[科幻/奇幻]我参加了一場遊戲，賭注是整個地球

今日出一篇

推

今次唔好好似上次漢朝個遊戲咁虎頭蛇尾喇

推
樓主讀緊咩？
考試加油呀

應該唔會
今個game已經構思好哂, 差在未寫

多謝
Engine仔

係好文采既engine仔

Lm

Thank you!

鳩估 月係咪耶穌
魔神應該有好多個分身？

push

沉左
推返上去先, 今晚會出

即刻推返先

Push

文呢！！live左

pish

再推

｢咁個紅點係....｣小加喃喃道

｢個紅點係咩唔重要，最重要係搵出真正既藏寶地點｡｣卡娜說道

此時段弦月想起魔神說過的話，於是便說:｢魔神話過佢係一個蘋果....咁會唔會...｣他掃視一遍地圖，然後指著上面一個地方，續道:｢會唔會喺個水果園入面?｣

眾人皆知魔神口中的蘋果只是一個機器，因此這個想法未免牽強，可是在毫無線索的情況下，這似乎是最合理的｡

｢好啦，就咁話｡｣卡娜說道，小加也點頭表示同意

於是，他們一行三人便沿著林間小路，一直往水果園方向前進｡

流光易逝，轉眼間黑夜已無聲無息降臨，眼見紅日將沉，新月初昇，他們便打算在附近尋找一個歇腳處｡

｢夜晚啦，我地等聽朝再趕路啦｡｣卡娜說道

拖著疲倦的身軀，段弦月和小加走到一棵參天巨樹下，依靠樹幹而坐｡ 不久，卡娜也坐到段弦月身旁，沒想到，樹幹的闊度竟足夠三人平排而坐｡

待坐定後，小加突然問道:｢鹽魚你估呢個世界係咪真既呢?｣

｢.....我都唔知，不過如果係真既，唔知我地又喺咩星球上面呢｡｣雖然嘴上不承認，但他心裡總覺得不是真的，只因這裡的一切過於美麗，猶如身在夢境一般，｡

｢但係我就希望佢唔係真既｡｣小加續道

｢點解既?｣段弦月疑惑道

｢因為如果係真既，咁呢度總有一日會變成好似我地既星球咁，一片頹垣敗瓦，咁以後就唔會再見到咁靚既景色｡｣

段弦月轉過頭，細看著她，只見她美麗的側臉下彷彿藏著淡淡哀傷，段弦月不願看到她這個樣子，於是便說:｢唔會既，我地既星球係因為有智慧生物，有科技發展，所以先會搞到咁｡｣

接著他便指一指眼前飄過的螢火蟲，續道:｢呢到只係得呢啲小動物，頂多加埋魔神，所以佢唔會好似我地既星球咁｡｣

豈料小加卻搖搖頭，說道:｢唔係咁樣架，就算一個星球冇人，冇科技發展帶黎既污染，佢一樣會滅亡，只係遲與早既問題｡｣

她說的話不無道理，段弦月也無從反駁，別說是區區一顆行星，即便是宇宙也終有煙消殞滅的一天，畢竟世上沒有東西是永恆的｡

段弦月''嗯''了一聲，點點頭｡

此時，一直保持沉默的卡娜突然說:｢我...行開一陣｡｣

｢....你又要去邊?｣段弦月問

卡娜咳了一聲，說:｢我...好快返｡｣說畢便俓自離開了

段弦月雖感疑惑，但也沒有多加阻止｡

｢唉...又係咩都唔講低就走，你記住唔好學佢咁｡｣段弦月抱怨道

｢鹽魚｡｣小加一改口吻，認真說:｢卡娜佢又靚又聰明，好得人中意呀可?｣

段弦月冷不防，回道:｢你..你講咩呀，係就係，不過佢太冷漠啦，好似一舊冰咁....｣

｢咁我問你，如果有一日，我同佢一齊遇到危險，你會救邊個，捨棄邊個?｣

段弦月愣了一下，額上出現一滴冷汗，畢竟他遇到的是世紀難題，傳聞是從百多年前開始流傳，至今無人能解，葬身其手下的冤魂更是不計其數｡

他嚥了一口水，說:｢咁...咁梗係你啦，依家都未到夏天，我拎舊冰返去把鬼咩...哈哈....｣

｢答錯｡｣小加揚起一抹微笑，說:｢正確既答案係救佢｡｣

｢下...｣段弦月看不穿她的笑容

她頓了一頓｡

小加說:｢佢...雖然我唔中意佢成日痴住你....但係無可否認，佢比我更有價值，更幫到你｡｣小加別過頭，遙望著遠方的繁星，說:｢所以如果真係有咁既一日，你記住要揀佢｡｣

｢......｣段弦月無言以對，看著她，只覺他們之間的距離忽近忽遠

他說:｢哈...講埋啲咁既野，唔好諗啲假設問題啦，就算真係有呢一日，我兩個都唔會放棄，你睇下....我有兩隻手架嘛，一隻手捉住一個，唔洗驚會救少左｡｣

｢呢個笑話....一啲都唔好笑｡｣

段弦月乾咳了兩聲，尷尬地低下頭｡

小加笑笑道:｢你唔記得啦，盛宴既第一日你就已經想揀佢做同伴，嗰時你仲好唔中意我添，所以你要堅持自己既選擇，亦都....唔好令我後悔當初由佢手上搶走左你｡｣

一點點回憶突然湧上段弦月心頭，還記得當初小加是一個擁有綠色皮膚，比史力架還醜的外星人，物換星移，日月如流，現在她卻成了一個可愛動人的少女，想起來那時距離現在也不過是一星期左右，但已是恍若隔世｡

係咁多

小加