[科幻/奇幻]我参加了一場遊戲,賭注是整個地球

1001 回覆
267 Like 31 Dislike
2018-11-07 18:22:27
Push
2018-11-07 22:23:44
唔好意思呀咁多位
因為篇故有啲野要修改, 所以今日出唔到
聽日會一次過出多啲
2018-11-07 22:24:13
btw負評數量突然急升
2018-11-07 22:48:22
pish
2018-11-08 06:37:17
繼續推
2018-11-08 10:08:19
好撚想睇呀
2018-11-08 12:12:09
魔神的盛宴[後半部] 第十七章 極樂的終結

日落西山,紅日的餘暉把湖水映照成一片金黃色,此情此景,倒有幾分繁華落盡之意。 段弦月他們帶著得來不易的寶藏,終於回到了遊戲指定的起始點,湖邊小屋處。

「只要將寶藏放埋入小屋,我既任務就完成啦。」段弦月轉過頭,對卡娜說:「卡娜,點講都好,唔該哂你。」他只覺心裡有種苦盡甘來的滋味

卡娜微微一笑,說:「等你贏左之後,我總算少一個後顧之憂。」

段弦月點點頭,猶豫片刻,問道:「你估...我地有冇機會再見呢?」

卡娜回道:「如果我地兩個都贏到,精靈星隨時歡迎你黎,不過,前提係你要有能力過到黎。」

段弦月微微一笑,說來也是,以現時人類的技術,想要去一個如此遙遠的星球,恐怕是不可能。

他笑笑說:「咁我就用冬眠技術,等到一百年,二百年之後,再去搵你。」

卡娜冷笑一下,說:「我先唔會等你咁耐。」

段弦月也只是微微一笑,把玩一下手上的''蘋果'',將它拋弄起來。

「喂你小心啲....咦..?」卡娜輕輕皺眉,疑惑道:「呢個係咩黎?」

她看著段弦月手中的''蘋果'',發現他並不是那個寶藏,而是一個貨真價實的蘋果。

段弦月說:「啊,你話呢個呀,呢個係喺水果園入面摘架,我見佢又大又紅,於是咪摘一個落黎囉,你睇下,睇落係咪好吸引,好想咬一啖呢?」他撫摸著那個蘋果,如獲至寶般

卡娜哭笑不得,說:「成日做埋啲無聊野....」轉瞬間,她語氣一變,問:「咁真嗰個呢?」

「你唔洗咁擔心,我收好左喺褲袋入面,你睇下。」段弦月指一指自己後褲袋

卡娜一看,只見他屁股處微微突起,感覺十分滑稽,不禁''唧''一聲笑出來。

她說道:「你摘完落黎又唔食,拎住佢做咩?」

段弦月微微一笑,意味深長說:「水果要等到成熟先好食,依家未係時候。」

說著說著,他們距離小屋只剩下幾米之遙,懷著滿腹希望,段弦月的腳步不知不覺急速起來。

然而,眼前突然出現一個人,讓他們停下腳步。

「咁急既,想去邊呀?」
說話的是一直在隊伍裡沒什麼存在感,但總是讓段弦月心生戒備的阿朗。
2018-11-08 12:12:49
「阿朗? 你竟然識得返黎呢到,睇黎你由一開始就冇打算去搵寶藏,而選擇黎呢到,守株待兔。」段弦月說

「唉...呢到啲路迂迴曲折,又冇地圖喺手,如果唔係一開始就刻意記低條路線,我真係返唔到黎呀陰公。」阿朗微笑道,他那張天真無邪的臉孔下,不知埋藏了多少心計

段弦月冷笑道:「幾聰明呀,但係就憑你一個,就想搶走寶藏?」

「唉呢啲野話唔埋既,不過我反而有啲好奇,你地兩個咁....即係諗住邊個拎個寶藏入去?」阿朗托起下巴,露出疑惑的表情

段弦月聳聳肩,說:「唔好再講廢話,如果你係想搶既就過黎搶,唔係既我地就過去啦。」說畢他們便動身往小屋方向前進

「阿月,你睇野就係睇得太表面,第一場遊戲算你好彩,不過今次就未必啦。」阿朗笑笑道

「仲想逞口舌之快,有意思咩?」

「你望下你後面啦,阿月。」阿朗說

段弦月和卡娜同時往後一看,這才意識到事情並不簡單。 只見阿灰的隊伍和泰山等人都站在後方,在這群惡人之中,還有一個讓段弦月牽腸掛肚的少女。

「小加!」段弦月喊道

眼見她衣服殘破,滿身傷痕的樣子,也不知背後受了多少苦,他頓時目眦欲裂,緊握拳頭,想衝過去把她搶回來。

「你唔好亂黎呀!」阿灰環抱著虛弱的小加,拿起尖樹枝對著她的臉

段弦月強忍著怒氣,說:「你到底想點,你唔好唔記得盛宴上係唔可以殺人。」

「哈,我梗係記得啦,你比十萬個膽我都唔敢殺佢,不過呢,如果你再行前多步,我就劃花佢塊面,又或者插盲佢對眼,你....應該唔捨得架可?」接著他便用尖端輕輕在小加臉上劃過

