大清亡國關慈禧蛋牛治
常公子
1001 回覆
374 Like
141 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
推 
【常威中史】為慈禧平反系列（五十八）
豆斗西面，將李鴻章降級作為懲罰，但係冇影響到李鴻章嘅實際權力，一句「北洋無人可易」，冇咗件黃馬褂嘅李鴻章仍然係大清皇室唯一一條救命草，係呢個時候，豆斗仲請返恭親王奕訢（1833-1898）復出領班軍機大臣。喂，大佬，李鴻章71歲，恭親王61歲，豆斗60歲，加埋成200歲，大清真係無人可用？來來去去得嗰幾両友走嚟走去。（註：豆斗返西宛，劉晶已經宣佈全面收皮）
豆斗知道大局已定，打就一定唔夠日本仔打，於是開始採取和談策略，由大英帝國出面調停向日本明治政府議和，唔使講大清當然要賠錢喇，但係條件開出，日本完全冇反應，繼續調動軍隊攻打大清本土。等待日本答覆嘅時候，國難當前，李鴻章不忘向豆斗祝壽，佢專登預備咗九件名貴禮品送畀豆斗，寓意長長久久，禮品名單如下：
「鑲玉如意九柄，赤金壽佛九尊，寶鑽金錶九件，福壽金杯九副，鋼鑽帽花九朵，純緯黃緞九端，七寶金爐九座，七寶金瓶九個。」
大清官場文化大家可以體驗一番。仗可以打輸，嘢可以做錯，但係鞋一定要擦啱！李鴻章及時擦鞋補鑊。講真，都唔係大清喇，今時今日嘅香港咪一撚樣，做官最緊要係乜呀？擦鞋呀！識做人！做世界仔呀！最緊要上面話ok！自己冇立場架！中華民族唔拋棄依啲擦鞋文化陋習，想登上世界第一，獨領風騷，仲有一百年呀傻逼。
1894年11月頭，由野津統率嘅日本陸軍一步步深入中國領土，矛頭直指外號遠東第一要塞，投資折合港幣過千億嘅旅順軍港，清軍兵敗如山倒，完全擋唔住日本陸軍嘅推進。
11月7號，日軍逼近旅順，仲響未有一個人傷亡情況下，就佔領咗清軍喺大連灣嘅所有炮臺陣地，情況係，清軍一見日本人嚟，就雞飛狗走，日本人仲喺陣地內搵到清軍響大連灣內嘅水雷配置圖，於是依住張圖將大連灣內嘅所有水雷清除。冇曬水雷，日本聯合艦隊集結，響遼東半島花園口登陸，向中國不停加兵。
唔知大家記唔記得，丁汝昌先生嘅北洋艦隊已經響10月中出返海巡航，但係佢完全冇阻止到日本聯合艦隊向中國運兵，有傳說話丁汝昌係專登係海上避開日本艦隊，因為一碰頭，就肯定全軍覆沒，由於丁汝昌採取「你睇我唔到、你硬係睇我唔到」嘅偉大戰略，渤海嘅海防已經全面崩潰，日本人予取予攜。李鴻章見到旅順危在旦夕，即刻下令所有海軍陸軍要守住旅順，但係丁汝昌只係返過旅順一晚吹吓水，即刻急急腳返番威海衛「保留實力」。
嚟到依度，大家（大中華膠）係咪好心痛呢？我就係喇！咁號稱十九世紀遠東第一要塞嘅旅順軍港究竟可唔可以當住日軍嘅魔爪呢？
其實我賣關子都係……多舊魚。
下次繼續窮途如末路，兵敗如山倒……
【大清亡國關慈禧蛋牛治】實體購買
https://www.382now.com/product?id=87
【大清亡國關慈禧蛋牛治】
https://play.google.com/store/books/details?id=C3hjDwAAQBAJ
【七不思議系列一：孽咒】
https://play.google.com/store/books/details?id=gSZnDwAAQBAJ
豆斗西面，將李鴻章降級作為懲罰，但係冇影響到李鴻章嘅實際權力，一句「北洋無人可易」，冇咗件黃馬褂嘅李鴻章仍然係大清皇室唯一一條救命草，係呢個時候，豆斗仲請返恭親王奕訢（1833-1898）復出領班軍機大臣。喂，大佬，李鴻章71歲，恭親王61歲，豆斗60歲，加埋成200歲，大清真係無人可用？來來去去得嗰幾両友走嚟走去。（註：豆斗返西宛，劉晶已經宣佈全面收皮）
豆斗知道大局已定，打就一定唔夠日本仔打，於是開始採取和談策略，由大英帝國出面調停向日本明治政府議和，唔使講大清當然要賠錢喇，但係條件開出，日本完全冇反應，繼續調動軍隊攻打大清本土。等待日本答覆嘅時候，國難當前，李鴻章不忘向豆斗祝壽，佢專登預備咗九件名貴禮品送畀豆斗，寓意長長久久，禮品名單如下：
