大清亡國關慈禧蛋牛治

【149回：大清亡國關 #俄國文學 蛋牛治】

🌹尋晚遊行之後，一直睇直播，年紀唔輕，冇資格響街上捱夜。睇見一切發生嘅事，卻在家中熱血沸騰。尤其是12點前最後十分鐘，成班人入去議事廳抬走四位要留守嘅義士，簡直係盪氣迴腸。邊個話香港冇希望？班20歲左右嘅年青人意志力咁強大，未來充滿希望。

🌹最後和平散去，冇人受傷，感恩，天祐香港。

🌹尋晚最難忘嘅一幕仲有示威者沖入立法局，拉低咗前立法會主席范徐麗泰同現任立法會主席梁君彥嘅畫像在地上踐踏，而中間曾鈺成嘅畫像保持完整，依個畫面有好多潛臺詞。要說「左」，曾鈺成係最「左」嘅一個，即係同中共關係最密切嘅一個，但係點解佢幅畫仲可以留喺牆上？冇畀人噴黑塊面？睇嚟，群眾嘅眼光永遠都係雪亮嘅。你左唔緊要，你信奉共產主義馬克思主義亦都冇問題，只要你真心為香港，唔去做擦鞋仔唔做狗，唔去利用權力貪污自肥。左右政治立場真係冇問題，最緊要係個心夠乾淨。讚👍

🌹今集常公子YouTube Channel，講外國文學，講托爾斯泰，講杜斯妥也夫斯基，亦都講70年代嘅索忍尼辛，最後會講劉曉波。正值香港民主運動風起雲湧之時，俄國文學亦係大部份描寫民間嘅疾苦同政權嘅恐怖，描寫人民渴望脫離壓逼、追求自由嘅聲音，如何在庸俗殘酷的世界裡尋找一點人性的光輝？除咗喺俄國文學裡尋找，亦都可以響現今香港裡尋找。

🌹就是看到這種不滅的光輝，才令人感覺活著有意義……

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/ah2Wn9gpgQw

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

推

【常威近代史】（二百三十二回）
袁世凱平反系列

小説家黃世仲打靶同時，1912年5月，中華民國百廢待興，總理唐紹儀，繼續同外國銀行團商量借錢經營中央政府，但由西方列強組成嘅銀行團代表開出嘅條件係，借錢俾你都得，但係中華民國嘅財政金融必需由佢哋監督（即係管住你啲錢點使同埋點樣還債），西方銀行資本家想繼續用控制清帝國銀根嘅手段控制新生嘅中華民國，唐紹儀拒絕咗，佢同袁世凱深深明白，佢唔可以再做大英帝國白手套李鴻章，再唔可以再將中國嘅銀根俾外國人控制，一定要想辦法自力更生。

中國人行自力更生嘅路，其實非常漫長。到幾時先真真正正自己話曬事？我常公仔可以答你，係1960年之後，中華人民共和國完全還清曬蘇聯外債之後，從此中國先完全脫離蘇聯嘅掣肘，不過付出嘅代價係一場人類歷史上最大嘅饑荒，死餓幾千萬人，呢單嘢總有一日會講。

5月7號，中華民國決議模仿美國，行兩院制，除咗參議院，仲開埋眾議院。

5月10號係一個重要嘅日子，因為當日北京參議院正式統一全國國旗，因為之前各有各做，大家都明白要出嚟做嘢，就要插自己支旗仔。於是乎成個國家有好多支旗仔，每支旗代表一個武裝勢力。10號開始，中華民國統一用「五色旗」為國旗，大家要記住，中華民國國旗係五色旗，並唔係青天白日旗，青天白日旗某程度上係蔣介石自己支旗，青天白日旗取代五色旗嘅一日，亦係代表蔣家皇朝集團黨政合一、極權降臨嘅一日……

中華民國支五色旗，代表五族共和，漢、滿、蒙、回、藏五族，天下一家，同歸「中華民族」旗下，全部係「中國人」（Chinese），而歷史發展到呢處，就係「中國」依個民族國家主權觀念始創嘅一刻。

冇錯，有睇開我常公仔文嘅朋友都會知道，其實當時所謂「中國」（或中華民國、中華民族）嘅民族主權概念，先係啱啱出現（仲要promote）。其實1912年，主權民族國家概念啱啱建立，好多人都唔明白係乜嘢嚟。要記住，當時中華民國仲有98%以上嘅人係文盲，佢哋根本唔明白「共和」或「主權民族國家」係啲乜嘢來。大部分人只係知道，改朝換代了，好似二百幾年前咁，姓朱嘅，換咗姓愛新覺羅。

用另一個講法係，普羅民眾只係知道「皇帝」換咗人，即係統治自己嗰個人，換咗另一個人，由溥儀換咗孫文或者袁世凱。自己仍然係一個被管治嘅人、係「降虜」或者叫「奴隸」都成立。後來，換咗蔣介石做皇帝，1949年，共產黨宣傳隊去農村宣傳中華人民共和國建國了，有啲落後地方用嘅宣傳口號仲係「毛澤東坐殿了」（即係毛澤東坐上龍椅做皇帝了），你唔信，可以翻查歷史。

20世紀初期，對一群愚昧昏庸、知識水平接近零嘅蟻民，談論民族主權國家概念，談論共和政體、談論所謂民主自由議會制度代議政制，其實三個字：「嘥鳩氣」。普羅大眾冇人明發生乜嘢樹？亦都唔明「民族主權國家」同「封建專制王朝」嘅實際分別喺邊處？仲要話人民對國家要有權利同義務，人民係有權參與政治決策（即投票權）？講依啲嘢，就等於你對一個BB仔講牛熊證孖展一樣，佢一定唔撚明。

