大清亡國關慈禧蛋牛治

sure

【大清亡國關 #甲午戰爭 蛋牛治】

🙇大清亡國當然關甲午戰爭事，整個20世紀嘅東亞格局，其實都係由一場甲午戰爭開始，甲午戰爭對日本人意義重大，因為呢場戰爭令到日本步向之後50年軍國主義發展嘅道路，當中涉及整個亞洲嘅苦難，都係由一場甲午戰爭起步。

🙇日本右翼分子有一個論述，話日本先係抗衡歐美帝國主義嘅先鋒，呢個講法唔可以話錯曬，唔係日本人嘅崛起，東方人永遠係西方人嘅眼界裡面，只係一群石梨貝水塘嘅恒河猴。現代世界追求平等，但喺20世紀初期，完全唔存在平等依回事，邊個夠惡邊個就做大佬，邊個唔掂就只可以做恒河猴，其實到咗現今世界，規律都係冇變過，祇不過係用另一種比較仁慈嘅方式展現啫。你睇Donald Trump！

😃嚟緊，常公子昌奴仲會有新節目，我可能會響昌奴裡邊同大家講吓佛堂講吓哲學，務求令條頻道更加多元化，努力加油同抽水，永不言敗，就係香港精神！

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！感恩🙏🙏🙏🙏

🔌https://youtu.be/bl2N5EN_RMc

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

【常威中史】為慈禧平反系列（九十一）

太多人要保護劉晶光緒帝嘅聲名，其實成單嘢做得最錯就依條仆街仔。豆斗發動戊戌變法堅決向西方學習，一方面當時嘅時勢的確有咁嘅需要。另外作為一個叻人馬基維利主義者， 變法另一個作用就係渲洩民怨。你要普選吖嘛？我就同你搞場普選行政長官喇，你唔鍾意都冇計，情況一如你想食牛扒，哦？l see，就比碟屎你，都係有得食吖？但依招就封咗大部份蠢人把口，搞咗喇，仲想點吖？

但搞還搞，勾結外國勢力就唔得，咁叫做觸及底線，嗌民主自由得，講港獨就唔得。1898年8月中開始，合邦輿論唱到慶烚烚，而劉晶就唔想環保吹想真做，9月頭開學，伊藤博文亦預備訪問大清行程，接受總顧問一職。

局內人非常明白，要水到渠成必需移走眼前最後一座大山，就係豆斗。於是劉晶發動總攻擊，籌備奪權。9月4號「禮部人事大地震」後，豆斗同光緒僵持咗10日，劉晶勾結日本人，你估豆斗唔知咩？唔知就坐唔到個位四十年喇儍仔，佢一直唔發難，冇非都係想比個機會劉晶回頭是岸，但白痴仔不但冇回頭，仲變本加厲，打算動用武力奪權。俗語有講「先撩者賤，打死無怨」，睇番成件事，豆斗完全被動，一切都係劉晶不斷搞屎棍。

9月14號，劉晶豆斗衝突表面化，相信成個統治階層都知，袁世凱接到聖旨由天津坐火車嚟到北京。當時袁電筒響天津小站練咗兩年兵，手中一枝7000人全普魯士式兵制同裝備嘅「新軍」係當時大清最強嘅武裝力量，佢響敏感時刻被召入京，明顯係太后同皇帝嘅攤牌。

只要邊個得到袁電筒新軍嘅支持，邊個就係贏家。袁電筒係新派官員，言論亦曾經支持過新黨康有為等人，但講還講，朝鮮返來之後，佢係榮祿一手提攜上位，榮祿係豆斗四十年自己人兼頭馬（當時佢係直隸總督），條線好清楚，未踼已經知道賽果。況且袁電筒出嚟行走江湖見識廣博，絶對唔係嗰啲埋頭苦讀以為講幾句漂亮説話就可以救國嘅白痴柒頭。仲有，袁世凱其係一個好守信用嘅人，由始至終都未變過，後世人話佢出賣光緒害死人。其實，如果佢當時投靠光緒，先至係出賣慈禧，先至係變節，不仁不義，遺臭萬年，調轉嚟講抹黑佢，情何以堪？

9月15號到9月18號，袁電筒分別響紫禁城同頤和園見過豆斗同劉晶，至於講過乜就冇人知咯。中間榮祿調動聶士成等陸軍，一面進駐北京外圍防範，一面封阻天津新軍入京之路，一場軍事政變如箭在弦。亦有資料顯示大沽口外，英國軍艦亦有不正常動向出現。大英帝國軍情六署高級特務李提摩太先生相信亦有份參予合邦奪權嘅大龍鳳。一切動向，亦有理由相信袁電筒響當中擔當住決定性嘅角色。

