大清亡國關慈禧蛋牛治

推

【112回：大清亡國關 #六君子之死 蛋牛治】

😚今回説到戊戌政變塵埃落定，六君子人頭落地，有人要為政變付出代價；但可悲嘅係，成個事件中，真正要負上政治責任、勾結外國勢力嘅人唔使死，佢哋就係光緒帝、康有為、張蔭垣等人。要死嘅，反而係一班替死鬼，一班一心為中國廣大同胞圖謀幸福生活嘅知識份子；慈禧太后斬殺六君子，係殺雞儆猴，要話俾所有有異心嘅人知，作反嘅下場係乜嘢。響政治層面方面，佢可以講無錯；但係道德層面方面，佢就大錯特錯。遺臭萬年，都係應該。

😃我哋呢代人，叫「六四」一代，我哋成長嘅過程中，親眼睇到1989年六四事件嘅發生。我哋見到天安門廣場殺人事件，好多人為咗中國嘅民主自由獻出生命，佢哋嘅出發點冇錯，道德層面亦都相當崇高。佢哋嘅死，深深烙印咗喺我哋呢代人心裡面，就算過咗30年，都冇辦法忘記。過去30年，中國嘅經濟急速起飛，成就有目共睹，但係中共放響我哋呢代人心裡面嗰條刺，永遠無辦法拔得走。

😄我唔係細路仔，我非常明白過去30年中國嘅巨大發展，係來自極權統治下產生嘅秩序；即係話，如果冇咗中共嘅極權式統治，呢30年嘅經濟奇跡冇可能被創造出嚟。我哋目前見到嘅盛世，無論係泡沫又好，或者係假像又好，中國的而且確比30年前文明先進咗好多好多倍；你話人心空虛、道德滑坡；出自唯利是圖香港人把口，五十步笑百步啫。政治畢竟唔係談戀愛，實際結果先係最重要。所以我哋呢代人係矛盾嘅，係歷史狹縫中嘅怪物，成日想左右逢源，既想有道德有光環、又想物質豐盛賺大錢。一邊想支爆，一邊又想北上找尋商機？咁仲唔係矛盾？咁仲唔係怪物？

😌伊索寓言有個故事，地上嘅禽獸，覺得蝙蝠會飛，因此唔將蝙蝠當成同類；天上嘅雀仔，又覺得蝙蝠冇羽毛，所以唔覺得蝙蝠係自己人；於是乎，蝙蝠兩面不是人。其實，蝙蝠係哺乳類，係禽獸嘅一種，佢唔同一般嘅禽獸，只不過英國人一百年前送咗一對翅膀畀佢，令佢可以喺天空上面自由飛翔，令佢可以有另一個更廣闊嘅視野去觀察陸地上嘅禽獸或商機。又如果，你問一隻蝙蝠，你係禽獸定係雀仔？我諗蝙蝠會咁答你：「如果地面上有嘢食或有商機，我希望我係一隻禽獸；但係如果我想自由飛翔，我又想自己係一隻雀仔。」

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！好快！好快！衝上2000訂戶！打埋開口牌，各位上我條youtube channel睇片，唔該同我睇吓啲廣告，或者click入去兜個圈，畀我賺多少少廣告費，畀啲甜頭我同阿潮繼續經營一條全球廣東話近代史粵語頻道！多謝大家！

🍳https://user35103.pics.ee/FCLX6

🍳https://youtu.be/2LWE0a8GvzU

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威中史】慈禧平反系列（一百八十九回）

趁住豆斗同劉晶就快齊齊歸西，係時候總結吓佢兩個嘅關係。好多人覺得，劉晶嘅一生係無比悲慘，因為佢俾老巫婆慈禧太后控制住，慘過做性奴，但其實並唔係咁銀樣。

劉晶光緒帝係豆斗扶植嘅第二個皇帝，1861年咸豐皇帝死後，西太后豆斗垂簾聽政，指點江山，佢揀咗一個三歲嘅白痴仔同治繼位（揀佢嗰陣未知佢係白痴仔），但同治的確係一個白痴仔，智商好有問題，佢唯一嘅政績就係「微服叫雞」，正所謂爛泥扶唔上壁，早死都係應該。同治只係過渡人物，其時豆斗如日方中，正值人生歷練最高峰之際，一場開天闢地嘅洋務運，佢係一心想將大清搞好邁向現代化，向列祖列宗交待，將最高領導權交畀一條低能白痴仔，相信成個皇族冇人贊成。

1875年同治死後，豆斗揀咗另一個細路仔承繼大統，佢就係光緒帝劉晶，劉晶比同治叻得多，腦筋正常，自細聽話又肯努力讀書，心裡面有救國救民嘅志向，毫無疑問佢係承繼大統嘅好人選，但係佢天生有一個問題，就係身體虛弱（細個成日驚行雷閃電，響被竇內漏精）。

所以身為大姨媽嘅豆斗，為咗劉晶順利成功親政，做咗無數功夫，其中一樣就係同李鴻章創建北洋艦隊，令到大清擁有當時國際社會上邊嘅先進武力，1889年，搞掂晒北洋艦隊啲嘢，豆斗先肯退休。佢冇再爭權，真係將最高權力交畀光緒，功成身退。退休期間豆斗所做嘅嘢，都係輔助緊光緒。

可惜由1889年到1895年期間，劉晶自己一事無成，仲響契弟翁翁同龢嘅唆擺下，為咗抑壓李鴻章坐大，刻意拖慢北洋艦隊嘅基建工作，結果一場甲午戰爭，徹底將兩個國家嘅命運改寫，大清帝國被拖入深淵，從此註定仆街收場。

馬關條約簽訂之後，豆斗正式復出，目的只係想震住個局面，唔畀大清亡國，不過響劉晶眼中，大姨媽就係轆出嚟奪權。呢個時候，豆斗更發現劉晶話事期間，國家現代化停滯不前。於是豆斗重提改革，1898年發動戊戌變法，全盤向西方學習。戊戌變法百日維新又響劉晶手中變成一權鬥，劉晶自組新黨，同日本人眉來眼去，想取代原有滿蒙貴族舊勢力，想將大清江山送畀日本，結果最後自己被一鋪清袋，從此軟禁瀛臺。

到1899年，劉晶嘅作用其實已經玩完，呢個時候出現咗廢立問題，豆斗的確係想搵一個新皇帝取代劉晶，可惜國際社會不斷加壓，唔畀豆斗咁做，亦由依件事可以睇到，劉晶絕對唔係一個無辜嘅人，佢一早已經被日本政府同大英帝國收買，要玩「合邦」。

而中間發生嘅義和團事件、八國聯軍入京、慈禧西逃……完全係一場一場大混亂，相信冇人可以掌握發展過程，而最終唯一能夠平定亂局嘅政治能量，仍然係嚟自慈禧太后。外國人（最重要係日本人）終於睇到，大清嘅支柱其實祇有一碌，就係豆斗！佢一日在生，你一日唔使旨意玩嘢，你想玩嘢，唯一嘅方法就係等待，等待豆斗歸西。

