大清亡國關慈禧蛋牛治

【常威中史】為慈禧平反系列（一百零八回）

借用網友Tim Choy嘅說話：豆斗向來崇洋媚外，冇咩理由打柒洋人。義和團撳極都撳唔住，焗畀佢騎劫，再嚟過「借刀殺人」都唔出奇。畢竟「寧得罪君子，莫得罪小人」。雖然無從判斷豆斗點諗，但事後證明豆斗的確落啱注。

冇錯！豆斗最愛洋腸，四十年來如珠如寶，實在冇奶油反轉豬肚，1900年7月開始，東南互保搞掂，戰場只侷恨於北京同天津一帶。京津鐵路被破壞，八國聯軍被逼徒步推進，沿途勢如破竹，無人可擋，直取天津。

北京之內，清兵同義和團合流，一齊進攻東交民巷使館區，國仇家恨，扶清滅洋！誓要殺盡大毛子二毛子，當時東交民巷約有三千多人被圍攻，當中包括使館職員及家眷、戶部稅務司員工（唔知當時中國海關總稅務司赫德先生喺邊？真係要check吓）、洋教教士同教民二千幾人，當中有戰鬥力嘅洋兵只有400幾人，武器同埋糧食都嚴重不足，但唔知點解，依一場東交民巷保衛戰竟然打咗八個星期，擁有正規裝備嘅大清陸軍同幾萬義和團暴民竟然冇辦法攻得入去？你話洋人係咪強呢？所以睇返轉頭根本係戲一場，傳聞統率清軍嘅榮祿先生雖然向使館區不斷發炮，但係國度就完全唔啱，炮彈全部喺使館頭頂飛過，完全唔係堅打，不但係咁，而且清軍仲秘密派人送飯送水送軍火入去接濟洋人，一邊打、一邊救、完全唔知係乜X嘢玩法？

同時，西什庫教堂亦被圍攻，仲離奇，守軍只有法國士兵30人，意大利兵10人，守護教堂內避難嘅大毛子二毛子3000幾人，但係又畀佢哋守到八個星期，直至8月14號八國聯軍入城解救，你都咪話唔係世界軍事史上第一奇蹟？就咁睇，你仲以為嗰40個士兵係「復仇者聯盟」成員添。

冇人係傻瓜，就咁睇上述嘅事件，綜合一切線索，大家都會明白豆斗點諗，所有嘅事根本係佢安排做場戲出嚟，同騎劫佢夾佢上車嘅保守派滅夷派partners交待，豆斗根本冇諗過殺曬班洋人，只不過之前玩大咗收唔到科，佢亦好清楚再殺洋人，大清就真係會即刻亡黨亡國！

話分兩頭說，東交民巷同埋西什庫教堂戰事，其實義和團嗰班被收編嘅暴民都好有問題，真係要打，幾萬人湧過去，蟻多都嬲死象，邊可能攻唔入去？所以我之前講嘅嘢應該冇錯，暴民入京城只係揸住扶清滅洋為口號，合法打劫，佢哋嘅真正目標係京城內嘅有錢人同滿蒙貴族屋企。同之後紅衛兵運動一樣，所有嘅暴亂都係為咗合法抄家打劫。我講過中國人乜嘢最叻？就係講一套做一套！因此幾年前香港嘅佔中佔旺事件，就真係和平理性到極點，起碼冇人乘亂打劫，諗真，香港人嘅質素就係高到無倫，高到上扯旗山天比高豪宅一帶，係摸都摸唔到。

今時今日，有好多人千方百計想撳低香港人嘅質素，其實居心叵測……

最可憐嘅反而係嗰啲比政治擺上枱嘅忠心軍人，6月9號，八國聯軍攻至八里臺，秦煌叔聶士成（1836-1900）殉國，10號聯軍逼近天津，義和團民兵鳥獸散拜拜走人，14號天津淪陷。呢個時候聯軍開始響天津集結，以德國人為聯軍統帥（大件事了！），佢哋留返20000人守住天津同大沽口一帶，40000人向北京進發拯救同胞！當時大清各省勤王兵亦到，達到40000人，加上董福祥（1839-1908）、宋慶（1820-1902）、馬玉崑（？-1908）正規部隊，同埋義和團班牛鬼蛇神，一共十幾萬人守住北京城外，預備同前來嘅八國40000聯軍決一死戰！

