大清亡國關慈禧蛋牛治

推

應該死嘅機會大小小

【常威中史】慈禧平反系列（一百三十九回）

1905年嘅元旦，日本人再一次佔領旅順。

花生國大清依幾年又做緊乜？豆斗1902年歸政之後，起用咗一批思想較為開明、積極上進嘅滿蒙貴族子弟做事，不斷進行內部改革。之前我已經講過，八國聯軍入京之後，大清貿易被徹底通櫃。但係貿易額增加，反而令大清嘅關稅收入節節上昇，配合大量嘅改革措施，清帝國開始慢慢步上真正嘅現代化步伐。不得不提嘅係，豆斗倚重嘅袁電筒，佢手上嘅一支新軍繼續坐大，班底日漸成形，依班人就係之後蹂躪中國三十年（KMT Kuomintang定義下）嘅北洋軍閥系統。

講返日俄戰爭，當日本強攻旅順203高地進襲旅順同時，為阻止俄軍從後方支援旅順要塞守軍，遼東半島上亦都爆發咗「遼陽會戰」，兩個國家嘅現代化陸軍部隊正面交鋒，俄軍以16萬兵力鋪開防禦陣地，迎接12萬5000日軍來犯，雙方投入兵力達到28萬人，毫無疑問，根本就係一場超大型戰爭，亦係第一次世界大戰嘅雛形。「以血肉火拚鋼鐵，以人命換取戰果」。雙方爆發激戰連場，互有勝負，死傷無數。1904年8月24號至9月4號間，日俄兩軍集結兵力，響遼陽展開撕殺戰，10日劇戰，日軍130500人，死傷24000人，俄軍225000人，死傷20000人，最後日軍取得勝利，俄軍向奉天撤退。

但係戰鬥民族就係唔同你講笑，一個月後，1904年10月，俄軍對日軍組織一次大規模反擊，俄國重新集結兵力22萬人，日本投入兵力12萬人，雙方響1904年10月9號至10月20號間，喺奉天南部嘅沙河展開激戰，史稱「沙河會戰」，依場大戰，日本死傷2萬人，俄軍死傷4萬人，相信從死傷數字大家都可以睇到，形勢已經徹底逆轉，日本人完全佔住絕對上風。

打到嚟呢度已經11月鳥，中國白山黑水嘅東北進入寒冬時期，日間氣溫係零下10度，晚間氣溫可以跌到落去零下25度或更低，大家想打都冇得再打，於是遼東半島上嘅日軍同埋俄軍進入全面膠著狀態，大家都響冰天雪地中焦急地等待後方補給，冬大人面前，人命賤過泥。有屎料話畀我知，日本人嘅禦寒能力明顯響俄國人之下（或者唔識飲伏特加禦寒），簡單啲講，係日本軍方派唔夠厚衫厚襪，好多日本士兵就喺呢段時間響雪地上監生凍死，或者因為腳氣病病死。腳氣病唔係指香港腳，同細菌感染無關，腳氣病臨床上專指由於維生素B1缺乏，而導致心血管系統和周圍神經損害嘅一種嚴重疾病。

腳氣病嘅成因同缺乏營養有關，亦同環境惡劣同心理壓力有關，由日俄戰爭中，大量日本士兵死於腳氣病可以反映出，日軍後方補給的確出現問題，你為咗天皇嘅榮耀仆心仆命，義無反顧前赴陌生戰場送上青春生命，統治階層則肚滿腸肥，利用損失人命作為數字計算，爭取自己嘅利益籌碼，請大家都要看清楚戰爭嘅本質，千祈唔好咁容易熱血上腦去衝做傻仔……

講埋俄國最後一張王牌波羅的海艦隊嘅動向，俄國海軍艦隊艦船數目同噸位，原本係日本嘅三倍，分為波羅的海艦隊、黑海艦隊同太平洋艦隊。1904年8月後，俄國太平洋艦隊被圍困於旅順港內，黑海艦隊又同土耳其打緊，並且受條約限制不能通過達達尼爾海峽而無法抽調前赴遠東，俄國不得不派遣由羅傑斯特文斯基海軍中將（1848-1909）率領嘅波羅的海艦隊由北歐波羅的海出發，繞過非洲好望角前往中國，行程全長18000海里，其時埃及嘅蘇彝士運河（Suez Canal）已經開通，但係掌握響日本盟友英國手上，導致俄國海軍無法通行。

1905年旅順淪陷嘅時候，波羅的海艦隊先駛到非洲嘅馬達加斯加（Madagasikara，電影侏羅紀公園第一集拍攝嘅地方），仲未行到三份一，距離目的地足足有四個月時間航程，講真，真係好搞笑……

日俄戰爭大局既定，之後嘅日子，係日本全力掃蕩俄國殘餘勢力出東北；海上，海軍大將東鄉平八郎指揮嘅日本聯合艦隊，則做好準備功夫，佔曬一切天時地利人和，等待俄國波羅的海艦隊環遊世界遠渡重洋，前來探訪say hi……

#常威 #大清亡國關慈禧蛋牛治 #慈禧太后 #晚清歷史 #日俄戰爭


【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買https://www.382now.com/product?id=87

