大清亡國關慈禧蛋牛治

我on 9

歷史不斷重覆

【常威中史】為慈禧平反系列（八十一）

好多人有一個錯誤嘅感覺，覺得劉晶一生一世都係豆斗嘅扯線公仔。上述嘅講法基本上冇錯，豆斗係劉晶嘅大姨媽，大家都知道大姨媽有好大威力，大姨媽到，就算你幾強壯都要請假。但自從豆斗1889年退休之後，佢真係將權力交畀劉晶，自己搬去頤和園遠離紫禁城權力核心唸佛睇戲。之前我講過，豆斗有時候仲會睇奏摺，但只睇heading，略知大概就算，佢只係保留一項權力，就係決定重要官員（例如李鴻章級數）嘅昇降同去留。

打甲午戰爭時，豆斗基本上唔知道戰況嘅具體發展，劉晶同李鴻章多次向佢隱瞞軍情，之後大清徹底地仆街，佢先逼不得已出返嚟震住個局面，講真真係唔似想同劉晶爭權，而且1898年時，豆斗已經63歲，聞到棺材香，爭嚟托？相反，豆斗復出，最唔開心嘅係27歲嘅劉晶，好多屎尿（史料）都講畀我哋知，劉晶嗰幾年好唔開心。呢種廢青，能力有限，讀書唔成，但偏偏又想改變世界大展拳腳。唔畀你玩你就搞事掟磚，畀你玩又玩到一Pad屎，老人家出嚟幫佢收拾殘局，佢就話人老屎忽霸住個位。呢啲事大家都見唔少囉（忽然變咗愛港力上身）。

戊戌變法初期，豆斗劉晶合作順利，頭果60日，可以話係佢哋嘅蜜月期，朝廷嘅變法意志全國上下都感受得到，當然做唔做係另一回事。

其實喺呢段時間，反對嘅聲音已經開始出現。裁減官員，精簡架構，改革教育。表面好好聽，但另一面就係大量人失業。呢個世界上有兩樣嘢千祈唔好做，第一樣係著紅鞋勾二嫂；第二樣係打爛人哋飯碗，青幫規條三刀六洞嘢！變法繼續行落去，好多老屎忽官員同八股文舊式教育工作者都預計到自己即將乞食。北京城內，既得利益者食長糧者收租佬加滿蒙貴族聯埋一線，反對一系列冒進嘅改革措施，呢啲就係守舊派，就係所謂「舊黨」，後世人成日將呢種人講成反面教材，其實佢哋都係為咗想保住個飯兜啫？港豬話齋搵食大曬，邊有話啱定錯？相反所謂一班「新黨」，急於改革，藥石亂投，完全冇理過人哋感受嘅，呢班人又可以被稱呼為正義嗎？

舊未必係錯嘅，新亦未必啱曬，世界冇所謂非黑即白。大部份人為咗搵食供樓都係遊走於灰色地帶之間，要明白呢個道理相信要40歲後……孔子話「四十而不惑，五十知天命」，我就話「四十而知灰，五十要認命」。

或者開頭變法進行順利，劉晶條廢青開始鬆毛鬆翼，組織自己班底，任用大批新派官員佔據朝廷有利位置，呢班人即係後來講嘅所謂「新黨」，問心嗰句，劉晶咁樣做真係為咗改革？真係想為廣大人民謀幸福？咁樣諗，就將佢諗得太高鳥。佢組織自己嘅班底，無非都係想同大姨媽奪權。如果劉晶冇搞搞震，變法真係可以行落去，或者過多幾年，搞埋君主立憲都仲得。但係劉晶同林彪一樣，冇辦法等多幾年，等最高領導人過身，個世界咪係你咯囉。林彪仲情有可原，因為佢自己年紀大身體又好差（傳說有鋪煙癮），分分鐘仲早死過仲響花叢中游走嘅毛澤東。但係劉晶當年只係27歲，要同一個63歲嘅女人鬥長命，我諗佢嘅勝算都幾高。佢連依點都諗唔明白，我差不多可以肯定講一句，佢係：