下次講鬥而不破！八奇權謀最高境界！

【大清亡國關慈禧蛋牛治】實體購買
https://www.382now.com/product?id=87

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【七不思議系列一：孽咒】
https://play.google.com/store/books/details?id=gSZnDwAAQBAJ

#常威 #大清亡國關慈禧蛋牛治 #慈禧太后 #晚清歷史 #義和團

【大清亡國關 #william 蛋牛治】

😝今集Youtube我哋講一個洋人小契弟，佢叫William，甲午戰爭發生之後30年，佢響英國出左一本書講黃海大戰。呢本書，後來成為咗唔少人研究甲午戰爭嘅重要文獻，其實呢個人，只係船上面嘅一個小水手，祇不過佢都係叫william，同當時北洋水師副提督琅威理（英語：William Metcalfe Lang，1843－1906）一樣名，後世人就將呢兩個人混淆咗。歷史有陣時就係咁可怕，以為睇到嘅嘢係真，其實唔係。

😃洋人其實同中國人一樣，一樣又高又低，一樣有好多人好仆街，好似響香港蒲老蘭果班洋鬼子，其實好多人都喺度全心全意呃蝦條，但係奇怪嘅就係好多香港人，就心甘情願奉上自己條蝦條俾人呃。呢個，亦都係紅鬚綠眼嘅洋人响華裔心目中高高在上嘅一個文化具體表現，中國人要站起來，仲有一段相當長嘅時間。歷史係一個巨大嘅沉澱物，並唔係一時三刻可以扭轉。

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上1000訂戶！💪💪💪就快1000了！

🔦https://youtu.be/-xu7g1Uc23Q

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

Facebook【常威專頁】
https://www.facebook.com/historysandwich/

吊吊揈磁能線＋書綁價99蚊，TYPE C, MICRO USE, LIGHTNING接頭可選。即買︰
https://goo.gl/7cpBx3

【常威中史】為慈禧平反系列（一百零九回）

我常公子最喜愛嘅歷史學家劉仲敬先生提出一個理論叫「鬥而不破」，中國人最鍾意鬥，天下皆知，無情白事都會鬥餐死，我哋最叻就係喺冇矛盾嘅地方製造矛盾，風平浪靜搞到波濤洶湧。但係涉及鬥爭，就係生死相搏？Sorry！錯咗！劉仲敬話中國鍾意鬥，但就更鍾意鬥而不破。

佢舉咗最經典嘅例子，就係毛澤東同周恩來，兩個人明爭暗鬥40年，互相糾纏不休，你鞭我一下，我滴你臘，你餵我一啖砂糖，我餵你一啖屎，你就快斷氣我幫你做人工呼吸，來來回回，永劫回歸好有SM味道，主人同奴隸角色不斷交錯，但到最後大家鬥而不破，彼此享受過程，不在乎結果，其實係個淒美嘅愛情故事。

1900年嘅豆斗都用咗「鬥而不破」理論，一邊打洋人一邊幫洋人解圍，一邊企喺保守滅夷派嗰邊，一邊又喺背後捅佢哋一刀，陰陽兩面，交錯循環，食神話齋「你硬係估我唔到」，將整個大清帝國當成籌碼，玩弄權術到達淋漓盡致嘅境界。為保住自己嘅最高領導權力，不擇手段，借刀殺人，甚至出賣一直支持佢嘅滿蒙貴族同胞，到最後又冇人睇到破綻，真真正正實踐到馬基維利主義者嘅終極手段。

一邊鬥而不破，一邊講一套做一套。我都講過義和團班暴民都係一樣，扶清為名，打劫為實。民間智慧其實比嗰班滿蒙貴族更高，最可憐嘅反而係佢哋，以為保家衛國，決戰洋人，最後死無葬身之地。佢哋咁蠢，全因為出身太好，家底太厚，享福太耐，全部係井底之蛙，不知天高地厚，仆街亦係正常。