用咁嘅思路，你就會明白袁世凱點解係1915年玩稱帝，要做番皇帝行君主立憲，其實袁世凱嘅做法，係符合當時中華民國大部份人民嘅實際需要，簡單啲講，袁世凱係明白到中國人需要啲乜？中國人唔係需要民主自由，而係需要一個皇帝，需要有人管住自己，需要條鎖鏈，需要一個籠，需要一個威權！

要睇得明我上述講嘅嘢，要有相當豐富嘅歷史知識先得，一般人只係識得用現代嘅角度去睇過去嘅事物，好多時候會出錯。20年前，如果你同人講用部電話可以睇電視，我諗好多人會話你黐鳩線，情況都係一樣，要真正理解歷史，就要用當時人嘅諗法去代入當時嘅處境，咁先可以得出真相。

中國人永遠需要一個皇帝去管住自己唔好行差踏錯，其實已經根深蒂固喺我哋血液嘅DNA裡面，這種想法，就係叫「奴性」（西方人會明白，因為佢哋冇呢個概念）。今時今日，21世紀嘅香港，奴性嘅嘢，其實都無改變過，祇不過「皇帝」兩個字，變咗「上面」或「領導人」，甘愿為奴，周街都係，110年嘅民主自由教育，其實鳩做又係冇錯。

最後補充返少少所謂主權國家嘅概念：「主權國家必須具有以下結構：在確立個人權利正當性並形成民族認同後，兩者整合為國民觀念和國民權利，經過國民授權（即投票選舉）而合成為國家主權。」（註）

睇唔明？冇所謂，學術嘅嘢就係咁，補充啫。

註：金觀濤、劉青峰、邱偉雲著，【中國現代主權觀念形成的數位人文研究】，香港，原創於《二十一世紀》，香港中文大學出版社，2019年4月號第172期，P50。

#常威 #斷送共和關袁世凱蛋牛治  #袁世凱 #民國歷史

【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

主權國家嘅概念：「主權國家必須具有以下結構：在確立個人權利正當性並形成民族認同後，兩者整合為國民觀念和國民權利，經過國民授權（即投票選舉）而合成為國家主權。

即係北方國民權利被剝奪，講唔上主權國家？
所謂國家只係當權者私人財產

冇錯

【150回：大清亡國關 #俄羅斯 蛋牛治】

🍖衝擊立法會事件發生之後，絕對可以睇到香港特區政府班狗官嘅咀臉。事後唔會好好檢討自己嘅過失，第一時間秋後算賬，發爛渣拉人封艇，執筆之際，已經有唔少年青人被捕；睇嚟特區政府班子，會沿用雨傘運動同旺角事件手段，繼續以司法制度迫害反對者，想繼續以威嚇嘅手段平復社會不滿情緒。佢哋似乎唔明，壓力越大，反作用力就會越大，再有下一次火頭點起，怒火只會燃燒得更激烈。當然成班人都係冇腦嘅，燈蛾撲火，自取滅亡！

🍖香港嘅問題，其實在於官僚主義。做官有做官嗰套嘅想法，完全離地，民間疾苦社會怨氣佢哋一直好少理，最重要係打好自己份工，保證年年升職加薪退休長俸袋袋平安，貪污喺ICAC成立之後，並唔係香港做官嘅文化（亦都有唔少人貪），但高薪養廉，反而助長官威，九七之後，更加變本加厲，官位越大，離地越高。最後徹底同民間割斷，就出現今時今日嘅局面。

🍖做官嘅人同平民，好似身處於兩個唔同嘅平行世界，彼此再無辦法溝通。連日以來，你睇見好多政府官員發表講話，邊一個啱聽？冇！建制之中，亦只有曾鈺成同田北辰敢講幾句真說話。社會大亂，民怨爆錶，就將所有責任推畀市民？自己就無錯？特區政府無錯？西環冇錯？港澳辦公室無錯？中央政府無錯？和平上街遊行嘅市民亦都冇錯？大部份人都冇錯？錯就只係錯在有小部分收咗外國勢力錢一心想搞亂香港嘅暴徒年青人？你班狗官冇撚嘢吖嘛？完全用個屎忽諗嘢！用屎眼去看世界！

🍖如果做高官嘅你仲係一個人，唔係一隻狗。唔該你返屋企用心諗吓點解個社會會有咁多怨氣？好好檢討一下自己，諗吓自己有冇做錯？諗吓將來可以做啲乜嘢實事去補救撕裂？林鄭月娥，我當然知道你諗乜，你認為你自己由頭到尾只係中央政府嘅扯線公仔，上頭叫你做乜你就做乜，心裏面覺得出咗事，其實係上頭嘅負任，而自己只係中間嘅執行者，負任唔響自己身上。但係真實情況究竟係唔係咁呢？你貴為香港特首，一國兩制港人治港50年不變，名義上制度上你嘅權力係可以好大，你可以真心為香港人的福祉去做多啲嘢。

🍖有時候，權力係你自己主動放棄，有時候，權力亦可以主動爭取多啲返嚟，一切事在人為，今日嘅共產黨亦唔係20幾30年前嘅共產黨，佢哋已經唔係一窮二白，唔係吓吓亂嚟，如果你想繼續為香港人做事，唔該認真少少。但如果你個心裏面根本冇香港，祇有北京同倫敦，咁唔該你辭職。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/NDdxnFL3fTM

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

我冇嘢講

【常威近代史】（二百三十三回）
袁世凱平反系列

1912年草創嘅中華民國，係一個政治不穩定、啱啱開始工業化嘅第三世界發展中國家，國內文盲人口仍然超過九成，大部份人居住鄉村，從事低水平低效率嘅農業生產。情況同今日嘅非洲好相似，國內嘅先進工業生產，超過一半以上由外資控制。

