大清亡國關慈禧蛋牛治

【大清亡國關 #日本經濟 蛋牛治】

😃我常公子係一個比較愚鈍嘅人，30歲前嘅我，唔明白世界上點解會有戰爭？我真係唔明白咁殘酷嘅事，點解可以咁頻繁地喺人類歷史上出現？後來我終於明白，原來一切都係錢作怪。日本人打甲午戰爭亦都非打不可，原因亦都係因為經濟。唔透過一場甲午戰爭，其實日本嘅經濟好有可能喺19世紀末期出現崩盤……

😃好多謝奧本海默同愛因斯坦，因為佢哋發明左原子彈，呢一種超巨大殺傷力嘅先進武器，產生咗巨大嘅震懾能力。人類喜歡打仗，但係又唔想死，兩敗俱傷冚家富貴更加唔想出現，原子彈或者核武，就將呢個世界帶入咗比較平靜嘅冷戰時代，亦即係二次世界大戰之後人類所謂嘅黃金時代。今日，係唔係黃金時代嘅尾聲呢？抑或所謂黃金時代，其實一早已經俾人類消費得一乾二淨？拭目以待。

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上500訂戶！💪💪💪

🔌https://youtu.be/amHVaS2o_l8

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

【常威中史】為慈禧平反系列（九十五）

相對中國（廣義上）大部份執政者，豆斗其實係一個非常善良嘅領導人，佢整個半世紀嘅執政時間，只係發動過兩次政治殺人事件，第一次係登位之初向肅順等人嘅爭鬥（辛酉政變），第二次就係戊戌政變。你話佢殘忍？相對後來嘅毛主席同委員長，豆斗連尾燈都睇唔到。落雨濕身冇得同大洪水到比較。

兩次前後相隔成四十年嘅政治殺人，豆斗都係逼不得已，牽涉到唔係你死就係我亡嘅關係，相信比任何人做佢個位，一定比佢殺得更多。我唔係同佢辯護，而係講實際情況。

豆斗斬殺六君子，千夫所指，遺臭萬年就一定，好似當年64鄧小平鎮壓天安門學生咁，自己孭起開槍嘅責任，要做大佬就要咁POP。個個想做CEO，你估咁易咩？

六君子中，康廣仁（1867-1898）係康有為細佬，當年響北京冇官職在身，亦冇証據話佢有份參予顛覆活動，佢似乎係成為大佬嘅替死鬼。不過奇就奇在，親生細佬被殺，有為亦冇太憎恨大清依個封建政權，之後嘅日子，有為仲變身保皇黨同奪命書生孫文革命黨打對臺，最後民國六年以大清遺老身份參加張勳（1854-1923）復辟，就更加吹銀脹。

至於楊銳、譚嗣同、林旭同劉光第四位維新人仕，就係由唔同人介紹比劉晶用，佢哋只係見過劉晶一兩次，就比白痴皇帝賜咗做四品官撈軍機章京行走，代劉晶發言，以為從此飛黃騰達，典知成為政變嘅犧牲品，做埋刀下鬼。常公子再重申一次，我唔會抹黑佢哋嘅天真嬌美麗動機。戴耀庭搞佔中，梁天琦搞港獨，無非都係想為香港人好，我覺得佢哋冇錯，用嘅方法好唔好見仁見智嚕，人間視野有高有低，每人品味唔同，有人要做奴隸先舒服，有人屎都覺得好食都冇辦法。你話佢哋收外國勢力錢？呢個世界邊個冇收人錢做嘢呢？冇錢邊有得搞呢？冇錢只可以做鍵盤戰士打飛機，打飛機自己開心做唔到大事，美國總統背後有金主，當年中共得江山亦有蘇聯大力資助。總好過一啲自認愛國人士，搵到盆滿缽滿掠盡民脂民膏之後移民美國加拿大，叫仔女做黃皮白心ABC，嗰班柒頭又點計呢？

楊銳臨殺頭前大聲疾呼自己所犯何罪？只可以講一句你站錯隊跟車太貼信錯白痴皇帝。林旭同劉光第都係清國有功名嘅知識份子，其中林旭妻子是晚清名臣沈葆楨子沈瑜慶之長女沈鵲應，亦係有頭有面人物。人頭落地係劉晶責任，佢哋有冇參予賣國？佢哋有冇串聯日本人或孫文我唔知，但可以肯定一句，真正實牙實齒收過日本人錢嘅康有為梁啟超張蔭桓最後冇死，反而死嘅只係佢哋。