【大清亡國關慈禧蛋牛治】全集，請支持常公子頻道
https://www.youtube.com/playlist?list=PL0RVUAILQUOvTo8JJrayjrvd_Nbjc-0Me

follow my instagram @historysandwich

Facebook 專頁：https://www.facebook.com/historysandwich/

星期日特別放送【哲學上嘅歧義（唔係奇異）問題】

哲學講求語理清晰，當你講一個概念，人哋都唔知你「指謂」啲乜，或者你「指謂」嘅嘢同人地「指謂」嘅野根本係風馬牛不相及兩樣嘢嘅時候，咁根本大家唔駛講嘢。舉個近年大家好貼身嘅例子説明。

A君話：「我係中國人！」

咁B君問佢：「你係中華人民共和國居民？」

A君：「唔係，我係蔣公中華民國定義下嘅中國人。」

B君：「咁你即係台灣人？」

A君：「唔係，我係香港中國人。」

B君：「如果你係香港人，咁即係中華人民共和國居民，因為香港係中華人民共和國內一個城市。」

A君：「唔係，我主觀上唔承認中華人民共和國共產黨政權，所以我唔係你口中嘅中國人，我係一個居住響香港，中華民國定義下嘅中國人。」

B君：「咁你究竟係咩人？」

A君：「總之，我係中國人。」

上述例子周不時會發生，關於「中國人」嘅定義，其實非常有趣。「中國人」三個字，內含住民族、政治、血源、語言、地域、毛澤東、蔣介石、生活習慣和主觀意愿等種種內容……你口中嘅中國人同其他人口中嘅中國人，可能根本係兩個範疇嘅事物，依個係邏輯學嘅「歧義」問題(Ambiguity)，同一指稱，指稱不同事物或內容，就會造成含混，含混就會令概念不清晰，概念不清晰就會產生謬誤，於是問題就會出現。

所以話，好多哲學問題其實係語言問題，就係咁解。

好多時候，講自己係中國人、或唔承認自己係中國人，衝突就係咁樣發生，交亦係咁樣會嗌，交亦係咁樣會打。下次想穩陣小小，可以叫自己做「地球人」、或者係「生活響銀河系中嘅生物」，相信歧義就冇咁多。

哲學佬話，語言一定要清晰同明確，否則咩都唔好講。分析哲學家維根斯坦(Ludwig Wittgenstein)曾經講過：

「What we cannot speak about we must pass over into silence.」

(我們不能說的東西，必需在沉默中渡過。)

好多嘢唔可以講就唔好講，點解？港女可能會話：「把口生響我度，我鍾意講乜就講乜喇」，冇錯，任何嘢都可以講，但講出來嘅嘢有冇意義係另一回事。維根斯坦講，大概意思想表達「語言其實有其侷限性」，語言作為一種工具，並唔可以描述宇宙間嘅一切事物或其意義和內容。

深？又舉個唔離地既例子：

A君：「你做乜唔開心？」

B君：「我都唔知點解？硬係就唔開心……」

A君：「你可唔可以講出來分享吓？我試吓為你分憂。」

B君：「我真係唔知點講……總之就唔開心喇！」

A君：「你唔講出來，我冇辦法幫你喎。」

B君：「我真係唔知點講呀！而且我都唔想你幫……」

上述情形，相信一般人一定遇過，你有時係A君，亦會係B君。但係好多嘢就係冇辦法去表述，大概就係語言既侷限性。真嘅，有啲嘢真係唔可以講，好似現在香港，就唔可以講「港獨」兩個字，「港獨」就一定要pass over into silence！下次有人同你講「港獨」，你就沉默，或者笑一笑，伸一伸脷，一切盡在不言中。當然，港獨例子係政治問題，係暴力問題，唔係純粹語言同哲學問題。

節錄-【碌葛男人嫁得過】

#碌葛男人嫁得過 #嫁得過系列 #賭Sir #常威 #數學 #哲學 #mathematics #philosophy #生命 #風險管理 #新香港人 #意識形態

線上購閱
https://play.google.com/store/books/details?id=e1N7DwAAQBAJ

東鄉平八郎真係好勁

【常威中史】慈禧平反系列（一百三十九回）

1905年嘅元旦，日本人再一次佔領旅順。

花生國大清依幾年又做緊乜？豆斗1902年歸政之後，起用咗一批思想較為開明、積極上進嘅滿蒙貴族子弟做事，不斷進行內部改革。之前我已經講過，八國聯軍入京之後，大清貿易被徹底通櫃。但係貿易額增加，反而令大清嘅關稅收入節節上昇，配合大量嘅改革措施，清帝國開始慢慢步上真正嘅現代化步伐。不得不提嘅係，豆斗倚重嘅袁電筒，佢手上嘅一支新軍繼續坐大，班底日漸成形，依班人就係之後蹂躪中國三十年（KMT Kuomintang定義下）嘅北洋軍閥系統。