「鑲玉如意九柄，赤金壽佛九尊，寶鑽金錶九件，福壽金杯九副，鋼鑽帽花九朵，純緯黃緞九端，七寶金爐九座，七寶金瓶九個。」
大清官場文化大家可以體驗一番。仗可以打輸，嘢可以做錯，但係鞋一定要擦啱！李鴻章及時擦鞋補鑊。講真，都唔係大清喇，今時今日嘅香港咪一撚樣，做官最緊要係乜呀？擦鞋呀！識做人！做世界仔呀！最緊要上面話ok！自己冇立場架！中華民族唔拋棄依啲擦鞋文化陋習，想登上世界第一，獨領風騷，仲有一百年呀傻逼。
1894年11月頭，由野津統率嘅日本陸軍一步步深入中國領土，矛頭直指外號遠東第一要塞，投資折合港幣過千億嘅旅順軍港，清軍兵敗如山倒，完全擋唔住日本陸軍嘅推進。
11月7號，日軍逼近旅順，仲響未有一個人傷亡情況下，就佔領咗清軍喺大連灣嘅所有炮臺陣地，情況係，清軍一見日本人嚟，就雞飛狗走，日本人仲喺陣地內搵到清軍響大連灣內嘅水雷配置圖，於是依住張圖將大連灣內嘅所有水雷清除。冇曬水雷，日本聯合艦隊集結，響遼東半島花園口登陸，向中國不停加兵。
唔知大家記唔記得，丁汝昌先生嘅北洋艦隊已經響10月中出返海巡航，但係佢完全冇阻止到日本聯合艦隊向中國運兵，有傳說話丁汝昌係專登係海上避開日本艦隊，因為一碰頭，就肯定全軍覆沒，由於丁汝昌採取「你睇我唔到、你硬係睇我唔到」嘅偉大戰略，渤海嘅海防已經全面崩潰，日本人予取予攜。李鴻章見到旅順危在旦夕，即刻下令所有海軍陸軍要守住旅順，但係丁汝昌只係返過旅順一晚吹吓水，即刻急急腳返番威海衛「保留實力」。
嚟到依度，大家（大中華膠）係咪好心痛呢？我就係喇！咁號稱十九世紀遠東第一要塞嘅旅順軍港究竟可唔可以當住日軍嘅魔爪呢？
其實我賣關子都係……多舊魚。
下次繼續窮途如末路，兵敗如山倒……
【大清亡國關慈禧蛋牛治】實體購買https://www.382now.com/product?id=87
【大清亡國關慈禧蛋牛治】https://play.google.com/store/books/details?id=C3hjDwAAQBAJ
【七不思議系列一：孽咒】https://play.google.com/store/books/details?id=gSZnDwAAQBAJ
請撐我 #常公子 ！幫手去書局掃本【#大清亡國關慈禧蛋牛治】！ 現在 #撈出版 好難，出本書想賺錢係天方夜譚！但一本書嘅生死往往決定於 #第一轉 賣唔賣得，因為如果第一次攞貨都唔賣得，啲貨完全唔郁，咁書局以後就唔會再攞第二轉，咁本書從此以後就響市面消失。所以第一轉貨去唔去到好X重要，如果大家想撐我常公子，希望我可以繼續寫歷史書寫落去，寫到 #王光美 接 #劉少奇 骨灰，有返小小錢幫補家計，請同我殺落書局去掃第一輪貨，見唔到書，都同我問吓點解冇貨，咁都係對我有幫助嘅！ 本書內容重新修訂，並唔係齋返炒FB舊文，我常公子呃錢都要呃得有品味。定價98蚊，一嚿水有找，係撐我嘅，就擺到一張 #紅衫魚，高山流水。 【蛋牛治】上架書店：城邦書店
田園書屋
開益-旺角
中華書局(油麻地)
商務(北角分館)
商務(佐敦)
商務沙田圖書廣場
商務(屯門時代廣場)
天地圖書(灣仔)
三聯書店(荃灣東店)
三聯(葵芳新店)
森記(灣仔)
星光書店有限公司
星光書店(理工分店)
中華書局將軍澳分店
大眾書局(黃埔)
宏達圖書中心
澳門文化廣場
世界出版社(外批部)
三聯書店(鑽石山)
三聯書店[元朗文化生活
商務(天水圍)
大眾書店(大埔新店)
商務(德福新店)
文采書店(澳門)
大眾書店(奧海城)
三聯(灣仔新店)
大眾書店(屯門店)
大眾書店-荃新天地店
大眾書店-黃大仙店
大眾(MegaBox)
漢榮書局
大眾書局(沙田第一城店)
商務(將軍澳PopCorn店)
大眾書局(始創中心)
香港誠品-銅鑼灣
香港誠品-尖沙咀
香港誠品-太古城
大眾書店-油塘店
大眾書店(藍灣廣場)
大眾書局-新世紀廣場