有一日同朋友茶聚，朋友講咗個「藍絲帶論點」我駁唔到，佢話佔中嗰陣，泛民人仕號召大學生上前線抗爭，但佢哋啲仔女又一個都冇出現到？咁又係嘅，點解嘅？似乎有人都知道走得太前做爛頭卒掘地雷始終係一件好危險嘅事，人哋仔女可以衝，自己仔女最好唔好衝，而且自己啲仔女多數係美英讀名牌大學有外國護照，香港人嘅事又同佢哋無關喎…又啱，我又駁唔到。

下次繼續……

#常威 #大清亡國關慈禧蛋牛治 #慈禧太后 #晚清歷史 #戊戌政變


【大清亡國關慈禧蛋牛治】
https://play.google.com/store/books/details?id=C3hjDwAAQBAJ

念念不忘 必有迴響【三島悠亞作品系列】
https://goo.gl/skc493

【通往地獄的電梯】（又名柒頭者聯盟第一部：DSE創世紀）已經全城上架，各大書局均有代售，請大家幫手買本，課金支持我寫本土痴線科幻小說戰鬥下去！

無言感激！

【大清亡國關 #曬冷 蛋牛治】


😃我認識幾個日本人，我曾經問過佢哋一個問題，我問日本係咪一個性觀念好開放嘅國家？點解咁多日本少女做AV女優嘅？佢哋嘅答案令我好驚異，佢哋話日本根本唔係一個性解放嘅國度，其實日本人好注重名節，社會階級觀念亦好重，佢哋嘅婚姻好多時候都好講究門第，即係所謂竹門對竹門，木門對木門。咁多人下海肯拋個身出嚟拍鹹片，其實都係為勢所逼，只能歎一句生活迫人，冇路可走，錢作怪啫。

🤔我再問佢哋對美國點睇？佢哋就唉聲嘆氣，話日本只係美國嘅「二奶」，處處受製於美國人，好多時候身不由己。大家諗吓，仗已經打輸咗畀你，又硬食左你兩嘢原子彈，之後仲要成為你嘅二奶跟出跟入，其實某程度上都幾慘架。我好深信日本人係好想擺脱美國嘅掣肘，但係美國始終係美國，直到目前為止，無論發生乜嘢事，佢始終係整個地球上面最大的莊家。

🤔開賭場做莊家有咩好？贏梗囉。

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上500訂戶！💪💪💪

🔌https://youtu.be/SCepXBplDiU

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

#good2# 星期日休息一天

live

【常威中史】為慈禧平反系列（九十六）

消費死人，絶對唔係道德行為，六君子之中，以譚嗣同之死被後世文化編劇渲染得最緊要，有得走唔走，慷慨激昂，從容就義，為咗喚醒國民嘅革命精神，我諗譚生當時並唔係咁諗，推翻慈禧同推翻大清畢竟係兩個唔同嘅概念。譚嗣同死後成為革命符號同象徵，相信亦唔係佢本人意愿。

我常公子年輕讀過一篇臺灣作家李敖所寫嘅中篇小説《北京法華寺》，寫嘅就係譚嗣同嘅故事，借古諷今，直擊蔣家軍統統治。年少嘅我睇得熱血沸騰，根正苗紅嘅李敖後來坐政治監亦唔知關唔關依單嘢事？

除咗譚嗣同，反而要講一講楊深秀（1849-1898），楊深秀係六君子中唯一真正嘅清朝大官，兩榜正途出身，前途無可限量，思想西化，係百日維新新黨嘅中堅份子，佢係最早鼓吹合邦理論嘅新派官員。我唔懷疑佢嘅美麗動機，佢可能以為合邦及聘請伊藤博文做總顧問，大清先可以進入國泰民安先進國家之列。百日維新期間楊先生同各國領事來往甚密。當然佢冇睇到合邦本身可能係一個呃鳩儍仔嘅外交騙局，有人以合邦為名，誘使清國同儍仔劉晶交出軍事、財政、外交等權力，令政權逐步掌握響外國人手上。日本人同李提摩太等間諜，利用楊深秀等人對國際知識所知有限嘅弱點進行大計。佢哋啲死橋呃到楊深秀康有為劉晶等人，但絶對呃唔到唐紹儀伍延芳嗰種級數嘅高等華人，更加呃唔到智慧城府同佢哋有一大段距離嘅豆斗。

