[科幻/奇幻]我参加了一場遊戲，賭注是整個地球

他把玩了一下，接著便把它放下，然後拿起第二先進的紙片型智能手機，是三十多年前人們追求輕巧放便下的產物｡

｢就呢部啦｡｣段弦月微微一笑，如果問為什麼要選它，只能說是因為它處於中間，而且比較接近自己的年代

他按下''聯絡人資訊''，裡面只有一個''聯絡人''，而且還是一些亂碼｡ 雖然心中有點不安，但他還是爽快地按下｡

｢叮~~叮叮~｣電話傳來悅耳的音樂，似是節錄自音樂盒

過了片刻，便有人接通了電話｡

｢喂?｣段弦月有點緊張

｢喂｡｣

咦，這是誰的聲音? 是認識的人嗎?

｢我叫段弦月，你係...?｣

手機裡頭傳來一下笑聲，聲音的主人應該是一位上了年紀的婦人｡

｢小月，你唔記得我啦?｣

段弦月從腦海中翻了遍，一個依稀的容貌浮現出來｡

｢烈姨?｣他掩蓋不了心中的震驚，道:｢點解會係你?｣

段弦月自幼母親便失蹤，父親又忙於工作，所以從小便把他交給外人照顧，而此人便是德烈夫人，因此他們的關係像是母子般，但是段弦月一直不喜歡她｡

德烈夫人道:｢做咩呀，聽到喺我即刻唔開心? 唔係因為你，我洗咩聽呢個電話，我同你講過幾多次.......｣

她一直說，一直說，把她的那些大道理從頭到尾說一遍，還把段弦月罵得體無完膚｡ 這便是段弦月討厭她的原因，她自小對他十分嚴厲，動不動便是打是罵，雖然段弦月長大後明白她浪費唇舌也是為自己好，但就不能有一刻像個慈母一樣嗎?

｢好啦好啦，烈姨，我地時間唔多，做左正經野先好冇?｣段弦月忍不住打斷她

｢我同你講過幾多次，唔好叫我烈姨，叫我德姨或者......｣

德烈夫人似是想起自己接聽電話的目的，於是語氣一轉，說道:｢嗯，差啲唔記得左，我仲有任務要比你｡｣

｢係咩任務?｣

｢你間房入面有張床，床下底有個盒，你將佢攞出黎先｡｣

於是段弦月便按指示從床底處拿出一個白色盒子，放到桌面上｡

｢烈姨，我拎左出黎啦｡｣

｢好...咁依家打開個盒啦｡｣德烈夫人語氣間有些遲疑

段弦月按指示把它打開，只見裡面全是塵封已久的舊物，每一樣都如利刃般刺進他心裡｡

｢呢啲係.....｣段弦月翻了一下箱子，翻著翻著，淚水不自覺滴下來

｢係你媽媽同哥哥既遺物｡｣

段弦月迅速把蓋子合上，輕輕''嗯''了一聲｡

德烈夫人續道:｢小月，你係時候要放低佢地，佢地在天之靈都會想你開開心心咁生活｡｣

｢唔係! 咩在天之靈姐，佢地只係失蹤左，呢啲係舊物唔係遺物!｣段弦月緊握拳頭，嘗試壓抑著自己的情緒

｢如果你真係相信呢啲只係舊物，咁點解咁多年黎你都唔敢望唔敢掂，係因為你想逃避，你唔想承認佢地死左既事實｡｣

｢夠啦!｣段弦月說道:｢唔好再講廢話，個任務到底要做咩野?｣

德烈夫人輕輕一嘆，接著道:｢個盒有面有一盒火柴，燒左佢地，你就完成任務｡｣

這句話猶如當頭棒喝，如雷貫耳，直擊段弦月的心房｡

｢你...你講咩話?｣

｢我話燒左啲遺物，燒左佢地，你就可以救返地球上所有既人｡｣

段弦月雙手發抖，別說是燒了它，只是讓他看著已經十分難受｡

但現在說的，可是地球億萬生靈，人類千萬年文明的命運，只要燒了它，便能拯救一切｡

｢段弦月！你仲諗乜野，錯過左今次機會可能就冇架啦，你記住，由你參加呢場盛宴開始，你就唔止係段弦月，你仲係代表住整個地球，你係有責任對天下人交待，所以你唔可以再好似以前咁軟弱，咁感情用事！｣