大眾書店(瀝源新店)
商務(屯門良景店)
大眾書店(元朗YOHO)
三聯-將軍澳(東港城)
大眾書店-黃大仙店
大眾(MegaBox)
三聯書店-荔枝角店
突破書廊-佐敦店
突破書廊-沙田店
商務-香港仔分店
漢榮書局
大眾書局(沙田第一城店)
商務(將軍澳PopCorn店)
大眾書局(始創中心)
香港誠品-銅鑼灣
香港誠品-尖沙咀
香港誠品-太古城
大眾書店-油塘店
大眾書店(藍灣廣場)
大眾書局-新世紀廣場
大眾書店(瀝源新店)
大眾書店(元朗YOHO)
多謝大家幫乞兒仔
見到title心諗，呢本唔係書嚟咩
之前係誠品見到本書，見幾得意揭咗幾頁嚟睇，內容實在非常盞鬼（但寫實），而且用口語嚟寫，好貼地
支持樓主，聽日就去買 
之前係誠品見到本書，見幾得意揭咗幾頁嚟睇，內容實在非常盞鬼（但寫實），而且用口語嚟寫，好貼地
支持樓主，聽日就去買
聽日去買返本支持下
乞兒有飯開
見你痴線到連書局都逐間list
朕決定路過課金買一本啦
朕決定路過課金買一本啦
【大清亡國關賭Sir蛋牛治】
政治博弈嘅最高技巧係殺人於無形，古今皆是。昨日有曾國藩，今日亦有曾蔭權，某種勢力死咬佢唔放，官司一打五六年，堂堂特首出入監倉，黑髮變白頭，政治能量全部消失。我諗佢由一開始從來冇諗過，打好一份工，最後會有咁嘅結果。
曾國藩係中國晚清史上一個非常重要嘅人物，劉仲敬稱呼佢為 #大清掘墓人，大國學家 #陳寅恪 考証出佢係 #賣國賊 ，一般人對佢非常正面。但其實所謂正面同反面，都只不過係我哋對歷史事件唔同嘅 #詮釋 ，歷史事件本身冇黑白，冇對錯。但係量尺喺我哋自己心裡面，依把尺，量度他人同時，最重要反而係量度自己嘅高度。
【#大清亡國關慈禧蛋牛治】語音導航！今集重金請到 #賭Sir 客串聲優，成條片生曬！請大家記得睇完，幫手「#訂閱」我條YoutubeChannel！同埋介紹多啲人睇！
https://youtu.be/xSV1yk4K9Og
政治博弈嘅最高技巧係殺人於無形，古今皆是。昨日有曾國藩，今日亦有曾蔭權，某種勢力死咬佢唔放，官司一打五六年，堂堂特首出入監倉，黑髮變白頭，政治能量全部消失。我諗佢由一開始從來冇諗過，打好一份工，最後會有咁嘅結果。 曾國藩係中國晚清史上一個非常重要嘅人物，劉仲敬稱呼佢為 #大清掘墓人，大國學家 #陳寅恪 考証出佢係 #賣國賊 ，一般人對佢非常正面。但其實所謂正面同反面，都只不過係我哋對歷史事件唔同嘅 #詮釋 ，歷史事件本身冇黑白，冇對錯。但係量尺喺我哋自己心裡面，依把尺，量度他人同時，最重要反而係量度自己嘅高度。 【#大清亡國關慈禧蛋牛治】語音導航！今集重金請到 #賭Sir 客串聲優，成條片生曬！請大家記得睇完，幫手「#訂閱」我條YoutubeChannel！同埋介紹多啲人睇！https://youtu.be/xSV1yk4K9Og
大清亡國關我地漢族蛋牛治
佢用「関於」嫁，應該只係關佢事，唔關我地香港人事
【常威中史】為慈禧平反系列（六十）
喃嘸阿彌陀佛。
1894年11月21日，日軍攻佔旅順後，對市內各處流散嘅清兵進行咗四天三夜嘅血腥大清洗，史稱旅順大屠殺。
旅順大屠殺嘅死亡人數非常參差，由幾千人到二三萬人不等，但無論如何，日本陸軍的確做出咗人類歷史上可圈可點嘅禽獸行為，當時響旅順嘅美國同英國記者記述咗呢件慘無人道嘅大屠殺，日本鬼子兵以狩捕清兵為藉口，（順便）血腥殘殺平民百姓、殘殺婦女兒童，有相有真相，日本人冇得抵賴。會殺平民女人同細路仔嘅軍隊，無論外表幾文明都好，其實都只不過係一群禽獸……
發起大屠殺嘅理由，不外乎係日本陸軍話清兵之前曾經虐殺佢哋嘅同胞（斬首分屍），因此以眼還眼，要進行血腥報復。呢個理由唔成立囉，打仗嘅嘢，一係我殺你一係你殺我，邊有話啱定錯？個情況好似1860年英法聯軍火燒圓明園，洋人都係要為咗報復清軍之前嘅殘酷行為，你信唔信先？（燒還燒但偷嘢喎）
毛澤東講過「世界上冇無緣無故嘅愛，亦冇無緣無故嘅恨」。
