大清亡國關慈禧蛋牛治

冇咩人留名

【常威中史】為慈禧平反系列（一百二十回）

翻查史料先知道，原來大清帝國市民係將「佛陀」叫做「佛爺」，咁豆斗慈禧外號叫「老佛爺」，其實當時已經係一種神格嘅稱呼，事後證明，清國官僚系統同人民對慈禧嘅擁護態度，其實已經將佢當成係神去膜拜。我諗呢個亦係西方列強叫張之洞建立新政權唔成功嘅理由之一。

中國人嘅基因裡面，好鍾意將領導人神格化，其實領導人本身都係人類，同我哋都冇分別，或者佢哋嘅智慧係高啲，能力係強啲，視野係廣啲……但無論如何都唔識飛或刀槍不入，咁點會係神呢？喺豆斗之後，中國再出現咗兩個神，佢哋係蔣介石同毛澤東，無可否認佢哋神格自己嘅能力（Marketing），遠遠超越咗慈禧。事實上，神格化領導人係一個意識形態問題。中國普羅民衆希望有神嚟打救自己領導自己管治自己，潛臺詞係佢哋根本唔相信民主或議會嘅力量能夠做得到。更有甚者，甚至有人覺得橫掂都係貪，橫掂都係俾人搵笨柒，畀一個人搵笨柒好過俾成班人集體搵笨柒嘛（Sorry，呢個概念係深咗少少）。但係將人過度神格化，搞個人崇拜，好多時候亦都係大悲劇嘅主因，歷史話比我哋知，中國人一而再再而三捧神出嚟，其實中國人從來都冇反省過自己，政治世界更加冇。

入返正題，豆斗開始返北京，之前佢廢咗溥儁大阿哥（皇位繼承人）嘅名號，將佢流放。一來保番住劉晶嘅地位，二來亦係向西方列強獻媚，因為西人普遍都like改革者劉晶。曾國藩孫女婿吳永響過去一年，出錢出力對豆斗流亡政府幫助極大，豆斗亦都冇忘記佢嘅恩情，臨別之時畀咗個肥缺佢做，派去廣東做大官，去得廣東就係代表大把油水撈，大家明嘅。

返北京就真係大陣仗，流亡政府足足用咗三個月時間先返到北京，據說流亡政府帶返去北京嘅物資，就用咗二千幾輛馬車先裝得晒。1902年1月7號，豆斗乘坐京漢鐵路最後一段返京城，呢次亦都係豆斗一生人第一次搭火車。

入京嘅情況相當低調，跟住豆斗就去咗天壇祭天拜祖先，追封翻臨走嘅時候，俾佢下令推入井嘅珍妃做貴妃，咁樣做都係為咗安撫番劉晶嘅情緒。

1901年11月7號，當豆斗正在返北京途上，李鴻章過身，享年七十有八。李生一生嘅功過好難去定奪，我甚至覺得，整個晚清史其實就係李鴻章起伏嘅歷史，冇咗李鴻章，清帝國絕對唔可以延續到20世紀，但係亦因為李鴻章，整個民族嘅悲劇先會不斷延續落去，前人種樹後人可以乘涼，但係前人埋下嘅地雷，後人一樣可以踩得中。李鴻章最大嘅過失係將中國嘅金融市場同貨幣主理權拱手奉送比大英帝國同埋西方列強，清國資產階級從來冇辦法係佢當政之下興盛起來，從來冇產生過主宰過自己市場嘅力量，好似今日「港人冇得治港」，處處受制於人，你話大唔大鑊先？歷史係唔公平嘅，倫敦白金漢宮前連一個李鴻章銅像都冇，冇人去紀念佢為大英帝國付出嘅努力同貢獻，講真！真係唔啱囉！

面對國際大環境，清國被迫全面開放市場，就好似今日Donald Trump想對中國做嘅事一樣，乜嘢貿易戰呀通通只係表面嗰浸，美國人嘅真正目的係想中國全面開放金融商品市場。但其實全面開放金融商品市場，全面實施貨幣自由流動，係好事定係唔好事的確係冇人知道……喺當時1902年嘅清國，向全世界全面開放，對大清嚟講，將會係一件大大嘅好事！

#常威 #大清亡國關慈禧蛋牛治 #慈禧太后 #晚清歷史 #八國聯軍 #辛丑條約

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

支持埋佢【誰偷走了我們半塊芝士】
https://play.google.com/store/books/details?id=_0NtDwAAQBAJ

【碌葛男人嫁得過】線上購閱
https://play.google.com/store/books/details?id=e1N7DwAAQBAJ

【大清亡國關 #港珠澳大橋 蛋牛治】

😝港珠澳大橋最近通車，香港同澳門珠海連成一線，但係實際嘅經濟效益我哋未睇到，反而副作用提早出現。大型基建，往往係一個社會經濟起動嘅火車頭，美國特朗普政府嚟緊就會大力推銷佢嘅16000億美元重型基建大計，去boost起返經濟。時局低迷，已成定局，香港股市連跌十個月，亦已經破咗之前嘅所有數據（之前最長嘅跌市係八個月），可以預期，一場史上最大嘅熊市即將出現。

😘推根究底，亦因為美國之前印銀紙印得太多，當然中國亦印唔少，貨幣唔係印出嚟嘅，如果印銀紙可以解決問題，世界上基本上沒有問題。歷史行到而家二十一世紀二十年代，其實問題有好多，而且好多都好似冇辦法解決咁，相同嘅情況喺20世紀初期都出現過，國家與國家之間嘅問題冇辦法透過談判、磋商、諒解去解決，最後只有訴諸戰爭。

