白日夢才子
2018-10-23 20:04:09
「寶物?」魔神想了片刻,接著道:「雖然我唔肯定,不過喺''極樂園''入面稱得上係''寶物''既,應該只有.....」他突然停頓下來
「咩事?」段弦月問道
「你地要佢黎做乜野?」麼神表情凝重
「呢層...我都唔知,遊戲規則淨係話要將佢帶到一間湖邊小屋入面。」
「淨係咁樣?」
段弦月點點頭。
魔神沉默了片刻,然後說:「佢係一個....蘋果,你淨係知道呢樣野就夠,記住唔好亂咁搞佢,搵到之後直接拎去小屋。」
「唔好亂咁搞個蘋果?」
「佢...唔係真係一個蘋果,只係蘋果形狀既機器,佢...你當佢係一個高科技產物,記住唔好掂上面任何制,明白未?」
「噢....」
「我問你明白未呀!?」
「明...明白。」
魔神點點頭,接著道:「好啦,你走啦,見你故仔講得咁好,我就做多次好人,幫你跳過哂所有沉悶既情節,直接送你去最精彩既時間點。」
「下....最精彩既時間點?」
「唔好咁多廢話啦,我仲有好多野要做架。」魔神做出一個手勢,看似要施展什麼法術
「等...等一陣,我地會唔會有機會再見?」
段弦月衝口而出,他從小只有葉星辰一個朋友,更從沒試過把自己的事情向人和盤托出,在無形間漸漸跟魔神建立了連繫,此刻,他完全忘卻了人神之別,只把魔神當作一個朋友。
魔神微微揚起嘴角,那如夢似幻的笑容不可能跟''魔''字連在一起,他說道:「或者啦,如果真係有機會,我地好快...好快會再見。」
段弦月露出疑惑的表情,只因他太過強調''好快''二字,不像是客套說話。
魔神續道:「我記得你地地球人有一句說話,''洞中方一日,人間已千年''。」
說畢,魔神和小宇宙一同從段弦月的視線中隱去,彷彿消失於世界上。
洞中方一日,人間已千年。
白日夢才子
2018-10-23 20:46:15
魔神的盛宴[後半部] 第十三章 最精彩的時間點
段弦月緩緩睜開眼睛,四周傳來淡淡的草青氣味,環視一番,這才發覺自己正平躺在石路上,小宇宙無盡的空間感早已消失,換來的是一片清新漂亮的田野。
「鹽魚!」不遠處傳來一聲叫喊,他微微一笑,只因這聲音總能為他帶來溫暖
不久,小加已跑到他身旁,慢慢扶起他,問道:「你冇事呀嘛?」
段弦月見他眉頭緊皺,一副緊張忑忐不安的神情,不知為何有想笑的衝動,於是便道:「我冇事,其他人呢?」
此時,隊伍其他成員也趕到,卡娜率先說:「我地仲以為你返唔到黎。」
段弦月笑了笑,說:「放心啦我冇事,係呢,呢段時間發生左啲咩事?」
卡娜回道:「喺你比魔神帶走之後,我地喺原地等左一段時間,發覺你仲未返黎,我地就走左。」
「哼」成小子說道:「如果唔係佢堅持要等你,我地一秒鐘都唔會等。」他怒視一下小加
段弦月看一看小加,心中滿是感激,而小加則是瞪了一下成小子,沒有作出回應。
「好啦好啦」泰山插話道:「既然佢都返左黎,冇必要再拗,係呢,魔神有冇同你講啲咩?」
「佢淨係同我講左個寶物係一個蘋果形既機器,算係係一個高科技產物。」
「一個蘋果...」泰山思索了一會,接著道:「仲有冇其他?」
段弦月想了片刻,突然想起了一個與遊戲無關的東西,魔神好像說要把他傳送到什麼最精彩的時間點.....
此時,他們眼前突然出現了一群人,應該是其他參加者,那些人看上去不懷好意,似是故意擋著他們的去路。
「你地係?」泰山問道
為首的人回道:「我地係第二隊既人,想黎問你地借啲野。」
「借啲咩?」
「你地既藏寶圖。」
此話一出,段弦月等人立刻提高警戒,氣氛頓時凝重起來。
泰山不慌不忙道:「每隊都有一張藏寶圖,你要我地嗰張做咩?」
「實不相暪,我地隊入面有個叛徒,佢有保護色,佢出賣左我地,拎走左張地圖,到依家我地都未搵到佢。」
「咁你地繼續搵個叛徒啦,要借地圖既,恕我地愛莫能助。」
為首的人搖頭道:「既然呢到有張現成既,咁就唔搵啦。」
泰山瞬間眼冒怒火,沉聲道:「咁你既意思係,你要搶我地張地圖?」
「唔係唔係,唔係搶,係借,等我地搵到個寶物之後,就會還返比你地。」他背後的隊友也竊笑起來
「哼」泰山說:「睇黎你好有信心可以搶得走喎。」
「搶野係我地最在行既事。」
此時,兩隊的人都嚴陣以待,激烈的衝突將隨時發生。
「段弦月。」卡娜突然在段弦月耳邊說道:「一陣我拉你走既時候,你唔好再反抗,唔好再諗,知唔知道?」