講開又講，百日維新以全面學習西方國家為旗號，但劉晶所用嘅一班新派人仕，都只不過係西學半桶水嘅「進步知識份子」，全部接受儒家思想卜卜齋教育長大，國學根底好深厚，但中途出家學西學，英文應該全部唔識，所有對西方世界嘅認知全部嚟自睇文人裁剪過嘅二手翻譯文本。反而，真正留學外國攞到外國大學學位嘅，如唐紹儀伍延芳英文嘞嘞聲嘅「真西人」就無影無蹤。

依個情況，反映咗兩件事，一，劉晶真係流嘅；二，有啲腦嘅人都知件事冇得搞，費時乸屎上身。講完。

仲有，大家唔好唔記得，當時大清國內成街都係西人（自由城邦上海大把），北洋艦隊亦有聘用西人習慣，千祈又唔好唔記得海關關長赫德先生仍然在任，食洋腸落老蘭，搞西化用西人，常識吧？但你就偏唔用，重用一班滿口西化嘅作家文人搞政治，總結落嚟七個字：「笑你戇鳩怕你嬲」。

除咗西學半桶水，楊深秀亦對清國國策一頭霧水，佢主張英美日同大清合邦，共抗俄國侵略，但豆斗李鴻章一早同俄國有秘密協議，合作對付日本人。基本立場都唔知，都幾陰公。

下次繼續……

#常威 #大清亡國關慈禧蛋牛治 #慈禧太后 #晚清歷史 #戊戌政變

【大清亡國關慈禧蛋牛治】實體購買
https://www.382now.com/product?id=87 

 【大清亡國關慈禧蛋牛治】
https://play.google.com/store/books/details?id=C3hjDwAAQBAJ

support
第一話追到e家👍🏻👍🏻

【大清亡國關 #東學黨 蛋牛治】

😃韓國崛起，即係南韓喇，都係發生係1988年漢城奧運會前後，以前嘅韓國係一個落後貧窮嘅國家，但係21世紀嘅韓國，直情係世界嘅潮流尖端。睇返二十世紀嘅歷史，其實韓國就係日本嘅翻版，亦都係，韓國某程度上取代咗日本響全世界嘅位置，當然佢兩位都係美國嘅二奶仔，美國鍾意扶邊個咪扶邊個囉……實際情況真係咁喎。

🤔韓國人並唔快樂，同日本一樣，其實韓國都係一個階級觀念相當之重，貧富相當懸殊嘅國家，社會上階級森嚴，資本財閥操控朝野。好話唔好聽，響韓國，窮人永遠冇辦法翻身，我都認識韓國嘅朋友，佢哋講我知，首爾外表風光，內裡人民生活慘不忍睹。當然冇論點，南韓都係比北韓好上一萬倍，資本主義當然係萬惡之源，但共產主義真係一樣唔work嚕……

🤐似乎世界行到嚟呢度，大家應該係時間想想，究竟除咗資本主義同共產主義之外，有冇第三種主義出嚟？可以扭轉眾生呢？


♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上500訂戶！💪💪💪

🔌https://youtu.be/eLz1-NFjkHo

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

終於都到義和團
日日F5就係追你呢個po

終於Live

【大清亡國關 #中日交流 蛋牛治】

😃中國人對日本的確又愛又恨，日本侵華呢段往事我哋講咗幾十年，中日雙方嘅瓜葛，延綿咗幾代人。今日嘅香港人，就係最鍾意去日本旅遊，日本嘅文化亦都影響香港人好深，香港好多人崇拜日本，有人稱日本做家鄉。但係大和護照過去好難攞，不過我諗好快就好容易攞到，因為日本人口基本上唔夠，佢哋好希望接納新移民增加國力，我諗臺灣人同香港人係佢哋一個唔錯嘅選擇……

😜有親戚個女去咗日本留學幾年，佢話日本人好nice好有禮貌，但係亦都好保護自己，你可以同佢哋做朋友，嘻嘻哈哈，但係要真正打入佢哋嘅圈子其實好艱難，日本人有自己一套特別嘅保護色。只不過保留血統嘅純正，抗拒外來文化入侵，某程度上冇錯嘅。猶太人幾千年來嘅大興盛，拒絕或絕少同外族通婚，呢個亦都係佢地成功嘅第一守則。