「唔好!」段弦月驚惶道:「你...你到底想點?」

「哈哈哈......」阿灰大笑起來,說:「開頭我仲以為你地之間只係利益關係,但係估唔到你地竟然係真心想幫對方,真係又好笑又感動,哈哈.....」

當初阿灰等人打死也不相信他們之間並無利益關係,直到阿朗突然出現,告訴並勸喻他們以小加作人質,回到起始點守株待兔。 起初他們還半信半疑,直到後來,也許是被寶藏被奪的廣播逼急了,又或許是他們實在是想不出其他理由,總之,回到起始點等候的方案看似是最穩妥的。
2018-11-08 12:14:04
阿朗開口道:「好啦唔好再笑啦,仲唔快啲叫佢用寶藏黎交換人質?」

經他提點,阿灰也瞬間回過神來,咳了一聲,說:「地球人,如果你唔想佢繼續受苦,你就快啲交出你既寶藏。」

此時,小加勉強張開氈抖的嘴唇,說:「唔...好...比....」

聲線雖然虛弱,但卻清清楚楚傳到段弦月耳中。

阿灰鎖緊她的脖子,怒道:「你收聲!」接著轉頭對段弦月說:「你好快啲決定,我冇咩耐性!」

「好。」段弦月不假思索,說:「我比你。」

在他身旁的卡娜立即拉著他的衣袖,說:「段弦....」她的話被硬生生打斷

而打斷它的,竟是一個陌生的眼神。 段弦月直視著她的眼睛,輕輕搖頭,他的眼眸裡透著異樣的靈彩,竟連卡娜也給震攝下去,卡娜突然意識到,他不同了,不再是從前那個軟弱、幼稚,須要她牽著手去拯救的小孩子。

她不自覺對他產生了信任。

段弦月微微一笑,轉過頭,面向著阿灰等人,拋弄手中的''蘋果'',說:「只係一個蘋果姐,唔值得我用佢條命黎交換,你地想要既,就攞去啦。」

卡娜這才驚覺他手中的只是一個貨真價實的蘋果,並不是什麼寶藏,難道說,他從一開始就已經預算了現在的事?

阿灰露出疑惑的表情,說:「真係? 你是但攞舊野出黎就話係寶藏,我地點信你?」

段弦月冷笑道:「寶藏我就拎左出黎,信不信由你地,不過,如果你地真係想求證,你地大可以問下泰山同阿朗,我係咪一開始就已經同你地講左,魔神講過個寶藏係一個蘋果? 如果話我呃你地,咁唔通咁早之前我就預料到呢一步?」

阿灰他們都看著泰山。

泰山想了想,說:「係,佢的確好早之前就已經講過寶藏係一個蘋果。」他轉頭對段弦月說:「但係你話過佢只係一個蘋果形狀既機器。」

「係呀,魔神的確係咁同我講,所以我諗呢個應該係一個機器。」段弦月看著蘋果,裝作十分疑惑

阿灰冷笑一下,說:「咩應該,你呃鬼呀,你話佢係機器呀嘛,好呀,你試下禁個制,或者啟動佢證明比我地睇。」

段弦月把弄一下它,接著說:「我唔識啟動喎,不如等我地交換左之後,你自己研究下。」

「你係咪玩野呀!」阿灰怒道,順勢在小加的臉頰上劃出一道血痕

段弦月強作鎮定,只怒目而視,說:「呢樣係神物,你估係普通機器? 我唔識啟動又有咩咁出奇。」

「哼。」阿灰把樹尖移到小加的眼睛前,說:「咁你即係證明唔到啦?」

「停手!」段弦月厲聲道,把蘋果拿起來,語氣一轉,說:「吖,你估呢個蘋果堅唔堅固既呢?」

阿灰說:「你又想玩咩呀?」

「無,」段弦月在地上拾起一塊尖石,說:「你知啦,話就話神物姐,都唔知會唔會爛架嘛,如果我用舊石打落去,佢碎左既話,安倫格會唔會接受一件....唔係,係一堆寶藏碎片呢?」