由18世紀開始，中國主要嘅出口產品係絲綢同茶葉，去到20世紀初，絲綢茶葉兩者嘅出口數字，仍然占整體出口嘅一半以上（註一）。1902年慈禧新政創立後，帶動國內工業化，出口產品亦開始多樣化，除咗絲同茶，新嘅主要出口貨係大豆及其製品。

其中最重要，大豆主要生產於滿洲地區，中國亦向日本出口大量鐵礦石同埋煤炭，仲有日本人喺中國嘅紗廠生產嘅錦紗，日本帝國係一個嚴重缺乏天然資源嘅島國，佢哋國力同經濟嘅巨大崛起，一定需要有一間大工廠同無數廉價勞工喺背後backup，而中國嘅東三省同埋滿州地區，正正就係日本嘅生存命脈所在。明白這一點，你就會明白日本點解長期插手中國事務，點解要資助孫文同黃興搞革命？你亦會明白（偽）滿洲國點解會建立？你亦會明白之後中日戰爭點解會發生？

馬克思講，政治就係經濟，經濟就係政治本身。

當時日本同中華民國嘅關係，就係日本當X咗中國嘅東三省係一間附屬大工廠，幫佢哋生產所需商品同坐大國力。到咗今時今日，情況都係一樣。美國點解要發動貿易戰？並唔係純粹貿易逆差嘅問題，貿易逆差，用美元資助中國發展，已經係1989年64事件後，老布殊總統（喬治布殊老豆）率先打破國際禁制中國所制定嘅基本國策（註二）。之後，中國成為咗美國嘅大工廠，生產美國人所需要嘅低端產品，記住，只係低端產品，其實大家互惠互利。

情況改變，一來係中國（或中共）變得越嚟越有錢，到處收購美元資產。最重要嘅係，中國開始生產高科技產品，美國只需要你生產低端產品，因為高端產品係由美國專利製造，而今日中國開始掌握「技術」同「科技」。呢個係美國唔願意發生嘅事情，你老母你做就做鞋，學乜撚嘢人做5G手機？全世界人用嘅手機，只可以食我個蘋果，同埋玩我附庸國南韓生產條三叔。小米華為，no way啊。

我上述講嘅嘢有冇依據？單就智能手機市場而言，你睇吓，以日本作為世上第三大經濟體系強大嘅科技技術力量，都唔可以創造一個手機品牌加入國際市場一齊玩，你就知道其實成個局係美國人背後完全操縱。我常公子以前都唔明，但年紀大咗，真係好清楚。智能手機係目前主宰天下嘅絕世武器，點解南韓三叔可以做到？日本唔可以做到？原因就係，日本同南韓都係美國嘅附庸國，大家要收老細order做嘢，捧起南韓，亦有抑壓日本嘅作用。

大家又記唔記得，幾年前當你三叔條J玩到夠大，超越apple嘅時候，就整單碌七爆炸你嘆吓。最後蝴蝶效應，搞到三叔總裁同南韓總統朴槿惠要坐監你就知道，一切都唔係表面咁簡單。

今日發神經，越扯越遠，仲有一單屎料要同大家補充。中華人民共和國嘅崛起，有一個好重要嘅因素，叫大慶油田。中國一直冇石油生產，工業當然唔能夠起飛。但係1949年中共建國以後，有一個傳說，就係中國有一個地方有豐富嘅石油資源，美國人千方百計想知道呢件事係真係假，佢哋國內反動嘅麥卡錫主義者甚至認為中國響度吹水，但中國就一直隱藏大慶油田嘅秘密，有傳說話，當時西方世界嘅中國地圖，係冇「大慶」呢笪地方，直至1960年，中國順利響大慶開採石油，年產量達到4000-5000萬噸，仲係世界十大油田之一，美國人同全世界先嚇一跳。

中國能夠生產石油，亦都係中國完全脫離蘇聯制肘、真正自力更生嘅最重要原因，大慶油田響邊？喺黑龍江省，即係東三省，亦即係滿洲地區，亦即係之前滿洲國內。點解所有嘢都咁巧合嘅？我大膽去推測，20世紀初期，好有可能響東三省經營多年嘅日本人一早已經知道咗呢個驚世秘密，所以全力support溥儀建立滿洲國，不惜一切死咬住東三省唔肯放，甚至同你蔣介石發動戰爭亦都在所不惜。

我讀馬克思主義，最重要讀到一樣嘢，就係講政治唔能夠唔講經濟，唔講生產。純粹嘅政治表述，有時候同鳩噏完全冇分別。

註一：費正清編，《劍橋中華民國史1912-1949上冊》，北京，中國社會科學出版社，P145。

註二：1989年六四事件發生後，全世界杯葛中國，向中國實施貿易禁運同經濟制裁，但同年9月先行打破禁令，卻係美國總統老布殊。由於美國決定唔再制裁中國，於是全世界跟隨。

#常威 #斷送共和關袁世凱蛋牛治  #袁世凱 #民國歷史

【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87




【常威近代史】第二部《中國一百年前的第一次改革開放》實體書正式上架！

「愛情是可以戰勝一切。每個人都曾經這樣想，曾經。」── 《三界LUCIFER 01》三島悠亞

*《三界LUCIFER 01》下周上架

我冇嘢講

【151回：大清亡國關 #黑仔 蛋牛治】

🐙沙俄亡國之君尼古拉二世的確係地獄黑仔王，條命生得唔好，羅曼諾夫300年皇朝毀於佢手上。老實講，亦唔係佢一個人錯曬，佢本身執政能力唔算太差，沙俄帝國係畀兩場戰爭拖冧，第一場係1905年嘅日俄戰爭，第二場就係1914年第一次世界大戰。第一次世界大戰，係一次全球性政治大洗牌，收皮嘅唔單止係沙俄帝國，仲有奧匈帝國同埋鄂圖曼帝國，當然仲有德皇威廉二世，即間接製造咗驚世狂人希特拉。