🤔當然冇人想戰爭發生，因為核武存在，現代世界發生大型戰爭嘅機率亦都細好多。而且人類經過100年進化，基本上智慧有咗增長，我哋應該能夠發現除卻戰爭之外，更多解決問題嘅方案同辦法。而且教訓已經放喺前邊，大家應該一清二楚。我對未來，某程度上充滿信心。

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上1000訂戶！💪

🔦http://yt1.piee.pw/DDV9T

😜https://youtu.be/cejv4Ma_JHA

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87
follow my instagram @historysandwich
Facebook 專頁：https://www.facebook.com/historysandwich/

【常威中史】為慈禧平反系列（一百二十一回）

俄國人一向係中國人嘅好朋友，到咗今日都係，兩國友好邦交千秋萬世，互相扶持，聰明嘅朋友會睇到俄國人對我哋實在太好。冇俄國人中國亦冇共產主義出現！1902年，當大清帝國同國際社會拆掂數之後，其實仲有俄國仲未擺平。

1900年7月，趁住八國聯軍入京天下大亂，俄國人以恢復滿洲秩序同鎮壓拳民為籍口，派遣20萬大軍進駐東三省，即大清祖墳滿洲地區，強行佔領。如果歷史上真係有所謂西方列強瓜分中國，咁唯一做出實際行動嘅就只有俄國人（嚴格離講俄國人唔算係西方列強，因為佢係東方隊代表），佢哋經過三個月嘅軍事行動，實際上將滿州完全佔領，之後時間，李鴻章不斷同俄國人談判討價還價，但係李鴻章冇幾耐就死咗，俄國人一心將佔領滿洲成為既定事實。

1901年2月16號，俄國人提出十二款條約，名義上將滿州還比大清，實際上通過將俄國軍隊偽裝成鐵路駐軍，合法佔領滿洲，而且俄國人擺到明同全世界玩對台，佢哋禁止其他國家喺滿洲修築鐵路同開礦。俄國嘅粗暴侵略行為引起西方列強嘅強烈不滿，尤其日本（Sor…日本係東方隊代表）。1901年辛丑條約簽訂後，豆斗返京，大局既定，西方列強開始向俄國施加壓力，要求俄國完完全全撤出東北，呢個時候李鴻章已經入土為安，代表佢同俄國繼續談判嘅係慶親王同大學士文韶。

俄國基於巨大嘅國際社會壓力，尤其係日本帝國嘅寸步不讓，1902年1月30號，日本同英國簽訂同盟協議，燒黃紙斬雞頭，一齊對抗俄國擴張，而且威脅俄國，如果俄國唔撤出滿洲，咁就不如大家真係瓜分咗清國，英國人佔領長江流域，德國佔領山東，日本人別無選擇，只有派出軍隊同俄國人隻揪隻，爭奪滿洲國嘅佔領權。一下子玩到咁大，俄國當堂畀人拋窒咗！

於是俄國被迫就範，答應分階段撤軍。一有「分階段」三個字，大家都知有蠱惑，香港民主派成日講分階段勝利，即係冇勝利過。美軍亦都分階段撤出阿富汗，足足用咗十年時間。俄國人用依招死拖爛拖，維持住自己佔領滿洲嘅既定事實，全世界明眼人都睇到。滿洲呢塊肥肉，日本人一早就想食入口但食唔到，我得唔到嘅嘢亦都冇理由送畀你架……而且東三省同日本殖民地朝鮮半島接壤，俄國人令到日本人坐立不安，終於之後兩個帝國要為咗爭奪滿洲，爆發日俄戰爭，決一死戰。

我常公子曾經講過，甲午戰爭之後，豆斗亦用「鐵路」作餌，不惜用大清祖墳龍脈之地，分階段引沙俄勢力進入東北，抗衡日本響東北嘅擴張。挑動兩個清國最大嘅敵人自相殘殺，依一招其實高到了極點，借力打力，不動武而屈人之兵，先係真正智慧嘅表現，你唔信豆斗有咁高？我信喎！日俄戰爭俄國會慘敗，但對大清帝國嚟講，兩個敵人死咗一個，始終係一件大好事。

當然，日俄戰爭嘅後遺症係，响之後嘅日子，日本人始終認為東三省係佢哋嘅，之後扶植張作冧或偽滿洲國政權，甚至同蔣介石政權爆發中日戰爭，呢個亦都係歷史遠因；俄國更加唔使講，日俄戰爭，某程度上斷送咗俄國沙皇政權，取而代之嘅係列寧建立嘅世界上第一個共產主義蘇维埃政權，亦因為蘇俄嘅存在，共產主義先會响民國年間輸入中國，最後產生中國共產黨，1949年後取得政權建立一個全新世界秩序。

今日最後叉開一筆講鐵路，好多人認為鐵路只係一種單純嘅運輸工具，其實大錯特錯，鐵路本身係一種集合經濟軍事政治於一身嘅統戰工具，你睇大清最後亡國，其實係忙於盛宣懷嘅鐵路融資失敗產生嘅保路運動。香港起高鐵，情況都係一樣，你以為只係為咗運輸，為咗一小時生活圈？大錯特錯鳥，高鐵本身就係一個戰略項目，亦係一種統戰手法。第一，透過一地兩檢，可以將中國法律施行喺香港自治區裡面，徹底打破一國兩制長期以來為香港製造出嚟嘅政治防護罩；第二，香港一直用緊嗰條鐵路，並唔適合用嚟運輸士兵同軍用物資，高鐵正正就做到呢一點，加埋連結石崗軍營嘅秘密基地，可以大膽講一句，高鐵通車後，駐港解放軍部隊亦冇存在嘅必要，有乜嘢事發生，一吹雞，一小時內就到位鳥！

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【碌葛男人嫁得過】線上購閱
https://play.google.com/store/books/details?id=e1N7DwAAQBAJ

