大清亡國關慈禧蛋牛治

【大清亡國關細龜蛋牛治】

自從有咗Youtube語音導航之後，專頁生意好咗，雙管齊下，希望可以幫到【大清亡國關慈禧蛋牛治】銷情，賣多一本都是好，希望大家幫手，真金白銀支持吓我嘅近代史寫作計劃。明知山有虎，偏向虎山行，我依種人，叫seven。

慈禧要殺同治，其實一啲都唔出奇，為咗永續執政權，有咩做唔出？人世間，最大嘅誘惑叫權力，明白依一點，對了解世情好有幫助。

【#大清亡國關慈禧蛋牛治】語音導航！請大家記得睇完，幫手「#訂閱」我條YoutubeChannel！同埋介紹多啲人睇！


https://youtu.be/B5RBv1U0yjU

正

【常威中史】為慈禧平反系列（六十四）

1895年2月12號北洋艦隊全軍覆沒，張蔭桓去日本傾又傾條毛返嚟，第二日劉晶召開軍機緊急會議，會上佢老母佢竟然喊（長息悲嘆聲淚哽咽），主戰派契弟翁不知所措，李鴻藻叫皇帝罷免李鴻章。好彩住喺隔籬西苑嘅豆斗及時出手，保住李鴻章，因為豆斗知道，要傾，只有李鴻章識傾。真奇怪，翁同龢條契弟咁叻仔，點解唔係佢出去傾嘅？

2月16號，日本開出和談條件，一定要賠錢，一定要承認朝鮮獨立，一定要割地---否則唔好傾，好快打到嚟北京。期間李鴻章隻身接洽各國領事，希望歐洲列強干涉談判，對日本造成壓力。日本人睬你都傻，繼續擴大遼東半島佔領區，直指直隸。上次已經講過，好彩羅曼諾夫皇朝亡國之君尼古拉二世（1868-1918）出手，否則北京早已淪陷。

3月14號，已經72歲嘅李鴻章出發前往日本進行和談，四億人口嘅大清，最後竟然將依個沉重包袱交畀個72歲老人，你話陰功唔陰功冇？李鴻章帶住隨行官員33人，僕役90人乘坐德國商船從大沽口出發，19號到達福岡。兩國代表喺山口縣赤間關市嘅旅館「春帆樓」舉行會談。講真，喺間旅館同你傾，擺明係貶低你身價，3月20號到4月17號，用咗成個月中間經過七輪會談，最後簽訂日清媾和條約，大清叫佢做「馬關條約」，日本稱佢做「下關條約」。

其實當時開會已經相當國際化，一切文件以英文為主，雙方會談亦透過英語做中介語言。李鴻章嘅談判對手係日本首相伊藤博文同埋外相陸奧宗光。陸奧當時嘅肺病已經相當嚴重，完成埋最後一件任務，過兩年仲死埋。

談判期間，日本不斷以軍事施加壓力，企圖獲得更多談判籌碼，日本仔夠膽死將國內差唔多所有陸軍同後備軍、利用可以動員嘅一切船隻響談判期間輸送去遼東半島同山東半島，令到國內防守空虛，認真狠辣。而李鴻章就不斷打外交牌，希望以西方列強壓力抗衡日本人獅子開大口。

3月24日第三輪和談後，發生咗一件震驚世界嘅大事。李鴻章返回旅館途中，受到日本右翼青年小山豐太郎行刺，子彈命中李鴻章左眼下面頰，行刺事件令日本天皇同內閣極度震驚，佢哋好驚被國際社會指責為一如大清嘅野蠻國家。呢件事亦令到日本嘅談判態度軟化。可以相信，如果冇人行刺李鴻章，日本人一定死咬住遼東半島不放。

小山豐太郎之後被判終身監禁，但係響1907年特赦放返出嚟，有人話佢係頭山滿派出嘅刺客，至於頭山滿係邊位？第日有機會講奪命書生孫中山時再講。

順帶講一講香港人嘅威水史，有份參與談判嘅伍延芳（1842-1922）係百分百香港人，佢早年入讀聖保羅書院，1874年自費留學英國，取得法學博士同大律師資格，1877年成為香港第一位華人律師，1880年仲更加做咗香港第一位華人立法局議員，1881年佢創建電車計畫同進行九龍灣填海工程，1882年加入李鴻章陣型成為幕僚，馬關條約嘅法律條文都係由佢經手，之後佢做咗大清嘅外交家同法律專家，大力改革大清嘅法律制度。1911年亦係佢同袁世凱促成清室和平退位，達成共和，建立中華民國，民國初年出任司法總長，再之後發生嘅事日後再講，總之依位香港人就係勁，就係巴X閉。

