[科幻/奇幻]我参加了一場遊戲，賭注是整個地球

Hello darkness my old friend, I've come to talk with you again

巴打可唔可以寫翻情報販個故 好想睇落去

推推

出快啲得唔得 好好睇

輕輕一推

推

魔神大人出現了

遲啲可能會出返個重制版
但係點都會完埋呢個先

正評是動力

sound of silence

｢哈，小妹妹，呢個係叫''魔神的盛宴''，就算真係有條咁既規矩，都自然可以由魔神，即係我去更改啦｡ 更何況我只係同佢講兩句，唔會影響到遊戲進度｡｣

｢你...要留佢喺到都可以｡｣小加畢竟還是明白現況，不宜硬碰硬，於是便說:｢但係我要一齊留低｡｣

｢唔得｡｣

｢咁.....｣

｢唉｣魔神臉色一變，續道:｢同你地講道理都係冇意思｡｣接著他便直視著段弦月的眼睛

段弦月與他的目光對上，頓時感到暈眩，他的目光極其深邃詭秘，彷彿包含著整個宇宙，甚至是宇宙外的一切，超越所有物質和時間｡ 過了片刻，他便進入了另一個空間｡

他揉揉眼睛，只見這裡什麼也沒有，只有無盡的空間，在他面前出現一個身影，正是魔神｡

｢呢到係?｣

｢呢到...你可以叫佢做小宇宙，時間同空間喺呢到都無意義，過左一分鐘，等於過左一千年，亦都等於過左一秒鐘; 行十步，等於行一百步，亦都等於行一步，所以你唔須要擔心你既遊戲時間會被打擾｡｣

段弦月點點頭，然後問:｢咁你帶我黎，係想做咩?｣

｢頭先咪講左，想同你敍舊｡｣

｢唔好玩我啦，我點會有幸認識魔神大人你呢?｣

魔神笑了笑，說:｢你唔識我，但係我識你，我甚至比你自己更加了解你，你放心啦，我唔係要你做啲咩，只係想親眼見你一面，同埋聽下你既故事｡｣

段弦月只覺事情越發離奇，簡直讓人一頭霧水，他問道:｢咩故事?｣

｢一切既故事，由你有記憶以黎既所有事，越多細節越好｡｣

段弦月愣了一下，道:｢你...你到底想點?｣

｢你有冇聽人講野架，我話我要聽關於你既一切｡｣

什麼鬼啊，如果要把他人生中所有的細節都說一遍，至少要說個一天一夜，更何況他的人生十分普通，除了參加魔神的盛宴外，沒有半點戲劇性｡

魔神彷彿看穿他心中所想，於是便說:｢你就算講幾耐，外面既時間都唔會過，但相反如果你唔講，我係唔會放你出去，你就準備永生永世留喺呢到，同埋我唔會要你白白浪費唇舌既，等你講完之後，我會同你講返關於''極樂園''既資訊，就當係等價交換｡｣

段弦月暗暗嘆氣，其實一切根本都不由他選擇，他只能服從｡

｢既然係咁，我就盡量講啦，你唔嫌悶就得，um...首先我有個同母異父既阿哥，我媽媽係家庭主婦，我阿爸係國家元首.......｣

他一直說，一直說，把他人生中能憶起的一切都說了出來｡ 剛開始時就連他自己也覺得沉悶，但魔神卻像遇到什麼有趣的故事似的，聚精會神地聆聽著，眼神裡充滿好奇和雀躍，到後來連段弦月也被他所感染，越說越起勁，越說越精彩｡ 就是這樣，不知過了多少個日與夜，他終於把所有的細節說完｡ 神奇的是，他完全不覺得口乾舌燥，也不感到疲累，看來小宇宙裡是沒有這個概念的｡

｢....跟住最後我就被你帶左黎呢到，就係咁多啦｡｣

說畢，魔神突然鼓掌，說道:｢好!果然好精彩!｣

段弦月尷尬地笑了笑，說:｢你誇張左啲啦｡｣

｢唔係呀，好有趣，只係....同我預期有啲出入｣魔神的神情看似有些疑惑

｢有啲出入?｣

｢噢...唔係，我既意思係我估唔到你地既生活係咁樣既姐｡｣

段弦月點點頭，想來也是，他畢竟是神，生活自然和凡人不一樣｡ 想到此處，段弦月心裡突然泛起一個疑問，他看著眼前的魔神，經過一輪相處，他心底裡覺得魔神也不如想像般生人勿近，於是便嘗試問道:

｢咁...你地神既生活係點架?｣

魔神愣了一下，接著才說:｢神...對你地黎講我地係神，但係其實對我地自己黎講，我地只係普通人，所以你唔須要將我地既形象想像到咁神話化｡｣

我們?難道說他們有很多個? 甚至是一整個種族? 那安倫格算是他們的一員嗎? 無數疑問浮現在腦海裡，段弦月感覺自己的世界觀受到強烈衝擊，也許真實世界遠超他想像範圍｡

他突然出現一個天馬行空的想法:｢其實你地係咪好似啲科幻片咁，只係一啲超高文明既外星人?｣

魔神笑了笑，道:｢唔係，算啦唔好諗，你呢一世都唔會理解到我地既世界....或者咁講，如果你有朝一日真係理解到，咁喺你面前既，就係無盡既痛苦｡｣

段弦月甚是不解，但既然魔神無意說明，他也不便追問｡

｢好啦，多謝你將你既故事講比我知，我亦都會信守承諾，你有啲咩關於''極樂園''既野想知，即管問啦｡｣他說道

對了，段弦月也差點忘記，他可以問魔神一個問題｡ 他低頭沉思，嘗試設想一個最具建設性的問題，思前想後，最終決定問道:｢你知唔知道我地要搵既''寶物''到底係咩?｣

這是他能想出最有價值的問題｡

預告一下, 個故好快會進入高潮部分

哇屌你好正呀
push!!!!!

點正法

文啊

因為入高潮所以正

推呀推~~~

突然令我諗起星矢omega, 個魔神唔通就係月嘅真身? 魔神想體驗下做人，洗咗自己記憶落咗地球?

推

推

點解魔神唔知道魔神的盛宴嘅？
我是來推post的

亂估時間：月自己先係魔神