低B嘅！

劉晶點樣玩嘢？佢側邊D屎忽鬼點送佢上路？下次繼續。


#常威 #慈禧太后 #晚清歷史 #戊戌政變 #百日維新 #光緒

【大清亡國關慈禧蛋牛治】實體購買
https://www.382now.com/product?id=87 

 【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【通往地獄的電梯】（又名柒頭者聯盟第一部：DSE創世紀）本星期六9月29日全城上架，請幫手買本支持我！

【大清亡國關 #歐洲 蛋牛治】

😝20世紀之後，其實整個世界已經差唔多連結埋一齊， #大清帝國 再唔能夠固步自封，需要同整個世界市場接軌。呢方面嘅視嘢，#慈禧 一早就擁有，祇不過由佢保護嘅、或者佢represent個班滿清貴族完全明白當中嘅重要性，依班食古不化、自以為天下無敵嘅地主有錢人，好快會有一個好悲慘嘅結局……

😃對外部世界嘅 #認知，其實出於我哋嘅 #想像。而我哋嘅想像，決定於我哋能夠接收啲乜嘢 #資訊？好似而家炒到火熱滔天嘅 #中美貿易戰 咁，其實我哋又知道啲乜嘢呢？中國真係會輸？美國開打貿易戰嘅理由係乜嘢？貿易戰發生之後，對我哋嘅生活產生乜嘢影響？其實我哋一無所知。我哋一切接觸到嘅新聞同資訊其實都唔可靠。所以曾經有 #歷史學家 講過，真正嘅歷史，就只有由個人親身經歷嘅歷史，其他你所讀嘅、你識聽嘅、或者你所想像嘅、都有可能係假，而近代史就係一堆咁樣嘅假歷史……

🇬🇧【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇！

📌https://youtu.be/X3ooOMfco94

【常威中史】為慈禧平反系列（八十二）

劉晶一直唔鍾意大姨媽豆斗阻頭阻勢，依一點我非常肯定。戊戌變法行咗一排，劉晶已經有奪權野心。或者由一開始，整場變法根本就係一場搶奪權大計。

簽訂《馬關條約》後，豆斗復出鎮住大局。當中豆斗同李鴻章一齊拉隴俄國制衡日本之事，例如利用西伯利亞鐵路利益輸送，取得俄國保護遼東半島軍事承諾等等，通通都無知會過劉晶，劉晶嘅角色只係一個「被通知」，對於呢件事，劉晶非常之嬲。其實我都唔知佢嬲乜？豆斗嗰一著棋都不知幾高，一個唔該，擺咗俄國上枱，令俄國同日本衝突尖銳化，有啲嘢，一時三刻係睇唔到成效嘅（好似創科局咁）。

1904年，就發生日俄戰爭，大清仲借埋地方俾佢哋打，其中一個俄國就係咁樣玩X完。試諗吓，如果你有兩個敵人，你有辦法令佢哋自相殘殺，殺死其中一個，咁你就得返一個敵人，條數點計，你都一定有Jetso。豆斗借力打力，運用嘅根本係政治博奕上嘅最高技巧。我諗佢唔講俾劉晶知，都係怕劉晶嘅智力冇辦法理解啫。

當初豆斗拉攏俄國嘅時候，好多人覺得豆斗好蠢，引「熊」入室。其實依一招叫做「扮豬食老虎」。現代世界，呢一招用得最高明嘅人叫特朗普同金正恩。

兩條友仔古靈精怪，特朗普扮癲，金正恩扮喪，其實心裡面都不知幾古惑。糾纏東亞政局六十幾年嘅朝鮮問題，竟然喺兩個傻佬手上面出現曙光，試問之前邊個諗得到先？如果到頭來，北韓真係要借美國嘅錢搞開放改革，我諗受傷最深嘅，應該會喺中國，美國同北韓達成和解，亦都係向中國一招隔山打牛。嚟緊中國會用乜嘢方法面對呢件事，就可以直接睇得出當今領導人嘅智慧去到咩Level？但大家千祈唔好睇小中國，你以為中國人玩外交係弱項？錯囉！分分鐘佢哋一路都係用緊一招：

