個地步，卡娜已是百口莫辯，但無所謂，反正她從來也沒有打算要辯解，她一開始加入隊伍也只是為了更加確保勝利，但即便只有自己一個，她也有信心勝出比賽，拯救頻危的精靈星｡ 現在反而更好，她能更自由地接近段弦月，不用怕被他們發現而步步為營｡

她冷冷一笑，說道:｢原來你從第一場遊戲開始就懷疑我，點解唔一早就揭穿我?｣

｢或者係因為我一直呃自己呢個只係猜測，但係即將就要進入盛宴既後半部，我唔可以再冒任何風險｡｣

｢嗯，你估得啱，我的確係出賣左你地，既然你已經知道左，咁我留喺到都冇意思｡｣

正當卡娜準備離開，踏出房門之際，泰山說道:｢其實我今日講咁多野唔止係想逼你現形，而係有一件事我好好奇，我一直唔明出賣隊伍對你有咩好處，講到尾佢都可以幫你增加勝出既機率，唔通就係為左嗰個段弦月?｣

｢你就當我好在乎佢啦｡｣

泰山頓了一下，續道:｢你知唔知點解我一直以來最信任你? 我信任既並唔係你既人品，而係你對於勝出比賽，對於拯救自己星球既嗰種....病態既執念，我太了解你，喺你心目中，無野重要得過你既星球｡｣

卡娜愣了一下，接著道:｢咁就代表你唔夠了解我｡｣

｢係咩?｣泰山轉頭看著她，那玲瓏曲緻的誘人身形，傾國傾城的絕色容顏｡

他續道:｢乜你為左你既種族，唔係咩都可以出賣既咩?｣他露出一抹奸邪的笑容，雖然在他的審美觀，卡娜並不美麗，甚至可以說是醜陋，但是他卻知道，卡娜在某些地方是很有市場的｡

卡娜雖覺受辱，但依然保持冷靜，只是冷冷一笑｡

泰山見她不回話，便站起身來，慢慢走近她，並說道:｢你知唔知道，我用''星際導覽''翻查地球既資料嗰陣，亦都順便查埋精靈星既資料，你估下我發現左啲咩?｣此時他已經走到卡娜面前

｢唔知｡｣卡娜冷冷道

｢我咩都發現唔到呀!｣泰山的語氣中帶有嘲笑的意味，他續道:｢原來你個星球除左啲歷史資料之外，已經咩都冇哂啦，卡娜，你知唔知原來你既星球已經變左粒死星啦....吖唔係，唔可以叫星球，應該叫做一舊巨型既球狀岩石｡｣

泰山的每字每句都如雷電般打在卡娜心上，這是她懂事以來，第一次有想哭的衝動，淚水已在她的眼眶打轉，只須多一句話，眼淚便會如崩堤般湧出｡

她的星球，是她心裡唯一和最後的防線，她不能容許任何人侮辱｡

房間內眾人都十分震驚，而卡娜則是緊握著拳頭，聰明的腦袋忽然閉塞，不知該說些什麼｡

泰山續道:｢我咁講唔係要嘲諷你，畢竟我地在座咁多人既情況都唔比你好得幾多，只係有一樣野好奇怪｡ 相信大家都知道魔神的盛宴既基本精神係咩｡｣

眾人都明白泰山所指的是什麼，魔神的盛宴是一場遊戲，是一場帶有賭注的遊戲｡

泰山續道:｢賭注，但係你既星球上面幾乎連一粒塵都冇，你又搵咩黎賭呀?｣

｢唔關你事!｣卡娜開始失去冷靜，她感覺自己一切的秘密都要被他看穿

泰山繼續說:｢但係你仲可以參加遊戲，所以一定係用左其他野黎代替賭注，我估嗰樣''其他野''....一定係同個地球人有關係呀可?｣

說到這裡，卡娜的心幾乎已經停止跳動，幸運的是，泰山停止了，沒有繼續說下去｡

｢你講完啦可｡｣卡娜表面鎮定，但心裡總算鬆一口氣，這說明他還沒知道事實的全部

｢講完啦，雖然依家仲未可以肯定個地球人同''其他野''既關係，不過我想提醒你，你走左之後最好唔好同我地過唔去，如果唔係就算我對付唔到你，我應該都仲有能力對付嗰個地球人｡｣

卡娜想了片刻，接著道:｢好，我地以後河水不犯井水，你唔搞我同個地球人，我亦都無興趣理你地既計劃｡｣說畢，她便俓自離開了｡

卡娜離開後，泰山愣在原地，站了好半天才回過神來｡ 其他人不明所以，只有泰山自己知道，剛才的一幕比世間一切珍寶都難能可貴，那精靈公主居然妥協了｡

她是如此的冰冷，如此的高傲，若然是平時，在剛才的情況下，她肯定會一言不發地離去，甚至還會被言語攻擊一番，但這次她居然開口妥協了，這簡直比摘下天上的星星還難｡

想到這裡，泰山突然大笑起來，笑聲彷彿響徹整片天地，他感到無比高興，因為這樣更證明了那地球人的重要性｡

嘔心瀝血了

加油

掂

推呀

好睇留名好睇留名

推多一下

樓主加油

支持