睇嚟甲午戰爭之前日本人己經對清國人恨之入骨，中日嘅仇怨始於明朝，由豐臣秀吉征韓開始到倭寇，日本人一直視明、清兩國為最大敵人，而且喺日本人心目中，日本係長期俾明清兩國壓住。正所謂受咗你咁耐氣，一鋪還返畀你。但係睇返轉頭，明清兩代真係冇做過乜嘢對日本人唔住（如果大家發現有，唔該話畀我知），日本人旅順玩大屠殺，我常公子衹能夠回應一句：
「日本禽獸！我X你老母！」
古往今來，戰爭基本上係一個高尚行為，戰士保家衛國，為自己嘅理念信仰而戰鬥（唔理你信嘅係真定係假），拋頭顱灑熱血，死而後已，無論贏輸都應該值得尊重。但踏入19世紀下半葉，戰爭變成咗帝國同帝國之間嘅權力競爭遊戲，戰爭嘅崇高性開始逐漸消失，剩低嘅只淨返血腥同埋掠奪，人類隱藏喺潛意識裏面獸性開始被喚發出嚟，結果喺第一次世界大戰同埋第二次世界大戰大放異采，全人類自食其果。再講一次，碎肉機開始轉動，任何人都難以獨善其身！
20世紀中期後，人類邁向真正嘅文明進步嘅黃金時代（Golden Era），其實真係要多謝原子彈嘅發明者奧本海默同愛因斯坦，佢哋兩位之後表示好後悔好內疚發明原子彈，但係我想同佢哋講，其實佢哋拯救咗無數生命。呢個世界永遠無辦法用道理同仁義道德講得服一隻「禽獸」，想佢聽話扮番個文明人，唔該用支槍指X住佢個頭。
旅順失守，日軍深入遼東半島，下一個目標，係大清最後一道（豆腐）防線：威海衛軍港！
甲午戰爭嘅一連串慘敗，令所有清國人知道自己嘅國家真係無能兼On9，完全唔夠日本人打，一部分人開始醒覺過嚟，好似奪命書生孫中山就響1894年10月投稿上海《萬國公報》，一篇《上李鴻章書》要求大清痛定思痛，作深刻同全面嘅政治體制改革，否則國破家亡指日可待。
革命之火開始燃燒鳥！
【大清亡國關慈禧蛋牛治】實體購買
https://www.382now.com/product?id=87
【大清亡國關慈禧蛋牛治】
https://play.google.com/store/books/details?id=C3hjDwAAQBAJ
喃嘸阿彌陀佛。
1894年11月21日，日軍攻佔旅順後，對市內各處流散嘅清兵進行咗四天三夜嘅血腥大清洗，史稱旅順大屠殺。
旅順大屠殺嘅死亡人數非常參差，由幾千人到二三萬人不等，但無論如何，日本陸軍的確做出咗人類歷史上可圈可點嘅禽獸行為，當時響旅順嘅美國同英國記者記述咗呢件慘無人道嘅大屠殺，日本鬼子兵以狩捕清兵為藉口，（順便）血腥殘殺平民百姓、殘殺婦女兒童，有相有真相，日本人冇得抵賴。會殺平民女人同細路仔嘅軍隊，無論外表幾文明都好，其實都只不過係一群禽獸……
發起大屠殺嘅理由，不外乎係日本陸軍話清兵之前曾經虐殺佢哋嘅同胞（斬首分屍），因此以眼還眼，要進行血腥報復。呢個理由唔成立囉，打仗嘅嘢，一係我殺你一係你殺我，邊有話啱定錯？個情況好似1860年英法聯軍火燒圓明園，洋人都係要為咗報復清軍之前嘅殘酷行為，你信唔信先？（燒還燒但偷嘢喎）
毛澤東講過「世界上冇無緣無故嘅愛，亦冇無緣無故嘅恨」。
睇嚟甲午戰爭之前日本人己經對清國人恨之入骨，中日嘅仇怨始於明朝，由豐臣秀吉征韓開始到倭寇，日本人一直視明、清兩國為最大敵人，而且喺日本人心目中，日本係長期俾明清兩國壓住。正所謂受咗你咁耐氣，一鋪還返畀你。但係睇返轉頭，明清兩代真係冇做過乜嘢對日本人唔住（如果大家發現有，唔該話畀我知），日本人旅順玩大屠殺，我常公子衹能夠回應一句：
「日本禽獸！我X你老母！」
古往今來，戰爭基本上係一個高尚行為，戰士保家衛國，為自己嘅理念信仰而戰鬥（唔理你信嘅係真定係假），拋頭顱灑熱血，死而後已，無論贏輸都應該值得尊重。但踏入19世紀下半葉，戰爭變成咗帝國同帝國之間嘅權力競爭遊戲，戰爭嘅崇高性開始逐漸消失，剩低嘅只淨返血腥同埋掠奪，人類隱藏喺潛意識裏面獸性開始被喚發出嚟，結果喺第一次世界大戰同埋第二次世界大戰大放異采，全人類自食其果。再講一次，碎肉機開始轉動，任何人都難以獨善其身！