「扮豬食老虎」！

呢個世界玩外交，冇符碌。未到最後，唔會知邊個係老處？亦都唔知邊個食咗邊個隻豬？

之前講過，劉晶份人好容易受身邊嘅豬朋影響，冇辦法，一個智慧唔高嘅人就係特別容易受人影響，佢老豆契弟翁離開佢身邊後，另一個廣東佬張蔭桓（1837-1900）就成為咗劉晶身邊最信任嘅人，南海佛山人張蔭桓之前出過場，佢做過總理衙門大臣（外交部長），代表過大清響甲午戰爭之後同日本和談（但乜嘢都傾唔成），佢基本上係一個專同外國人打交道嘅大清高級官員。

張蔭桓響劉晶身邊做過啲乜？下次再講！

#常威 #慈禧太后 #晚清歷史 #戊戌政變 #百日維新 #光緒 #張蔭桓

【大清亡國關慈禧蛋牛治】實體購買
https://www.382now.com/product?id=87 

  【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【通往地獄的電梯】（又名柒頭者聯盟第一部：DSE創世紀）全城上架，請幫手買本支持我！

推

【常威中史】為慈禧平反系列（八十三）

張蔭桓先生最出名嘅係，1898年3月，作為外交大臣嘅佢同埋李鴻章先生收咗俄國沙皇每人50萬兩銀（折算每人1億5000萬港幣），瞞住朝廷，拿拿臨簽紙將旅順港租借比俄國25年，出賣大清利益。之後大英帝國租借山東半島威海衛軍港25年，隔岸同俄國對峙，張生亦係經紀中間人，至於佢有冇收過大英帝國黑錢？檔案就冇記載喇，但你諗吓有冇囉？

一句到尾，如果當時有ICAC，佢已經要入冊通櫃同肥媽唱黑獄斷腸歌。但呢兩單賣國通敵又俾佢過到骨，之後仲向北京成為劉晶身邊嘅重臣。中國人嘅荒謬，真係度度都可以見到。

響康有為嘅故仔裡面，張蔭桓係佢同劉晶之間嘅橋樑同傳聲筒，作為整個戊戌變法嘅「總設計師」，聖人教主有為嘅「口喻」，就由張蔭桓先生一字不漏傳達比皇帝知，然後由皇帝運用權力執行，頒布天下。正史記載，有為只係響1898年6月16號見過皇帝一次，但係之後劉晶竟然完全聽曬有為枝笛？依住張蔭桓傳達有為嘅「指令」執行戊戌變法？大佬，講你都唔好信啦。

第一，我講過變法嘅內容其實好多已經係舊嘢，並唔係有為發明嘅，當時大清行咗放改革已經30年鳥。

第二，有為係邊個先？只係「一介寒儒」，又係一個南方廣東佬（北京中央一定排斥），考科舉考到30幾歲先考到，家族背景充其量只係地方中產，即係住喺太古城杏花村之流，有十幾個物業收租，一個咁樣背景嘅香港人，有咩可能要北京中央政府習大大聽佢指揮？呢個比喻係非常之正確，有為同光緒之間嘅距離就係咁遠，幾千光年咁遠……

第三，你可能會話有為背後有外國勢力支持所以咁惡咁有影響力！有大英帝國有日本帝國撐腰喎，但事後睇返就完全唔似。況且外國勢力如果要收賣，都收賣一啲有影響力嘅政府官員喇，點解要收賣個啲佔中佔旺訓街嘅知識份子大學生呢？嘥錢個喎。

第四，張蔭桓響大清官場打滾三十年，位高權重，而且身為億萬富豪，佢會為你康有為做傳聲筒？傻的嗎？

所以，外國勢力要買通嘅人，一定唔會係康有為梁啟超，反而張先生就乎合曬以上一切條件，而且佢收外國勢力黑錢做嘢，可能已經天下皆知。我個人相信，張蔭桓先至係成個大局裡面嘅終極屎忽鬼，劉晶向豆斗奪權，並唔係康有為搞起嘅，而係佢！

最心痛嘅係，真相已經被淹沒，康有為版本嘅戊戌政變，差不多成為正史教科書裡面唯一嘅講法。而且講到似層層，好似真係發生過咁，大家有冇諗過，所謂百日維新嘅「正史」內容細節，好有可能其實係一條文棍老作出嚟，當然以上我講嘢都未必係真，可能有為先係背後嘅幕後大玩家，但如果我哋由細背到大嘅歷史全部都係假，作為中國人，就真係好悲哀囉。

