[科幻/奇幻]我参加了一場遊戲，賭注是整個地球

好多人問
遲啲會重出, 不過點都完呢個先

Push

推

push

之前個遊戲如果佢肯燒咗啲遺物就一早搞掂晒啦。

其實唔係用亞當肋骨造女人

係恥骨

追哂

Push

一早燒左就冇故睇喇

仲有後面嘅大陰謀同特大陰謀要講 XD

係咩, 我印象中之前查過係肋骨既

冇咁多陰謀
淨係得一個特特大陰謀

又話出多篇 live既感覺好難受

由細到大認知係肋骨
早幾年有文獻釋出係恥骨 但班耶撚改曬
所以人類無恥骨

樓主你個標題係咪打錯左
應該係參加唔係参

原來係咁

好似係, 你唔講我都冇留意

魔神的盛宴[後半部] 第三十章 救世主法案

段弦月回到地球之時，正是中午時份，烈陽高照｡ 與他心中所想的頹桓敗瓦不同，這裡的建築､景物倒是和他走前差別不大，甚至更平靜安寧｡

街道兩旁有小店鋪進行買賣，路上雖人煙稀少，但他們都十分守秩序，逛街的逛街，散步的散步，看似井井有條｡ 與自己的時代相比，這裡感覺更和諧一些｡

｢救世主｡｣屏幕的男子出現在眼前

｢叫我段弦月得啦｡｣

｢都係一個稱呼姐，我地以往開會討論呢個法案既時候，都係叫你救世主，叫慣左啦｡ 救世主，呢邊請啦｡｣接著他便帶領段弦月前往會議場地

半路中途，不遠處突然傳來一下槍聲｡

段弦月受驚，轉過頭去，只見一名少年倒臥血泊上，一個婦人怒氣衝衝，帶著手槍，走到少年身旁，罵道:｢死乞衣仔，想偷我串魚蛋呀嗱!｣接著往屍首上吐一口水，轉身離去

｢呢個...究竟發生咩事?｣段弦月震驚，但讓他感到可怕的不是這樁血案，而是路人冷漠的反應，彷彿是家常便飯般，他們只是轉頭一看，便繼續自己的生活｡

段弦月打算去看看那少年，卻被男子阻止:｢救世主，你想做咩?｣

｢你見唔到咩? 佢中左槍呀!｣

｢佢已經死左啦，你救唔到佢，亦都唔應該救佢｡｣

｢你.....｣

｢帶佢走｡｣男子冷冷道，接著身旁的兩個護衛便合力架走段弦月

少年橫屍街頭，路人竟無動於衷，他忽然覺得這個時代比起自己那時，可怕千倍萬倍｡

這個，便是社會的自我調整和修復嗎?

走了不知久多久，他們終於到達所謂的｢聯合理事會會議廳｣｡ 室內呈半圓拱形設計，主席位置處於圓心，在場大概有十餘人，段弦月被帶到一個正中位置｡

｢佢就係救世主?｣
｢好似仲係段煬個仔｡｣
眾人議論紛紛

｢砰砰｡｣主席以小錘子敲桌，說:｢大家靜一靜｡｣

待眾人安靜，他轉頭問段弦月:｢救世主....唔係，你係段弦月先生?｣

｢係｡｣段弦月點點頭

｢相信你應該都知道今次會議既目的，我地想你一五一十同我地解釋''救世主法案''既內容｡｣

段弦月環視眾人，然後看著主席，說:｢喺解釋法案之前，我想首先要求各位，將呢一百五十年黎發生既事，話比我知｡｣

眾人嘩然，有人更是直接拿出手槍指著他｡ 段弦月對此景也不覺震驚害怕，他早知道這個時代的人習慣刀劍相向，稍有不滿便會提槍而至｡

但是他們不會殺他｡

｢大家冷靜｡｣主席喊道

他們不會輕易殺他，因為他是唯一知道法案內容的人，如果死了，這個塵封法案大概便會被無了期延續下去，此外，雖然大部分人也不相信救世主之說，但若然他們心裡真的不存在一丁點忌憚，法案早被廢除了｡

眾人聽到主席之話，便也放下手槍｡

｢段弦月先生，可唔可以解釋下你既要求?｣主席問

｢冇咩解釋，純粹想知道，況且呢個對你地黎講都唔係咩為難既事｡｣

｢咁好，你想知道邊一方面既事?｣

｢政治上，一切既大事｡｣

主席點點頭，對帶領段弦月前來的男子說:｢陳德，你係歷史專家，你就同佢講下｡｣

陳德應諾一聲，接著便開始解說｡

從他的解說中，段弦月得知在這一百五十年裡，世界經歷了三次大變革，死傷無數｡ 各國合併為一，統稱｢聯合國際｣｡ 但最讓人在意的，卻是社會道德的變化，殺人竟是被法律允許的，只要你社會地位比另一人高，你便可以隨心所欲殺了他，在教育方面，小孩也從小被灌輸弱肉強食的觀念，因此沒有人覺得殺人是錯的｡

段弦月聽後久久未能平復，過了一會，他冷冷一笑，說:｢弱肉強食，呢啲咁泯滅人性，喪盡天良既政策，係邊個諗出黎?｣

眾人震怒，再次站起來｡

｢冷靜!｣主席再次喊道，然後對段弦月說:｢係段煬，即係你爸爸諗出黎｡｣

推推推

Live

巴打你差唔多睇直播咁濟, 成日都見到你