凡事只看結果，過程並唔重要。到咗最後，豆斗嘅政敵死曬，帝國仍然牢牢操控喺佢手上面，佢仍然係大清帝國最高領導人，甚至外國勢力最後都幫佢一齊响廢墟中重建大清。1902年後，大清帝國先至有一段回光返照期，庚子事變（BoxerRebellion）之後，其實大清國欣欣向榮，國庫充盈，好有機會走上君主立憲道路，蜕變成為現代國家。如果豆斗唔係1908死X咗，辛亥革命亦唔會發生，天下亦唔會之後大亂40年，直至有另一個比豆斗更偉大嘅馬基維利主義者出現，天下先至回歸統一，佢係邊個？佢叫毛澤東！

可能你會覺得我太抬舉豆斗，但事實放響眼前，不容否認。有豆斗有大清，冇豆斗就大清亡國！後世人抹黑佢嘅能力，純粹出於妒忌之心，一個儒家哲學三綱五常主宰嘅父權主義世界，又點可以容納一個咁出色嘅女人呢？武則天同豆斗命運都非常相似，明明雄才大略，但係就比歷史文人儒家知識分子長期抹黑，理由祇有一個：天生女兒身！

相信豆斗好清楚咩叫鬥而不破，天下可以大亂，但係自己嘅步伐唔可以亂，旁人可破，但係自己不破……明我講乜？恭喜你鳥！你終於進入咗八奇嘅思考領域。如果唔明？冇所謂！得啖笑啫！

今集完全發噏風，下次回歸史實再講！

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87


#常威 #大清亡國關慈禧蛋牛治 #慈禧太后 #晚清歷史 #義和團 #八國聯軍 #庚子事變

【大清亡國關 #黃海海戰 蛋牛治】

😝一場戰爭可以改寫一個國家嘅命運，甲午戰爭裡面嘅黃海海戰就係其中嘅表表者，如果歷史上冇呢一戰嘅發生，大清國運絕對唔會一敗塗地。日本之後嘅飛騰，亦係因為打贏咗黃海海戰而起。呢場決定性嘅戰爭其實相當偶然，但係命運似乎要將中國同埋日本，放喺宿命嘅都尖之上，決一生死。

😃其實，戰爭並不輕易發生。好多人睇見近代戰爭頻繁，覺得打仗好容易，但事實上打仗係非常昂貴嘅選項，逼不得已，或者冇得回頭，大家先會用戰爭嘅形式嚟解決問題。不過，由人類所組成嘅世界，問題實在太多。我常公子唔知道人類嘅文明最後會唔會位於戰爭之上？但我完全相信，戰爭呢種解決問題嘅最後昂貴手段，絕對唔會消失，今後佢仍然會存在，正如人一定會發噩夢一樣……

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上1000訂戶！💪💪💪就快1000了！

🔦https://youtu.be/RmvUGUGpp8o

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

Facebook【常威專頁】
https://www.facebook.com/historysandwich/

想睇你睇寫毛澤東

有銀排

【大清亡國關 #劣質煤炭 蛋牛治】

😝最近我屋企嚟咗一個新朋友，佢係我養父，佢一向身體好健康，自己住，但係因為山竹襲港嗰日跌倒一次，個腦出現好大問題，結果冇能力照顧自己，我將佢安放咗喺我自己屋企照顧佢，我原本以為我自己做得到，但係照顧落嚟，發現我根本應付唔到，我為此感到相當難過。但係呢件事令我深深明白到，人嘅能力始終有限，我連身邊嘅一個人都冇辦法好好照顧到，又有咩方法可以處理一個社會，或者一個國家嘅事情呢？

😃世界其實相當複雜，係複雜到冇一個人可以憑住自己一個人嘅力量單獨處理到。所以現代世界獨裁應該冇可能存在，希特拉，史大林同毛澤東嗰類人物應該唔會再出現，因為佢哋都冇可能再出現，佢哋只係某個時代，某個特定環境之下，出現嘅個别現象，佢哋為無數人類帶來嘅嚴重苦難，其實都係人類嘅共業所致。

🤔今日如果世界上再有一個人想做獨裁者，想將所有嘅權力集中喺自己一個人身上面嘅話，我會覺得呢個人應該好蠢，因為世界嘅複雜程度已經遠遠超越半個世紀之前嘅世界。第一，佢冇可能做得到、更加冇可能做得好；第二就算佢畀佢夾硬做到，最後應該都係火燒身，冇好結果。遺臭萬年嘅嘢，其實醒目嘅人會搵人一齊承擔，你自己攬曬上身，其他共業者唯為有講聲多謝你嚕……