20世紀中期後，人類邁向真正嘅文明進步嘅黃金時代（Golden Era），其實真係要多謝原子彈嘅發明者奧本海默同愛因斯坦，佢哋兩位之後表示好後悔好內疚發明原子彈，但係我想同佢哋講，其實佢哋拯救咗無數生命。呢個世界永遠無辦法用道理同仁義道德講得服一隻「禽獸」，想佢聽話扮番個文明人，唔該用支槍指X住佢個頭。
旅順失守，日軍深入遼東半島，下一個目標，係大清最後一道（豆腐）防線：威海衛軍港！
甲午戰爭嘅一連串慘敗，令所有清國人知道自己嘅國家真係無能兼On9，完全唔夠日本人打，一部分人開始醒覺過嚟，好似奪命書生孫中山就響1894年10月投稿上海《萬國公報》，一篇《上李鴻章書》要求大清痛定思痛，作深刻同全面嘅政治體制改革，否則國破家亡指日可待。
革命之火開始燃燒鳥！
【大清亡國關慈禧蛋牛治】實體購買https://www.382now.com/product?id=87
【大清亡國關慈禧蛋牛治】https://play.google.com/store/books/details?id=C3hjDwAAQBAJ
乞兒求飯，請支持吓我寫近代史
【常威中史】為慈禧平反系列（六十一）
一啖砂糖一淡屎，上回屌完日本人凶殘，今日要讚佢哋專業。其實甲午戰爭史料大部分都係由日本人留低，後世人能夠對甲午戰爭有深刻理解，都係多得佢哋同外國記者嘅真實記錄。而大清呢？完全係冇囉，佢哋連一個正式嘅詳盡官方戰爭記錄都冇，民間相關嘅記述亦少之又少，好似場仗輸咗、人死咗、錢賠咗就冇咗件事咁，根本一啲都唔尊重戰場上為國捐軀嘅戰士！死嘅人好多時候連名都冇（亦冇狗牌），更加唔會學人哋咁將英靈供奉係靖國神社至今。
連一個戰事完整紀錄都欠奉，更莫論話媒體監察，當時開始踏入20世紀嘅大清國同大清國民，其實徹底同大時代文明脫節，再唔變，亡國都係應份。
大力叉開一筆，因為人民公社大躍進運動而發生喺1959-1962年之間嘅三年大饑荒，到咗今日，中共官方仍然冇一個具體嘅說法，究竟死咗幾多人冇人知？點樣死？喺邊度死？點解會死？亦冇人講冇人承認。3500萬？2500萬？抑或1500萬，亦都冇具體數字留低。世界上最悲哀嘅事，莫過於此。
中共老黨員、資深新聞工作者楊繼繩先生就寫過一本叫【墓碑】嘅書，詳述咗依一場可能係人類歷史上最大嘅饑荒。佢話寫本書嘅理由係為咗死嘅幾千萬人立一個墓碑。因為佢哋連墓碑都冇，佢哋生命就白白流逝響歷史之中，冇人再記起，亦都冇人再提起，就好似從來未發生過一樣。【墓碑】就係用文字為佢哋立碑。楊繼繩講，你唔敢面對歷史，你就永遠唔能夠抬起頭來。你唔夠膽面對錯誤，你就永遠唔可以理直氣壯咁去做人。你係邊位？大家心知肚明。
係咪做中國人就要咁命賤先？由乾隆爺死咗開始，就賤到今時今日，我哋究竟做錯啲乜？今日係香港講句說話都會犯法，歷史唔係開倒車，揾鬼信。
講返甲午戰爭，日軍佔領旅順大連大屠殺後，原本軍事部署係直取直隸，用1860年英法聯軍嘅行軍路線進攻天津同北京。但當時係12月，冰冷天氣同埋結冰嘅渤海灣不適宜登陸作戰，於是日軍改變戰略，先集中火力進軍威海衛，徹底粉碎北洋水師剩低嘅殘餘戰鬥力。
補充返小小資料，豆斗六十歲生日係農曆十月初十，即係新曆11月7日星期三，當時日軍已經登陸遼東半島向旅順步步進逼，金州失陷。豆斗嘅大壽慶典如期舉行，不過係低調行事，比起原本嘅安排相差十萬八千里，名副其實喪事當喜事辦。
去返12月頭，大清一心要保護山東半島上最後一座軍事要塞威海衛，中央加派軍隊進入山東半島防禦日軍，大力撥款招募新兵，最高總指揮亦由李鴻章改咗劉坤一。可惜大勢已去，根本冇人願意參軍去送死，原本嘅軍隊亦有大量逃兵，甚至有嘩變發生。12月26日日軍順利掃盪清軍沿岸防務，完成大規模登陸，將遼東半島嘅軍隊橫越黃海輸送到山東半島，同旅順戰爭一樣，聯合艦隊海路進逼，配合陸軍，直取北洋水師嘅最後據點、丁汝昌同劉步蟬身處嘅威海衛軍港。
預備好生鴉片未？
【大清亡國關慈禧蛋牛治】實體購買
https://www.382now.com/product?id=87