🐙林鄭月娥都係運氣唔好，逃犯條例搞到呢個從來民望最高嘅女特首，一下子民望跌到谷底，而且之後嘅日子，亦都好難會翻身。睇嚟上面對香港自由嘅蠶食，只可以逐小逐小嚟，廣東俗語所謂鬼鬼鼠鼠偷番薯，唔覺唔覺偷DD，今日偷小小，明日偷小小，日積月累，密食當三番，想一嘢偷曬，應該好難。

🐙有陣時，就最憎依種偷呃拐騙、瞞天過海、做咗你都唔覺嘅行事手法，其實一個人，如果唔係太窮，讀過下書，應該有小小自重，有小小人格，都唔應該去偷呃拐騙。有陣時，係對人唔對事，唔係憎嗰件事，係憎你個人。好似蛇齋餅粽，行咗幾十年，你唔厭我都厭，但偏偏繼續有人用依招賄選，其實好不撚知所謂。

🐙蛇齋餅粽嘅手法，其實係代表主理人嘅高傲，因為喺佢哋眼中，所謂選民、所謂平民百姓、只係一班毫無智慧、從來不知政治為何物、鍾意貪小便宜、用小小利益就可以收買嘅低等動物。幾十年前可能都得嘅，但今時今日，繼續食老本，固步自封，唔肯同時代向前行，下一次立法會選舉，繼續用蛇齋餅粽，一定輸到焦頭爛額。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/bulqDOhWFzg

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】（二百三十四回）
袁世凱平反系列

1912年6月，成個中華民國仲係立立亂，袁世凱主導嘅北京政府總理唐紹儀，拒絕咗西方銀行家集團嘅貸款協議，中華民國中央政府仍然冇水。另一方面，由於唐紹儀係一個留學美國嘅真西人，佢真係想搞完全西化嘅「責任內閣制」，佢採取與同盟會合作態度，提議喺內閣中多用南方人，但袁世凱堅持喺每個重要部門安插北洋舊人，嚡…又係南北之爭，加上佢同外國銀行鬧僵，最後好人唐紹儀頂唔順袁世凱，15號憤然辭職。

所謂「責任內閣制」，其實從來冇喺中國政治出現過。仲記唔記得香港早十幾年講過三屍十一局，要每位司長部長（話要）承擔政治責任，但係你睇吓，從來冇高級公務員因為行政過失而辭職或下臺，即係從來冇人肯承擔過任何政治責任，就算彈出嚟認吓錯都好撚少。中國人搞政治，係我嚟管你，我並唔係嚟serve你。永遠我係大你係細，我叻過你有權力過你，所以從來只有我玩你，冇你玩我，領導永遠是對的，有事領導要走先，呢種心態唔改，中國人嘅政治格局就永遠只有走向極權一面。

改？邊有得改架？DNA嚟架大佬！

唐紹儀辭職，換上陸徴祥（1871-1949）做總理，陸徵祥都係一個真西人，佢係一個神父，又有一個比利時籍老婆。同日，袁世凱亦都取消咗真國父黄興「南京留守」嘅職位，同同盟會嘅分裂，再升一級。

國父孫文，好多人叫佢做「孫大炮」，今日同佢平反吓。

孫大炮個名，係因為好多人話孫文辭去臨時大總統下野、去咗廣州避風頭後，袁世凱叫佢搞鐵路項目，於是乎佢就吹大個波，講出一啲無可能實現嘅鐵路大計，唔小心露咗隻階磚3底牌，所以俾人唱佢孫大炮。

查實真相係，孫文從來冇參與過乜嘢實質鐵路計劃。孫文只不過喺1912年6月25號接受《大陸報》記者採訪，提出咗中國鐵路嘅建設構想，個構想好簡單，就係響成個中國建立一個巨大嘅鐵路網。佢只係發表佢嘅意見，記者採訪，大家吹下水，你又講我又講冇責任架，個個都係咁做架啦。孫文亦從來無實際參與過任何鐵路建設計劃，當其時中國鐵路項目揸Fit人仍然係詹天祐。

但係呢篇花邊新聞報導，就令到後世人將佢叫做「孫大炮」，其實孫文都幾無辜。呢件事，亦都反映咗好多人對近代史嘅認知程度，其實都係一pat屎……想屌國父，都揾錯料呀你……

而且講真，孫文點會有興趣搞鐵路項目呢？佢嘅抱負、佢嘅目標係政治，係至高無上嘅權力，鐵路呢啲濕碎嘢，佢一定唔會放係眼內。佢支大炮，只會用嚟射政敵鳩袁世凱！

陸徵祥上臺，即刻同六國銀行講掂數，簽訂巨額借款協議，卑躬屈膝就卑躬屈膝，鬼叫你冇錢咩？統一時間，沙俄同大英帝國繼續玩嘢，6月尾，流亡印度兩年幾嘅13世達賴喇嘛圖登嘉措（1876-1933）重返西藏，英帝國印度殖民地當局，認為時機成熟，鼓勵圖登嘉措號召西藏各地嘅上層建築（即親英分子）發動叛亂，驅逐漢人，插雪山獅子旗仔，要玩「西藏獨立」。