講返日俄戰爭，當日本強攻旅順203高地進襲旅順同時，為阻止俄軍從後方支援旅順要塞守軍，遼東半島上亦都爆發咗「遼陽會戰」，兩個國家嘅現代化陸軍部隊正面交鋒，俄軍以16萬兵力鋪開防禦陣地，迎接12萬5000日軍來犯，雙方投入兵力達到28萬人，毫無疑問，根本就係一場超大型戰爭，亦係第一次世界大戰嘅雛形。「以血肉火拚鋼鐵，以人命換取戰果」。雙方爆發激戰連場，互有勝負，死傷無數。1904年8月24號至9月4號間，日俄兩軍集結兵力，響遼陽展開撕殺戰，10日劇戰，日軍130500人，死傷24000人，俄軍225000人，死傷20000人，最後日軍取得勝利，俄軍向奉天撤退。

但係戰鬥民族就係唔同你講笑，一個月後，1904年10月，俄軍對日軍組織一次大規模反擊，俄國重新集結兵力22萬人，日本投入兵力12萬人，雙方響1904年10月9號至10月20號間，喺奉天南部嘅沙河展開激戰，史稱「沙河會戰」，依場大戰，日本死傷2萬人，俄軍死傷4萬人，相信從死傷數字大家都可以睇到，形勢已經徹底逆轉，日本人完全佔住絕對上風。

打到嚟呢度已經11月鳥，中國白山黑水嘅東北進入寒冬時期，日間氣溫係零下10度，晚間氣溫可以跌到落去零下25度或更低，大家想打都冇得再打，於是遼東半島上嘅日軍同埋俄軍進入全面膠著狀態，大家都響冰天雪地中焦急地等待後方補給，冬大人面前，人命賤過泥。有屎料話畀我知，日本人嘅禦寒能力明顯響俄國人之下（或者唔識飲伏特加禦寒），簡單啲講，係日本軍方派唔夠厚衫厚襪，好多日本士兵就喺呢段時間響雪地上監生凍死，或者因為腳氣病病死。腳氣病唔係指香港腳，同細菌感染無關，腳氣病臨床上專指由於維生素B1缺乏，而導致心血管系統和周圍神經損害嘅一種嚴重疾病。

腳氣病嘅成因同缺乏營養有關，亦同環境惡劣同心理壓力有關，由日俄戰爭中，大量日本士兵死於腳氣病可以反映出，日軍後方補給的確出現問題，你為咗天皇嘅榮耀仆心仆命，義無反顧前赴陌生戰場送上青春生命，統治階層則肚滿腸肥，利用損失人命作為數字計算，爭取自己嘅利益籌碼，請大家都要看清楚戰爭嘅本質，千祈唔好咁容易熱血上腦去衝做傻仔……

講埋俄國最後一張王牌波羅的海艦隊嘅動向，俄國海軍艦隊艦船數目同噸位，原本係日本嘅三倍，分為波羅的海艦隊、黑海艦隊同太平洋艦隊。1904年8月後，俄國太平洋艦隊被圍困於旅順港內，黑海艦隊又同土耳其打緊，並且受條約限制不能通過達達尼爾海峽而無法抽調前赴遠東，俄國不得不派遣由羅傑斯特文斯基海軍中將（1848-1909）率領嘅波羅的海艦隊由北歐波羅的海出發，繞過非洲好望角前往中國，行程全長18000海里，其時埃及嘅蘇彝士運河（Suez Canal）已經開通，但係掌握響日本盟友英國手上，導致俄國海軍無法通行。

1905年旅順淪陷嘅時候，波羅的海艦隊先駛到非洲嘅馬達加斯加（Madagasikara，電影侏羅紀公園第一集拍攝嘅地方），仲未行到三份一，距離目的地足足有四個月時間航程，講真，真係好搞笑……

日俄戰爭大局既定，之後嘅日子，係日本全力掃蕩俄國殘餘勢力出東北；海上，海軍大將東鄉平八郎指揮嘅日本聯合艦隊，則做好準備功夫，佔曬一切天時地利人和，等待俄國波羅的海艦隊環遊世界遠渡重洋，前來探訪say hi……

#常威 #大清亡國關慈禧蛋牛治 #慈禧太后 #晚清歷史 #日俄戰爭


【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買https://www.382now.com/product?id=87

【大清亡國關慈禧蛋牛治】全集，請支持常公子頻道
https://www.youtube.com/playlist?list=PL0RVUAILQUOvTo8JJrayjrvd_Nbjc-0Me

follow my instagram @historysandwich

Facebook 專頁：https://www.facebook.com/historysandwich/

重複咗

【大清亡國關 #遼東半島 蛋牛治】

😚今日同大家講吓日本，現代日本。日本係香港人最鍾意去嘅地方，有唔少香港人視日本為家鄉，當然要成為一個日本人好難，大和民族有高度嘅排外性，佢哋亦都充分瞭解，如果大規模接納外來移民（尤其是中國人），日本呢個國家好快唔存在。日本當前遇到嘅問題，係人口急劇減少，新一代普遍唔願意生育，甚至去到唔願意結婚唔願意拍拖，其實都好大件事。因為唔繁殖，係違反人類嘅生物天性。未來二三十年嘅日本，將會係一個超級老人國家，我相信國策上，佢哋一定要吸納外國移民以增加本地人口，我知道佢哋好唔想咁做，但一定要咁做。

