[科幻/奇幻]我参加了一場遊戲,賭注是整個地球
白日夢才子
1001
回覆
267 Like
31 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
第 41 頁
唐寧瞓教瞓靈堂
2018-09-30 16:13:32
切埋j
白日夢才子
2018-09-30 18:05:12
其實第三隻game我原本係覺得幾有趣所以寫
但寫寫下發覺拖慢左個故事節奏, 所以就刪減左少少野
我知最尾好似係草草了事, 唔知發生咩事咁, 不過劇透少少其實係有d伏線
另外我主要想寫既唔係明爭暗鬥, 主要想寫既係參加者喺呢場遊戲下既心態
後面會多啲提到
btw好多謝你既意見, 你係第一個比咁長篇意見我既人, thx
白日夢才子
2018-09-30 22:42:54
掛線後,他立刻拿起剩餘的全息型智能手機,鼓起勇氣致電給那唯一的聯絡人。
「叮~~叮叮~」依舊是那悅耳的音樂,但此刻卻像催命的死亡樂曲般
過了片刻,聲音傳來:「喂。」
這把聲音,段弦月不用多想,也知道正是出自他的父親,各國首領,段煬。
「首...首領。」
「月,你仲有幾多個任務機會?」
「冇哂,你係最後一個。」
首領頓了一頓,接著笑了笑,道:「原來係咁,咁唔好咁多廢話啦,我地快啲完成任務。」
多麼輕鬆的一句話。
「個任務...係要做咩?」段弦月問道
「你見唔見到檯上面有個紅色按鈕? 」
噢,正是那個一進來便異常顯眼的紅色按鈕。
「見到。」
「禁佢一下。」
段弦月泛起一陣不安,道:「個制係做咩架?」
「放心,唔會有事,禁落去啦。」
段弦月雖然心感疑惑,但還是按下了它。
才剛按下,電話便傳來掛斷的聲音,段弦月急忙道:「首領?爸...?」
話未說完,他面前突然現出一道幻光,一個人影慢慢浮現。
「爸?」
那人影正是首領段煬。
「瞬間移動原來係咁既感覺,同訓覺之後醒返差唔多。」
「原來嗰個制係將你傳送過黎。」
首領點點頭,道:「嗯,因為今次既任務,要我在場先完成到。」
此時那煩人的廣播再次傳來:「時間尚餘十分鐘。」
首領掃視一下房間,接著道:「呢度好似你細個時候間房呀可,只可惜我地已經冇時間坐低,好好咁傾下計。」
段弦月跟父親的關係十分微妙,他十分敬愛他,但卻從來不親近。
「嗯,如果我可以勝出呢場遊戲,或者你就可以放低工作,好好咁休息下。」
「唉...只可惜,呢個願望唔會實現到。」
「唔通又係啲不可能既任務?」
白日夢才子
2018-09-30 22:43:44
首領搖搖頭,道:「唔係,個任務好簡單,只係完成之後,我應該就無福消受一個咁靚既地球。」
段弦月心裡泛起不祥的預感。
「個任務究竟係要做咩?」
首領從腰間掏出一樣物件,交到兒子手上。
是聖戰M666手槍,此槍的子彈十分特別,能在目標死去後自動把屍身氣化,不留半點痕跡,是高科技產物。
「用呢把槍殺左我,任務就完成。」首領說道,神色間沒有半點懼色
經過上兩次的震撼,段弦月此次顯得比較鎮定,說道:「又係要我犧牲,呢場盛宴真係狠毒。」
「你係有責任......」
「唔好再同我講咩責任,呢場盛宴根本就唔係我自願黎參加,我可以有咩責任。」
首領搖搖頭,道:「呢場盛宴或者你係被逼參加,但係今場遊戲唔係,你唔好唔記得,頭先所有元首一致反對,係你自己堅持要參加,你敢話你冇責任?」
段弦月一時語塞,他說的確是事實。
首領續道:「阿仔,我知道咁樣對你唔公平,但我地生於亂世之中,好多時都身不由己,係要犧牲一啲我地重視既野,猶其係你,你由一開始就注定同其他人唔同,要肩負更多既野。」
「我唔明,我到底有咩唔同,我咪就只係唔好彩比人捉左黎囉,到底有咩唔同!」
「唔係咁架,你既故事唔係由參加魔神盛宴開始,你仲記唔記得德烈夫人以前係點樣對你?」
「我梗係記得,佢郁啲就打就鬧,食飯食多左兩分鐘又鬧,讀書記錯左兩個字又鬧。」
「係,但係你知唔知佢本身係一個溫柔善良,溫文有禮既人,係我叫佢要咁做。」
「點解要咁做?」
「因為你本身就同人唔同,所以你唔可以好似其他人咁,你一定要做一個完美既人。」
段弦月霎時悲憤交集,他不明白自己有什麼不一樣,為什麼要被差別對待。
「時間尚餘三分鐘。」廣播再次傳來
下嘛
2018-10-01 00:38:53
主角係咪好似超人咁,其實係外星人,但係由地球人養大?
精靈女咁幫佢,係咪就係睇穿咗佢真身?