1902年豆斗重返北京，啟動新政。劉晶喺軟禁期間，仍然不斷向外勾結其他勢力，一心要諗住復辟，重新奪權。豆斗一直唔殺佢，一方面係唔想佢嘅死再引起政治動盪，另一方面我個人好相信，豆斗對劉晶有一定情義，其實要殺劉晶，三番四次都可以，逃出紫禁城時大混亂期間可以殺，去到西安山高皇帝遠更加殺咗你都冇人知，可惜性格決定命運，豆斗本來就係一個善良嘅人，到咗晚年篤信佛教（變咗老佛爺），我相信係出自一份慈悲心場，令佢一直留住劉晶條命，佢只係想呢個皇帝乖乖做人，唔好再玩嘢。而佢豆斗就可以一心一意搞好大清江山，延續愛新覺羅皇族收皮嘅時限。

但係劉晶明顯冇放棄到自己嘅野心，1908年慈禧太后身體狀態滑落之際，一切證據都顯示，劉晶同佢勾結嘅外國勢力將會捲土重來。而豆斗亦都預見到，如果自己死咗，政權重新落入光緒手上，大清嘅命運只會得一個，就係完全免費、拱手相讓畀日本122代天皇明治。

所以佢別無他選……下次繼續。

#常威 #大清亡國關慈禧蛋牛治  #慈禧太后 #晚清歷史 #辛亥革命

【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威中史】慈禧平反系列（一百九十回）

光緒帝劉晶嘅遭遇，令我想起趙紫陽（1919-2005），1989年春夏之交，有一幕情景令我非常難忘，就係趙紫陽去到天安門學生絕食現場，搦住擴音機，聲淚俱下，要求學生離開解散，否則將會帶來嚴重後果。

同樣情況2014年佔中都發生過一次，當時港大校長馬菲森同中大校長沈祖堯一樣去到佔中現場，苦口婆心請求學生離去，由此可見，統治階層的確係曾經想用巨大武力鎮壓佔中行動，兩大校長係被通知前往現場，依一點我非常相信。當然佔中之後冇發展成為大規模嘅流血事件，一來佔中嘅地點係香港，二來亦都同1989年六四事件有關。

香港學生比北京學生幸運，亦係時代唔同咗。1989年，最後演變成為一場血腥大悲劇，我哋嘅一輩親眼目睹成件事點樣發生，影響延綿到今日，就我常公子個人而言，六四嘅陰影永遠驅之不散，六四之前，年青嘅我的確對中國或中共抱有改革嘅希望，我哋真係天真嬌相信，一黨專政會結束，民主中國、美國模式嘅多黨制選舉，真係會有一日響中國發生，而當時，代表住呢個中國民主希望嘅人，就係趙紫陽。

當時趙紫陽係中國共產黨內嘅開明改革派，亦係鄧小平指定嘅接班人，六四事件嘅政治風波，最後演變成為趙紫陽向鄧小平提早奪權，至於趙紫陽響六四事件當中所擔任嘅角色係乜嘢？佢有冇響背後支持絕食學生？身為中國人，我諗我哋永遠無辦法知道。這一點的確好悲哀，但係趙紫陽之後一直被軟禁，到2005年去世為止，始終未踏出過家園半步……佢係唔係因為同情絕食嘅學生而毀掉自己一生嘅政治前途呢？我唔知道，但係將佢軟禁起嚟，無非都係想減低佢嘅政治能量。如果當時比趙紫陽繼續留喺統治階層，鄧小平知道只要自己去世後，大權一定落入趙紫陽手上。因為鄧小平自己就係一個活生生嘅好例子。

慈禧太后嘅想法同鄧小平都一樣，中國政治制度，百幾年嚟都冇變過，認人唔認事，權力依附喺個人身上，並非依附喺制度之上，既然光緒仍然係皇帝，太后一死，佢一定彈番起，而光緒當權，清帝國亦都一定會落入日本人手上。

1908年9月開始，慈禧開始不斷肚瀉，胃口亦好差，身體狀況開始急劇下滑，但佢仍然繼續處理政務，每日繼續工作八、九小時，覆行住佢做國家領導人嘅職責，1908年9月28號十三世達賴喇嘛去到北京，慈禧想接見佢，但係因為健康理由多次改期，10月14號，慈禧感覺自己狀態好返啲，佢就喺當日接見咗達賴喇嘛。

1908年11月3號，係慈禧73歲生日，佢支撐住衰敗嘅身體，參加慶典活動，繼續睇佢最心愛嘅京劇，但係就食乜屙乜，身體非常疲倦，過咗生日，慈禧知道大限將至，佢開始籌辦自己身後事，佢首先派慶親王去檢查東陵佢即將下葬嘅地方。呢個時候，光緒帝亦都臥床不起，重病在身，1908年11月14號下午6點33分，太醫院宣佈皇帝駕崩，光緒死嘅時候只有37歲，2008年，中國有關方面對光緒遺體作醫學鑒定，斷定光緒係死於大量砒霜中毒，大家唔使懷疑，亦毫無懸念，係慈禧死之前落毒毒死劉晶，同佢攬卵住一齊死。

光緒死後唔夠20小時，慈禧太后亦宣佈離開人間。至於佢死前20個鐘頭發生乜嘢事？我哋下次講講。

#常威💀 #大清亡國關慈禧蛋牛治  #慈禧太后 #晚清歷史 #辛亥革命

【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【113回：大清亡國關 #楊深秀 蛋牛治】

😚政治站錯隊，情況可以好嚴重，六君子之中嘅楊深秀就係好例子。本來兩榜正途出身，年輕有為，思想開明，前途一片光明。如果佢唔係跟隨光緒皇帝作反搏呢鋪，或者佢喺晚清歷史甚至民國時代都會有一番作為，不過好可惜，到頭來佢只係可以成為光緒皇帝奪權大計失敗嘅替死鬼，以忠義之名，流芳百世。

😏最近香港炒作嘅政治話題係引渡條例，有人想2047之前再開一道大門，最後連政治犯經濟犯都可以中港兩邊走，距離2047，仲有30年貨仔，有啲嘢，大家真係要好好珍惜。當然有冇引渡條例其實都冇關係，阿爺做事，有強力部門，要喺香港帶你走，easy喇。揸住外國護照嘅中國人都可以照被扣留照被認罪，更何況係揸住特區護照嘅香港人？

🙄名正言順拉你上去接受中國法律制裁、抑或利用秘密警察（強力部門）暗中帶你走迫你認罪，兩者本質上其實都係一樣。前者其實好似有法理依據，但中國人做事你應該是明白的。所謂法理，其實衹是輔助政權統治的一個工具，黨政合一，「黨」排響「政」前面，政權是大曬的；上述嘅統治概念係中國人利用100年時間建立出來，要佢消失，我諗要用多100年時間。

😏未來日子，相信自由嘅尺度喺香港會日漸收窄。同檯食飯，好難再各自修行，河水不犯井水嘅時代已經過去，因為大家都要飲東江水，冇水飲始終都會渴死。生產關係決定人嘅命運，地理距離亦係相當重要。至上世紀80年代開始，無數香港人因為內地嘅開放改革而致富發達，世界上冇免費嘅午餐，借咗嘅嘢亦都一定要償還。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！好快！好快！衝上2000訂戶！打埋開口牌，各位上我條youtube channel睇片，唔該同我睇吓啲廣告，或者click入去兜個圈，畀我賺多少少廣告費，畀啲甜頭我同阿潮繼續經營一條全球廣東話近代史粵語頻道！多謝大家！