🙃中國人口龐大，係中國發展最大嘅劣勢，同時亦都係最大嘅優勢，生物學上，物競天擇，數量多永遠有優勢存在。如果用呢個講法去分析，共產主義反而更符合生物學定義上嘅人性，因為喺共產（社會）主義世界，因為資源分佈比較平均同計劃經濟，人口數目好容易會上昇。相反喺高度資本主義世界，先進工業社會，人口下跌亦係一種常態。

🙄當然現今地球，人類數目已經太多，多到地球不能夠承受，人口減少應該係正面嘅事，如果咁樣講，日本又有優勢喎。

😄咁究竟係有優勢？抑或劣勢？好亂呀…………

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上1000訂戶！💪

🍳https://user35103.pics.ee/EES3E

🍔https://youtu.be/o56_g2T3zvo

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

follow my instagram @historysandwich

Facebook 專頁：https://www.facebook.com/historysandwich/

【常威中史】慈禧平反系列（一百四十回）

尋晚唔服消毒藥水，差啲去咗見豆斗同奕訢，福大命大，大步檻過，今日可以繼續講日俄戰爭，生命充滿恩典Grace。

日俄戰爭係日本同俄國彼此傾盡國力嘅全力一戰，日本人打仗，鑊鑊都去得好盡。日俄戰爭嘅軍費，喺戰爭時間共發行過五次債券集資，籌集10億4200萬日圓（折算1億零700萬英鎊）打仗，有人講，年息高達6厘嘅戰爭債卷，大部分係由大英帝國同美國華爾街猶太人財閥購入，眾所鳩知，猶太人從來唔打無把握嘅仗。最後日俄戰爭日本打勝仗，猶太佬又勁撈一筆！

叉開一筆，究竟成個世界到咗現今為止，係唔係一切都係猶太人喺背後操縱？猶太人先係最大嘅幕後玩家？呢個陰謀論講咗幾百年，冇任何具體證據話我哋知最後答案係乜？但種種歷史跡象顯示，成個19世紀歐洲反猶主義嘅氾濫，其實都係有跡可尋。尤其是歷史上面最大嘅種族清洗暴行，希特拉屠殺500萬猶太人，更加唔係無矢放的。德國日耳曼人唔係蠢人，甚至係世界上面最聰明嘅一群人，佢哋嘅集體意志令佢哋產生咗滅絶猶太人嘅具體行動，其實背後原因又係乜呢？

野史好鍾意講希特拉未發跡之前，深愛一個猶太妓女（SP），結果最後因愛成恨，甚至有人講令希特拉發狂嘅梅毒，都係由呢位妓女傳染畀佢，所以希特拉痛恨猶太人嘅動機就係因為呢件事？對唔住，我真係唔能夠相信依個解釋。我嘅理智話俾我聽，千祈唔好咁簡單去睇歷史，否則就係極度愚蠢嘅行為。

日本除咗發行債券支持戰爭開資，日俄戰爭爆發之後，佢哋都付出巨大嘅人命代價，陸軍士兵響戰場上嘅死傷數字遠遠超出參謀部嘅預計。1904年9月，陸軍急速增調四個師投入東北戰場，日本政府甚至立刻修改徵兵令，將五年嘅後備兵役延長至十年，將37歲以下具有服役嘅經驗嘅男人，重新徵召入伍送去戰場，左湊右拚先啱啱好夠人。其實日俄戰爭係將日本由民主社會過渡到軍國主義社會嘅重要里程碑……

1905年1月，當日軍佔領旅順港後，基本大局既定。遼東半島上經過遼陽會戰同沙河會戰後，雙方亦陷於膠著狀態。不過戰鬥民族嘅戰意真係非同小可。1905年1月3號，俄軍成功突襲日軍響營口嘅後勤補給基地，截斷敵方補給線，一直以嚟日軍穩佔上風嘅優勢一下子逆轉。1月底，俄軍喺黑溝台策劃咗一場大反擊攻勢，投入10萬兵力，力圖扭轉劣勢，重奪遼東半島上重要據點嘅控制權，日軍被動應戰，依一戰，雙方各自損失一萬人，最後俄軍並冇成功，戰敗後，俄軍退入奉天瀋陽，黑溝台之戰，亦係俄軍喺遼東半島上最後嘅反撲，不成功，便成仁。

戰爭中最重要嘅戰役，亦都喺同年3月1號到10號爆發，日本為咗徹底掃盪俄軍響清國嘅勢力，雙方一共投入60萬兵力，響瀋陽附近展開咗近代世界史上小見嘅一場大規模會戰，是為奉天大會戰，日軍投入24萬兵力，俄軍參戰人數為36萬人，最後日軍傷亡7萬，俄軍傷亡9萬，天地動容。但係奉天會戰，日軍冇成功嘅戰果產生，雙方只係殺得難分難解，血流成河，邊個都冇辦法徹底戰勝對手。