不過「悲哀」同「貪污」一樣，一向都係中國人嘅本質嚟嘅。

張蔭桓D衰嘢，下次再講！

#常威 #慈禧太后 #晚清歷史 #戊戌政變 #百日維新 #光緒 #張蔭桓

【大清亡國關慈禧蛋牛治】實體購買
https://www.382now.com/product?id=87 

  【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【通往地獄的電梯】（又名柒頭者聯盟第一部：DSE創世紀）全城上架，請幫手買本支持我！

【大清亡國關 #伊藤博文 蛋牛治】

講起伊藤博文，真係幾谷鬼氣，可能我係一罐大中華乳膠漆囉。十九世紀下半季大清帝國同埋日本帝國嘅分野，好有可能就係李鴻章同埋伊藤博文嘅分別。

論知識水平，論才氣其實佢兩位不相上下。但係好明顯，李鴻章係大英帝國嘅買辦白手套，在位以來，處處維護嘅唔係大清帝國嘅利益，而係大英帝國嘅利益。表面恭恭敬敬係一條忠心狗，心裡面就係一個間諜，左右逢源，吃裡扒外。當然到最後，李生係比伊藤博文優勝，因為死嘅時候，李生有錢過伊藤博文好多，若然用金錢衡量成就，伊藤可以喫屎了！

你可以想像一吓，作為一笪地方嘅領導者，呢位領導者並唔係為嗰笪地方嘅利益著想，而係為其他人嘅利益著想，件事會變成點？唔明我講緊乜嘢呀？睇吓而家香港你咪明囉！我哋香港人嘅利益，有冇人同我哋維護過？統治階層維護嘅，究竟係乜嘢人嘅利益呢？


【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇！

【大清亡國關慈禧蛋牛治】實體購買
https://www.382now.com/product?id=87 

 【大清亡國關慈禧蛋牛治】
https://play.google.com/store/books/details?id=C3hjDwAAQBAJ

https://youtu.be/dSKQpSVGR5c

風 繼續推

推

【常威中史】為慈禧平反系列（八十四）

😜佛山人張蔭桓係外交能手，八面玲瓏，1880年佢已經係大清駐美國首都華盛頓公使，仲響官邸內開過ball跳華爾滋，佢仲代表過大清出席維多利亞女王登基60週年大典，成為首位被英女王封爵嘅大清官員。豆斗曾經非常欣賞佢，但係自從1898年佢收咗俄國人黑錢後，豆斗就開始憎佢（都係好正常嘅事啫），加上之後張生同日本人🇯🇵行得好埋……

🙈大家又記唔記得甲午戰爭期間，日本人三番四次破解中國海軍嘅電報密碼，打X到北洋水師一棟都冇。之後李鴻章去談判《馬關條約》，佢每日同大清皇朝往返嘅電報都被日本人全部破解，令伊藤博文知道晒大清談判底線，結果一步不退！有傳聞話，出賣大清嘅終極二五仔就係張先生。正史冇講，但空穴來風，絕對唔會冇理由，加上戊戌年9月佢同伊藤博文搞壇「合邦」賣國，張生係日本人內奸依個位就更加明顯。

🤓戊戌變法前，其實大清好多高層官員都好唔妥張蔭桓，認為佢私通外國，出賣緊大清利益，紛紛上書彈劾張蔭桓。豆斗曾經想過抄佢家，但又被柒X懵懵嘅劉晶阻止。

🤔到咗戊戌變法期間，李鴻章翁同龢下野後，大清政權高層出現權力真空，豆斗力捧親信榮祿接捧，劉晶同張蔭桓關係更緊密。響康有為版本中，張生只不過係一個傳聲筒，但真相極有可能係張蔭桓揾康有為依條文棍過橋，不斷影響劉晶思維，與其講加強劉晶嘅改革欲望，不如講佢不斷加強劉晶奪權嘅野心，一心推佢去死……