🍳http://yt1.piee.pw/FTPDY

🍳https://youtu.be/Jxakqf9A-jw

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威中史】袁世凱平反系列（一百九十一回）

1908年11月14號，24小時之內，豆斗慈禧太后同劉晶光緒帝先後離開人間，亦都象徵著一個時代嘅終結。

劉晶死嘅時候，喺佢身邊嘅就係嗰個醜樣到爆燈嘅隆裕皇后，劉晶一生人最愛嘅人一定唔係佢，而係珍妃。珍妃享1901年慈禧太后西逃離開紫禁城嘅時候，俾人推咗落井，死。我諗劉晶一定非常傷心，劉晶嘅一生都係活喺慈禧太后嘅陰影之下，所有嘅事情不能自主，無論政治上或者愛情上。我諗佢心裡面一定非常之痛恨慈禧，有得俾佢揀，我諗佢唔會想生於帝王家，由頭到尾佢都係一個悲劇人物。

而家香港好多年青人都埋怨老竇冇錢，所謂「窮人唔好生仔」，好多人以為生於大富之家就係美好生活嘅保證，做貴族就最好。但我可以講俾大家知，活響大富之家並唔係一件容易嘅事，有錢嘅地方就有權鬥，有權鬥就會帶嚟痛苦，我認識唔少嘅有錢人，心理上都有好多束縛，起碼交個朋友，就怕佢有動機埋嚟黐金糠，談情說愛，更加唔知道對方係鍾意你抑或鍾意你啲錢。做個窮人，自己搵自己食，一切由自己自主，某程度上都係一份難得嘅自由。當然我咁講，都係一種自我安慰，活在香港，邊個唔想有錢丫？

光緒皇帝同查理斯王子都幾似，當然戴安娜靚過隆裕皇后好多好多，一生受制於他人，連愛情都不能夠自主，當然英國嘅皇室政治亦冇大清國咁恐怖（其實都大同小異），英女王懲罰親生仔查理斯嘅方法，就係要去做終身皇儲，永遠冇辦法帶上皇冠做大英帝國皇帝。

光緒死嘅時候都幾悽慘，身邊冇重要嘅大臣送佢上路，亦冇人紀錄佢臨終嘅時候有乜嘢想講，因為一切已經唔再重要。呢個時候，所有重臣齊集於皇太后床前，等候佢安排大清帝國嘅未來前途，慈禧太后指定載灃兩歲嘅仔溥儀承繼皇位，而載灃則被安排為攝政王承繼最高權力，載灃係光緒載湉水細佬，之前講過，慈禧將大權交畀佢，因為佢係一個對大清帝國全無異心嘅忠誠人物，慈禧所做嘅嘢，無非都係想確保滿清王朝愛新覺羅家族嘅統治權，美國文學家海明威講過「肉體可以被消滅，人不可以被打敗」。慈禧肉身雖然要死，但係佢一生捍衛嘅滿清王朝，一定要響佢死後延續落去，千秋萬世。

慈禧臨死之前，發出以光緒帝名義頒發嘅遺詔，呢份遺詔總結咗江緒帝任期內30年間嘅主要作為同埋目標，一切都同大清嘅現代化有關，「折衷中外之治法，輯和民教，廣設學堂，整頓軍政，振興工商，修定法律，豫備立憲，期與薄海臣庶，共用昇平」，遺詔最後更加提到，九年之後要實行君主立憲制，實行國會選舉，「恪遵前次諭旨，各按逐年籌備事宜，切實辦理，庶幾九年以後，頒佈立憲，克終朕未竟之志，在天之靈，藉稍慰焉。」

而慈禧太后自己嘅遺詔，亦講出佢臨終時候嘅心境，「回念五十年來，憂患迭經，兢業之心，無時或釋，今舉行新政，漸有端倪…前年宣佈預備立憲詔書，本年頒示預備立憲年限，萬機待理，心力俱殫…猶未敢一日暇逸……」，臨死嘅時候，慈禧講出佢一生都係為咗處理國家事務而奮鬥，最後終於實行新政，踏上君主立憲之路，為古老嘅大清帝國打開一個新方向，念念不忘，可惜沒有迴響……

最後嘅時間，慈禧仍然處理工作，直至佢再無辦法講出一句說話為止，交代好一切，三個小時後，佢就離開人間去見老佛爺。

我常公子再唔想講啲乜嘢總結慈禧一生，事實上我已經寫咗三十萬字替慈禧平反，佢係一個好人？抑或係一個壞人？請大家用獨立思考理性去分析，但係隨住佢嘅死，中國歷史打開咗另一個局面，之後，我嘅重心會放喺袁世凱身上，依一個，亦都係一個唔能夠唔平反嘅偉大歷史人物。

#常威 #大清亡國關慈禧蛋牛治  #慈禧太后 #晚清歷史 #辛亥革命

【常威中史】（一百九十二回）
袁世凱平反系列

新一頁開始。

家底好重要，背景亦都好重要，你老竇同阿爺嘅高度，亦都決定咗你嘅高度，唔單止係遺傳學嘅問題，仲係政治嘅問題。除非社會有大戰爭大災難大洗牌發生，否則和平嘅時代，一個普通人想攀上政治嘅高位，機會可以講極細。點解成日羡慕美國係一個好地方？因為喺美國先有「奧巴馬」依種現象出現。冇靠父蔭，白手興家，一個背景普通嘅黑人律師最後做到美國總統，我諗先算係民主制度嘅最具體嘅體現。

袁世凱（1859-1916）嘅背景好強，袁家喺響道光年間開始興起，佢嘅上嗰幾代，非常把炮，有准軍軍頭，亦有地方大員，袁世凱嘅出身，其實係一個富三代（或者四代），年輕嘅時候唔愁衣食，大把人照住。所以我叫佢做太陽電筒，因為身邊夠光，所以佢自己就能夠發光。依種背景出身嘅人，大部分都係仆街，或者係寄生蟲，但係袁世凱唔係，佢嘅一生如果要我比分，100分佢有85分。

近代史抹黑袁世凱抹黑得非常過份，原因好簡單，因為辛亥革命之後，袁世凱就係一個對照國父孫文嘅反面人物，一個黑臉，一個白臉，前者愈黑後者就會愈白。正邪二分法，係人類嘅基本意識形態，正如打機一定要有大佬。今日世界，美國人就要話畀我哋知，個世界係有個邪惡大佬存在，呢個大佬叫中國（之前叫蘇聯，早幾年叫阿爾蓋達或ISIS）。打低大佬就爆機出字幕，個世界就會和平，咁樣講，大家都會容易啲接受，太複雜嘅嘢，其實普羅民眾唔會明。

我開常威專頁講歷史，無非都係想打破這種老撚土嘅想法。

袁世凱嘅彈起，係因為佢喺朝鮮主政期間，為仆街李氏皇朝訓練咗一支新軍，從此以後，袁世凱就係一個「練兵大師」。袁世凱練兵咁掂，其實冇咩秘密，佢只係將德國練兵嗰套嘢Copy，搬過嚟照用，中間完全唔會加插任何中國元素落去，咁就搞掂。任何事情都係一樣，一個好好嘅湯底，只要你加咗中國元素落去，就會變咗毒藥。寫【醜陋的中國人】嘅柏楊講過，中國係個大染缸，任何美好事物傳入嚟就會被汙染，而變成另一樣嘢。民主制度如是，共和如是，馬克思主義亦如是。