1905年3月底，陸上戰爭到此完全打曬，雙方都係筋疲力盡，邊個都唔能夠再繼續付出代價打落去，日俄戰爭嘅真正結束，要等一場海上大戰發生……


#常威 #大清亡國關慈禧蛋牛治 #慈禧太后 #晚清歷史 #日俄戰爭


【大清亡國關慈禧蛋牛治】實體購買
https://www.382now.com/product?id=87 ;

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

做乜又開多左個POST

一個講古台，一個學術台

想多小小人睇，太孤單的戰爭

常公子同三島悠亜其實係咪同一個人

唔係

常公子，林生有idea介紹比你呀，彙編新經典，大有必要，這也許可作為新啟蒙運動的第一步，你諗諗佢。實大賣

【大清亡國關 #勸降書 蛋牛治】

🐷今集我講由日本海軍大將伊東佑亨寫畀丁汝昌嘅一封勸降書，由日本人嘅眼光去睇下當時大清嘅弊病。一句到尾，伊東就係覺得清帝國已經落後於世界大潮流，再唔作出改革，一定亡國。人類係非常之有智慧嘅生物，我哋好多時候都知道結局係點，但係我哋好多時候又做唔到啲乜嘢去改寫個結局，百幾年前如是，今日都如是。

🐷今日人類面對最大嘅問題，一定係環境污染。發達工業同科技將我哋帶到一個舒適無比嘅新世代，但係凡事冇免費午餐，人類必須付出極大代價去得到今天嘅享受。未來世界，資源會極度缺乏，生態環境會日漸惡化，呢啲事大家都一清二楚。但係要去改變，就似乎冇一個人有能力可以做到。

🐷對於保護環境問題，目前人類仍然停留喺玩game嘅階段，統治階層教我哋，用少個膠袋用少支飲管就可以挽救地球，但係單就塑膠污染海洋而言，我哋面對最大嘅敵人唔係膠袋亦唔係膠飲管，而係會浮、會佔用更大空間嘅膠樽，但係販賣式飲料，係一個龐大嘅工業貿易。你叫我用少個膠袋唔好同人攞飲管，不如你先禁止咗用膠樽先啦。

🐷早兩日去麥當勞，佢冇畀支飲管我，嗰一刻我好嬲。我問自己，我哋全人類究竟做緊啲乜嘢？如果你以為用少一支膠飲管，個地球就有得救，我就更嬲，人類嘅智慧幾時低到咁樣🐽？個世界的確好有問題。

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上1000訂戶！💪

🍳https://user35103.pics.ee/DY8YK

🍳https://youtu.be/1kK9_S5ORbo

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

follow my instagram @historysandwich

Facebook 專頁：https://www.facebook.com/historysandwich/

【常威中史】慈禧平反系列（一百四十三回）

俄國佬天下無敵嗰支 #波羅的海艦 隊原本嘅終點係 #旅順港，支援遼東半島上嘅俄軍作戰，但係當1905年5月佢哋進入遠東嘅時候，旅順已經落入日本人手上，於是艦隊改變航程，希望到達俄國海崴威軍港停駐，成個行程18000海浬足足兜咗地球半個圈，呢單嘢真係好搞笑。

波羅的海艦隊擁有戰列艦8艘，裝甲炮艦3艘，裝甲巡洋艦3艘，巡洋艦6艘以及其他艦隻一共38艘。其實基本上呢一隊艦隊唔係想打硬仗，而且一隊 #GoGoVan，希望運送大量物資同埋軍事裝備去旅順港支援守軍，俄國嘅參謀部對整個戰事形勢係嚴重錯判，亦都錯誤掌握時間，或者佢哋從來冇諗過日本人真係可以短時間內成功佔領旅順。

當時迎戰波羅的海艦隊嘅 #日本聯合艦隊，海軍大將係大名鼎鼎嘅日本辛康納利 #東鄉平八郎（1848-1934），出戰嘅艦隻有戰列艦4艘，裝甲巡洋艦8艘，巡洋艦15首，以及其他船隻一共108艘。單從艦隻嘅數字比較，係108對38，而且對手仲要行咗18000海浬，日本聯合艦隊則以逸待勞，真真正正係守株待兔，就等你隻白痴兔仔衝埋嚟用個頭撞樹死！

翻查史料，仲有一點要補充，原來當時俄國嘅波羅的海艦隊，大部分嘅船員都係拉雜成軍，好多人係航海學院嘅應屆畢業生或新招募上船，之前甚至冇出海作戰經驗，一路行嚟已經發生唔少笑話，其中包括誤傷英國漁船、胡亂炮擊自己友同軍紀散渙等等，咁甩皮甩骨，打條毛嚕。由事實反映出，其實俄國人一直冇將日本人放喺眼裡面，覺得自己眼深鼻高、身高六呎就食滑你日本仔。

1905年5月27號正午，日本同俄國嘅海關終於響 #對馬海峽 上遭遇，著名嘅「#對馬海戰」發生！俄國總指揮 #羅傑斯特文斯基 中將（1948-1909）坐鎮總旗艦「蘇沃洛夫公爵號」（Knyaz Suvorov）上；東鄉平八郎則坐鎮日本聯合艦隊主力艦「#三笠」號上指揮一切。同 #甲午戰爭 嘅清國 #徐步蟾 命運一樣，後世人都將今次對馬海峽嘅大戰敗歸咎於美國隊長羅傑斯，話佢係一件大廢物。