9月18號夜晚，新上任嘅軍機處京章行走、戊戌事件最響噹噹嘅人物譚嗣同（1865-1898）去到法華寺見袁世凱。（我諗L爆頭都唔明，而當時袁世凱一個咁重要嘅關鍵人物，典解會住響一間寺度？而且保安一啲都唔森嚴，譚先生可帶住武器自出自入？中國人做嘢，真係冇卵得解嘅…）


#常威 #慈禧太后 #晚清歷史 #戊戌政變 #袁世凱

【大清亡國關慈禧蛋牛治】實體購買
https://www.382now.com/product?id=87 

 【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【通往地獄的電梯】（又名柒頭者聯盟第一部：DSE創世紀）全城上架，請幫手買本支持我！

【大清亡國關 #太陽能電筒 蛋牛治】

❤今集youtube我哋講太陽能電筒袁世凱，袁世凱真係富二代嘅表表姐，出身好家底夠厚，廿零歲仔就操控整個朝鮮嘅政局，你話佢冇料到其實冇可能，你試下今日畀朝鮮你搞？唔搞到一鑊粥，我切！

💚但係另一件好悲哀嘅事係，太陽能電筒依個笑話已經係1994年電影國產007嘅內容，同而家已經相隔咗24年，差不多1/4個世紀，而且喺周星馳之後，香港亦冇再出過邊個咁好笑嘅笑匠，我自己都感覺好OldSeaFood，香港的而且確係停留咗喺某一個年代上面，話冇嚮前行又唔啱，但係真係行得慢，好似烏龜咁慢囉。拖慢香港嘅腳步，究竟邊個有責任？係我哋香港人自己有責任？抑或有其他因素？

💛共勉之。Hongkongers！

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！感恩🙏🙏🙏🙏

🔌https://youtu.be/wlY4tLIxJy0

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

repeat左，sorry

【❤星期六回帶】拷訊 大刑侍候

🙊好文重溫，我常威講講「#拷訊」，即大刑侍候，嚴刑逼供，你唔服？打到你服為止。你唔認，夾到你認為止。

🙈清代公堂上的逼供手法，大致上有三種，即 #杖刑（打屎忽）、#夾棍（夾腳）、#拶指（夾手指，拶音刑），戚秦氏被大刑侍候，大家都知有幾X慘同幾咁殘忍😭。翻查史料，杖刑同夾腳通常用於男性，拶指一般使用在女性身上，十指痛歸心，用刑之後殘廢失去工作能力亦是常識吧！但 #戚秦氏 被逼供時就用上兩瓣男性逼供刑法，班貪官就係幾仆街。

🙊但嚴刑逼供在清律中其實有嚴格限制，首先規定「內而法司，外而督撫、按察使、正印官，許酌用夾棍、拶指外，其餘大小衙門，概不准擅用。若堂官發司審埋案件，呈請批准，方許用夾棍、拶指」，即係話，拷訊使用只局限響高級審訊中，一般地方審訊唔可以亂用，就算要用都要向上級申請。

🙈仲有，清律規定年齡七十歲以上或十五歲以下就唔可以拷（都幾mean🙄），傷殘者同孕婦產前產後一百日內都唔可以用刑，拷問所用嘅刑具大小、長短、規格都有官方規定，唔可以亂用其他刑具或以其他方法拷問，拷問過程中要沿用同一個拷訊官，中途不可換人。

🙊第一次用刑之後，要隔二十日先可以再用刑。咁，又係唔係一直夾落去夾到你認為止？清律上又有規定，第一次夾不供，二十日後可再夾多劑，再不供，又二十日後夾第三嘢，但最多夾你三嘢，冇第四嘢。當然普通人頂到三嘢已經係奇跡，就算唔死都終身殘廢，有冇罪都死啦。係勒，咁逼供拷問搞死咗又點計數？又有冇人要負責？清律上並無任何規定同論述，好明顯就係一個最大嘅 #法律漏洞。

🙊拷訊係絕對違反人權同人倫道德嘅行為，踏入二十世紀，現代世界嘅法律概念中，已被完全摒棄唾棄。我国🇨🇳成功現代化後，亦絕對唔會有執法人員用酷刑逼供之野蠻行為發生，中國古代嘅惡毒刑法，亦已經響偉大嘅祖国🇨🇳文化中完全消失，認真可喜可賀，祖国万歲！