1895年清帝國打輸甲午戰，政局大洗牌，李鴻章落馬，豆斗搵咗佢嘅政治新partner榮祿頂替直隸總督兼北洋大臣，榮祿就推薦袁世凱畀豆斗用，當時大清帝國武力被清空咁滯，豆斗派咗袁世凱去天津小站，訓練一支帝國新建陸軍，而呢個亦都係袁世凱一生嘅發跡點，呢支普魯士式現代化裝備新軍，就係之後嘅北洋軍閥班底，天津小站練兵時嘅袁世凱，30歲都未夠，真係年青有為。

之前講袁家底夠厚，遺傳嘅嘢，真係冇得羡慕得咁多。但係袁家仲有樣嘢遺傳給袁世凱，就係短命基因，袁氏家族好多人都過唔到60歲，包括袁世凱自己在內，所以佢哋好多事都要喺60歲之前完成（包括稱帝建立中華帝國）。個人認為，袁氏家族應該有一個家族遺傳病，而近代醫學嘅發展，就將依種宿命打破，因為袁世凱個仔袁克定（1878-1958），就活到80歲。

#常威 #斷送共和關袁世凱蛋牛治  #袁世凱 #民國歷史

【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【114回：大清亡國關 #MacDonald 蛋牛治】

😚今時今日，香港政治又好中國政治又好，最驚就係跟車太貼，萬一站錯隊，就真係萬劫不復。政治嘅力量無比強大，你睇吓有幾百億幾千億身家都要走佬，都要照樣入冊你就知幾勁。

😏權力嘅誘惑就喺呢度，點解要有權力呀？錢唔夠power咩？冇錯，就係唔夠！就算你幾有錢，去到權力面前，一樣要低頭。我嘅良師益友周顯教我，你搵一個億或十個億，你真係可以唔理政治，柄埋一邊收租個安樂生活；但如果你想成為百億富豪，你就冇可能逃避政治，就算你唔想理，政治都會殺埋身。所謂政治經濟學，就係咁解，「經濟」同「政治」永遠冇辦法分得開。

😏1899年嘅戊戌政變係政治事件，凡係政治事件都有替死鬼，名垂千古嘅六君子就係戊戌政變嘅替死鬼，佢哋當中，大部分人都係冤枉嘅，反而真正嘅幕後黑手，事後都逃過被斬首嘅命運。中國人有句說話講得好好，黑狗偷食，白狗當災。凡事如果只係睇表面個浸，永遠無辦法認清真相。

😜現今世界，資訊無比發達，I-phone在手，天下我有。有好多人以為有Google大神幫手，自己乜都知，其實好多嘢大家仲未知。流通得嘅資訊，其實好多都經過統治階層過濾同裁剪，而且亦因為資訊太氾濫、太密集、令普羅民眾注意力無法集中，一件事情未去理解清楚，第二第三第四第五件事情又排山倒海而來，結果整個世界變成過眼雲煙，尋日嘅事已經成為過去，今日嘅事又接踵而來，頭腦應接不暇，亦冇足夠嘅時間去思考同消化，大概我上述所講嘅，就係今日嘅現象世界。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！好快！好快！衝上2000訂戶！打埋開口牌，各位上我條youtube channel睇片，唔該同我睇吓啲廣告，或者click入去兜個圈，畀我賺多少少廣告費，畀啲甜頭我同阿潮繼續經營一條全球廣東話近代史粵語頻道！多謝大家！

🍳https://user35103.pics.ee/DUJUZ

🍳https://youtu.be/5OACNKsSQOM

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】（一百九十三回）
袁世凱平反系列

要講袁世凱，一定要講北洋軍。

清代軍隊腐敗嘅問題，早響19世紀60年代已經有人睇到，恭親王奕訢鬼子六響同治三年已經上奏過「治國之道，在於自強，而審時度勢，則自強以練兵為要」，槍桿子出政權，國力亦由軍事力量所決定，呢個定律都今日都冇變過，點解美國咁強大？大家都是明白的。

可惜鬼子六講嘅嘢當時冇人理會。直至去到甲午戰爭進行期間，大清統治階層終於知道自己嘅軍隊衰成點，之前講過葉志超平壤一戰慘敗比日本人，平日也文也武，殘酷鎮壓自己友就最叻，面對外敵就屎都不如。1894年10月23日，豆斗將曾經參與黃海之戰嘅德國陸軍軍官漢納根（Von Hanneken）召入京，同佢商量改練新軍措施。漢納根提出練一支100,000人現代軍隊嘅構思，但比李鴻章否決咗，一來洗費太大，二來新軍嘅領導權冇可能操縱喺洋人手上。結果李鴻章就係搵咗自己友淮軍軍頭胡燏棻（1840-1906）開波自己搞大清陸軍現代化。中國人衰乜？衰圍爐囉。

甲午戰爭徹底慘敗後，軍隊西化更加事在必行。當時清政府外交顧問福仕達（John W. Foster）就寫咗份報告講「中國目前急務，需先整頓陸軍……陸軍未成，則不能使人遵守國家紀律」（講真，軍隊嘅用途最主要都係鎮壓人民）。1895年，中國第一支西化軍隊「定武軍」就由李鴻章嘅人胡燏棻搞出嚟，人數為4750人，當中步兵3000人、炮兵1000人、馬隊250人、工程隊500人。

咁胡燏荼都唔係流，佢真係認真搞。同年佢上奏一篇萬言書畀朝廷講軍隊改革，呢篇萬言書喺晚清軍制改革上一篇重要文獻，佢提出四個主要重點：

第一，設立武備學堂培訓軍人軍官，入學嘅人要通過考試，起碼要識字，身體強壯，學堂由洋人軍官教授，三年制，畢業之後可以得到文憑做勇（兵），成績出眾嘅，可以推薦做軍官。

第二，軍人要查家宅，唔可以再虛報軍藉出糧，廢除八旗兵淮軍系統沿用嘅軍藉世襲制。招募新兵年齡介乎16-20歲，40歲就肥雞餐要退休，入營之後，三年放一次大假返鄉下，但係國家要打仗，就算放緊假，都要隨傳隨到開工。

第三，大幅加軍隊人工，唔可以再上下克扣，要杜絕舊軍制之內嘅貪污情況，新軍人要享有合理福利，服役期間，全由國家供養，起碼要衣食無憂，咁佢哋先會同國家賣命。

第四，新軍全面採用洋化裝備，一切槍炮以外國貨（德國貨）為主。

上述四個條件之下，胡燏棻制定咗未來大清新軍編練嘅規模，北洋練兵50000人，南洋30000人，廣東湖北省各練兵20000人，其餘每省大概10000人，中間制度統一，互相調動，舊兵制完全撤銷。

朝廷通過咗佢嘅建議，上面講過清國第一支現代化軍隊「定武軍」出現，屯駐馬廠開始編練，1895年9月，定武軍因為營房不足，移到小站屯駐，小站係距離天津東南70里嘅一個小鎮新農鎮，就咁開始了所謂「小站練兵」，小站之前係淮軍駐扎屯田之地，開通咗一條九十里長嘅運河直達大沽海口，扼守進入北京城要道，鎮內有稻田60000頃，能夠為駐扎嘅軍隊提供足夠糧食。