【大清亡國關慈禧蛋牛治】
https://play.google.com/store/books/details?id=C3hjDwAAQBAJ


【大清亡國關慈禧蛋牛治】實體購買
https://www.382now.com/product?id=87


晚上唔敢睇【七不思議系列一：孽咒】
https://play.google.com/store/books/details?id=gSZnDwAAQBAJ

#常威 #慈禧太后 #晚清歷史 #甲午戰爭 #李鴻章 #馬關條約 #伍廷芳

休息一天

再推

去左書局買左本支持下

多？謝

【大清亡國關明治天皇蛋牛治】

😝今集YouTube我將同治皇帝同日本嘅明治天皇比較，其實，真係天同地，一個係百年一遇天上有，一個周街可以揾到嘅地底泥，一個叫全國女人做雞救國，另一個淨係鍾意叫雞，清國同日本，因為呢兩個完全品格品質非常之唔同嘅意年青人，而走上兩個非常極端嘅命運。

😁做人真係唔好比較咁多，我成日都講，七八十年代令香港經濟起飛嘅港督麥理浩爵士，如果佢同我哋曾經在任嘅四個特首比較，其實，都係明治天皇同同治嘅例子。麥理浩爵士過身嘅時候，遺產只有30萬英鎊，比？人哋身家點夠資格同你哋比啊？

😍【#大清亡國關慈禧蛋牛治】語音導航！請大家記得睇完，幫手「#訂閱」我條YoutubeChannel！同埋介紹多啲人睇！


https://youtu.be/WIeQ_ScV2cY

每集一推

【常威中史】為慈禧平反系列（六十六）

未講臺灣人民英勇抗日嘅事蹟前，我想補充一則史料。

1894年2月，當丁汝昌率領剩低幾艘殘艦退到劉公島走投無路之際，佢收到一封由日本海軍總司令伊東祐亨（1843-1914）送嚟嘅「勸降書」，原文係英文，信裡面嘅內容大致係咁，我常公子試吓用母語（廣東話Cantonese）翻譯一下：

『大日本海軍總司令中將伊東祐亨，致書與大清國北洋水師提督丁軍門汝昌麾下：

時局大變，我同你現在於戰場上相見，實屬非常不幸。但係今日嘅事，係國家同國家嘅事，並唔係我同你之間嘅私人恩怨，我同你嘅友誼，同昨日一樣冇變過。我寫依封信亦都唔係單單為咗勸降一個清國水師提督咁簡單。

大凡天下大事，旁觀者清，當局者迷。清國海軍同陸軍接連慘敗，相信以閣下嘅聰明智慧，如果能夠心平氣和觀察，一定知道點解。

戰敗同你個人能力無關，係在於大清國墨守成規不懂變通、落後於大時代之故。今時今日，清國聘請政府官員，仍必須經過科舉考試。而科舉考試所考嘅係儒家經典文藝作品，官員晉升，亦係通過讀四書五經作八股文而擢昇。熟讀儒家經典就係昇官發財嘅保證，但係我想問，對於治國，儒家哲學同經典實際效果又有幾多呢？

當今世代，清國仍然沿用古老制度治國，大家都睇到，已經行唔X通。何況成個世界並唔係得清國一個國家，清國要獨行獨往，亦係冇可能。

過去30年，日本所經歷嘅改革亦都非常辛酸，閣下應該一清二楚。今天日本能夠將過去嘅舊患完全清除，係因為我哋能夠配合時代，響政治上作出大轉變，呢個亦係日本能夠自立嘅一個最大原因。