【常威中史】為慈禧平反系列（一百二十二回）

馬克思主義思路，呢個世界上所有問題其實都係經濟問題，而國家同國家之間嘅經濟問題，就係關稅（Tariffs）問題。最近炒得火熱嘅中美貿易戰，大家亦都係攞住關稅作為武器，一邊對打一邊傾，中美貿易大戰某程度上亦都係兩個超級大國嘅正面角力，基本上算係一場戰爭。

1901年所簽訂嘅庚子賠款，數目係4億5000萬兩白銀，其實呢個數目係大清帝國所不能夠承受嘅。收數佬話你知，收一條唔可能收嘅數基本上係冇意思嘅，你冇錢俾，唔通下下斬你麼？斬人刑事架，所以最好嘅局面係，你還得起就最好，想辦法令你還得起就最正，有交收有來有往先係單生意，冇交收何來有Jetso呢？

當時關於大清還錢嘅方法，西方列強有多種睇法，有啲國家好似德國咁，佢哋認為大家各自佔領清國一笪地方，響當中攞返賠款。但係咁樣同瓜分中國完全冇分別？美國人講得好有道理，佢哋認為瓜分中國好容易（大清帝國實際上亦都冇任何能力反抗），但瓜分中國意味住係無止境嘅戰爭同埋龐大嘅駐軍費用，況且加深中國人對外國人嘅怨恨，只會令到騷動不斷增加，經過義和團運動嘅洗禮，大家都明白中國一亂起上嚟有幾得人驚，大清自己都驚啊（所以中國真係唔可以亂），所以瓜分中國攞債最後都被否決咗，當然內中都有國際外交角力存在，英國法國日本美國當然唔想正在崛起嘅德意志帝國進一步叉隻腳入東方世界，多謝香爐多隻鬼啊，而且呢隻鬼可能係當時全世界最惡嗰隻。

事實上當時嘅大清財政，每年嘅收入已經有四份一償還緊舊債（馬關賠款），再加上債務只會令大清帝國破產，其時大清大恩公赫德先生，同好多同情中國人嘅洋人，一齊想辦法幫清國找尋新嘅財源償還庚子賠款，關鍵就係關稅。1902年前，中國海關對外國商品所收嘅進口稅大概祇有3%，赫德先生成功同列強談判後，將進口稅大幅調整至5%，同時對一啲免稅嘅進口貨品徵稅，呢類商品大部份係供清國國內洋人享用嘅洋煙洋酒之類。有一個概念大家必須要改變，其實20世紀初，活動於大清帝國國內嘅洋人數目係非常之巨大。

庚子賠款，變相相當部分係由洋人自己承擔返，赫德估計提高關稅後，能夠令大清每年多賺1800萬兩銀白銀，多賺嘅錢愛嚟還錢畀息就搞掂。而當時庚子4億5000萬兩白銀賠款用39年分期攤還，每年嘅還款數目大概係2000萬兩白銀。

你可能覺得奇怪，呢招「羊毛出自羊身上」點解會work嘅？赫德先生嘅才能當然係其中一個重要因素，列強同情中國人當然亦有少少關係。但其實最重要嘅都係「收數佬理論」，我曾經認識一個人，佢做生意借吓借吓，爭人幾千萬，錢就當然冇得還。但係債主不但冇斬佢冇逼佢還債，而且仲繼續借錢俾佢做生意，點解？因為佢盤生意要繼續運作先有錢返，有錢返先可以還息，如果一旦宣佈破產，就大家一鑊熟鳥獸散。你唔信？咁咪你社會經驗唔夠囉。所以做人，千祈唔好爭人小小錢，幾十個一球半球人哋會追到你瘦！最好就爭人一個天文數字嘅數目！咁不但冇人追你數，仲反而會繼續借錢畀你run落去……

呢個例子世界上有一個，嗰個國家叫美國，當然仲有個大前提，就係債仔最好惡過債主……

#常威 #大清亡國關慈禧蛋牛治 #慈禧太后 #晚清歷史 #八國聯軍 #辛丑條約


【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

【碌葛男人嫁得過】線上購閱
https://play.google.com/store/books/details?id=e1N7DwAAQBAJ

https://youtu.be/zbPjNWfO6qE

#碌葛男人嫁得過 #嫁得過系列 #賭Sir #常威 #數學 #哲學 #mathematics #philosophy #生命 #風險管理 #新香港人 #意識形態

【常威中史】為慈禧平反系列（一百二十三回）

1902年，慈禧返番北京，重新起步。

佢擺出個新姿態，認認真真同西方人做朋友，佢再唔敦起個款，將自己擺響高高在上嘅位置，1902年1月27日，外國公使團入紫禁城覲見豆斗同劉晶，豆斗今次再冇垂簾啦，大家仲有講有笑，西方公使都感覺到豆斗嘅態度徹底轉變咗……冇辦法啦，都衰到貼地咯，仲惡得乜嘢出樣吖？

話分兩頭說，其實可能豆斗一直想發生嘅情況就係咁樣，洋腸運動已經搞咗三十年，中間經過波折無數，大清帝國亦係時候放下身段，同整個世界社會接軌。當時響國際上，大清帝國並唔係冇競爭力，畢竟帝國人多，有充足嘅勞動力，資源亦都豐富，其實冇理由衰得咁緊要，其實要搞真係有得搞，問題係當然你點搞？

另一個豆斗要處理嘅問題係張之洞，1902年嘅時候，李鴻章已經死咗，另一個南方代表人物劉坤一亦都病重，半隻腳入咗棺材，剩低嘅張之洞之前曾經借住「東南互補」想搞獨立，但係佢最後都係選擇效忠大清。有傳說話1902年佢去到北京，三番四次想同豆斗道歉，佢好驚豆斗會秋後算佢賬。結果搖尾乞憐，繼續做豆斗腳下一個奴才，繼續發揮佢嘅奴性，陰陽兩面，響二十世紀初全面承繼李鴻章留低嘅政治遺產，同大清帝國頂住半壁江山。