#常威💀 #清代律法 #拷訊 #嚴刑逼供 #大刑侍候 #六月飛霜

【大清亡國關慈禧蛋牛治】實體購買
https://www.382now.com/product?id=87 

  【大清亡國關慈禧蛋牛治】
https://play.google.com/store/books/details?id=C3hjDwAAQBAJ

今日休息一天

【常威中史】為慈禧平反系列（九十三）

正史嘅講法係18號晚袁世凱見過譚嗣同後，20號早上佢就搭車返天津基地，遠離是非圈。至於19號成日佢做過乜就留白，後世史學創作人針對依一日大造文章，話佢走去向榮祿豆斗告密，史上最強二五仔就係咁樣煉成。

信不信由你，我常公子唔信。我唔係唔信袁世凱會告密，我只係唔信之後寫歷史嘅人枝筆啫*。

戊戌政變發生響1898年9月21日星期一，而被大多數中學歷史教科書抹去嘅事件係9月20號星期日劉晶接見以平民身份到大清訪問嘅日本前首相伊藤博文。依場歷史性會面，正史並冇記載具體談話內容，只可以話比大家聽，會面響紫禁城中舉行，慈禧亦在場，雙方禮節性交談對話，Just say hello，並冇實質內容提及。原因好簡單，因為20號前，一切已經塵埃落定，日本背後操縱嘅合邦大計早已胎死腹中，伊藤知道劉晶唔會聘請佢做顧問，佢唔可以進入大清權力核心，（另外有史料記載，25仔朋友們除咗推薦伊藤博文做顧問外，另一個顧問就係英格蘭代表李提摩太先生），之前一日19號，有為已經想好似王立軍咁走入北京日本大使館要求政治庇護，但大使館因伊藤仲未見劉晶而唔俾佢入去（用完即棄），結果佢漏夜離開北京著草去天津。

成個局應該同袁世凱嘅立場有關，先唔講18號晚譚嗣同事件，袁世凱14號入京，20號朝早離開，前後六日見過劉晶同豆斗幾次，佢好清楚表達咗自己意愿，佢會繼續支持豆斗舊黨而唔幫劉晶新黨，我諗原因好簡單，劉晶想做嘅事係出賣緊大清國利益俾外國勢力，而且一佔中，個社會就會亂，支持豆斗就係推持現狀不變，穩定壓倒一切，個社會唔可以亂，相信85%香港人都會認同，咁袁生點會係奸先？況且作為1898年全清國一支最強武裝力量嘅總指揮官，佢嘅選擇亦係劉晶奪權失敗嘅主因。好話唔好聽，當時北洋海軍徹底玩完，渤海大估口已經係冇掩雞籠，日本人英國人軍隊隨時可以大規模登陸入侵大清，如果配合袁生7000人普魯士裝備嘅新軍，北京城守到24小時已經係奇蹟（兩年後八國聯軍入京就係最好証明）。袁世凱當時冇出賣到豆斗，同時亦冇出賣過大清，話佢係忠臣係英雄，其實係啱。

成場大龍鳳已經做完，20號劉晶見伊藤博文只係想事件好好睇睇，大家有個下臺階。20號下午伊藤離開北京，聰明嘅佢同聰明嘅豆斗大家都當件事冇發生過，於是歷史亦當件事冇發生過，徹徹底底將日本因素抽出戊戌政變教科書版本。

伊藤博文送客，剩低嘅就係善後問題……


#常威 #慈禧太后 #晚清歷史 #戊戌政變 #袁世凱 #伊藤博文

【大清亡國關慈禧蛋牛治】實體購買
https://www.382now.com/product?id=87 

 【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關 #老屈 蛋牛治】

😃中國近代史係一部非常墮落嘅近代史，原因抹黑得太多人，寫史嘅人政治動機太濃厚，為咗保住當其時執政者嘅意志，不惜將歷史完全扭曲。中國人寫歷史，太過著重於忠奸分明，黑臉白臉。其實，好多歷史上面嘅人物都唔係非黑即白，一個人嘅生命歷程永遠遊走於黑白之間嘅灰色地帶，你將佢做嘅壞事無限放大，佢就係一個十惡不赦嘅大壞人；將佢做嘅好事無限放大，佢就係一個歷史巨人。