阿灰眼神略過一些異樣,但也沒有立時作出反應,反而是其他的隊員開始起哄。

「喂你冷靜啲.....可..可以傾下既。」
「冇必要搞到咁呀....」

那個虐待小加的肥腫人更是差點哭起來,對著阿灰說:「不如我地都係接受個條件啦,我...我一場都未贏過,輸埋就冇架啦。」

阿灰怒道:「你地係咪傻左呀,佢嚇你地咋!」他轉頭對段弦月說:「你係咪真係好想我整盲佢呀!」說畢便把樹尖移得更接近,幾乎能接觸到眼球表面

段弦月看到小加驚恐的神情,也是被徹底逼急了,說:「你敢傷佢一分,我即刻同你玉石俱焚。」說畢尖石也碰到蘋果表面
2018-11-08 12:14:23
出左
2018-11-08 12:48:14
主角終於做到野了
2018-11-08 22:47:21
魔神覺醒!
2018-11-09 02:01:04
push
2018-11-09 14:39:27
好想睇文呀
2018-11-09 15:12:20
2018-11-09 17:24:56
lm
2018-11-09 19:45:44
咁我地一齊繼續推
2018-11-09 20:37:08
文呢
2018-11-09 21:27:18
2018-11-09 23:14:31
阿灰怒視著他,神色間帶著幾分驚恐,內心似乎有些動搖。

段弦月續道:「你自己諗下,你贏左幾多場比賽,一場? 兩場? 就算你已經贏左兩場,你就有信心黎緊嗰兩場一定可以贏到? 你諗清楚,依家既情況,我輸既最多係一個我愛既人,但係你輸既係你既星球,你既種族呀!」

阿灰額上不停流著冷汗,眼球竟已佈滿紅絲,看似是陷入了激烈的思想掙扎。 一方面他總覺得事有翹崎,另一方面他確實不想冒著''寶藏被毀''的風險。

氣氛僵持了大約兩分鐘。

最終,阿灰重重嘆了口氣,說:「好,我答應你既條件。」

段弦月也鬆一口氣,說:「好,你慢慢行過黎。」

於是阿灰便脅持著小加,慢慢往前行走。

可惜,事情總不會那麼簡單,他們倆在情急之下,都自然地忘記了一樣東西,人性。

「喂! 你過去? 咁件寶藏咪比你攞左,你當我地傻架!」其中一人說
「係囉,憑咩係你過去!」
「你估你真係大佬呀!」

眾人慢慢向阿灰逼近,包圍著他。

「你...你地做咩呀?」阿灰情急之下把小加鎖得更緊

小加吃痛咳了出來。

段弦月見狀立即道:「喂全部同我散開,唔係我即刻打爛佢!」

眾人聞言立即散開,段弦月接著對阿灰說:「仲有你,枝樹枝移開啲,隻手同我鬆開啲。」

此時一直在旁默不作聲的阿朗突然說:「哈哈....今次難搞啦,阿月你打算點做呀?」

其實不用他說,段弦月也明白到,現在已經達成了一個奇妙的平衡狀態,只要稍有不慎便會被打破,無論對任何一方來說,後果也不堪設想。

這一次,他該怎麼辦呢?

正自苦惱間,他突然感到身旁有異動,未待反應,手上的蘋果已在電光火石之際,被搶奪過去。

反應過來,只見卡娜已拿著蘋果往外逃去,此時眾人也已反應過來,都急忙去追趕卡娜,就連阿灰也無暇再顧及小加,隨便把她扔在地上,便跟隨眾人追捕卡娜。

「段弦月,你太信任我啦。」卡娜最後說出了這句話,那自然是說給阿灰他們聽的,讓他們不多作猜疑

眾人遠去後,段弦月不禁苦笑一下,本來他以為自己有能力應對好一切狀況,沒想到最後還是要依靠卡娜。
2018-11-09 23:16:53
文呢屌你
2018-11-10 00:48:18
真嘅蘋果仲喺段弦月度
2018-11-10 03:22:57
女主好醒



作者真心唔錯,我完全可以喺腦到想像到女主嘅形象,我好鍾意呢種女仔
2018-11-10 11:30:09
女主好醒



作者真心唔錯,我完全可以喺腦到想像到女主嘅形象,我好鍾意呢種女仔

邊個女主?卡娜?
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