寫到呢度真係好感觸，其實究竟係邊個驚邊個先啱呢？奴隸永遠都係鍾意效忠奴隸主，呢個亦唔係滿清人獨有嘅統治手段。中國（呢個世界如果真係有個地方叫中國）三千年嚟，自周武王伐紂封建制度開始，專制極權制度根本從來都係統治術嘅核心，分別只有係深同淺，強同弱。十六世紀文化水平較低嘅滿人（後金）入主中原之後，本來係遊牧民族嘅滿人系統地學習咗漢人，尤其係歷史上面最黑暗同埋最不撚知所謂嘅朱姓大明政府專制御民統治之術，從而成功建構咗一個專制龐大帝國，大清本身正係從漢人身上學會咗治理疆域同駕馭臣民嘅方法。

清朝統治之術，林林總總，其中最有機心最具效應嘅莫過於「以漢制漢」（港人治港），佢哋看清咗不少漢族官員都有著媚上欺下的奴隸劣根性，因而總能巧妙地加以利用。其實當時東南互保之後，南方地域隨時可以唔理大清自行獨立建國，以上海為財金基地開展一個模擬日本或西方嘅民主國家，只不過南方士大夫統治階層性格上奴性太重，鍾意做狗多過做人……（當然建國之後做得好唔好係另一回事，1911年後大家有眼睇，四個字：衰過以前！）

講開奴性，不得不提最近山竹肆虐香港，星期一香港人排隊返工，有人喺網上屌香港人就係奴性太重，但係我想公子唔係咁睇。趕住返工，只係驚冇咗份工，點解咁驚冇咗份工？只係生活開支實在太大，得間去屌受逼迫嘅奴隸們？解唔直接屌成班肚滿腸肥嘅奴隸主呢？究竟係邊個令到香港變成一個生活成本咁昂貴城市呢？又係邊個響生活成本世界第一最貴底下，都唔出一句聲反抗呢？

撫心自問，呢個係有雞先定有蛋先嘅問題。

#常威 #大清亡國關慈禧蛋牛治 #慈禧太后 #晚清歷史 #八國聯軍 #辛丑條約

【大清亡國關慈禧蛋牛治】實體購買
https://www.382now.com/product?id=87

【大清亡國關慈禧蛋牛治】
https://play.google.com/store/books/details?id=C3hjDwAAQBAJ



follow my instagram @historysandwich

Facebook 專頁：https://www.facebook.com/historysandwich/

推

【大清亡國關 #候賽因 蛋牛治】

😝侯賽因的確係一個獨裁者，佢在位嘅時候，被美國同埋西方媒體形容為一個殘暴不仁嘅專政領袖，美國推翻侯賽因，藉口係伊拉克國內擁有巨大殺傷力武器，而且打算向美國或其中東盟友作出攻擊。但係事後證明，呢件事並冇具體證據支持，總之推翻咗就推翻咗，侯賽因亦死咗，件事一了百了，其實好精彩。

😘伊拉克自從候賽因政權倒臺之後，亂局一直維持到今日，整個國家仍未有另一股勢力，可以打敗其他勢力取得統治伊拉克嘅合法權力，咁樣一亂就亂咗十幾年……侯賽因倒臺之後，伊拉克嘅石油利益當然由美國企業獨佔，咁究竟美國推翻侯賽因政權係唔係為咗石油？我諗答案已經相當肯定。

🤔侯賽因政權嘅崛起，係兩伊戰爭。兩伊戰爭中美國嘅立場係幫伊拉克打伊朗。中東亂局，始於70年代初期，當時嘅美國啱啱由尼克遜放棄金本位，係世界經濟火車頭，連蘇聯都唔夠膽正面挑戰佢，但係中東嘅幾個產油國，佢哋嘅國家力量只係屬於第三世界水平，竟然係嗰個時候連成一線，利用石油供應向美國政府施壓，導致所謂世界石油危機，美國對呢件事其實懷恨在心，之後嘅日子裡面，美國人明白中東諸國再唔可以再團結起嚟，最好就七國咁亂，之後美國人做嘅嘢，都係朝住呢個大方向進發，直至今日。

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上1000訂戶！💪

🔦http://yt1.piee.pw/D9R4W

🚀https://youtu.be/0oTgvAP_BGY

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

follow my instagram @historysandwich

Facebook 專頁：https://www.facebook.com/historysandwich/

【常威中史】為慈禧平反系列（一百二十五回）

Luisa路易莎1903年初響巴黎返番北京，比豆斗召入咗紫禁城，佢成為咗豆斗嘅好朋友，佢另一個身份，就係豆斗嘅外交事務總顧問，呢個時候豆斗身邊終於有一個信得過，又有外國親身經歷嘅朋友響身邊，豆斗響佢身上學識咗西方先進國家各國政治同埋社會情況，加深對國際形勢嘅理解。

除咗路易莎，路易莎嘅兩個女兒，#德齡（1885-1944）同 #容齡（1889-1973）都一齊入咗宮，成為咗慈禧嘅貼身御前女官，路易莎精通外語嘅兩個女兒，成為咗豆斗嘅私人翻譯，幫豆斗同其他外國使節同埋官員溝通。其實本公子一直都有一個想法，之前好多不幸事情嘅發生，好有可能係一個「#翻譯」嘅問題。

信不信由你，雞同鴨講，你又唔知我講乜？我又唔知你講乜？中間做翻譯嘅人如果一有私心或冇料，辭不達意，往往可以製造巨大麻煩。而且仲有一個位，負責翻譯嗰個可能英文都係半桶水，英文嘅嘢，大家出嚟轆咗咁多年，心知肚明嘅，有部電話電腦喺身邊，你咪天下無敵囉，乜都冇？想聽到一個洋人講乜嘢？哈哈！心知肚明嘅……你有陣時睇吓電視上香港啲高官講英文，try my breast！搓吓個波，你就會一清二楚。