但平心而論，羅傑斯先生響整個航程同戰役中嘅表現係稱職嘅，只不過客觀條件太差，戰敗基本上係必然。對馬海戰發生之前，如果你話波羅的海艦隊最正確嘅選項，實際上係應該say goodbye掉頭返歸，不過如果咁樣做就等於宣佈帝俄投降，等於將遼東半島主導權奉獻畀日本，打仗嘅嘢，有時唔可以咁樣計，就算明知要死，都要衝個頭埋去死。

對馬海戰係東御平八郎嘅show time，史書上邊講，佢採用有違常規嘅T字型戰術，以及秘密研製嘅「#下瀨火藥炮彈」，給予俄國艦隊毀滅性打擊，呢場驚世大海戰，日本聯合艦隊完完全全以100分滿分擊敗俄國波羅的海艦隊！

睇數字啦，最後日本聯合艦隊主戰艦冇一艘沉沒，只損失三艘魚雷艇，戰死人數117人。俄國方面一共被擊沉21艘艦隻，被俘虜6艘，戰死4830人，負傷6106人。我好相信呢個戰果，亦都係人類整個海軍軍事歷史上，一個勝負分野最大嘅輝煌戰果。

我哋下次繼續。……

#常威 #大清亡國關慈禧蛋牛治 #慈禧太后 #晚清歷史 #日俄戰爭

【大清亡國關慈禧蛋牛治】實體購買
https://www.382now.com/product?id=87

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】全集，請支持常公子頻道
https://www.youtube.com/playlist?list=PL0RVUAILQUOvTo8JJrayjrvd_Nbjc-0Me

【大清亡國關 #割讓臺灣 蛋牛治】

🙄甲午戰爭令到臺灣及澎湖列島成為日本殖民地，從此以後臺灣經歷咗半個世紀嘅日本人統治，呢段時間，日本將臺灣由一個未開發嘅原始島嶼，變成一個現代化嘅世界。整個臺灣，其實係用日本嘅形象同模式打造出嚟，今時今日，仲有好多臺灣人懷念日本人嘅統治，李登輝相信就係其中一個，情況同今日香港好相似，依種情意結叫戀殖。

🙄日本統治臺灣50年期間，史料記載並唔係用高壓手段統治臺灣人民，二次世界大戰時，唔少臺灣人代表日本皇軍出戰太平洋戰爭。有人話呢啲人叫漢奸叫賣國賊，對唔住，我絕對唔認同。

😭龍應台本書《大江大海》，內裡有一篇文章寫二次世界大戰結束之後，蔣介石國民黨政府收返臺灣主權，當時臺灣人民喺碼頭熱烈地慶祝回歸，諗住堂堂正正做返個中國人，佢哋等待國軍嘅船隻泊岸，當時佢哋心裡面滿懷希望，但係當見到國軍船隻行落嚟嗰班國軍嘅時候（造型問題），佢哋個心突然涼咗一截……真正嘅恐怖統治，原來係嗰一刻先開始。

😭國民黨政府接收臺灣後，好快就發生咗二二八事件，臺灣人民真真正正見識到乜嘢叫軍統式高壓統治，無情白事屠殺平民，日本人半個世紀都冇做過。來生不做中國人，其實有根有據。

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上1000訂戶！💪

🍳http://yt1.piee.pw/EXRW8

🍳https://youtu.be/du-2BEndEpg

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

follow my instagram @historysandwich

Facebook 專頁：https://www.facebook.com/historysandwich/

【常威中史】慈禧平反系列（一百四十四回）

對馬海海戰嘅慘敗對俄國係致命嘅，其實早響之前，俄國國內嘅厭戰情緒已經不斷高漲，民眾對亡國之君尼古拉二世嘅忠誠度亦都出現動搖，1905年1月9號就發生咗「流血星期日」事件。

流血星期日亦稱為「一月大屠殺」，聖彼得堡內，軍警開槍鎮壓前赴冬宮示威嘅工人階級隊伍，死者官方公佈係96人，但民間相信超過4000人。官方數字同真實情況有距離亦唔係今日發生嘅事，血腥星期日完全打破咗一般民眾對尼古拉二世嘅友好仁慈形象，而且過依場屠殺，俄國國內嘅馬克思主義迅速蔓延，無產階級同工人階級已經對專制羅曼諾夫皇朝失去信任同耐性。同年之後發生嘅一連串暴力事件，事實上已經為羅曼諾夫王朝敲響哀鐘。

1905年嘅革命，並非由列寧同佢嘅布爾什維克所領導，純粹係俄國人民內部反抗情緒爆煲，呢個時候列寧同埋托洛斯基都流放於海外，佢哋利用佢哋支筆不斷籲俄國民衆加入馬克思主義者行列，1905年之後，列寧、托洛斯基同佢哋嘅布爾什維克不斷擴大，後終於響1917年十月革命成功奪權，建立世界上面第一個無產主義國家！