同一時間，由張之洞主理嘅南洋新軍亦都開始編練，史稱「自強軍」，張之洞調離兩江總督後，自強軍被新任兩江總督劉坤一接手，依支部隊不久調動至直隸，編入袁世凱嘅北洋軍第四鎮。

講番小站嗰支「定武軍」，因為馬關條約簽訂後，李鴻章落馬失勢，1895年10月22號由榮祿向豆斗推薦嘅年青袁世凱接管，俗語所謂，冷手執個熱煎堆，一個人行起運上嚟，真係擋都冇得擋，前人種花後人收割，又一個好例子。

#常威 #斷送共和關袁世凱蛋牛治  #袁世凱 #民國歷史

【常威近代史】（一百九十四回）
袁世凱平反系列

有人話袁世凱係一個好識投機取巧、阿諛奉承嘅世界仔擦鞋仔，所以先氹得掂榮祿同盛宣懷，畀佢響小站練兵。講呢啲嘢嗰啲人都癡溝線，個腦裝屎，生存喺個社會上，任何機會係要自己爭取返嚟，你坐響樹底，想隻兔仔衡埋嚟撞樹受死，根本完全係發夢。袁世凱只係盡力為自己爭取向上爬嘅機會，而家香港個個做緊，邊個唔想發達？邊個唔想做李嘉成？袁世凱如果放響現代社會，叫十大傑出青年。

而且比你練兵，你都要有料到先得架。搞軍隊唔係玩泥沙，一個唔小心命仔都會冇埋，但事後證明，袁世凱唔單止識練兵，佢仲練咗一個強大無比嘅軍事集團出嚟，北洋軍閥主宰咗中國以後嘅政局廿九幾年。

而家睇睇袁世凱練兵有乜竅門先？1895年，佢接手天津小站練兵之後，提出《練兵要則十三條》，係一套當時訓練新軍嘅完整設想，舉凡軍律、餉制、器械、募兵、教育等各方面。

1.賞罰要分明，軍隊要有紀律，紀律是第一優先，軍人要熟讀紀，任何事情要公事公辦，唔可以徇私。

2.出糧方面，再唔可以畀人喺中間上下其手，一切要依法辦事。唔合規格嘅人就要被革走，就算請病假都要查核清楚，一有貪汙舞弊情況，軍法處置。

3.軍用嘅器械，要每五日檢查一次，如果有生銹或者損壞唔上報，嚴予懲治，而且要時刻注意世界各地有乜嘢新武器推出，如果啱用就要即時選購。

4.清國軍事知識，比外國落後得太多。所以要響全國各地建立大量軍事學堂調教軍官，而且定期派人出外考察同留學。

5.招募新兵相當重要，「身長限四尺八寸以上，力大限一百斤以外，每一時行走限二十里以外，年自二十歲到二十五歲」（原文節錄），戶口要查三代，資料要封存妥當，以250人為一營管理。

6.士兵要以忠國、愛民為首要任務，要不斷灌輸佢哋忠誠、愛國、服從命令、死而後已嘅思想。對於軍紀，需要經常考核。要上堂，要派小冊子比距哋背誦，操練時要佢哋唱軍歌。（袁世凱新軍嘅《大帥練兵歌》，曲調其實就係普魯士軍歌《德皇威廉練兵曲》，依首歌，後來成為中國人民解放軍嘅《三大紀律八項注意》）

7.練兵主要以步法、手法、陣法、操法為要務，最重要嘅係，士兵要絕對服從上級嘅命令，唔服從指揮嘅人要軍法處置。每年要有多次演習加強操練，遇到國家有任務，就要即刻作出調動，隨時出征。

8.如果士兵請假，被炒魷魚，或者患病退役，一律要有完善措施配合，唔能夠隨便唔返工出糧，更唔可以隨便求祈搵一個人頂上原有軍藉。

9.士兵服刑期三年為一Round，三年之內，如果有事要請假，最多三個月，三個月內軍方會支付一半人工，放完假唔返嚟嘅人，即刻炒魷。如果遇上特別軍事任務，就算大姨媽到都唔可以隨便請假。

10.如果因工受傷，國家會幫你醫，人工照出。如果服役期間過勞死病死，斂葬費十兩銀，薪水多支三個月。如果戰爭陣亡者，國家一律支付至少兩年年薪撫恤家屬，另加特別撫恤金安排。

11.新軍之內，官階制度要同一般大清帝國公務員系統唔同，要分開處理，服役完畢離開軍隊後，官階或軍階亦都要即時摘去，費事俾你再搦住個朵周圍招搖撞騙。

12.每到年尾進行考核一次，表現出眾嘅軍人，會得到官位同獎賞。但係每100人，只可推舉一人得獎，以免獎賞制度被濫用，產生私舞弊情況。

13.新軍軍服亦都進行大改革，因為使用槍炮，衣服必須窄小，先至方便，之前清國軍隊闊袍大袖，睇到都唔開胃，新軍隊制服一律使用普魯士規格，規則更指明軍人平日都唔淮著中國長衫，要時刻注意軍隊形象。

其他嘅軍隊改革措施，包括同洋人教官簽訂合同嘅細則同格式、每個不同兵種嘅待遇同軍紀規則，除此之外，仲有大量新軍嘅章制、禁令、訓條同埋操練手法。所有袁世凱嘅練兵文件，到咗1898年，滙編咗一本《新建陸軍兵略錄存》印行，流通全國。而呢一本書同《練兵要則十三條》，亦都係袁世凱生平唯一嘅兩部著作。

今日寫咗咁多，只係想講一句，袁生唔係流嘅。

#常威 #斷送共和關袁世凱蛋牛治  #袁世凱 #民國歷史

【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【115回：大清亡國關 #霍布斯邦 蛋牛治】

😚我最喜愛嘅歷史學家有三位，排第一嘅係楊繼繩，佢係中國人，係共產黨員，我最近都係睇緊佢本書《天地翻覆》，講文化大革命，非常精采。佢之前寫過另一本好書《墓碑》，唔使我多講，大家都知道呢本書，楊繼繩係為響中國五六十年代交界發生嗰場史上最大嘅饑荒所餓死嘅幾千萬人立碑。當年我睇完呢本書，抑鬱咗成個星期。

😄第二個我最喜愛嘅歷史學家，係霍布斯邦（Eric Hobsbawm），佢係英國劍橋大學史學教授，又係猶太人，喺英國第一號咗左派史學家，平生著作甚豐，由十幾年前第一次讀佢嘅書，到今日將佢嘅書差不多全部睇曬，中間嘅過程，改變咗我自己嘅所有史觀，只可以講一句，我係獲益良多。對歷史有興趣嘅朋友，一定要睇睇佢嘅書，如果你又有睇其他歷史書，咁同霍布斯邦比較一吓，你就會知道霍布斯邦有幾高，冇錯，係幾十層樓咁高。

😄第三個係劉仲敬，亦係中國人，佢亦都好犀利，佢嘅史觀同埋寫作手法異於常人，我常公子其實係向佢學習緊，當然我連尾燈都睇唔到，劉仲敬嘅書喺香港到處有得賣，買返本睇睇，包你大開眼界。