【大清亡國關慈禧蛋牛治】
https://play.google.com/store/books/details?id=C3hjDwAAQBAJ
一啖砂糖一淡屎，上回屌完日本人凶殘，今日要讚佢哋專業。其實甲午戰爭史料大部分都係由日本人留低，後世人能夠對甲午戰爭有深刻理解，都係多得佢哋同外國記者嘅真實記錄。而大清呢？完全係冇囉，佢哋連一個正式嘅詳盡官方戰爭記錄都冇，民間相關嘅記述亦少之又少，好似場仗輸咗、人死咗、錢賠咗就冇咗件事咁，根本一啲都唔尊重戰場上為國捐軀嘅戰士！死嘅人好多時候連名都冇（亦冇狗牌），更加唔會學人哋咁將英靈供奉係靖國神社至今。
連一個戰事完整紀錄都欠奉，更莫論話媒體監察，當時開始踏入20世紀嘅大清國同大清國民，其實徹底同大時代文明脫節，再唔變，亡國都係應份。
大力叉開一筆，因為人民公社大躍進運動而發生喺1959-1962年之間嘅三年大饑荒，到咗今日，中共官方仍然冇一個具體嘅說法，究竟死咗幾多人冇人知？點樣死？喺邊度死？點解會死？亦冇人講冇人承認。3500萬？2500萬？抑或1500萬，亦都冇具體數字留低。世界上最悲哀嘅事，莫過於此。
中共老黨員、資深新聞工作者楊繼繩先生就寫過一本叫【墓碑】嘅書，詳述咗依一場可能係人類歷史上最大嘅饑荒。佢話寫本書嘅理由係為咗死嘅幾千萬人立一個墓碑。因為佢哋連墓碑都冇，佢哋生命就白白流逝響歷史之中，冇人再記起，亦都冇人再提起，就好似從來未發生過一樣。【墓碑】就係用文字為佢哋立碑。楊繼繩講，你唔敢面對歷史，你就永遠唔能夠抬起頭來。你唔夠膽面對錯誤，你就永遠唔可以理直氣壯咁去做人。你係邊位？大家心知肚明。
係咪做中國人就要咁命賤先？由乾隆爺死咗開始，就賤到今時今日，我哋究竟做錯啲乜？今日係香港講句說話都會犯法，歷史唔係開倒車，揾鬼信。
講返甲午戰爭，日軍佔領旅順大連大屠殺後，原本軍事部署係直取直隸，用1860年英法聯軍嘅行軍路線進攻天津同北京。但當時係12月，冰冷天氣同埋結冰嘅渤海灣不適宜登陸作戰，於是日軍改變戰略，先集中火力進軍威海衛，徹底粉碎北洋水師剩低嘅殘餘戰鬥力。
補充返小小資料，豆斗六十歲生日係農曆十月初十，即係新曆11月7日星期三，當時日軍已經登陸遼東半島向旅順步步進逼，金州失陷。豆斗嘅大壽慶典如期舉行，不過係低調行事，比起原本嘅安排相差十萬八千里，名副其實喪事當喜事辦。
去返12月頭，大清一心要保護山東半島上最後一座軍事要塞威海衛，中央加派軍隊進入山東半島防禦日軍，大力撥款招募新兵，最高總指揮亦由李鴻章改咗劉坤一。可惜大勢已去，根本冇人願意參軍去送死，原本嘅軍隊亦有大量逃兵，甚至有嘩變發生。12月26日日軍順利掃盪清軍沿岸防務，完成大規模登陸，將遼東半島嘅軍隊橫越黃海輸送到山東半島，同旅順戰爭一樣，聯合艦隊海路進逼，配合陸軍，直取北洋水師嘅最後據點、丁汝昌同劉步蟬身處嘅威海衛軍港。
預備好生鴉片未？
【大清亡國關慈禧蛋牛治】實體購買https://www.382now.com/product?id=87
【大清亡國關慈禧蛋牛治】https://play.google.com/store/books/details?id=C3hjDwAAQBAJ
乞兒求飯，請支持吓我寫近代史
【大清亡國關曾蔭權蛋牛治】
中國政治風向真係冇人可以估到，原本以為大大獨大，點知一場貿易戰，竟然可以動搖佢嘅無尚權威，北戴河會議快將展開，當中又有乜嘢變數發生？相信都唔會有人知，俾你估到！你咪係食神！
九十年代周星馳電影嘅民間智慧的確係冇得頂，好多無厘頭對白裏邊其實充滿咗人間深度，「愛你一萬年」唔使講，「真係估你唔到」，就真係過左40歲先會明白啊，世間事物黑白混淆陰陽兩面，真係咁易畀你估到咩？有啲嘢當事人都唔知，外人又點會知呢？
【#大清亡國關慈禧蛋牛治】語音導航！請大家記得睇完，幫手「#訂閱」我條YoutubeChannel！禁鐘仔！禁鐘仔！禁鐘仔！同埋介紹多啲人睇！
https://youtu.be/SHry_NYe1nk