豆斗痛定思痛，全力向西方學習，一場大清帝國嘅真正改革正式開始。1902年2月1號，豆斗發出諭旨，取消咗滿漢通婚嘅禁令。係啊！漢人同滿人，喺20世紀初期先可以合法結婚架咋，之前係唔可以談戀愛架，電視劇嘅發生嘅情節全部呃你架，哈哈！

同一道諭旨之中，豆斗仲要求漢族婦女唔好再
#紮腳（#纏足），滿州人一直冇紮腳嘅傳統，但係漢族男人（特別係儒家哲學嘅愛好者）就非常鍾意隻腳好細嘅女人，有傳說話，我哋隻漆HI中嘅螢火蟲 #李鴻章 先生，辦公嘅時候最鍾意摸住佢啲小妾嘅小腳，一邊索住腳香一邊辦公，嗯，有幾變態得幾變態。（紮腳嗰隻腳有幾恐佈同幾醜陋，大家可以上網睇睇，我就唔想再睇第二次喇）可惜唔紮腳又係死罪，又比人抹黑比人屌，好多漢人根本冇依從，紮腳嘅傳統要去到 #中華人民共和國 成立之後先至完全喺中國銷聲匿跡。

同時，豆斗亦都將帝國嘅法律精簡化，模仿西方嘅法律訴訟系統，一步一步引入大清帝國，佢廢除咗浚遲、五馬分屍、腰斬等野蠻殘酷嘅刑，全面實現大清帝國嘅現代化，可惜，仍然有人（#革命黨人）覺得佢做得太慢，好多時候開放改革嘅嘢，都要係一步步嚟，架車開得太快，好容易車毀人亡。

就算要數古往今來世界上最成功嘅 #開放改革 例子，亦都唔例外，1980年代總設計師 #鄧小平 響中國推行開放改革亦都唔係一帆風順，當時中國共產黨內仲有大量嘅守舊派拉住鄧小平後腿，好似 #華國鋒 嘅「#三個凡是」理論，中共資深元老 #陳雲 （唔係國師）嘅「#鳥籠經濟」策略，亦都千方百計阻止鄧小平嚮右轉。佢哋擔心開放改革，外國嘅 #資本主義 勢力會將中國嘅 #社會主義 制度徹底粉碎，但係事實證明鄧小平係行啱咗路，中華民族嘅真正復興，亦都係因為一場引入外國資本同整個世界接軌嘅開放改革！

但係鄧小平搞開放改革人人都讚，慈禧搞嘅開放改革呢，就提都冇人提，仲要一隻一隻死貓質畀佢食，真係唔X公平！

#常威 #大清亡國關慈禧蛋牛治 #慈禧太后 #晚清歷史 #八國聯軍 #辛丑條約



【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買https://www.382now.com/product?id=87

【大清亡國關慈禧蛋牛治】全集，請支持常公子頻道
https://www.youtube.com/playlist?list=PL0RVUAILQUOvTo8JJrayjrvd_Nbjc-0Me

follow my instagram @historysandwich

Facebook 專頁：https://www.facebook.com/historysandwich/

我正式宣布上面話一日追到Live果係係流既

我追左一個禮拜先live到

【大清亡國關 #大屠殺 蛋牛治】

😝2018年係Donald Trump年，上半年不停係特朗普同金正恩，下半年不停係特朗普同習近平，對手調咗，但係始終都係特朗普，美國總統先係世界舞臺嘅主角，到咗今日都係，所以我哋只可以相信美元為最值得信賴嘅交易貨幣，相信美債先係最後嘅金融基石。美國嘅霸主地位喺短時間內應該難以動搖，中國要追趕佢，除非軟實力加強，除非即刻出現大規模政治改革，否則係50年之後嘅事。

😘日本人係一個好奇怪嘅民族，一方面謙謙有禮，另一方面殘酷不仁。某程度上同德國人非常相似，一面聽住舒伯特音樂一面將猶太人送入毒氣室處決……係德國人日本人先做得到。旅順大屠殺係中國人同日本人仇恨嘅開端，呢份仇恨到咗今日仍未正式消解。

🇯🇵日本今日面對嘅問題，係人口老化，再過十年，日本一半以上嘅人口係60歲以上嘅銀髮族，過去十年，日本用喺社會福利開支已經上漲咗一倍。但係日本為咗維持佢哋大和民族血統純正，一直冇大規模放寬移民政策，大量接受外國移民。當然佢哋都心知肚明，一旦放寬移民政策，投入嘅新移民多數係韓裔、中國人或有中國血統嘅人。但係嚟緊嘅世代，日本一定要咁樣做，否則個國家一直老化落去，只會比大時代越拋越遠……

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上1000訂戶！💪

🔦https://user35103.pics.ee/DK6LC

🇯🇵https://youtu.be/cnbsPUREOk0

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

follow my instagram @historysandwich

Facebook 專頁：https://www.facebook.com/historysandwich/

【常威中史】為慈禧平反系列（一百二十六回）

關税（Tariffs）的確可以主宰一個國家嘅生死榮辱。政治本身就係經濟問題，經濟本身就係貿易問題，貿易本身就係關稅問題。條思路應該係咁嘅。現代世界人與人之間嘅肉搏戰爭已經唔係潮流所在，你叫我上戰場我當然拒絕你。所以現代世界戰爭，就係無煙戰爭，亦即係貿易戰。中國同美國嘅貿易戰已經打到如火如荼，口水戰打咗成半年，嚟緊10月頭，真係實牙實齒徵收關稅！真係好想知道鹿死誰手？