燒了一堆塵封的遺物，換回整個地球，這對任何人來說都是一個簡單的選擇，但對段弦月來說，這代表著斷絕跟親人們的最後一點聯繫｡

他止著氈抖的手，慢慢把蓋子打開｡

一張舊照片，紀錄著他母親和兄長的容顏，燒了之後，大概再過幾年便會淡忘了吧｡

他取出裡頭的火柴盒，點燃起一根火柴｡淚水已經模糊了雙眼，幾乎看不到火柴的形狀｡

----------------------------------------------

｢段弦月，你燒左未？｣德烈夫人急忙問道

段弦月把火柴扔在一旁，說道：｢我做唔到｡｣

他下不了手｡

｢你。。｣德烈夫人氣急敗壞道：｢你係咪痴線？原來我教左１９年，竟然教左個白痴出黎！｣

｢烈姨｡｣段弦月道：｢就算我完成唔到呢個任務，我仲有三次機會，唔一定會輸｡｣

德烈夫人冷笑一下，道：｢你連咁簡單燒左啲遺物都做唔到，你會做到其餘三樣咩？我越黎越唔明點解你爸爸會要你黎參加盛宴，你根本就冇作為救世主既覺悟，咁樣只會害左全世界｡｣

｢對唔住，拜拜｡｣
段弦月不待她回應便掛線｡

他平復一下心情，看看掛在牆上的倒計時鐘，時間尚餘半小時，看來要盡快了｡

他隨便拿起了最古老的按制型手機，手掌又開始氈抖，大概是心裡害怕接下來的任務｡

｢砰!｣一不小心，手機便滑落地上

他嘆了口氣，俯身撿起手機，按了幾下，發覺沒有反應｡

｢喂，唔係跌一跌就壞左下話｡｣他多按幾下，嘗試重啟手機

｢切，又話咩樂k亞3320手機跌極唔爛，傳說黎架原來｡｣他抱怨道

他放下那台壞手機，接著目光落在剩餘的兩台手機上，這意味著只剩下兩次機會了｡

他小心翼翼地拿起第二古老的觸屏式智能手機，按下''聯絡人資訊''，依然只有一個聯絡人，依舊是一串亂碼｡

他按下它，悅耳的音樂傳來｡

｢叮~~叮叮~｣

｢喂?｣傳來的是一把女聲，十分熟悉的聲音

｢喂，你係....星辰?｣

那少女全名葉星辰，是段弦月的兒時玩伴，也是唯一的朋友｡

葉星辰''嗯''了一聲，續道:｢弦月....｣

她一時之間也不知道該說什麼，畢竟，他們已經很多年沒見，自從她決定要參與外星殖民計劃，成為延續人類文明的先驅者，她便與地球的親人朋友斷絕了聯繫，終日流離在宇宙某處，以星辰為伴，飛船為家｡

