白日夢才子
2018-10-09 18:54:08
段弦月愣了一下,然後看看首領。
首領說道:「你出去啦。」
「但係.....」
「你放心啦。」這句話卻是出自小加,她依舊露出天真無邪,讓人安心的笑容,說道:「你爸爸留喺到唔會有咩事既。」
段弦月看到他們的表情,也就點點頭,接著轉身離去,畢竟他們也是他十分信任的人。
他離開後,首領率先問道:「你到底係咩人? 個徽章上面既圖案.....你做咩呀?」只見小加突然走近他,眼神裡透著一種讓人不安的感覺
說時遲那時快,小加已走到他的床邊,接著把翻譯項鍊一併套到他頸上,然後說道:「呢個係翻譯器,咁樣我地先溝通到。」
「嗯,你到底係咩人? 徽章上面既圖案係咩黎?」
「係我星球既標誌,相信你喺十九年前都見過啦。」
首領回憶起十九年前的晚上,那是一個寧靜的晚上,微風陣陣,萬里無雲,無數繁星包圍著一彎弦月,於是他便為那天從天上降臨的嬰孩,取名為弦月,而那嬰孩的臉上卻印著與徽章相同的圖案。
首領續道:「所以,弦月係你地星球上既人?」他已經猜出了個大概
「係,佢係陽星人。」
這一句話,終於解答了首領心中多年的疑問,彷彿一切都明朗了,但還有一個問題:
「但係點解佢會黎左地球?」
小加想了片刻,說道:「你唔須要知道,你淨係要知道,我唔會比你傷害佢。」
「我點會傷害佢? 就算佢唔係我親生,我都當佢係我個仔,更何況如果我要傷害佢,我就唔會將聯合政府既真實想法話比佢知。」
小加搖搖頭,道:「你好了解佢,你知道佢唔會因為聯合政府既想法而害地球,你的確好愛佢,但係你唔會為左佢而捨棄地球。」
首領沉默,也許她說出了自己真實的想法。
小加續道:「但係我唔同,為左佢,我可以捨棄任何野,包括陽星。」
說畢,她便拿回翻譯項鍊,轉過身來,遙望著漫天星辰,深邃的宇宙彷彿是一場永恆的黑夜,而在那永夜的盡頭,埋藏著一段刻骨銘心的回憶。