中國政治風向真係冇人可以估到，原本以為大大獨大，點知一場貿易戰，竟然可以動搖佢嘅無尚權威，北戴河會議快將展開，當中又有乜嘢變數發生？相信都唔會有人知，俾你估到！你咪係食神！
九十年代周星馳電影嘅民間智慧的確係冇得頂，好多無厘頭對白裏邊其實充滿咗人間深度，「愛你一萬年」唔使講，「真係估你唔到」，就真係過左40歲先會明白啊，世間事物黑白混淆陰陽兩面，真係咁易畀你估到咩？有啲嘢當事人都唔知，外人又點會知呢？
【#大清亡國關慈禧蛋牛治】語音導航！請大家記得睇完，幫手「#訂閱」我條YoutubeChannel！禁鐘仔！禁鐘仔！禁鐘仔！同埋介紹多啲人睇！
https://youtu.be/SHry_NYe1nk
【常威中史】為慈禧平反系列（六十二）
相信金正恩呢條肥仔上臺時，冇乜人睇好佢，但係佢竟然成就咗偉大功業，隻手結束咗維持咗70年嘅朝鮮戰爭，實現朝鮮半島無核化，開放改革，真係唔好睇小肥仔（目測230磅）。事後睇返轉頭，有理由相信佢之前剷除張成澤、崔龍海等舊臣，並非鳩做，極有可能係剷除阻擋南北韓和平嘅舊派絆腳石，政治嘅嘢，真係冇咁容易俾你睇透。
1895年1月，日軍響山東半島捷捷勝利，1月26日全面進攻威海衛軍港，比起佔領旅順軍港，日軍遭受嘅抵抗比較強烈。但係清兵仍然冇辦法阻擋日本人攻勢，以定遠鎮遠兩艘旗艦為首嘅殘餘北洋艦隊，試圖喺海岸線上用炮火支援陸軍，保衛威海衛，可惜效果欠奉。1月30號，威海衛南岸陣地完全失守，北洋艦隊完全暴露係已經被日軍佔領嘅炮台射程之內，用大清嘅炮射番大清嘅戰艦，陰公豬。
2月3日，威海衛東岸陣地相繼失守，整個威海衛軍港同所有炮台差不多比日本人完全佔領，陸軍雞飛狗走，北洋艦隊孤零零漂浮喺威海衛同劉公島之間嘅水域等死，2月5日深夜時份，日本利用魚雷艇發動夜襲，定遠中魚雷響淺灘擱淺，船身入水傾斜，丁汝昌下令炸沉定遠。
回天乏力，丁汝昌同劉步蟾率領鎮遠艦同魚雷艇退返劉公島作垂死掙扎，2月7號，聯合艦隊23艘軍艦全力進攻劉公島，大清最後九艘魚雷艇全被殲滅。2月8日，日軍佔領劉公島。北洋水師冇路可走，被迫喺海面四處躲避，完全捱打。2月12號，北洋水師派遣代表程璧光前往日艦商量投降事宜，向日軍投降後，當夜丁汝昌、徐步蟾吞生鴉片自殺，丁汝昌享年59歲，劉步蟾享年42歲。
除咗佢兩個，仲有劉公島陸軍指揮官張文宣同時自殺。北洋水師到此全軍覆沒。17號，日清雙方正式簽字落印，即日履行交收航艦同港口事宜，日軍釋放戰俘4000餘人，當中包括不少高級將領同外國僱傭兵。
德國嘅手工藝極品鎮遠旗艦都最後都冇沉到，投降後被編入日本聯合艦隊，沿用返鎮遠個名，服役到1912年於橫濱解體。
丁汝昌自盡，寧死不降，贏得日本軍人敬重，伊東佑亨用商船將遺體送返中國、同立碑以表敬意（日本人真係一個好分裂嘅民族，一邊咁靚仔一邊玩大屠殺……）。關於丁汝昌同劉步蟾生吞鴉片自殺嘅事，有人話佢哋隨身帶住鴉片，明顯煙癮好大。佢哋兩個有煙癮應該一定。當時大清北洋海軍屬於高級官員，有舖煙癮係當時生活潮流，一啲都唔需要覺得奇怪。反而係佢哋典解要採取呢種自殺手法？手槍佢哋一定有，一粒子彈射入個口一了百了，又何需用咁痛苦嘅方法去死呢？睇嚟佢哋只係想增加自己嘅死前受苦時間，以表達自己嘅愛國心同悔咎心，唔識屌就唔好亂屌唔該。
想提提一個人叫蔡延干，佢係北洋水師魚雷艇艇長，佢被俘虜後作咗首詩，詩曰：
「渤海清兵勢力微，日東軍士向前馳，此敗沙場君莫笑，他年再戰決雄雌。」
甲午戰爭後佢返番清國，歷任大清海軍部軍制司司長，中華民國海軍中將，民國總統府副大禮官，中國紅十字會副會長等職務，晚年歸隱，用心翻譯，喺清華大學同燕京大學教授中國文學。
邊個話大清冇人？祇不過係唔識用人，用廢官用狗官用貪官用擦鞋仔，唔死都幾難啦屌？
#常威 #慈禧太后 #晚清歷史 #甲午戰爭 #丁汝昌 #劉步蟾 #鎮遠 #威海衛
【大清亡國關慈禧蛋牛治】實體購買
https://www.382now.com/product?id=87