所以清國嘅政治改革係當務之急，如果肯改，配合世界大潮流，清國尚有一線生機，有如果仍然固步自封，唔肯改革，亡國係必然嘅事……』

伊東祐亨對丁汝昌所講嘅政治改革，就係君主立憲同埋西方代議政制民主議會制度。甲午戰爭爆發前幾年，日本已經開始實行民主議會制度，想辦法同歐洲諸國完全接軌，脫亞入歐。想提出一點，大清落後嘅地方係「政治」，而唔係「科技」！

呢封信出自敵人主將之手，具有劃時代意義。對於要大清實行政治改革，奮發圖強，其實民間已經有唔少聲音出現，1888年康有為已經上書清廷呼籲改革，1894年奪命書生亦寫過信比李鴻章，雖然事實擺在眼前，但係真係做嘅人就冇。一群既得利益者繼續維護住原有嘅死板古老制度，自己繼續肚滿腸肥，亡黨亡國關我叉事。

又要講番香港，香港再唔變，未來一定冇份響大桌上繼續玩，但係社會上一群既得利益者，繼續炒樓炒股炒炒炒。「科技」唔去發展，「政治」更調頭向下，我哋一直食糊嘅「法律制度」、「言論自由」完全冇人珍惜。談過戀愛未？佢一直喺你身邊，你梗係覺得冇咩嘢嘅，但一旦佢離開，你就會知道佢有幾好，到時候你就後悔莫及，到時候你又會講：如果要為呢份愛情劃上一個限期，你希望唔係五十年不變，而係一萬年。

到咗甲午戰爭俾日本仔打到一棟都冇，大家先至識驚，從1895年起，政治嘅改革聲音好似狂風暴雨震動大清朝野，風雲際會，下一Round就到百日維新，戊戌變法！

丁汝昌有冇睇過伊東封勸降書我唔知，但係10日後，佢就吞鴉片自殺，害死佢嘅，究竟係日本人？抑或係佢嘅祖國大清？

買定廉航飛機票，下次我哋飛臺灣。

【大清亡國關慈禧蛋牛治】實體購買
https://www.382now.com/product?id=87

又係夜咗唔好睇嘅書 【七不思議系列二：紙紮】
https://play.google.com/store/books/details/%E4%B8%89%E5%B3%B6%E6%82%A0%E4%BA%9E_SEVEN%E4%B8%83%E4%B8%8D%E6%80%9D%E8%AD%B0?id=DSpnDwAAQBAJ

強貼留名

【大清亡國關阿古路蛋牛治】

😝同治皇帝係一個悲劇人物，佢嘅能力同埋個性絕對唔係做一個好皇帝材料，佢只係喺一個不情願嘅情況之下，被安排到達一個自己能力完全不勝任嘅位置之上，做自己做唔到嘅嘢，佢唯一嘅收場就係死，否則唔係佢死，就係帝國滅亡。

😁就算係皇帝都好，一個人條命相對於一個帝國其實微不足道。做人能夠理解呢個道理，就會睇化好多事，劉曉波用咁嘅方法離開世界，其實並非偶然，亦唔係中共獨有……

😍【#大清亡國關慈禧蛋牛治】語音導航！請大家記得睇完，幫手「#訂閱」我條YoutubeChannel！同埋介紹多啲人睇！

📌https://youtu.be/ziVPPHVR6QY

終於追到live

台灣人萬歲

Hala Taiwan

【大清亡國關 #科技蛋牛治】

今次講 #大清，其實係講 #香港，我常公子覺得而家香港嘅科技發展嚴重落後於世界大潮流，到目前為止我哋仍未有一個科技品牌行銷世界，今日大家可能覺得冇咩事，但係過多十年，一定好大鑊。有時候事物需要放長雙眼睇，太注重眼前利益，往往係失敗所在。

可能你會同我咁樣講，眼前嘅嘢都未搞掂？點樣可以放眼將來呢？更何況見招拆招，靈活變通，一直都係 #香港人 嘅強項同優勢，呢一點我唔反對，過去100年有歷史做證，香港人其實真係叻，真係型，但係就怕型過籠！