😝世界大和諧係左派思想，保持血統純正係極右概念。世界格局其實就喺左右兩邊不停摇擺來回，冇話邊個啱邊個錯，要睇吓你身處邊個時代同埋乜環境……


♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上500訂戶！💪💪💪

🔌https://youtu.be/TLN7orZ988c

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

我都係第一話就追到宜家

多撚謝晒

【常威中史】為慈禧平反系列（九十八）

百日維新隨住一場戊戌政變，劉晶被軟禁後宣告全盤失敗，1898年10月，大部份新政煞停，中央政府恢復八股文取士考評制度，但炒咗嘅官員再冇請返，政府成功瘦咗身。大家又千祈唔好將百日維新嘅重要性放到無上限，又話豆斗煞停變革，中國從此冇辦法實現現代化冇辦法富強又剩，又咩嘢中華民族大轉捩點又乜又物，其實多舊魚，我常公子講過，維新新政除咗湖南省陳寶箴全力拾卜之外，其實冇乜省份響應，有啲想做亦做唔到，維新新政影響好有限，基本上成壇嘢只係一場官廷政變權力鬥爭，小市民日常冇乜受影響。唔明，早前周永康徐才厚孫政才北京落臺，你覺得生活有影響嗎？冇吖嘛，佢哋鬥生鬥死關人蛋治就係咁解囉。

史學大師磁力王艾瑞克.霍布斯邦（Eric Hobsbawm）講過「歷史本身嘅意義，其一係唔帶住任何情感純粹研究嘅過去；其二係摻雜咗自身記憶同背景立場嘅過去」，所以一個洋人研究晚清史同一個中國人研究晚清史，可以得出兩個唔同嘅睇法。就算你係中國人，你都要分自己係國民黨定係共產黨，兩者嘅眼光係睇到兩個唔同嘅世界觀。

經歷甲午戰爭同百日維新，學習西方自強不息變成過去式，一路走嚟就係唔得就係唔得，香港人1989年嗌民主自由嗌到今日都做唔到，即係唔得，一切鳩做，就係咁解。豆斗個招牌經歷戊戌政變後，已經搖搖欲墜，而且當時豆斗已經65歲，明眼人都睇得出佢都擺唔到幾耐，加上一衆重臣例如李鴻章恭親王一係死一係靠邊站，依個時候唔奪權仲等幾時呀？

之前已經講過，班滿蒙貴族保守派比李鴻章南方士大夫階層抑壓咗四十年成代人，真係谷到上心口，但係依班大食懶就係有錢有地，可以hea住等，等到李鴻章下臺，等到洋務運動慘敗收場，等到豆斗老鳥，等到風水輪流轉，卒之輪到佢哋「保守派」威威。子彈上膛，班柒頭要做嘢鳥。

講返條仆街仔劉晶，佢雖然被軟禁，但佢仍然係皇帝，大清最高領導人，仍然「響豆斗嚴密監控」下行使緊佢嘅皇帝職務。史書記載，佢仍然會上朝、閱讀奏章同接見外賓，不過當然豆斗要在場「重簾聽政」。劉晶並唔係好似坊間以為唔可以離開瀛臺半步，佢仲有一定自由（起碼比趙紫陽多），話事權就一定冇，依段時間（1898-1899），佢表面亦識DO，冇再搞事，繼續同Tomboy珍妃過安樂日子，有時同太監玩吓敲擊樂，讀吓書進修自己，非常自我抑壓。你以為條仆街仔從此生性，我常公子話其實佢仲有嘢諗。

有人睇到紙板人劉晶已經變得可有可冇，知道係時候做嘢，一派守舊派大臣元老崇綺、徐桐、剛毅、載漪、啟秀等人（唔該記住呢班仆街嘅名）埋堆，佢哋以端郡王載漪（1856-1922）為首，1899年開始四處串連密謀奪權，於是有人提出廢咗劉晶，另立新皇帝。

豆斗點睇廢立問題，下次分析一下。

#常威 #大清亡國關慈禧蛋牛治 #慈禧太后 #晚清歷史 #戊戌政變


【大清亡國關慈禧蛋牛治】

https://play.google.com/store/books/details?id=C3hjDwAAQBAJ

本土粗口大撚曬 【誰偷走了我們半塊芝士】
https://play.google.com/store/books/details?id=_0NtDwAAQBAJ