中華民國建立咗都未夠一年，就有人要搞分裂活動？咁唔X得嘅，於是乎，7月頭，袁世凱任命四川都督尹昌衡為川軍西征軍總司令，並致電風流英俊嘅雲南都督蔡鍔全力支援，與川軍聯合，入藏平亂！

個結果唔駛諗都知，袁世凱你啱啱先響北京同大英帝國猶太人銀行家借咗錢，爭咗人人情喇屌……又窮又要威，又唔想戴頭盔，個世界邊有咁著數？


【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【152回：大清亡國關 #馬克思主義者 蛋牛治】

🙉俄國係世界上第一個建立共產主義政權嘅國家，響1917年嘅舊世界，無疑係一個大壯舉，係一場開天闢地大變化，因為當時全世界冇人見過共產主義呢個概念成為現實，但係終於成為現實。有人信佢work，信奉佢能夠擺脱整個世界所有嘅不公平同階級剝削，從而將人類帶入一個美好嘅烏托邦世界；又有好多人唔9信，認為共產主義將會係人類歷史一場最大嘅人為災禍，情況非常兩極化……

🙉到咗今日，共產主義差唔多進行咗100年嘅臨床實踐，或者我哋叫人體實驗，Work唔Work？大家心知肚明，世界上最大嘅兩個共產主義國家俄羅斯同中國，最近十幾年已經完全轉右，行番資本主義市場經濟。目前整個世界上，真正履行共產主義嘅國家，嚴格嚟講只有北韓同半個古巴。事實講俾我哋知，要喺人類社會行共產主義，要所有人認同社會資源可以平均分配，應該唔得。

🙉共產主義帶嚟最大嘅問題係極權，因為祇有極權高壓統治，先能夠產生共產主義者心裡面嗰種嚴格社會秩序性，從而令社會資源作最平均嘅分配，因爲要人類自發地將自己擁有嘅嘢同三唔識七嘅別人分享，基本上係冇撚可能。結果為消除階級而出現嘅共產主義，最後反而製造咗更多階級，為解放群衆而出現嘅共產主義，反而替群衆帶來更多鎖鏈，相信呢個唔係馬克思恩格斯列寧托洛斯基希望見到嘅結果。

🙉不過人類依種充滿肉體心靈缺憾生物統治嘅世界上，凡事都無完美，兩害取其輕，好多時候人類嘅選擇，並唔係要選擇美好嘅事物，而係要選擇冇咁衰、死得冇咁應嗰一瓣。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/no72GMxsh5o

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

推

【常威近代史】（二百三十五回）
袁世凱平反系列

國家分裂可以好大件事，尤其是對啱啱建立、冇錢又冇勢嘅中華民國袁世凱北京中央政府嚟講，西藏一旦分裂出去，開咗個頭，「中國」好容易變成好多個細小嘅國家，事實上之後嘅日子，呢件事亦都一直發生緊。

1927年蔣介石北伐之前，中華民國大部份地區的確完全處於分裂分治狀態，依一點大家要好清楚，每個省（甚至更細嘅單位）各有各做，每個勢力都有自己嘅軍隊、有唔同嘅法律司法制度、有徵收稅款嘅能力，亦有任免省當地官員嘅權力，無需知會中央政府，更加無義務將稅款上繳中央政府。

1912年7月中，西藏由達賴十四世領導下，打算脫離中華民國控制，袁世凱下令組成西征軍入西藏平亂，8月底，大軍到達西藏邊緣，隨時預備入藏，但呢個時候，大英帝國北京駐華公使朱邇典（Sir John Newell Jordan，1852-1925），向北京政府提出嚴正抗議，聲稱中華民國不得干涉「西藏內政」，否則大英帝國將不承認中華民國政治身份，袁世凱迫於英國壓力，9月下令入藏軍隊停止前進，川滇軍人入藏平叛功虧一簣..........

但係大英帝國亦都唔再堅持將西藏當印度咁，吸納為完全殖民地，件事就咁拖咗落嚟，英國一方面唔想同中華民國鬧僵，另一方面西藏嘅經濟價值亦都唔值得大英帝國長期駐軍及泵水支持，西藏冇正式獨立過，中華民國仍然好似前朝清帝國一樣，對依啲邊陲地區保持非常微弱嘅宗主權。當然實際上，西藏亦處於完全獨立狀態，中華民國完全冇權管，佢自己有自己玩。西藏主權最終歸於大一統，要等到1950年中共鄧小平帶解放軍攻入拉薩……

蒙古問題都係一樣，俄國人協助蒙古人一邊分裂一邊傾，拖拖拉拉，一邊自己不斷攞著數，蠶食中華民國領土。但係同西藏唔同，最後蒙古真係獨立咗，世界上出現咗一個國家叫蒙古國，直到今日仍然係一個獨立嘅政治實體，蒙古問題，遲啲仲有大把機會講，就此停低。

1912年7月，仲有兩件重要嘅事要講講，第一，係中華民國第一次召開全國臨時教育會議，由我哋中國現代教育之父蔡元培先生主持，會議進行咗一個月，開咗19次會，制定咗各項教育政策同埋措施，包括學校系統、教育宗旨、教育法令同教職人員薪酬，會議確定全國統一學制：分別為小學4年，高小3年，中學4年、大學預科3年，大學本科3至4年，中華民國學制大致敲定，由於1912年係壬子年，故史稱「壬子學制」。

教育制度係一個國家同民族建立嘅基礎，對當時仍有99%以上係文盲嘅中華民國嚟講，「壬子學制」係一個重要嘅里程碑，而蔡元培嘅貢獻，以及佢所做一切實事，其實係非常偉大，好值得大家去敬重，我講咗好多次，中國並唔係冇人，只不過亦同樣有太多門能門九同門西人。