♎【#大清亡國關慈禧蛋牛治】語音導航-！請大家幫手「#訂閱」我條YoutubeChannel！同埋介紹多啲人睇睇！衝上1000訂戶！💪💪💪就快1000了！

🔦https://youtu.be/KNIpfLBlWRY

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

Facebook【常威專頁】
https://www.facebook.com/historysandwich/

推

《#碌葛男人嫁得過》常公子部份簡介

1.究竟社會碌葛同碌葛有乜嘢分別？社會精英又係乜嘢？

2.社會碌葛嘅哲學定義為何？佛系政治任務究竟又係乜？

3.世界上有一種人叫單向度的人，你究竟係咪單向度的人？

4.你知唔知咩叫做意識形態操控技術？你不知不覺被人操縱意識，又究竟知唔知道？

5.踼爆統治階層如何操縱我們意識！令我們成為聽聽話話嘅社會碌葛，真相大揭秘！

6.香港傳媒大災難，一切都係意識形態操縱戰略嘅結果？

7.點解唔畀細路仔返學會犯法？背後嘅真正原因又係乜嘢？

8.社會碌葛固然要知，但統治階層一樣要睇，本書將會教社會精英的你如何操縱民眾意識形態？

9.全港第一本以數學同哲學角度，切入香港人真實生活面貌嘅一級奇書，深入淺出，絕對唔離地，堅持母語教學，廣東話寫作，香港人寫香港人嘅哲學書！

#碌葛男人嫁得過 #嫁得過系列 #賭Sir #常威 #數學 #哲學 #mathematics #philosophy #生命 #風險管理 #新香港人 #意識形態

【常威中史】為慈禧平反系列（一百一拾一回）

1901年嘅清國政權完全失控。八國聯軍部隊攻入北京，加上大清政權喺當時已經係宣佈玩卵完。之後延續多嘅10年迴光反照期，其實純粹運氣。大清未曾亡国，靠嘅只係一條支柱，呢條支柱係豆斗（沒有其他）。

窮途亦末路，兵敗如山倒。

八國聯軍入京前，豆斗已經帶住劉晶、皇帝玉璽同皇家重要文書，連同信任嘅下屬王公太監逃離紫禁城，著草！清國歷史上曾經有三個皇帝著草，第一個係天理教之亂嘅嘉慶帝，第二個係英法聯軍火燒圓明園嘅咸豐帝，第三個就係光緒，前兩者距離目的地都係熱河承德，而豆斗嘅目的地去到好遠，佢要西逃去西安，由著草嘅距離可以判斷，今次比上兩次絕對大獲好很多……

出到北京城外，滿目瘡痍，之前義和團所經之處，寸草不生，史書有以下記載「途經村落數處，不見一人。道旁民舍，皆為潰兵遊匪毀壞，門窗戶壁，幾無一家完整。甚有被宰雞豕尚未烹食者，縱橫地上，為鴉犬爭食。方量慘淡，目不忍睹」。呢個境況同八國聯軍冇關，全部係自己人一手做成，蔣介石講「先安內再攘外」有時冇話唔啱。

著草頭幾日真係慘到無倫，豆斗同劉晶要喺寺廟過夜，冇啖好食，有傳說話佢哋要飲井水，井裡面仲有人頭浮吓浮吓。第一個接應慈禧嘅人係曾國藩嘅孫女婿吳永，得到依個人嘅幫助，慈禧嘅著草團隊先可以穩定番小小，再向西安出發。

北京城內，八國聯軍好快控制整個局面，解救同胞佔領北京。當然中間殺燒搶掠亦無可避免。我強調過好多次，100年前嘅軍隊同今日完全唔同，離鄉別井出嚟當兵，揾條命去摶，當然要搶返夠本。而且成件事係大清唔啱，西方列強只係被動者，順帶一提，有記載八國聯軍之中，軍紀最好嘅反而係人數最多嘅日本兵，我講過，可能係同佢哋對清國嘅文化感情相關。而且當時北京成為廢墟，相信八國聯軍嘅貢獻絕對唔多，響佢哋未入京之前，我諗北京已經畀義和團班暴民打劫得乾乾淨淨。