😃上述三位，堅定咗我對歷史寫作嘅意志，我冇得同佢哋比較，因為佢哋嘅水平實在太高，高我太多太多，我衷心向佢哋三位學習，盡我一點綿力，大家響歷史研究上出一份力，為人類嘅足跡留下一點印記。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！打埋開口牌，各位上我條youtube channel睇片，唔該同我睇吓啲廣告，或者click入去兜個圈，畀我賺多少少廣告費，畀啲甜頭我同阿潮繼續經營一條全球廣東話近代史粵語頻道！多謝大家！

🍳https://user35103.pics.ee/FTLVS

🍳https://youtu.be/baJ5Eijz8TI

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】（一百九十五回）

袁世凱平反系列


1885年，李鴻章失勢，佢條靚胡燏棻被調去督辦津蘆鐵路。榮祿保薦袁世凱代替佢個位編練新軍，1895年12月6日正式接手。


新官上任三把火，袁世凱首先炒咗部份准黨舊人，然後將原本4750人嘅軍隊擴充至7300人。改名為 「新建陸軍」，正式奠定咗北洋軍閥嘅基礎，同年佢招聘咗差唔多20個德國人加入新建陸軍，所有部隊嘅教頭都係德國人，仲開設埋德文學堂，要官兵學德文（唔係英文）。1896年開始，佢更加更換哂所有軍用器械，步兵騎兵改用奧地利製造的8毫米口徑曼利夏連發步槍，軍官裝備6發轉輪左輪手槍，全部達到國際標準。


1898年9月招募新兵2000人，1899年3月再加1000人做後勤部隊，新建陸軍編制已經超過10000人。依一支仿照德國普魯士陸軍建制組成嘅新軍，按鎮、協、標、營、隊、排編成；分步兵、騎兵、炮兵、工兵四個兵種。講求紀律，由具有當代軍事知識嘅人（德國人或留學生）擔任教官，袁世凱用咗四年時間，響天津小站建立咗一支強大嘅現代化武裝力量，話佢冇料到嘅人，唔該用個屎忽諗吓。（香港創科局都成立咗四年喇，做咗啲乜呀？）


新建陸軍已「督練處」為統領機構，袁世凱自己就做督辦（大佬），佢嘅第一號頭馬就係結義金蘭好兄弟參謀總辦徐世昌（1855-1939，之後我常公子會講吓佢哋嘅友誼）。


新建陸軍最重要嘅大改革，就係有一套完整嘅後勤體制。之前嘅大清陸軍只有軍隊，並冇後勤部隊概念。要打仗嘅時候，就去農村拉壯丁做腳伕（或者做前鋒敢死隊，負責掘地雷），完全就地取材。依種亂咁拉壯丁入軍隊打仗嘅概念沿用多年，之後嘅大混亂時代，其實中國平民百姓有好多人都係咁樣喺戰場上喪生，由於佢哋唔係正式軍人，所以統計死亡數字都冇計到呢班人，其實好有可能呢班人先係佔咗大多數。中國軍隊嘅完全制度化，要去到1949年中華人民共和國建立之後。

新建陸軍「督練處」下，另設糧餉局、軍械局、轉運局、洋務局、軍醫局同教學處等機構。每個機構每個軍階嘅人工亦有嚴格規定，好似做大佬嘅袁世凱本人，月薪就係50兩白銀，另加100兩白銀公費，total 150兩（折合45000蚊港幣）。


從1895年到1899年袁世凱小站督練新軍，北洋軍閥班底開始形成，後嚟好多北洋軍閥嘅重要頭目，好多都同小站練兵最初拚湊嘅班底有深厚淵源，而其中嘅核心人物主要係北洋武備學堂的學生，好似段祺瑞（1865-1936）、王士珍（1861-1930）、馮國璋（1859-1919）都喺北洋武備學堂畢業。馮國璋後嚟去日本留學，段祺瑞則去德國考察，特別係段祺瑞，佢當時被稱為「軍事學第一」德國兵制嘅專家。不過袁世凱並唔係完全重用新人，有能力又肯接受新思維嘅舊軍人，佢一樣有提拔，好似後嚟搞辮子兵復辟滿清帝制嘅張勳（1854-1923）就係好例子。


呢幾年，袁世凱大力擴充自己嘅班底。佢成功嘅地方，就係佢用嘅人都係有用嘅人，一般嘅刷鞋仔根本埋唔到身。一個人成功嘅地方未必一定係佢嘅能力有幾高，而係佢識唔識用人？能唔能夠駕馭到有能力嘅人為佢做事？今時今日，畀你一人獨大，但如果你冇一批好打得嘅手下，最後一定會失敗收場。其實做獨裁者，真係唔係咁簡單。


#常威 #斷送共和關袁世凱蛋牛治  #袁世凱 #民國歷史


【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【116回：大清亡國關 #柒點 蛋牛治】

😚近日熱辣嘅新聞係引渡條例，一國兩制下，到目前為止，內地並冇法律權力將香港人引渡返內地受審。所以如果要「的」你返大陸，就要由「強力部門」幫手，或者你「自願」返上去受靶。九七回歸咗20年，無端端點解會搞壇咁嘅嘢？個人感覺，無非都係要將香港白色恐怖層次提昇，進一步收窄香港人嘅自由，口講一套，內裏做一套，中國人最叻。

😜23條，一直係上頭耿耿於懷嘅事情；其實等多30年，2047，一切都會煙消雲散，真係唔使咁急。鄧小平講過50年不變，其實真正嘅目的就係想97年前出生嗰一代人保持原有嘅生活方式，直至佢死嗰日，都可以做隻英國鬼。畀香港人多50年時間自由，換取香港主權，其實係非常合理嘅交換條件，所以當時大家都會覺得冇問題。可惜鄧小平嘅智慧就係太高，接手佢工作嘅人冇佢咁高，甚至低，於是乎就搞鑊泡出來……

😄做人要講信用，冇信用嘅人唔會得人尊重。所以佢唯一想你尊重佢嘅方法，就用支槍指住你講：「唔該尊重我。」

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！打埋開口牌，各位上我條youtube channel睇片，唔該同我睇吓啲廣告，或者click入去兜個圈，畀我賺多少少廣告費，畀啲甜頭我同阿潮繼續經營一條全球廣東話近代史粵語頻道！多謝大家！

🍳http://yt1.piee.pw/GFD6F

🍳https://youtu.be/MsPgyOvidOA

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】（一百九十六回）
袁世凱平反系列

講完小站練兵。開個新題目，成日講北洋軍閥北洋軍閥，究竟乜嘢係北洋？有北洋又有南洋，到底係點能洋呢？今日講清楚，增加大家嘅歷史知識。

一切要由1860年英法聯軍入京後講起，當時豆斗因為一場辛酉政變初掌大權，國內洪秀全太平天國之亂仍未平復，需要藉助外國勢力幫手平亂（英法聯軍一直留喺中國架），於是響1861年底，中央設立咗專為外國侵略者服務嘅「總理外國通商事務衙門」，呢個政府部門，任務係辦理外交事務，亦同時管理同外國人通商、借佢哋嘅兵打太平天國、買賣軍火，仲有其他關稅鐵路開礦投資等事宜，實際上就係攬曬成個「洋務」上身。又由於要方便同帝國主義者服務，於是「總理外國通商事務衙門」設立咗北洋大臣同南洋大臣兩個職位，嗰個「洋」字，唔係傷心太平洋，而係洋人個「洋」。