另一件發生係1912年嘅國際大事，就係日本明治天皇去世，明治天皇由1867年1月30日至1912年7月30日掌握權力，在位45年182日，佢徹底改寫咗日本呢個國家嘅命運，亦將日本由一個弱小嘅島國，搖身一變，變成亞洲大佬，蛻變成整個世界裡一個超級強權，佢嘅成就，真係幾十層樓咁高。隨住佢嘅死，日本亦進入咗意識形態大衝突嘅大正時代，大正天皇本身亦都係一個悲劇，活在巨人陰影之下，唔痛苦就假。日本大正時代，遲啲亦有機會講吓。

明治天皇去世，中華民國政府決定哀悼27日。睇到呢段歷史，我都打咗個凸？吓？乜日本人唔係中國人最大嘅敵人咩？點解咁friend嘅？睇嚟我哋用現代人嘅眼光去睇中華民國初期歷史，一定錯鳩曬。

中華民國同日本，其實息息相關。孫文同盟會嘅革命事業，日本人出力最大，但係日本究竟係為咗自己？抑或為咗中國？真係有理說不清，但中華民國建立初期，中日的確係鐵一般嘅兄弟關係（之後中共同蘇聯，又再將相同嘅故事發生多一次），不過呢段中日友好關係好快就會break，最後演變成中日戰爭，南京大屠殺，生靈塗炭，其實響1912年7月30號明治去世當日，真係冇人會諗到。



【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【153回：大清亡國關 #金錢戰爭 蛋牛治】

♋有6月頭開始，發生於香港嘅抗爭運動，至此遍地開花。今次抗爭運動主調係冇大台、冇領導、所有抗爭行動都係由民眾自發地組織參予，運動方向同目標自我調節，節目日日新鮮，方法來自民間智慧，無從捉摸，亦冇人能夠預計到效果，包括對弈一方。政府想撲滅火頭，搵人傾，都唔知搵邊個傾？一衆大學學生會亦並非運動領導者，泛民政客更加被群眾拒諸門外。

♉溫故知新，尋晚響Netflix重溫計2013年烏克蘭民主運動嘅紀錄片《Winter on fire》，如果大家未睇過就一定要睇下，記得兩三年前，第一次睇，睇見烏克蘭防暴警察毆打示威者打到頭破血流，自己心裏覺得呢啲事唔會喺香港出現，但轉眼間，一切如畫面重播響香港發生。最後烏克蘭人民能夠選擇自己行嘅路，香港人可唔可以做到？到這一刻我並唔知道，亦冇辦法預視。

♊但無論點都好，發生喺過去一個月嘅事情，已經反映咗一件事，就係香港民怨爆燈，《逃犯條例》只係一條導火線，群眾對執政者嘅不滿，排山倒海咁宣洩出嚟。我係一個好現實嘅人，要我講，民怨本身就係經濟問題，好食好住冇人會上街。香港過去嘅日子，不斷利用經濟數據掩飾民間疾苦，真相係普通平民生活成本無止境上昇，衣食住行樣樣貴（唔好同我講買樓），人工加幅追唔上通脹，生活質素逐年降低，工作時間同壓力不斷累積，你話唔嬲有鬼？特區政府同一班肚滿腸肥高官做過啲乜？其實係冇。

♈於是民眾睇唔到未來，就想用自己雙手創造一個可以睇到嘅未來。香港人係聰明人，亦係世界上最優秀嘅族群之一，我哋一定諗到方法突破困局，正如獅子山下，同舟人誓相隨，無畏更無懼，攜手踏平崎嶇，共勉之大家！

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/BvCaw4snd-c

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

😭昨日，我在泳池的唱錢機裡，唱了一個有伊利沙伯二世女王頭像的五元出來。當我手捧著這個硬幣的時候，心裏百感交集，不知道為什麼，我決定要把它永遠保存下來。而在心裏，我更祈求上蒼保佑身在英國倫敦白金漢宮裏的英女王殿下長命百歲，事事順心。

😭之後我再問自己，這種情緒為什麼會出現？港英殖民地時代真的這麼令人留戀？老實說，我是在港英時代長大的人，那時候的生活不會比今天好，我是個窮人，在我成長過程中，我知道窮人要受的是什麼苦，港英政府卻有真的為我們貧人解決過問題，無論居住、教育及醫療，港英殖民地政府和英女王殿下，我真的要多謝你和感激你。

😭我是實話實說，表達我心裏的情感，我不想作任何掩飾，也不是要做戲給任何人看，整件事衹是一個硬幣和我之間，產生了一個感情上的聯繫。我更想把它寫下來記下來，要自己不要忘記，記得做人不要忘本，受人因果千年記；而用心不良的人，總有償還債項的一天。

【常威近代史】（二百三十六回）
袁世凱平反系列

香港人加油！

時間去到1912年8月，中華民國袁世凱北京政府順利同外國銀行團借到錢，勉強可以Run落去，中華民國中央銀行響北京成立，但係外國銀行借款嘅條件亦都好撚辣，簡單啲講，就係唔係就咁X樣借筆錢俾你任你洗，而係政府洗每一筆錢，每一筆開銷，都要得到銀行團嘅批准先可以洗，而且帳目要好清楚交待，外國銀行就係太清楚中國人壠嘢，講一套做一套，而且完全冇賬目概念（只有貪污概念，數簿從來不在抬頭，而在心裡），當然外國銀行咁樣做，亦等同於變相操控中華民國銀根。中國從大清帝國走到中華民國，仍然冇辦法擺脱到外國勢力對經濟嘅操縱。