前嗰排我仲認為Donald Trump發動貿易戰只係為咗佢嘅連任鋪路，但係事情發展落嚟似乎唔係，中國經濟嘅崛起，似乎已經真真正正威脅到美國世界霸主嘅地位。一山不能藏二虎，自從二次世界大戰結束，美國一直主宰住呢個星球嘅命脈。情況同20世紀初期歐洲非常相似，當時英國同法國面對嘅係德國嘅強大崛起，第一次世界大戰就因為咁樣而打嘅，但係一次世界大戰都擺唔平德國，要打到第二次世界大戰先完完全全將德國擺平。

不厭其煩講多句，呢個世界，猶太人同埋日耳曼人真係唔可以同你講笑……

去番二十世紀初嘅大清，從1902年到1908年豆斗去世為止，佢大刀闊斧進行咗一系列嘅開放改革措施，由經濟、外交、法制，工業、商業，涉擸帝國嘅每一個範疇，期間清國經濟迅速發展，整個社會亦進入全面嘅現代化階段。凡事千祈唔好靠吹，要講實際證據，1899年，大清政府嘅總收入係1億零156萬兩白銀，到咗1908年，大清嘅收入已經到達2億3480萬兩白銀，翻咗一翻，純粹睇錢，呢段時間實在係贏曬！

政府有咗錢，足夠還債之餘，仲能夠實施更多改革措施，一步一步循序漸進改善清國人民生活，一歩一步遠離嗰個野蠻落後嘅古老帝國陰影。所以我常公子叫依段時間做大清係迴光返照期，豆斗能夠實現一場成功的開放改革，係有下列幾個理由：

第一，嗰班一路拖住清國全面改革後腿嘅滿清仇夷派貴族，已經差唔多死曬。有時候，做人真係要一了百了，要決絕啲，呢班撚樣唔死X曬，其實改革永遠冇可能發生。

第二，八國聯軍入京後，庾子條約簽訂，大清被全面清空武力，即係話有兩三年再唔使要軍費開銷，軍費其實係一個非常之大嘅數目。我哋居住嘅香港，就係一直都冇軍費呢條數，二次世界大戰之後嘅日本同德國，同樣亦都無軍費嘅負擔，所以戰後經濟先可以高速發展，當然國家冇軍隊係一件非常危險嘅事，凡事都有兩面睇嘅，就係咁解。

第三，由於豆斗向國際社會擺出友善開明嘅姿態，所以西方列強有唔少都積極參與中國既開放改革，當中大英帝國唔使講，佢一直都攞緊中國著數，美國同日本就真係要讚勒。豆斗呢場開放改革，呢兩個國家實在出咗唔少力幫手。（係啊！我又講賣國賊言論呀！冇辦法啦！真相就係咁吖嘛……）

第四，舊嘅唔去新嘅唔嚟，滿清貴族階層之中亦冒起一批有能力有幹勁有承擔嘅官員，好似載灃、載洵、載濤、載澤、善耆、良弼、端方呢班滿人都係滿清最後的忠臣同能臣，一心改革自強，振興大清，佢地人品端正，廉潔奉公，你唔可以因為漢族立場，就將呢班人人格都貶低。佢地倒台，滿清就差唔多囉（摘自網友 #諾威爾）。

第五，點都要多謝清國大恩公，洋人赫德先生千辛萬苦fight返嚟嘅關稅稅率！

我哋由細到大所讀嘅近代史，好少提及呢一場大清亡國前嘅開放改革。我哋被灌輸嘅係，大清無惡不作、污糟邋遢、不知所謂，所以一定要比奪命書生孫中山推翻。如果講畀你知真相，革命黨所推翻嘅大清帝國，根本係一個欣欣向榮、財政健全、廉潔有效嘅立憲式帝國，咁正義就唔會永恆地企響國父嗰邊。

歷史一向都係由勝利者而寫低，抹黑前朝前人所作所為基本上係必然。我哋中國人冇西方人嗰種眼界同埋視野。我哋記仇、我哋鍾意去聽一啲偏頗嘅假話，我哋鍾意自己圍爐打飛機，射到周地都係就最happy，呢種個性、呢種基因如果改唔到，我哋中國人（或者叫中華民族）永永遠遠喺個世界上面都係揸BNO，做二等世界公民！我常公子呼籲大家，由今日開始，堂堂正正面對歷史，堂堂正正面對我哋過去嘅黑暗，衹要大家能夠做到呢一點，中華民族嘅崛起，指日可待……

到時，駛X驚Donald Trump！

#常威 #大清亡國關慈禧蛋牛治 #慈禧太后 #晚清歷史

【大清亡國關慈禧蛋牛治】實體購買
https://www.382now.com/product?id=87

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【碌葛男人嫁得過】線上購閱
https://play.google.com/store/books/details?id=e1N7DwAAQBAJ

指日可待？

指到幾撚時？






















叫中國人改圍爐喎，叫中國人認自己有錯喎，叫中國人認自己唔係啱曬喎

你話上面d事，由甲午戰敗到慈禧西安回朝，全部關鍵既敗仗，都係輸係自己貪污 唔信任自己人 逃兵 出賣自己人 守舊 唔團結，你話中共上場有好轉過都話指日可待丫，但呢60幾年，係呢片土地上既人既性格有咩改變？一樣係搵夠就走，一樣係美軍來了我帶路

你話有錢左 生活好左 出國留學既人多左 多左自己既品牌
但係講真，我見到既只係硬件有變，中國人既軟件無變過。
中共改革開放，人有錢左，可以同外國人做生意，做買賣，中國工廠係生產貨品出口，同時係中國境內既污染源頭。一個中國人見開廠搵到錢，個個中國人都開廠，直至宜家半個中國都係廠。政府亦對環境破壞無動於衷，呢d係不可持續性發展。
外國無廠咩？有。外國少廠咩？唔少。咁環境問題應該係每個地方既問題至係？因為中國對工廠既環保要求無標準，有都唔遵守。咁點解過到骨？貪污。受苦既就係人民。有錢有乜用？