🤐凡是控制一個組織，必先控制人事任命，因為人係構成組織嘅基本單位，用咩人？擺咩人落咩位？組織內有幾多個自己人？本身就係「權力」嘅體現同實在。近代中國最高領導人🇨🇳必要有三個職位響身，分別係🇨🇳「軍委會主席」，🇨🇳「黨總書記」同埋🇨🇳「國家主席」。第一個唔洗講，槍桿子出政權。第三個，中國係一黨專政國家，所謂🇨🇳「國家主席」虛銜啫，做幾多屆都冇分別。反而第二個🇨🇳黨總書記（Secretary of Party），就係黨內控制人事任命嘅重要職位，自從上世紀50年代鄧小平操縱黨書記處期間，🇨🇳「黨總書記」就變成咗中国共產党內最重要嘅職位，甚至響党主席之上！

😚擺人擺棋，就係奪權重中之重，否則俾你坐上大位，手下全部唔係自己人都係冇X用。張先生不斷推薦新人比劉晶用，康有為只係其中一個（佢嘅實際功能當然冇佢自己講得自己咁重要啦），劉晶羽翼豐盛後，開始利用改革之名，將自己人擺上重要位置取代舊人，為奪權作出準備。戊戌變法行咗六十日後，劉晶終於有所動作，佢同大姨媽豆斗嘅決裂，亦係從人事任命上開始白熱化。

😂當然，無論將張蔭桓或者康有為，歷史上佢哋嘅角色都不約而同被描寫為影響劉晶思想同抉擇嘅元凶。咁究竟係劉晶一心想奪權？抑或係佢俾人哋影響到佢想奪權？呢個係「有雞先定係有蛋先」嘅問題，我諗永遠解答唔到。但我反而相信一句說話：

🐮牛唔飲水，邊撳得牛頭低呢？

#常威💀 #慈禧太后 #晚清歷史 #戊戌政變 #百日維新 #光緒 #張蔭桓

【大清亡國關慈禧蛋牛治】實體購買
https://www.382now.com/product?id=87 

  【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關 #大和民族 蛋牛治】

由細到大，中國人都好鍾意同日本人比較，大概就係因為一場侵華戰爭。日本仔三年零八個月南京大屠殺黑太陽731……其實兩個國家嘅關係千絲萬縷，剪不斷，理還亂。要比較亦都無從比較，因為真係要比較，日本人比我哋優秀好多，相信呢一點大家都要承認。去過日本嘅都知，真係地方好乾淨，啲人好有禮貌（起碼表面上），好有文化，好企理。

夜晚行響東京條街度，你唔使擔心治安問題，你試吓夜晚單拖喺深圳行街，我諗你會好X驚，分別就喺呢度。文化係軟實力，並唔可以一朝一夕建立起嚟，需要時間，需要一代一代人嘅努力，亦都需要陀衰家嗰一代人死X哂，先有機會。（我常公子大概就係屬於呢一代人）

一而再，再而三要提起鄧小平嘅說話。毛澤東講要超英趕美，有人喺開放改革開始嘅時候問鄧小平，如果真係要超英趕美，中國大約要幾多年時間？鄧小平答：100年。

有時候，聰明真係天生嘅。蠢人千祈唔好做領導人……

【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇！

https://youtu.be/y_tu9RbGtyk


【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【常威中史】為慈禧平反系列（八十五）

戊戌變法最失敗嘅地方就係廢除科舉制度，千百年嚟，中國知識份子就係行緊科舉條路，考科舉中狀元然後做貪官掠大水，成為中國讀書人唯一出路。

1898年劉晶嘟一聲廢咗佢，又冇嘢頂替，全國讀書人即係騰哂雞……你睇香港當年廢除會考高考，立刻頂上個DSE，行三三四同內地學制接軌，方便內地尖子投考香港各大專院校，咁先係德政吖嘛，咁先係一個真心為香港學生好嘅學制吖嘛。劉晶廢科舉早就不得民心，當年能夠有書讀嘅，唔會係窮人貧中下農，起碼係有田有地中產階級（你睇康有為梁啟超孫中山毛澤東就知），你一下子封咗佢哋向上流動嘅出路，佢唔Hi你Aunt就有鬼。