講開借錢，叉開一筆，最近認識一個地產朋友，佢講畀我知點解內地人會大手大手購入香港豪宅，毫不手軟，樓價升破頂放手套利，即炒樓固然係其中一個因素。但原來佢哋仲有一招，就係響香港買咗樓之後、或者畀咗首期，樓契或相關文件到手，佢哋就會拎住張香港張樓契（影印？），返到內地銀行作為抵押品，不斷借錢套現。一層5000萬嘅香港樓，分分鐘喺大陸可以借幾億，翻幾翻，現金到手可以冚煲蓋，亦可以走佬移民美加。當然點解內地銀行嘅貸款可以咁鬆手？當中有冇內鬼收回佣？又係另一個故事喇。總之呢啲easy money，香港人冇資格搵。

（補充一點，我個人好相信逃犯條例，中國政府可能係主力針對呢種經濟犯。）

我諗1912年外國銀行做嘅嘢，某程度上亦都係唔畀你中國人亂嚟，成龍講得冇錯，「中國人係需要管嘅」，放隻馬騮出籠，就會搞到亂曬大籠。

1912年8月，有幾件重要嘅事發生，第一，袁世凱聘用咗英國人莫理循（George Ernest Morrison，1862-1920）為政治顧問，莫理循係一個傳奇人物，佢係一位醫生，亦都係一位記者。有興趣嘅朋友可以搵吓佢嘅資料讀讀，之後袁世凱洪憲稱帝，亦將「王府井大街」改名為「莫理循大街」，你就知道呢個洋人對袁世凱有幾咁重要。

其實袁世凱中華民國執政初期，所聘用嘅人物，一係真西人，一係真真西人，佢大部份手下，都接受過西方文明教育；反觀佢嘅對手革命黨人，則大部份係「陀地」，依一點大家要清楚。

第二，8月15號，1911年10月武昌起義嘅重要將領兼主力策劃者張振武（1877-1912），一個被尊為共和元勛，同孫武、蔣翊武並稱「辛亥三武」嘅人，響北京被袁世凱拉去後巷打靶，罪名係貪污同圖謀不軌。但真正嘅死因係革命黨籠裏雞作反，原因係佢同黎元洪不和，佢曾經想殺黎元洪，於是同黎元洪結下恩怨，袁世凱係應黎元洪要求下殺手。

總括而言，「辛亥三武」最後都冇好收場，孫武被同盟會排擠，張振武被殺，蔣翊武亦響1913年響桂林被處決。前面衝嗰批，真正發動武昌起義嘅人，下場相當悽慘。所以阿媽打電話畀你叫你唔好喺前面衝，要留響人群裡面保留實力，等待缺口出現，先去前線執人血饅頭食，就係有一定道理。




第三，8月24號，孫文、黃興、黎元洪三人被袁世凱邀請到達北京，共商國事，亦即係中華民國歷史上「四巨頭會議」，三人到達北京，袁世凱以迎接國家元首嘅禮節隆重歡迎。講好聽啲，叫共商國事，大家坐埋一齊解決南北分裂問題。難聽啲講，就係袁世凱要同革命黨人攤牌，睇下政治點分贓？

第四，8月25號，同盟會、統一共和黨、國民公黨、國民共進會、公和實進會，響北京召開大會，宣佈五黨合併，成立一個新政黨，叫做「國民黨」，依一日，亦係玩到今時今日嘅「國民黨」誕生嘅大日子，當中主要推手係宋教仁，新政黨國民黨選舉孫文為理事長。國民黨嘅出現，意味南方革命勢力，進一步加以統一鞏固，合作對付共同敵人，他媽的袁世凱！

叉開小小，8月25號仲有一個人死咗，佢叫馮如（1883-1912），佢係美國留學生，對機械工程好有興趣，1907年佢得到華僑資助，響美國設廠研製中國第一架飛機，1909年試飛成功，1911年回國，之後被廣州軍政府委任為飛行隊長，佢係中國飛上天空第一人，係中國航空史嘅先軀，8月25號佢喺廣州飛行表演，因飛機失事下墜而死，死嘅時候，未夠30歲。

其實歷史，係有好多人參予其中，大部分人只睇到主軸發展，冇睇到旁枝，辛亥革命之後嘅中華民國，政治鬥爭不斷發生，但同時歷史亦都不斷嚮前邁進緊。我有陣時諗，如果少啲爭拗，大家多啲包容，唔好輕易發動戰爭.......中國人行嘅路會easy好多。可惜由辛亥革命打響第一槍開始，似乎所有人都認同槍桿子出政權，武力同戰爭先係唯一解決紛爭嘅辦法，其實到咗今日，世界都冇變過。

#常威 #斷送共和關袁世凱蛋牛治  #袁世凱 #民國歷史

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

推推佢

【154回：大清亡國關 #鴨綠江會戰 蛋牛治】

🐙拉斯普京（俄語：риго́рий Ефи́мович Распу́тин；1869－1916）係一個從來都冇喺我頻道出現過嘅人物，今日有機會作小小補充。呢個人係一個東正教神棍修士，係距離聖彼德堡1600公里外窮鄉僻壤裡面一條爛鬼，但係佢之後得到「神啟」，法力無邊，最後仲同尼古拉二世患有血友病個細仔阿列克謝Alexei治病而聲名大噪，出入皇宮，鬧出連串醜聞。

🐙拉斯普京除咗係一條大神棍，仲係一條大淫棍，成日用法力呃女人上床，但唔知點解好多人信佢，任由佢擺佈，傳說佢識催眠術，亦好懂得沙俄貴族階層脆弱嘅心理，因此任何女人都逃唔過佢嘅魔爪，當中亦包括沙皇嘅細妹。最後因為呢條友鬧出嘅連串宮延醜聞冇辦法收拾，於是最後貴族派人行刺佢，結束佢荒唐嘅一生。