人類基本需要，食物、空氣、水，中國有邊樣野係無毒？就係輸係中國人性格，政府又行歪路。打壓言論自由，唔比人講佢有錯，之後就一錯再錯，泥足深陷。我完全睇唔到呢個地方有好既硛象。軍隊、公安、工程人員、醫護人員、官，全部只係中共運作既工具，唔係人，因為缺乏獨立思考，缺乏人性。



睇完常威個post，真係有感而發。
本身都覺得中國咁衰，唔係中國人衰曬。點解大陸咁多廠，因為有生意，搵到錢。咁點解有生意？因為貪大陸廠平，多外國公司揀Make in China ，中國人幾乸西都好，外國公司可以自己做質素控制。但係對於間廠既環保、安全、可持續性既考慮？無。因為關 #外國公司 蛋牛治。

關 #外國公司 蛋牛治 呢個概念，原來係常威巴打個post都有提，就係係英國輸入鴉片開始，外國人黎清國，邊個做皇帝，邊個垂簾聽政，邊個地方民生點點點，關 #外國公司 蛋牛治！鬼佬只係需要做生意！要錢！所以，一直以黎，清國有好多次亡國，並由其他國家接手管理，不過無人會咁做，無人去理，大家只係想搵錢

就好似一個細路仔，佢低能既，d大人唔去教佢野，反而去性侵佢、雞姦佢、搶佢d錢，佢死唔去，長大左，做左個窮凶極惡無惡不作既惡人。你鬧佢你笑佢，佢唔怕，因為佢無恥，佢無恥到唔守大人既規則。外國仲可以話影響唔到佢唔關佢事？

環境問題未關全球事？
毒食品唔關全球事？
一帶一路唔關全球事？
各國間諜唔關全球事？
華為5G風波唔關全球事？
基因手術刀唔關全球事？

中國發展到今日只係有硬件有資源，但係無道德既地方。好似d老土英雄片咁講一件愈厲害既武器落入壞人手上，後果愈不堪設想

sor 常威，原諒我份人就係咁直，借你個post 1999

多謝你

【常威中史】為慈禧平反系列（一百二十七回）

大清帝國嘅統治階層，自從 #義和團 之亂同埋 #八國聯軍 入京，終於將嗰班守舊仇夷嘅低能貴族完全清洗，豆斗全面開放帝國門戶，同外國人做生意，商品貿易欣欣向榮，帝國財政恢復穩定，改革事項一步一步進行。而豆斗仲開始思考最後嘅改革之路，即係政治改革，當時人嘅眼光嚟睇，「#君主立憲」似乎係唯一可行之道。

權力分佈方面，#東南互保 餘波猶在，成個大清帝國係分開南方同北方，南方有南方搞，北方有北方搞，以一條長江劃界，北方以北京為核心，南方則以自由城邦 #上海 為中心，其實到咗今日都係一樣，南北之分，響之後嘅歷史中亦都經常出現。今日中共嘅 #中央委員，大部分都係北方人為主，南方人只係佔少數，接近顛覆總基地香港嘅廣東省，更加係少數中嘅小數。

1903年4月，末代皇帝 #溥儀（1906-1967）嘅外祖父、滿清第一號人物 #榮祿 去世，佢嘅政治遺產完全由 #袁世凱 繼承，呢個時候袁世凱係直隸總督，手握一支全國最強嘅萬人普魯士裝備直屬部隊，即係 #新軍。袁世凱亦成為咗豆斗最信任同最倚賴嘅大清官員。不過好可惜袁世凱始終係一個漢人，冇幾耐佢就畀北京新冒起滿洲權貴排擠，有陣時我喺度諗，如果袁世凱天生係一個滿洲人，成個歷史嘅走向應該完全唔同。

所以血統好重要，出身好重要，背景好重要。有好多嘢由你出世之前其實已經註定咗。舉個現實世界嘅例子，#董建華 先生係中共嘅好朋友，為香港仆心仆命出錢出力，承擔咗1997年香港順利過渡嘅偉大歷史責任，但到咗最後，政治分派酬勞，佢亦只能做個「#政協副主席」之位（#梁振英 都係），中華人民共和國嘅「#政治協商會議」其實只係一個花瓶機構，對成個中國政治取向可以講全無影響力，董生同梁生始終冇辦法涉足中國最高權力架構裡面，要推究理由，不外乎就係血統問題。

1903年，北京對上嘅一大片土地，即係依家東三省地域，其實已經係俄國嘅殖民地， #庚子條約 簽訂之後，俄國利用鐵路駐軍做藉口，一直冇將十幾萬軍隊撤出東北，牢牢控制遼東半島上面嘅 #旅順軍港，其實係沙俄向遠東擴張大藍圖裡面一個重要戰略位置，因為俄國係內陸國家，佢哋如果想將海上霸權擴張，一定需要一個「#不凍港」做據點，進軍太平洋。

關於俄國海軍進出嘅問題，一直都係問題，2013年 #烏克蘭 發生內戰，普京一步不讓，死守住烏克蘭 #克里米亞 海軍基地，甚至願意付出巨大代價抗衡西方，盧布貶值兩三成都代所不惜，你就可以睇到一個「海上出口」對俄羅斯嘅戰略重要性有幾咁巨大。