一連串連鎖反應其實都係來自一場日俄戰爭，有陣時輸唔起就唔好賭喇，你睇吓尼古拉二世幾X慘……仗真係唔好亂打，無論真實戰爭抑或貿易戰爭……

對馬海戰之後，日本完全控制遠東海權，但係經過一年多嘅慘酷大戰，其實日本同俄國雙方都筋疲力盡，錢亦都洗曬，兩個國家都冇能力再打落去，大家開始尋找下臺階。1905年8月10號響美國總統老羅斯福（Theodore Roosevelt Jr.1858-1919）斡旋底下，兩個國家開始坐低響英國談判，呢個就係「撲次茅夫」和談（Treaty of Portsmout），談判期間雙方拉鋸不下，一個月內進行咗17次正式談判，隔日就嗌交，但終於響9月5號簽定停戰協議，日俄戰爭到此完全終結。

《樸茨茅夫條約》內容之後講，先用人命嚟總結一下日俄戰爭，整場戰爭中，雙方都付出巨大代價，日軍戰死同響戰爭期間病死嘅人數有84000人，俄軍有50000人，日軍嘅死亡人數遠超於俄軍，單從數字就可以睇到，日本人贏呢場仗係用民衆嘅鮮血贏返嚟。除咗死亡人數外，日軍仲有143000人負傷，而俄軍則有220000人負傷。呢一班負傷者如何回歸社會？都成為咗戰後兩個國家一個重要難題。可以講俾大家知，響戰爭中受傷嘅士兵，佢哋回國後，國家畀佢哋嘅支援、醫療同供養都係堅唔夠，真正得到國家補貼嘅人只有極少數，好多人就係咁樣終身殘廢淪為社會渣宰，真真正正用完就算。

1905年發生嘅日俄戰爭亦都將現代戰爭嘅慘酷同埋悲痛表露無遺，帝國霸權為咗擴張實力，不惜用人民嘅鮮血作為籌碼，但係當時嘅人似乎睇唔通呢一點，佢哋以為為國家奉上生命係理所當然，所以日俄戰爭只係初版，之後仲有更慘烈嘅第一次世界大戰同第二次世界大戰，繼續喺20世紀上半季繼續爆發。

我常公子係五毛，當大家今日係咁小共產黨如何不知所謂嘅時候，唔該大家睇睇歷史，睇吓共產主義點解會出現？睇吓當時嘅世界點樣壓逼貧苦大眾？我可以同你寫包單，如果我常公子活響20世紀初期，我一定係列寧嘅布爾什維克絕對支持者，甚至係佢嘅先鋒隊，一邊唱住「國際歌」一邊衝！

「起來！不願做奴隸的人們！」並非一個口號，而係真真正正展現咗當時世界低下階層民眾對自身存在嘅一種熱切期望！

我係五毛！

#常威 #大清亡國關慈禧蛋牛治 #慈禧太后 #晚清歷史 #日俄戰爭

【大清亡國關慈禧蛋牛治】實體購買
https://www.382now.com/product?id=87 ;

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

❤星期日特別放送<要做社會碌葛，唔係碌葛>

😝哲學佬話第一步要釐清概念，社會碌葛究竟係乜先？

😝依本純粹負能量充、滿厭世情懷嘅書藉，係要教人成為「社會碌葛」，認為碌葛男人先嫁得過。首先，「社會碌葛」唔係「碌葛」；同樣道理，「中國香港人」唔係「香港人」；依本書係教人做「社會碌葛」，唔係純粹做「碌葛」！

🤔未講「社會碌葛」係乜前，首先講講「碌葛」係乜？所謂「碌葛」，亦即係社會上一群冇用嘅人，蠢嘅人。或者係啲上曬岸移民加拿大回流、大陸有小三嘅老屎忽口講嘅「廢青」或「宅男\女」。

🤔依種人對社會完全冇貢獻、完全冇作用，社會上有冇佢哋存在都冇所謂，或者，冇咗依堆人，個社會仲會好小小、富裕小小。佢哋嘅存在，某程度上係社會嘅沉重負擔，拖累咗成個社會發展，拖累咗社會上其他人嘅幸福同快樂。佢哋唔會製造財富或快樂，只會製造貧窮與痛苦。

😳如果我哋係由納粹黨(民族社會主義德國工人黨Nazi Party)統治，依種人要直接進入集中營(Concentration Camp)處理。

😄不過，何謂對社會有貢獻先？有作用先？永劫回歸，又返番去哲學嘅定義問題。簡單小小，會交稅就係對社會有貢獻。相信大家都會同意，係嗎？但係，如果人工太小，收入唔超過個人入息免稅額唔駛交稅，咁又有冇貢獻先？

😄所以再簡單小小，凡係有工作嘅人就對社會有所貢獻，因為佢打工，就會帶來經濟活動，佢人工小，可能係老細剝削緊佢，相對地老細係賺多咗，老細賺多鳥，亦會用稅務形式直接或間接貢獻社會，包括交入息稅、交利得稅、買樓交印花稅、或者吃喝玩樂養情婦包二奶消費繼續推動中港臺兩岸三地經濟高速發展……