南洋大臣由兩江總督兼任，掌管上海同長江各口岸，以及閩（福建）、粵（廣東）及浙（浙江）三省事務，當然最重要就係自由貿易城邦大錢罌上海；北洋大臣由直隸總督兼任，掌管京畿重要戰略位置同北方各省。

北洋同南洋就係咁樣嚟。

兩者之中，南洋雖然形成以劉坤一為首嘅湘軍勢力，同埋以張之洞為首嘅自強軍勢力兩大派系，但係豆斗好聰明，佢不斷響兩者之間製造矛盾，以操縱平衡，表面上對各派系嘅重要人物都加以重用，但實際上就係將重要位置，例如兩江、湖廣總督換嚟換去，就係唔畀某一個派系長期把持南洋大臣事務，於是乎，「南洋」一系，從來冇辦法形成一股左右全國局勢嘅政治勢力。去到1901年，滿清王朝倒臺咁滯、東南互保生效嘅時候你就知道，最後陰陽兩面張之洞條PK有大英帝國撐腰都唔夠膽搞獨立，就係呢個原因。（冇辦法，聰明嘅馬基維利主義者豆斗，就一直做聰明嘅事）

今日嘅香港都一樣，中央點解唔徹底打巢毫無競價能力嘅泛民呢？當然國際形象好重要，但係另一方面亦都留住佢哋條賤命，某程度上制衡建制派人仕嘅勢力，費事建制派中有派系日益坐大，要知道鬆開條狗鏈，就會周街屙尿同咬人。

相反，由1870年到1896年，北洋大臣一直由代表准軍勢力系統嘅李鴻章做，廿幾年無變動過，情況係，豆斗同李鴻章達成緊密結盟關係，以保住愛新覺羅家族嘅領導地位，豆斗知道李鴻章係聰明人，佢絕對唔會觸碰滿清皇族統治權嘅底線。於是李鴻章一人獨大，成為清國最大嘅買辦階級，一直為大英帝國同埋其他帝國主義者服務，李鴻章甚至擁有自己嘅半支私人軍隊北洋艦隊，你就知道佢幾惡幾巴卵閉。如果唔係打輸一場甲午戰爭，李鴻章仲會一直惡落去，惡到佢死嗰日。李鴻章落馬之後，豆斗擺榮祿上去做直隸總督兼北洋大臣，就一下子將李鴻章嘅北洋勢力收返響滿清貴族手上面。

講完南洋北洋，下一次，我哋講吓「軍閥」兩個字……

#常威 #斷送共和關袁世凱蛋牛治  #袁世凱 #民國歷史

【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【117回：大清亡國關 #天草四郎 蛋牛治】

😚今集內容有提過天草四郎，天草四郎係日本版嘅洪秀全，曾經搦住天主教旗號，同日本幕府進行戰爭，最後慘敗收場，成為一代傳說。天草四郎嘅故事非常壯烈，為日本人津津樂道，近代，有山田風太郎所寫嘅《魔界轉生》，就係以天草四郎為背景嘅魔幻故事，係一本暢銷小說。天草四郎嘅故事亦都曾經被拍攝為電影，澤田研二同窪塚洋介都飾演過佢，另外，天草四郎更加係唔少日本動漫嘅主角。有陣時，真係好欣賞日本人能夠將一切嘢變成大眾娛樂文化，起碼響中國兩岸三地，仲未有洪秀全嘅漫畫或者洪秀全嘅動漫人物出現過。

😜講開太平天國，其實我從來未細心讀過寫過。現代人對於依場可能係世界歷史上最大型、死二千五百萬人嘅內戰認識並唔係好深，但其實當中有好多可歌可泣嘅故事，後世人刻意對太平天國淡化同無視，其實非常之錯誤。最重要嘅係，太平天國內部其實有好多外國人參予；更加離奇嘅係，最後平定太平天國嘅主力亦都係外國人，即英法聯軍部隊。中國共產黨歌頌太平天國喺中國歷史一場偉大嘅農民革命，其實佢哋將外國人嘅因素撇除咗。亦因為英國人法國人有份平定太平天國，所以某程度上，外國嘅歷史亦都將太平天國加入大量黑材料，以維持自己嘅政治正確。

😄希望有朝一日，本公子能夠有時間可以研究一下太平天國，為大家奉上一個為太平天國平反系列……但係都不知道是何年何日了……

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！打埋開口牌，各位上我條youtube channel睇片，唔該同我睇吓啲廣告，或者click入去兜個圈，畀我賺多少少廣告費，畀啲甜頭我同阿潮繼續經營一條全球廣東話近代史粵語頻道！多謝大家！

🍳https://user35103.pics.ee/DZB4G

🍳https://youtu.be/H4l2QHXWyXc

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

啲圖幾有風格

🔥【常威近代史】第二部《中國一百年前的第一次改革開放》實體書正式上架！

🔥請大家支持我常公子的近代史寫作計畫，Facebook專頁、Youtube、電子書、實體書，我希望用唔同嘅新媒體，令香港人或用粵語為母語嘅朋友認識或加深對近代史嘅認識，過程會好艱辛，但係我唔撚怕，我會努力落去，直至寫到王光美接劉少奇骨灰為止，我會用我嘅母語廣東話，寫下香港人眼中嘅近代史，為香港人響歷史上留下一個小小腳印。

🔥請大家支持我，到書局買本實體書！download咗電子書嘅朋友，亦請多買幾本實體書，送禮自奉，大家一齊推廣香港人保存粵語文化運動！有你有我！高山流水，沒齒難忘！

星期日去買 略盡棉力支持

多謝

隔咗幾日先出文

【常威近代史】（一百九十七回）
袁世凱平反系列

袁世凱接手編練新軍，一帆風順，佢嘅個人地位同權勢，亦都隨住呢支武裝力量嘅發展至急速擴大，1895年，袁世凱只算係一個中級官吏（道員），但十年之後，佢嘅權勢已經足以同李鴻章相提並論，人生真係有幾多個十年？十年；俾你儲個首期都未夠，十年；可以輪候上公屋掛？做人真係唔好比較。

當時同袁世凱響京畿駐軍嘅，仲有董福祥（1840-1908）甘軍同埋聶士成（？-1900）嘅武毅軍。董福祥大家聽過，著名大清民族仇洋主義者，佢手下一批主要由甘肅人組成嘅軍隊，兇殘成性，中外聞名。最後董福祥因為響1900殺死德國同埋日本外交官事件，孭隻黑鑊被炒魷魚！抑鬰以終……

聶士成，激似秦煌叔嗰位，淮軍將領，甲午戰爭期間有戰功，做過直隸總督。1896年，聶士成於直隸駐防准軍內，好似袁世凱咁，利用德國兵制編法，編練咗一支武毅事守護北京。可惜1900年，佢喺天津對抗八國聯軍入京一役時候，血戰犧牲。

點解要講佢兩位？因為1889年9月戊戌政變發生後，豆斗任命親信榮祿為直隸總督兼北洋大臣，兼管埋京畿駐軍，即董福祥甘軍、聶士成武毅軍，同埋袁世凱新建陸軍，合稱「北洋三軍」。董福祥被炒，聶士成壯烈犧牲，所以依兩支軍隊最後主導權都落入袁世凱手上，一個人行起運上嚟，真係擋都冇得擋。