20世紀初期，俄國侵略清國，放肆地響東北發展勢力，完全當日本仔冇到，日本人打完 #甲午戰爭，基於國際壓力交還山東半島及遼東半島控制權，其實已經好撚嬲。俄國人仲唔知死，一步一步蠶食緊日本人心目中原本屬於佢哋嘅既有利益。而且俄國人更向朝鮮半島邊界蠶食，日本如果唔發爛，分分鐘連韓國都冇埋！呢個時候俄國同法國簽訂同盟協議，日本則拉攏英國together，大英帝國有山東半島 #威海衛軍港 嘅控制權，日本人揾到海軍戰略補給點，決心全國總動員，挑戰沙俄東北霸權，戰爭一觸即發。

日本人係五尺差一吋、扁口扁面嘅東方人亞洲人，佢哋當時挑戰眼深鼻高，個個六尺高、伏特加當水飲嘅俄羅斯人，其實全世界輿論都覺得係燈蛾撲火，自取滅亡……兩大強權就快擦槍走火，呢個時候嘅大清帝國，豆斗我諗已經買定花生……

#常威 #大清亡國關慈禧蛋牛治 #慈禧太后 #晚清歷史

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買https://www.382now.com/product?id=87

【大清亡國關慈禧蛋牛治】全集，請支持常公子頻道
https://www.youtube.com/playlist?list=PL0RVUAILQUOvTo8JJrayjrvd_Nbjc-0Me

follow my instagram @historysandwich

Facebook 專頁：https://www.facebook.com/historysandwich/

【大清亡國關 #楊繼繩 蛋牛治】

😝楊繼繩是我最喜愛的歷史作家，我嘅大量歷史知識都係來自佢身上，佢寫嘅《墓碑》，係我所睇過最沉痛嘅一本書，用文字為2500萬人立碑。佢嘅新作品《天地翻覆》，亦係我到目前為止，我所睇過分析最詳盡最好嘅文革書籍，如果大家真係有興趣認識文化大革命，有興趣深入理解共產黨統治下嘅中國國情，你一定要睇楊繼繩，我話嘅，『生平不讀楊繼繩，雖稱反共也枉然』。

😊但楊繼繩並非一個反共人士，反而佢係一個資深嘅共產黨黨員，佢所寫嘅書只係要將歷史如實記錄落嚟，佢嘅動機高尚，佢只係想執政黨勇敢面對真實歷史，然後重新出發。楊繼繩現在都係居住響北京，共產黨並冇迫害佢，我真係唔知點解……

😄睇楊繼繩，往往會睇到欲罷不能，本書唔可以放落嚟。佢嘅思路係一級，批判力亦係一級，文字力量都係一級。我個人好希望佢嘅所有作品都會被翻譯成唔同嘅語言，令世界上每一個人都可以欣賞到一個咁出色歷史作家嘅著作，我非常期待有咁嘅一日。


♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上1000訂戶！💪

🔦http://yt1.piee.pw/DHH2V

🍖https://youtu.be/ZGL_9uZ0XlE

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

follow my instagram @historysandwich

Facebook 專頁：https://www.facebook.com/historysandwich/

【通往地獄的電梯】（又名柒頭者聯盟第一部：DSE創世紀）全城上架，請幫手買本支持我！

【星期日特別放送】人夠蠢，政治佛系化


😂咁講新聞咁講政治，就仲撚大鑊，2014年佔中之後，只要日常話題間一談及政治，就會俾人標籤你係「#黃屍」或者「#藍屍」。其實大家都係屍體，有乜好分？

😘「藍屍」仲好好哋仲有位走，近年一做「黃屍」就萬劫不復！政治立場亦唔係非黑即白，非黃即藍，但偏偏社會碌葛就係咁膚淺咁低，有政治立場嘅人唔會受歡迎，會講政治嘅簡直係怪物。

😝#佔中 後幾年過去，好多人都明白要明哲保身，就要收埋自己，就要冇政治立場，即社會碌葛好鍾意講嘅和理非非「#中立」狀態，又或者乾脆扮蠢乜都唔知，唔睇報紙，刻意過濾資訊自我隔絕政治，同頭來就可以光明正大同人講：「政治我冇興趣架，亦唔知個社會發生乜嘢事，我乜都冇意見架……」

😝久而久之，人人咁做，變咗大趨勢，乜立場都冇曬，乜都唔識，乜都唔講，個世界就乾淨晒！再冇人會講啲唔啱聽嘅說話。全部變成河蟹依種居於淡水界嘅平和生物。

😂的確，禪宗冇錯，本來無一物，何處惹塵埃？

🤔#社會碌葛 對政治完全冷感，完全進入 #佛系境界，無慾無求，既來之，則安之，呻兩句就有心理問題。結果，日日殺到埋身嘅白色恐怖冇人理，冇人覺得有問題，民選議員被DQ？合情合理喎，立法會內議員要遠離政治，又啱啫！凡事自我審查，更加係理所當然，或者叫盡忠職守。

😜到最後，社會碌葛一切都不在乎，好似鍾震濤，就讓一切隨風，結果起個音樂噴泉可以一億，元朗起條天橋又可以十七億，人工島一萬億，條條鐵路單單工程超支100億200億最正常，所有事情再冇人在乎再冇人去理去問，個夾萬嘅密碼亦冇人在乎，你要錢嗎？請隨便入去攞。

🙄頭上嗰把刀落下，社會碌葛亦唔會避，任由把刀批落條頸大動脈度，反正生同死冇咩分別，大家佛系，大家冇所謂，最後社會精英揸保時捷社會碌葛仍坐巴士，其實都是沒有分別的。

🤔或者，以上所描述嘅政治態度，亦係社會碌葛應有嘅政治態度。

節錄【#碌葛男人嫁得過】

😎【碌葛男人嫁得過】
https://play.google.com/store/books/details?id=e1N7DwAAQBAJ

#碌葛男人嫁得過 #嫁得過系列 #賭Sir #常威 #數學 #哲學 #mathematics #philosophy #生命 #風險管理 #新香港人 #意識形態

推