🤑哇！原來一個人只要肯返工，就可以貢獻社會？是的！沒有錯！（普通話發音）。有貢獻，就唔係「宅男/女」，唔係「碌葛」！所以，定義係「碌葛」唔可以返工，無論佢有冇工返或可唔可以返工，總之佢唔可以有份工！因為只要一投入任何社會經濟活動，就係對個社會有小小貢獻。貢獻當然有分大細，但我哋唔可以抹殺任何微小如塵嘅貢獻，本土最偉大嘅哲學家周星馳講過，畢竟一條底褲都有一條底褲嘅用處，一張廁紙都有一張廁紙嘅作用，至少可以用嚟吻屎，除非你連一條底褲同一張廁紙都唔係。

#碌葛男人嫁得過 #嫁得過系列 #賭Sir #常威 #數學 #哲學 #mathematics #philosophy #生命 #風險管理 #新香港人 #意識形態

【常威西史】慈禧平反系列（一百四十五回）

😄發生在清國國境內的日俄戰爭終於落幕，好多人覺得呢單嘢好喪權辱國，兩個國家喺另一個國家國土上開拖喎？但係某程度上亦唔係好個別嘅例子，之後嘅 #第一次世界大戰 同 #第二次世界大戰 就有好多相同嘅情況發生，二十世紀中期嘅 #韓戰、#越戰，就算今日嘅 #烏克蘭、#敘利亞，其實都係代理人戰爭，真正交手較量嘅其實係 #美國 同 #俄羅斯，綜合一句，美國佬同俄國佬真係好鍾意打仗囉。

😚不過話分兩頭說，如果唔係咁多戰爭，咁啲軍火商又邊有咁多生意呢？你試吓 #中共 真係和平統一咗 #臺灣，咁美國嗰啲舊戰機啊、舊戰艦啊、舊潛艇啊、搵邊個買呢？儍逼喔！

😯《#樸茨茅夫條約》嘅內容，大致上係俄國要重新承認朝鮮嘅主權自由（即係話 #朝鮮 屬於日本），日本同俄國重新分配佢哋喺清國東北嘅利益（所有嘅利益歸於日本），兩國軍隊要完全撤出清國，當然仲要賠款俾日本，條約簽訂後，日本派代表與清國政府代表交涉「東三省善後事宜」，通過《中日會議東三省事宜條約》，迫使清政府承認日俄《樸茨茅夫條約》中給予日本的各項權利。比枝筆你簽名啊on9仔，你以為清國仲有得揀咩？

😏響談判期間日本仲順手佔領埋 #樺太島（即 #庫頁島）增加談判籌碼，直至1945年8月8號，蘇聯 #紅軍 先從日本手上面搶翻庫頁島返嚟，而庫頁島側邊嘅 #北方四島 主權問題，就爭拗到今時今日……

😝日俄戰爭之後，日本同埋俄國軍隊先後撤出東北，名義上東北嘅主權仍然屬於清帝國，某程度上，日本係幫清帝國將東北主權嚮俄國人手上面攞返番嚟，補返住滿州人喺東北 #長白山 條龍脈，其實 #豆斗 要向日本講聲thank you，不過之後半個世紀，日本人嘅勢力就不斷喺東北發展，亦種下咗「#滿洲國」同「#中日戰爭」出現嘅原因。好多人講中日戰爭係日本單方面侵略中國，好似外星人侵略地球咁樣，其實件事並非咁簡單。

😜日俄戰爭日本人全面取得勝利，歷史意義係有色人種軍隊終於第一次真真正正正正式式打贏白色人種軍隊，從此以後再冇人夠膽睇小日本仔，日本人「#脫亞入歐」其實已經成功咗。

😎《樸茨茅夫條約》中日本取得嘅利益同埋戰爭賠款，同日本國民想像嘅係離天九丈遠，日本不但冇完全取得清國東北主權，而且賠款根本冇辦法彌補戰爭開支，更加唔好講84000條人命付出後，實際得到啲乜嘢？……同上一次 #甲午戰爭 後一樣，打勝仗嘅日本人反而出現巨大挫折感，覺得成個世界對佢哋唔公平，欠X咗佢哋，佢哋嘅憤怒深深埋藏喺心裡面，日本人明白到，如果真真正正要站起來，就要變成一個巨大嘅 #軍國主義 國家，打X贏哂世界上所有對手為止……

😯國民嘅不滿情緒，仲引發咗同年嘅 #日比谷 縱火暴動事件，而 #桂太郎 內閣亦於1906年1月總辭。日比谷暴動有機會再講，下一集我哋又講講錢銀問題，講吓無寶不落嘅 #猶太人 係呢一場日俄戰爭中所擔當嘅角色……

#常威💀 #大清亡國關慈禧蛋牛治 #慈禧太后 #晚清歷史 #日俄戰爭

【大清亡國關慈禧蛋牛治】實體購買
https://www.382now.com/product?id=87

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】全集，請支持常公子頻道
https://www.youtube.com/playlist?list=PL0RVUAILQUOvTo8JJrayjrvd_Nbjc-0Me