沉默的氣紛持續了十秒鐘，最終還是由段弦月打破:｢星辰，你...最近過得好嗎?｣

｢四年以黎，我每日既生活都係一樣，紀錄，計數，食飯同訓覺，得閒既時候就寫下日記，冇咩過得好唔好｡｣

｢嗯｡｣

｢咁你呢?聽聞你同我一樣，都身處緊喺外太空｡｣

｢嗯嗯，而且目的都同你一樣，要拯救我地既世界｡｣

｢我知道，但係你就比我容易得多，只要完成一個任務就可以｡｣

葉星辰把話題拉回遊戲的任務上，氣氛頓時變得更加沉重｡

段弦月苦笑一下，道:｢係，咁我地就講返個任務啦，我要做啲乜野?｣

｢弦月，你知道作為救世主係意味住啲咩嗎?｣葉星辰突然說出這話

段弦月愣了一下，剛才德烈夫人好像也問過類似的話｡

｢救世主就係要拯救世人，唔係咩?｣

｢咁如果為左拯救世人要違背你既意願，捨棄你既原則呢?｣

段弦月從來沒有想過這個問題，一時間不知如何回答｡

｢我唔知道｡｣

｢弦月，如果你冇咁堅定既意志，你係完成唔到我既任務｡｣

段弦月知道星辰說的話從來都是經過深思熟慮，十分精闢準確，如果她這樣說的話，大概.....

｢你講左先，或者我會做到呢｡｣

葉星辰沉默了片刻，接著道:｢你見唔見到衣櫃隔離擺左把電鋸?｣

段弦月看了看，衣櫃旁的確放著一把電鋸｡

葉星辰續道:｢拎起把電鋸，將你隻左手鋸落黎，咁就完成任務｡｣

段弦月如晴天霹靂，額上冒出冷汗，用刀把手劈下來已經十分痛苦，還要用電鋸，這種痛楚絕不是一般人能夠承受｡

｢你...你講笑下話?｣

葉星辰笑了笑，道:｢我話左啦，你唔會完成到任務｡｣

｢咁....如果係你你會做到咩?｣

｢我會!｣葉星辰說道:｢莫講話鋸一隻手，就算要千刀萬剮我都願意!｣

｢你...你痴線架，唔係你要做你梗係咁講啦!｣

葉星辰再次笑了笑，道:｢我會唔會做根本唔重要，因為我唔係救世主，但係你係，所以你有責任咁做｡｣

段弦月頓時百感交集，她這話是什麼意思，為什麼每個人都說責任責任，他們大概忘記了，他從一開始根本就不想當什麼救世主，他是被迫的，他到底有什麼責任，有什麼義務要犧牲自己來成全他們!?

他盡量冷靜下來，道:｢葉星辰，我冇你咁高尚既情操，我根本就唔想玩咩遊戲，更加唔想做救世主，再講，呢個地球大家都有份，唔通其他人就冇責任咩? 憑咩要我一個人承擔，點解咩都係我錯?｣

氣氛沉默起來，過了片刻葉星辰才道:｢你啱，你冇錯，冇人可以怪你，只係你唔適合參加魔神的盛宴｡｣

再過了一會，葉星辰續道:｢如果你決定左既，咁收線啦｡｣

此時，廣播突然響起:｢時間尚餘十五分鐘，重複一次，時間尚餘十五分鐘｡｣

沒有時間再爭辯了｡

段弦月說道:｢星辰，對唔住，我完成唔到你既要求｡｣接著便掛線了

係咁多

巴打咩事
btw多謝你先, 我認得你係其中一個會成日幫我推post既人

希望多啲人推post

希望樓主出多d

今日仲未夠咩

燒嘢最容易，都做唔到...

男主係廢jer

巴打咩事
btw多謝你先, 我認得你係其中一個會成日幫我推post既人

呢邊出文好快好感動

咁下個call就切左條廢jer佢啦

以男主性格我估佢會即刻cut線

咁唯有係咁意推下啦

推

推

好睇
有d似恐懼鬥室

文呢，推推

開頭都覺得幾好睇 但第三個遊戲唔知咩事 無啦啦勁大段文字黎講歷史
本身覺得個題材幾新穎 第一個遊戲都幾好 第二個遊戲就開始hea 第三個遊戲就真係唔知做乜鳩 如果係主要寫鹽魚同其他星球人明爭暗鬥 同埋主要講返本身嘅角色會好啲

我嘅感覺一樣，花幾萬字講漢末背景，然後乜都冇做完咗。

會唔會越黎越難要切埋