🐙尼古拉二世相信呢條神棍，亦都係一個大笑話。當時俄國打輸日俄戰爭，在短短40分鐘對馬海峽海戰損失天下無敵嘅波羅的海艦隊，1905年沙俄國內爆發連串人民反抗浪潮，尼古拉二世出動軍隊鎮壓，死傷無數。加上一連生咗四個女嘅沙皇，一索得男之後竟然係血友病患者，進退失據，所以先有位比條神棍拉斯普京乘虛而入。神棍事件，亦反映出俄國皇族嘅整體智商水平，係低。

🐙神棍永遠會絕跡，到咗今時今日仍然通街神棍，大家仲記唔記得廿幾年前，中國有個張寶勝，識得特異功能，最後出入國務院，成為國家英雄。仲有香港班千億富豪，邊個身邊冇神棍守護？種生基都信，仲有乜嘢唔可以信？亦有傳聞講，新政府總部「門常開」，點解外型設計咁獨特？原因亦都係使咗幾百萬公帑諮詢過風水師嘅意見而設計，不過自從「門常開」開張做生意而嚟，冇一日順嘅，唔知政府內部又有冇人去追究係風水師嘅責任呢？

🐸遲啲有機會，做個「世界神棍系列」，應該會幾得意。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/nKwVxDvnVMQ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

🙉常公仔已經係老屎忽，不如睇睇後生仔嘅講法，我邀請咗一個中四中學生寫了以下文章，由佢哋嘅角度，睇睇香港近日發生嘅事情。大家以後再唔好睇小後生仔，其實佢哋比我哋強。

👍去文！

『我是一個中四學生，今天來分享一下我對最近逃犯條例修訂的少許看法。

眾所周知，逃犯條例修訂這件事在香港正鬧得熱烘烘的。首先是特首林鄭月娥利用「陳同佳在台灣殺害他的女友潘曉穎，然後潛逃回港」這契機，說要堵塞法律漏洞，彰顯公義，因此要修訂引渡條例，令引渡條例的涵蓋範圍可包括中、港、澳、台。台灣當局稱多次要求引渡陳同佳，可是特首卻視若無睹，台灣當局最後更表示認為這條例會侵犯人權，即使條例通過也不會接收陳同佳。

社會各界對此條例感到相當擔憂，例如中共可運用這條例，巧立名目引渡政治犯。

民間更發起活動表示對條例的擔憂，首先是428遊行，可是未能凝聚香港人。接著政府多次修訂引渡逃犯條例修訂案，包括把引渡的條件由判囚三年提升至判囚七年才可引渡，即是連「衰十一」這些嚴重罪行也不需引渡，這實在是相當奇怪。

直至這運動的轉捩點，69遊行，這修訂條例的手段激起民憤，超過100萬市民上街表達不滿，我也是其中的一員。

學生固然閱歷少，可是他們都明白中共的恐怖，以及不滿香港政府已經名存實亡的事實，林鄭政府顯然已經變成了一隻傀儡，從一地兩檢事件、明日大嶼、現在的逃犯條例，都希望強行通過，這根本已經不是近來出現的問題了，所以上街遊行，爭取公義，才應該是學生要做的事。

又有人可能說，逃犯條例關我什麼事呢？我是一個好市民沒有犯事。可是你要記得，中共也最喜歡把罪名安在你身上，若果他們不爽的話，香港人上大陸，其實都會犯事，例如上Facebook，用WhatsApp。這就是把柄了，那麼我也應該是罪犯了。對於商界的人士，影響當然最大，裙帶關係在大陸生意上固然重要，只要給地方官員少許「好處」，就可以在大陸做生意暢通無阻。所以為什麼這麼多建制派的商界議員會倒戈了。

612更把這運動推上了前所未有的高峰，三萬市民包圍立法會，希望阻止逃犯條例修訂案二讀，最後撤回法案，警員荷槍實彈戒備。林鄭更把事件定性為暴動，根本沒有人傷亡，憑什麼將事件定性為暴動？

直至下午三點，警員突然退守東翼入口，示威者衝進立法會東翼前地。這為警察清場增添了一個理由，向示威者發射催淚彈，甚至布袋彈，又攻擊救護站。令很多手無寸鐵的年輕人都受傷，更重要的事，警民關係已經破裂。

有些老一輩的人會說，這些年輕人必定收了錢，勾結外國勢力來推翻中國。這顯然是相當可笑，年青人一出生可能已經是受特區政府統治，有感人權和民主被慢慢壓逼，希望站出來保衛香港這個美麗的地方，這顯然是發自內心。

而老一輩的人很多已經被洗腦，認為獨裁的中共是最好的統治者，難道他們不記得香港曾經救了他們嗎？當他們被中共逼害，他們逃了到哪裡？不就是香港？老一輩的香港人，生命也快完結，在他們眼中，賣港當然無所謂，香港未來的主人，不就是我們這些年輕人？

大人經常說我們廢青，但我們仍然站在前線，保衛香港，大人卻責罵我們阻他們上班，又說我們攪事，更在遊行「篤灰」和發難，難道我又要叫你們廢老。然而，賣港求榮的人，最後肯定會被其中一方清算，不論是青年人，又或者中共，中國歷史上，獨裁者最愛殺功臣，不是嗎？

經過包圍警總、烈士犧牲，各區連儂牆的建立以及不合作運動，但願政府能明白市民的心聲，盡快回頭是岸，撤回法案及回應5大訴求！』

🙊常公子評論：「上了年紀的我們，難道可以不羞愧嗎？」