精簡官僚架構梗係變法攞命籐，打爛一衆貪官隻飯兜？殺你老母有殺冇賠喇。變法行到三份二，其實已經民怨沸騰。北京城內，滿清權貴嗰班大食懶即得利益者人人自危。響依個時候，劉晶仲唔知死，起用大批新人加入中央政府。依批「新思維人仕」（有網友講得好正，叫佢哋做"搲撈契弟"）仲要大部份係南方漢人。自太平天國後，南方士大夫代表李鴻章操縱大清實權30年，滿清權貴等佢仆街等咗成代人，難得終於等到甲午戰爭將李生一舗清袋，以為風水輪流轉，卒之到滿人上番位威威。點知劉晶哥又搞場戊戌變法，變本加厲又再重用南方漢人，你話會唔會嬲死？所以話戊戌變法百日維新係漢人同滿人之爭；係南人同北人之爭；係皇帝同太后之爭；就係咁解。

有智慧嘅人通常會揸緊自己中指做人。慈禧自上任以來，一直以維護滿蒙貴族利益為第一優先，佢從來冇改變過上述立場，千方百計捍衞滿清政權延續生命，以當家女主人身份担起頭家。百日維新後期新舊黨對峙，面臨決裂，慈禧仍然選擇站於貴族保守勢力上，一來係避免帝國大亂嘅理智抉擇，但另一方面，亦係中國儒家文化婦女從一而忠堅守婦道嘅貞節體現。

1898年8月13號劉晶27歲生日，生日之前佢已經向豆斗提出「制度局」構思（又係康有為背後策劃？嘿嘿！），想另立內閣處理維新事務，分割軍機處權力，豆斗當然即刻拒絕咗。依件事對劉晶打擊好大，結果佢從8月19號病咗，日日睇醫生（又用依招？漏埋精吖苯？），但病還病，奪權嘅野心就從來冇停止過。響身邊嘅二五仔繼續慫恿之下，劉晶繼續積極替自己擺棋，重用自己友建立班底，一於要同慈禧鍊過。

9月頭，劉晶行動昇級，硃筆一揮，第二日就撤銷咗一大批政府部門，燉咗大批人冬菇（有為話係佢命令劉晶咁做喎），單單北京，一日之內就有成萬個公務員被炒魷！完全冇理過人哋感受嘅，當時「朝野震駭」，人人自危，發生嘅事已經唔係變法，而係赤裸裸嘅奪權手段。

亦響依個時候，日本政壇嘅重量級人物伊藤博文訪問大清，外國勢力正式插手戊戌變法，大龍鳳上演！

#常威 #慈禧太后 #晚清歷史 #戊戌政變 #百日維新 #光緒 #伊藤博文


【大清亡國關慈禧蛋牛治】實體購買
https://www.382now.com/product?id=87

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【通往地獄的電梯】（又名柒頭者聯盟第一部：DSE創世紀）9月29日全城上架，請幫手買本支持我！

黎明

【大清亡國關 #載湉 蛋牛治】

光緒帝載湉由頭到尾都係一個悲劇式人物，佢嘅一生都係同豆斗鬥爭，爭權弄權，好可惜嘅係，佢同豆斗嘅級數實在差得太遠，好似一個小學生同大學生，一齊做一份中學生數學卷咁樣，我諗未做之前，已經知道結果係乜。做人要知道自己嘅身份，背景，能力，天賦係啲乜嘢，做一啲自己做唔到嘅嘢有時候係攞苦嚟辛。

後世人個個話豆斗係守舊派，光緒皇帝先係開明改革派，其實啱啱相反，真正勒住洋務運動進行嘅，係光緒帝親身執政嗰幾年。之後嘅歷史大轉折點1894年嘅甲午戰爭，主戰派亦都係光緒同契弟翁之流，豆斗同李鴻章一直唔想打呢場仗，因為佢哋知道自己手牌係乜嘢，佢哋係聰明人，懂得計算後果。可惜歷史嘅走向並唔係由個人嘅意志所主導。

【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇！今集有新片尾，大家留意啊！

https://youtu.be/iMyE_av7s_U

鑑古知今

lm

香港應該點改