食蕉啦朋友
2018-10-01 02:06:46
City
2018-10-01 02:20:58
其實我所指嘅明爭暗鬥係講緊玩遊戲想贏而做出嘅心理變化 例如第一個遊戲 其他星球嘅人為咗之後可以贏而結盟 又或者係之後第二個遊戲唔想出賽而嘈交
另外我覺得遊戲setting方面可以切合個主題多啲 難度性高啲 唔好好似第二個遊戲咁純運氣 甚至其實可以設計到每個遊戲只會得一個人贏
同埋我記得有篇文提過盛宴守則 但我完全唔知係咩黎 呢樣野應該係一開始就講 而唔係寫寫下突然話唔可以殺人
除此之外 我認為應該開始解釋返一啲未明嘅因素 例如嗰隻精靈到底係邊個、之前第二個遊戲完嘅時候有條友提過話叫男主去嘅嗰個地方 同埋我唔明點解打電話比人 人地就會講到個任務出黎 係咪安倫格聯絡過佢地?
最後想講講呢有時會見到你有啲位空白咗 唔知你係咪因爲你唔識個字點寫 但咁樣睇落好奇怪 建議你可以用同音字代替咗先
會窮
2018-10-01 02:38:04
好睇,留名
呼一口寂寞
2018-10-01 09:35:24
明明主角之前都明白越後既比賽可能代價越大
但係玩呢個game就唔識越後做既野代價越高
由燒下舊相到親手殺自己老豆
生性啦主角
白日夢才子
2018-10-01 11:39:04
主角身份呢d咁重要既野就唔劇透啦
如果話精靈女其實可以諗下成個遊戲, 同埋參加者們既處境
白日夢才子
2018-10-01 11:41:46
其實以主角既心態佢係唔會知道今隻game會越後越大代價
因為畢竟拎起邊部電話先係佢自己選
學問
2018-10-01 15:09:27
水泉
2018-10-01 15:45:12
3310咁就壞左
莫非係伏線?
個世界冇哂植物同毀滅冇分別喎
呢個只係第四個game 會唔會代價太大
同埋點解主角會突然咁有信心自己贏到
明明之前佢個心態係贏多一場就得
走青走九
2018-10-01 17:40:26
推一下
白日夢才子
2018-10-01 18:13:46
空白位係唔記得左點寫
諗住轉頭返去寫返,點知唔記得左
下次會注意返
花名乜乜乜
2018-10-01 19:57:17
突然諗下,其實遊戲內容同個賭注冇關係嘅
哈哈笑死我
2018-10-01 20:43:29
推
60cm
2018-10-01 20:46:23
輕輕
白日夢才子
2018-10-01 22:16:58
剩餘時間不多,首領也不想繼續跟他爭辯,於是便說:「好啦唔好再講啦,你快啲開槍。」
「唔...唔得,我做唔到.....」段弦月堅拒道
首領臉色一變,說道:「你係咪傻左,你手上既係全世界既命運呀!」
「唔得....你唔好再逼我,點解點解要我犧牲!」段弦月思緒十分混亂,腦海被憤怒,不甘等負面情緒充斥
首領抓住他的肩膀,力度之大讓他感到疼痛,首領說:「你唔好唔記得,你唔開呢槍唔只係輸左一場遊戲,你仲有賭注架,你係咪想全世界為你去死呀!」
對了,還有賭注,全地球上的植物! 他心裡滿是悔意,也許是為了盡快完成遊戲,也許是抱著僥倖心態,他最終居然做出了這麼愚蠢的決定,賭上相等於全地球生命的賭注,但現在已是追悔莫及。
段弦月緩緩舉起手槍,兩行淚珠從眼角流下來,要知道他手上的物件,不止會奪人性命,還會讓人屍骨無存。
「弦月,你唔再係細路,你要為你自己既決定負責,更何況用我一條命換成個地球,太值得,我都未怕,你怕啲咩?」首領的臉上掛著笑容,就連他自己也不記得,他多久沒有笑過
段弦月抹去眼淚,他第一次明白什麼叫淚如雨下。 但也在此刻,他終於明白為什麼父親從來也不笑,是因為身上肩負著重擔,難得這次有機會讓他完成畢生使命,如果不成全他,大概會讓他生不如死吧。
我,不能再那麼自私。
段弦月收起眼淚,輕輕扣下板機。
「唔好呀!」
一個身影從門口處瞬速跑過來,把段弦月撲倒在地。
「砰!」
那人雖然撲倒了段弦月,但還是阻止不了蓄勢待發的子彈
子彈如惡狼般破風而行,彷彿連房間也連帶震動,威力猶勝一般大炮。 幸運的是,因為那一飛撲,子彈打偏了,只是緊緊擦過首領的左手手臂。
「你做乜野!?」段弦月完全弄不清狀況,待回過神來,定睛一看,才發現撲倒自己的人竟是小加
「你唔可以殺佢!」小加一臉慌張,直視著段弦月
「點...點解唔可以,仲有,點解你會喺到架?」
「我....」小加的眼珠子滾來滾去,似是有所隱瞞:「唉唔好講呢個住,總之你唔可以殺佢,呢個係一個陷阱。」
「陷阱?」段弦月有些不解,但隨即便想起一樣可怕的事實
魔神的盛宴上禁止殺人。
段弦月心頭不禁略過一陣寒風,如果自己剛才真的開槍殺死首領,想必地球也難逃厄運,這個本來就是一個不可能完成的任務。
Neo-eo
2018-10-01 22:33:32
男主
City
2018-10-01 23:47:18
小加㩒咗個紅色制
哈哈笑死我
2018-10-02 09:23:56
早上一推
花名乜乜乜
2018-10-02 09:28:53
唔通而家其實仲喺第三個遊戲裡面??
四川辣王
2018-10-02 09:45:24
輕輕一推
走青走九
2018-10-02 11:31:32
推
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
第 41 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