【大清亡國關慈禧蛋牛治】
https://play.google.com/store/books/details?id=C3hjDwAAQBAJ
【七不思議系列一：孽咒】
https://play.google.com/store/books/details?id=gSZnDwAAQBAJ
相信金正恩呢條肥仔上臺時，冇乜人睇好佢，但係佢竟然成就咗偉大功業，隻手結束咗維持咗70年嘅朝鮮戰爭，實現朝鮮半島無核化，開放改革，真係唔好睇小肥仔（目測230磅）。事後睇返轉頭，有理由相信佢之前剷除張成澤、崔龍海等舊臣，並非鳩做，極有可能係剷除阻擋南北韓和平嘅舊派絆腳石，政治嘅嘢，真係冇咁容易俾你睇透。
1895年1月，日軍響山東半島捷捷勝利，1月26日全面進攻威海衛軍港，比起佔領旅順軍港，日軍遭受嘅抵抗比較強烈。但係清兵仍然冇辦法阻擋日本人攻勢，以定遠鎮遠兩艘旗艦為首嘅殘餘北洋艦隊，試圖喺海岸線上用炮火支援陸軍，保衛威海衛，可惜效果欠奉。1月30號，威海衛南岸陣地完全失守，北洋艦隊完全暴露係已經被日軍佔領嘅炮台射程之內，用大清嘅炮射番大清嘅戰艦，陰公豬。
2月3日，威海衛東岸陣地相繼失守，整個威海衛軍港同所有炮台差不多比日本人完全佔領，陸軍雞飛狗走，北洋艦隊孤零零漂浮喺威海衛同劉公島之間嘅水域等死，2月5日深夜時份，日本利用魚雷艇發動夜襲，定遠中魚雷響淺灘擱淺，船身入水傾斜，丁汝昌下令炸沉定遠。
回天乏力，丁汝昌同劉步蟾率領鎮遠艦同魚雷艇退返劉公島作垂死掙扎，2月7號，聯合艦隊23艘軍艦全力進攻劉公島，大清最後九艘魚雷艇全被殲滅。2月8日，日軍佔領劉公島。北洋水師冇路可走，被迫喺海面四處躲避，完全捱打。2月12號，北洋水師派遣代表程璧光前往日艦商量投降事宜，向日軍投降後，當夜丁汝昌、徐步蟾吞生鴉片自殺，丁汝昌享年59歲，劉步蟾享年42歲。
除咗佢兩個，仲有劉公島陸軍指揮官張文宣同時自殺。北洋水師到此全軍覆沒。17號，日清雙方正式簽字落印，即日履行交收航艦同港口事宜，日軍釋放戰俘4000餘人，當中包括不少高級將領同外國僱傭兵。
德國嘅手工藝極品鎮遠旗艦都最後都冇沉到，投降後被編入日本聯合艦隊，沿用返鎮遠個名，服役到1912年於橫濱解體。
丁汝昌自盡，寧死不降，贏得日本軍人敬重，伊東佑亨用商船將遺體送返中國、同立碑以表敬意（日本人真係一個好分裂嘅民族，一邊咁靚仔一邊玩大屠殺……）。關於丁汝昌同劉步蟾生吞鴉片自殺嘅事，有人話佢哋隨身帶住鴉片，明顯煙癮好大。佢哋兩個有煙癮應該一定。當時大清北洋海軍屬於高級官員，有舖煙癮係當時生活潮流，一啲都唔需要覺得奇怪。反而係佢哋典解要採取呢種自殺手法？手槍佢哋一定有，一粒子彈射入個口一了百了，又何需用咁痛苦嘅方法去死呢？睇嚟佢哋只係想增加自己嘅死前受苦時間，以表達自己嘅愛國心同悔咎心，唔識屌就唔好亂屌唔該。
想提提一個人叫蔡延干，佢係北洋水師魚雷艇艇長，佢被俘虜後作咗首詩，詩曰：
「渤海清兵勢力微，日東軍士向前馳，此敗沙場君莫笑，他年再戰決雄雌。」
甲午戰爭後佢返番清國，歷任大清海軍部軍制司司長，中華民國海軍中將，民國總統府副大禮官，中國紅十字會副會長等職務，晚年歸隱，用心翻譯，喺清華大學同燕京大學教授中國文學。
邊個話大清冇人？祇不過係唔識用人，用廢官用狗官用貪官用擦鞋仔，唔死都幾難啦屌？
#常威 #慈禧太后 #晚清歷史 #甲午戰爭 #丁汝昌 #劉步蟾 #鎮遠 #威海衛
【大清亡國關慈禧蛋牛治】實體購買https://www.382now.com/product?id=87
【大清亡國關慈禧蛋牛治】https://play.google.com/store/books/details?id=C3hjDwAAQBAJ
【七不思議系列一：孽咒】https://play.google.com/store/books/details?id=gSZnDwAAQBAJ
正 支持 咁睇又幾有趣 但好似沒乜人睇咁