😃我常公子有兩個女，我成日想佢哋能夠真真正正認識中國歷史，我唔想佢哋長大做一個蠢人，做一個無知愚昧嘅中國人，最近我啲女開始睇我嘅YoutubeChannel（九歲），我諗我以後錄音嘅時候，要開始唔講粗口，為人父母者，當然希望教好啲細路仔，等佢哋有美好嘅得來。但係如果你以為，畀一個美好假象佢哋，就係為佢哋好，我諗呢個係大錯特錯。

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！感恩🙏🙏🙏🙏

🔌https://youtu.be/nRhxYKCIm5o

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

念念不忘 必有迴響

響

一枝穿雲箭 千軍萬馬來相見

【常威中史】為慈禧平反系列（九十四）


落雨收柴，實在無可口非，智商80樓下嘅劉晶差啲畀日本人呃咗大清條蝦條，整劈屎出嚟，都要有人幫佢執屎，邊個？又係大姨媽豆斗囉！

其實響18號譚嗣同見袁世凱當日，御史楊崇伊已經上奏請「太后訓政」（出山做最高領導人），舊黨早已經積極佈置發動政變推翻劉晶新黨勢力，袁世凱嘅選擇或效忠，或者講佢堅決選擇不變節，早就將新黨判咗死刑（其實唔死又有咩用呀？）。20號見埋伊藤博文好好睇睇，豆斗等伊藤離京就郁手，有資料話佢星期日黃昏就開始軟禁劉晶，亦有史料話豆斗第二日星期一21號早上先郁手。

正史話21號早上劉晶響寢宮一起身，豆斗就成班人衝入嚟，擸走國璽及章疏，劉晶好X驚，豆斗就好嬲咁同佢鹵味講：
「我養咗你二十幾年，你今日竟然聽啲小人疏擺想隊冧我？」
劉晶嚇到唔敢出聲，過咗一陣先講：
「我冇咁諗過……」
豆斗就答佢：
「白痴仔，今日冇我，聽日都冇你呀……」
上述史料對白，基於有「圍園殺后」前設存在，但我已經講過，呢單嘢係康有為事後老作居多，所以正史對白一定係假。

隨後就好似當年六四後，鄧小平軟禁趙紫陽咁，豆斗將劉晶軟禁響南海瀛臺之內，瀛臺四面環水，中間設置橋板以供出入，由豆斗親信嘅太監看守。咁樣嘅軟禁方法，無非都係想劉晶遠離小人，再唔好俾人喺耳邊干預佢。線索前後成立，豆斗都係認為係有一班小人（間諜、收咗錢、賣國賊）喺劉晶身邊煽動佢賣國。最大嘅責任並唔係劉晶上邊，劉晶由頭到尾都只係一個俾人擺佈嘅木偶，呢個亦都係佢可以保住條小命嘅理由，但我常威再講多次我唔X信，牛唔飲水邊撳得牛頭低？劉晶好命，祇不過佢係皇帝。佢由頭到尾，根本係千方百計想從豆斗手上奪權，想一人獨大，甚至勾結日本仔出賣帝國都在所不惜，最可憐嘅反而係一班比佢捆綁上賊船嘅朋友下屬。計畫失敗佢哋就人頭落地，而劉晶仲可以苟延殘喘，響瀛臺活多八九年。

第二日9月22號劉晶（自愿地）親筆寫下聖旨，聲稱自己「再三籲懇慈恩訓政」，隨後簡單而低調進行咗訓政正式儀式，豆斗復出，第三次「垂簾聽政」大局既定，豆斗以64歲關愛座年紀再一次成為清國最高領導人（沒有之一）。

呢個世界嘅嘢勝者為王敗者為寇，而且政治本來就係你殺我，如果唔係就我殺你。以豆斗為首嘅舊黨立刻發動政變，百日維新大部份新政煞停，大規模捉拿及清洗新黨成員！史稱戊戌政變！

下次，我哋講吓新黨班人嘅悲慘下場……

#常威 #慈禧太后 #晚清歷史 #戊戌政變

🤓【大清亡國關慈禧蛋牛治】實體購買
https://www.382now.com/product?id=87 ;

🤓【大清亡國關慈禧蛋牛治】
https://play.google.com/store/books/details?id=C3hjDwAAQBAJ

ok呀

都有人睇丫

我要求好低

總之多一個人睇，就多一個人對中國歷史有深刻瞭解，就能夠多一份力量。

大洪水到，大家要有足夠智慧去保護自己同家人。

因為常公子係藍絲 反佔中 保高鐵既文妓