不過行運還行運，人生最重要就係跟啱個好老細，如果跟個仆街老細，老細唔睇你，或者只係當你狗咁使，你就註定一世仆街杏加橙。袁世凱跟啱個好老世細榮祿先生，處處射住佢，1903年榮祿歸天，仲將成套家當畀埋袁世凱承繼，榮祿係滿人，袁世凱係漢人，佢同袁世凱無親戚關係，佢只係純粹欣賞袁世凱嘅才華同埋天份，咁嘅絕世好老細，真係去邊處揾？

1896年有單嘢，監察御史胡景桂上書彈刻袁世凱，話佢「崇尚虛文，營私蝕餉，性情謬安，擾害一方」。於是朝廷搵咗當時做兵部尚書嘅榮祿去天津查案，咁你話結果係點？自己人查自己人喎。個result就係「新建陸軍都練洋操，為中國自強關鍵，必須辦有成效，方可逐漸推廣。袁世凱此次被參各款，需經榮綠查明，尚無實據。為此事關係重大，斷不準徒色外觀，有名無實，為愛人所竊笑。袁世凱勇往耐勞，於洋操情形亦尚熟悉，但恐任重志滿，漸啟矜張之習。總當全有則改之，無則勉之之心，以副委任。至委員太多，則用費太濫，尤宜嚴加審擇，勿涉虛糜。」（註）

understand？老細攬你，天下無敵喇！

所以袁世凱同榮祿嘅關係咁親密，1898年9月14號，戊戌政變發生前夕，袁世凱被召入京，分別畀豆斗同埋劉晶召見，新黨舊黨兩邊任佢揀，咁你話畀我聽佢應該點揀？選擇光緒，發兵支持維新推翻慈禧太后，就即係背叛榮祿，人哋對你咁好，扶你上位，一直保住你榮華富貴，如果背叛榮祿就真係唔X係人。後世人話袁世凱係戊戌政變嘅大奸角，向榮祿篤背脊，出賣光緒皇帝同戊戌六君子，推倒維新，簡直係抹黑袁世凱人格。

我講過袁世凱係一個合理嘅新派人物，亦係一個重情重義嘅人，當時嘅情況無論係點，佢都冇可能背叛榮祿，支持白痴仔光緒，畀著你同我，都唔會咁做。在情在理，袁世凱喺戊戌政變嘅選擇，絕對冇錯，絕對合乎人性同道德標準，今日我要為佢平反！

註：《軍機處殊批奏折》，榮祿，《為專旨查明督練新建陸軍道員袁世凱被參各節據實覆奏折》，光緒二十二年五月十一

#常威 #斷送共和關袁世凱蛋牛治  #袁世凱 #民國歷史

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87



🔥【常威近代史】第二部《中國一百年前的第一次改革開放》實體書正式上架！

🔥請大家支持我常公子的近代史寫作計畫，推廣香港人保存粵語文化運動！有你有我！高山流水，沒齒難忘！

【118回：大清亡國關 #羅織 蛋牛治】

😚「羅織」依一樣中國文化嘅獨有產物，源頭來自盛唐期間武則天手下嘅酷臣來俊臣，佢能夠將一件小事化大，將一個個無辜嘅人牽連入去，無辜者皆可被羅織捏造成謀反罪而至牽連誅九族。由一個人不斷株連其他人，越殺越多，就叫羅織。之後嘅朝代，亦都有「連坐」，同「保甲」制度，其實都係羅織嘅一種，簡單啲講，就係你鄰居殺咗人你就要坐監，親戚朋友犯咗法，自己都有罪。個人覺得，中國人嘅荒謬，喺呢度完全反映出嚟。另一種荒謬，就係女人紮腳。

😜大家有冇諗過中國男人點解要女人紮腳，三寸金蓮有美感？相信唔係原因，最大嘅原因係，要女人紮腳係要令佢哋缺乏行動自由，跑都跑唔快，行都行唔好，咁就冇可能四圍走去偷食去出軌。去到最後，就係父權主義作祟，大一統至高無上中央集權嘅體現。到咗今時今日，當然已經冇女人紮腳，但係所謂大一統中央集權嘅意識形態，就仍然根深蒂固。點解一國兩制行唔通？點解仲要講武統臺灣？無非都係所謂大一統中央集權意識作崇。將權力高度集中，其實就即係皇帝心態，唔肯下放權力比其他人，驚乜？驚有人作反，驚有人搞分裂，驚有人推翻自己，就係咁簡單。

😄美國行聯邦制，52個州分開自治，各有各做各有各玩，華盛頓聯邦中央政府只係處理國防同外交，而美國總統係透過全民投票民選出嚟，有高度認受性。好明顯係一個比較完善嘅民主制度，今時今日有唔少人話中國嘅政治制度浚駕美國，所以先可以取得重要嘅經濟成就，向公眾同年青人講呢啲嘢嘅人，其實應該被羅織。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！打埋開口牌，各位上我條youtube channel睇片，唔該同我睇吓啲廣告，或者click入去兜個圈，畀我賺多少少廣告費，畀啲甜頭我同阿潮繼續經營一條全球廣東話近代史粵語頻道！多謝大家！

🍳https://user35103.pics.ee/GTW5B

🍳https://youtu.be/qW9uifU37WE

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

推

【119回：大清亡國關 #腦殘遊記 蛋牛治】

😚義和團喺山東半島嘅失控，清政府要負上最大嘅責任。其實由一開始已和團只係一場民間暴動，甚至唔係反革命活動，只係失業者同埋貧苦大眾聚集埋一齊搞事，但最後越演越烈，成為一場國際性戰爭，牽涉世界上八九個國家一齊參與，其實根本係歷史上一個大笑話。整個中國歷史，從來未發生過啲咁荒謬嘅事，之後再有一件，響六十幾年後發生，叫做文化大革命。

😜中國人嘅荒謬行為，要一直去到80年代改革開放之後先至得到顯著改善，改革開放就係同世界接軌，響之前中國人閂埋門自己做自己嘢，用我嘅講法，就係「痴痴呆呆，坐埋一枱」。無論你信又好唔信又好，中國人嘅問題有兩個，第一個係DNA；第二個係知識水平嘅問題。今日中國比較正路，因為民眾嘅知識水平普遍上昇，再講多次，1980年開放改革嘅初期，有人問鄧小平中國人嘅生活水平何時先能夠追上英國同美國？鄧小平答係100年，現在過左40年，睇返今日嘅局面，講真，總結界師鄧小平嘅遠見真係得人驚。

😄1978年12月18日，無疑係中國人最重要嘅歷史時刻之一，中共11屆三中全會，鄧小平喺會上提出開放改革。講白少少，就係放棄共產主義行資本主義。之前嘅嘢行唔通，行返得嘅嘢，其實冇問題，亦唔係咩奇事。但最奇嘅係，當時中國已經有差唔多有十億人，全民一齊轉向，就響領導人一聲令下，集體順利進行！反映兩件事，第一件係中國人的確好聽話；第二件，就係共產主義根本冇人鍾意……

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！打埋開口牌，各位上我條youtube channel睇片，唔該同我睇吓啲廣告，或者click入去兜個圈，畀我賺多少少廣告費，畀啲甜頭我同阿潮繼續經營一條全球廣東話近代史粵語頻道！多謝大家！

🍳http://yt1.piee.pw/EGFEW

🍳https://youtu.be/kj3he61Sc_E

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

在黃埔 大眾 說常公子新書未到 下次再買吧