【星期日回帶：低端人口，見利忘義】
😠世界上有樣嘢叫「#階級立場」，我常威身為大清水師提督常昆個仔，三代單傳，名苻其實十足十高端人口，所以打死戚家十三口，唔駛負刑責都係非常咁正常嘅事。
🤓反觀戚家 #來福 條 #PK，出身低賤，細細個仲自己切咗條J✂想入宮，但冇錢疏通，結果去咗戚家做家丁，盲字都唔識多個。案發當晚，如果唔系打更佬無厘頭撞入嚟戚家，我一早就連戚家隻狗🐶喪標一齊殺埋佢，來福大命，事後更加做証人指証我謀殺。不過依種低端人口見錢開眼，我叫 #方唐鏡 畀咗五千兩就買通咗佢，要佢認同 #戚秦氏 通姦……
🤐但係低端就係低端，三司會審期間，來福畀 #包龍星 兇一兇，就推翻一切口供，自認文盲同J已切，重爆響口方唐鏡比過五千兩佢講大話，佢嘅証供亦成為整單官司嘅轉捩點，最後攪到我常威命喪於 #虎頭鍘 下😫。
🤐除咗來福，仲有回春堂朱二，接生婆同杵工佬，個個都係低端人仕，黑白不分，膚淺庸俗，貪財成性，欠缺道義，愚蠢細膽，風吹邊邊擺邊邊，毫無立場可言，依種人存在響社會上，基本上係一種對智人嘅侮辱。
🤒洋人叫依種人叫「#Proletarius」，#無產階級，亦即「#普羅大衆」嘅譯音，亦可以叫佢哋做弱勢社群、或者草根階層，佢哋並唔邪惡，但係就係衰一個「窮」字，為咗錢，為咗自身小小利益，佢哋會輕易出賣自己嘅立場同良知，如果想個社會向上發展，想道德文化向上流，依種 #低端人口 最好唔存在，趕走曬佢哋就啱數。
😞1818年戊寅年肖虎，即嘉慶二十三年，依一年五月五日響遙遠嘅普魯士，有個人出世，佢叫卡爾-馬克思，佢後來諗咗一套理論去拯救全世界嘅低端人口……
😂😂😂😂😂😂結果，佢咪比好多人鬧到宜家囉……On 9……
#常威💀
#無產階級
#Proletarius
#馬克思
第四，大家亦唔好用今日嘅角度去睇當時嘅世界，今日嘅西方歐洲人又靚又高級又有文化又理性又民主又自由又平等，但第一次世界大戰之前，西方係一個帝國主義世界，西方人嘅教育水平亦唔係你想像咁高，大清有99%嘅人係文盲，但係西方世界係有八九成人盲字都唔多個。列寧話嘅：資本主義最後就會發展成帝國主義。當時候西方列強隻隻都係豺狼，為咗掠奪資源同競爭可以不擇手段，張張刀把把利，大清貴為當時世界第一號霹靂無敵大水魚，比人嘢嘢劏落去，其實都幾慘。