一眾仇夷派嘅守舊官員，即係義和團嘅幕後黑手如載漪等仆街，被八國聯軍列為主要戰犯。佢哋當中，有人好似崇綺咁全家自殺殉國，亦有人即捕即殺，更有人被秋後算帳。搞屎頭棍領頭人端郡王載漪、同大阿哥漙儁事後被流放新疆充軍，天冇眼，載漪仲活到1922年張勳復辟先死，六十有六，長命過好多人。

叉開一筆，載漪響中國武術史都有貢獻，楊氏太極拳祖師楊露禪就係佢嘅人，吳氏太極拳祖師吳全佑亦係端王府侍衛出身。一張有尿跡嘅廁紙都有佢嘅用途，就係咁解。

1901年秋天，戰局大定，豆斗走咗，生死未卜。大清政權倒臺，八國聯軍接管北京，依個時候，西方列強提出一個新方案，佢哋搵咗張之洞傾新政權成立嘅可能性。

【大清亡國關慈禧蛋牛治】實體購買
https://www.382now.com/product?id=87

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

依本正【七不思議系列一：孽咒】
https://play.google.com/store/books/details?id=gSZnDwAAQBAJ

#常威 #大清亡國關慈禧蛋牛治 #慈禧太后 #晚清歷史 #義和團 #八國聯軍 #庚子事變

【大清亡國關 #琅威理 蛋牛治】

😝英國人琅威理事實上就係打造整支北洋艦隊嘅最重要一個人，雖然甲午戰爭爆發嘅時候佢已經離開咗。當時嘅清國人，科技水平嚴重滯後於世界，要建立、管理同操練一支龐大海軍艦隊，真係識條鐵。最後都係要靠英國人德國人管理同操練，同樣嘅情況都係發生響日本，為日本建立聯合艦隊嘅，其實都係洋人。不過有一點好唔同，經過甲午戰爭之後，日本基本上已經可以自己管理、同擴充佢哋嘅海軍力量，自力更生，再唔靠外國人，呢一點，當時嘅日本人真係叻，難怪佢哋成日要脫亞入歐，覺得自己係歐洲人唔係亞洲人，其實，某程度上都係啱嘅。

😃政治都係一樣，可以嘅話就自力更新，黐住人哋搵食，始終唔係王道。靠人哋養，做人附庸二奶小三更加非常危險，因為養你嗰個人隨時可以唔養你，自己搵自己食某程度上係艱苦，但係起碼唔使睇人面色。中國過去差不多100年嘅歷史其實就係一部自力更生嘅歷史，到咗21世紀，中國的確係堂堂正正站起來，可以同世界第一強權美國平起平坐，呢一點其實毋庸置疑，只不過翻轉頭睇，中國人付出嘅代價未免太大，未免太艱苦，付出嘅生命亦未免太多……


♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上1000訂戶！💪💪💪就快1000了！

🔦https://user35103.pics.ee/CTXPL

https://youtu.be/2jOcGoEl28Y

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

Facebook【常威專頁】
https://www.facebook.com/historysandwich/

行動+精神上支持你 keep going !

【大清亡國關 #六合彩 蛋牛治】

😝今集嘅內容講到黃海大戰，最後係實力拋離清國嘅日本聯合艦隊勝出，國家級層面嘅鬥爭，毫無運氣可言，實力，先係唯一決定勝負既因素。你睇今次貿易戰停戰90日，中國終於跪低，又要加購美債，又要購買大量美國產品入口……之前點硬都冇用，最後，係國力在你之上嘅美國，將你搞掂，逼你就範。

😃得把口真係冇用，對內對自己嘅民眾就也文也武作威作福，對外又係鬥唔過洋人，100年前如是，今天都如是。希望在明天，希望捱得過呢一輪，下一輪就係我哋嘅世界。但係要鬥贏人哋，首先唔該執正自己，做好自己，做好內政工作，真心對廣大人民好，呢個國家仲有大把前途。如果堅持過往，唔識得矯枉過正，唔識得汲取歷史教訓，我相信總有一日，你會自食其果。


♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上1000訂戶！💪💪💪就快1000了！

🔦https://user35103.pics.ee/CAVG7

https://youtu.be/VaXty6y2me0


【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

Facebook【常威專頁】
https://www.facebook.com/historysandwich/

推