【#大清亡國關慈禧蛋牛治】語音導航！請大家記得睇完，幫手「#訂閱」我條YoutubeChannel！同埋介紹多啲人睇！

https://youtu.be/U825fF2xcRw

【大清亡國關 #馬基維利 蛋牛治】

歷史上面最偉大嘅 #馬基維利主義者 叫 #毛澤東，第二係 #史太林，連 #希特拉 #墨索尼利 都唔入流。但係我相信，慈禧絕對係一個偉大嘅馬基維利主義者。馬基維利主義者超越道德，超越人性，超越一切界限，成就帝王之道。慈禧喺每個範疇都能夠到達馬基維利主義者嘅要求，後世人睇小佢，只係我哋純粹無知。

今時今日嘅 #政治家，有馬基維利主義者潛質嘅有一個，佢叫 #特朗普，#DonaldTrump，呢個人 #扮豬食老虎，心思同城府其實都不知幾縝密。Donald Trump嘅存在，亦要大家相信，現代世界要成為成功嘅政治家，必需同時係一個成功嘅商人，仲要係一個 #大奸商。

【#大清亡國關慈禧蛋牛治】語音導航！請大家記得睇完，幫手「#訂閱」我條YoutubeChannel！同埋介紹多啲人睇！

https://youtu.be/60NZb8R4KZw

推推
一日之內追到 live左
睇到某啲回覆真係幾正

【常威中史】為慈禧平反系列（六十八）

甲午戰爭嘅慘敗，令到大清再一次陷入前所未有嘅包皮環境。割走台灣澎湖列島（包括約魚台）、賠錢事小，最慘嘅係用咗二十幾年時間建立嘅現化化海軍北洋艦隊被一鋪清袋，大清再一次被清空武力，從此面對外勢力入侵，亦冇力再自衛。

李鴻章利用外交手段抑壓日本野心，同時打開大門引狼入室，入嚟睇，入嚟揀！大清好快步入被列強瓜分嘅命運。最明顯嘅例子係德國嘅威廉二世，甲午之後，德國亦遠渡重洋叉隻腳埋嚟搶嘢食，俄國嘅新沙皇尼古拉二世更加積極預備擴張南下，進一步侵蝕大清領土，日本更加唔使講，背後加強小動作，聯系奪命書生，誓要推翻你滿清王朝不可。

甲午慘敗嘅另一個意義，係宣佈李鴻章時代正式結束。由太平天國平定到1895年嘅30年間，李鴻章權傾朝野，其實佢被稱為做「影子總理」一啲都唔過分。佢手上嘅淮軍系統一直操縱大清嘅軍事力量方向，佢同慈禧太后一手促成嘅洋務運動，更加係大清嘅基本國策，可惜比日本人一棍打巢。30年經營嘅大清現代化任務宣佈全盤失敗，李鴻章響大清政治上、軍事上嘅影響力亦到此為止。

簽完《馬關條約》後，李鴻章更加受到全國上下一致譴責（真係慘，傾又小，唔傾又小，又冇人可以傾……），之後李鴻章辭去直隸總督兼北洋大臣，正式下野，事實上係被慈禧光緒解除咗一齊實際職務，淨係保留返文華殿大學士銜頭，閒居響北京出入紫禁城辦事，直至1900先再復出做兩廣總督。

期間李鴻章做咗中國特使，負責外交禮儀事務，1896年佢就代表中國去咗聖彼德堡出席沙皇尼古拉二世加冕典禮，之後仲公費暢遊歐洲列國考察，優哉悠哉。最出名嘅一件事就係1896年6月去德國照X光，睇吓塊面被日本仔小山豐太郎射入去嗰粒子彈。李鴻章喺政治上影響力暫時消失。不過佢始終大把錢，死唔去嘅。順帶一提，同期契弟翁同龢先生被調離軍機處，任命為總理各國事務衙門大臣，即外交大臣，不過以佢嘅能力、高傲嘅思想同人脈，能夠做到幾多嘢？大家心知肚明囉。同李鴻章比？契弟冇得比！

慈禧1889年正式退休，劉晶自己搞咗6、7年就搞到一鑊泡，亡黨亡國咁滯，佢嘅能力有幾高，真係可以睇得出。甲午之後，60歲嘅慈禧重新參與政務決策，但係冇正式復出，只係來回西苑同頤和園，睇頭睇尾。呢個時候，隨著李鴻章嘅勢力消失，慈禧亦都佈署將一直俾南方漢人操縱嘅政局，逐步回歸滿清皇族手上。接替李鴻章做直隸總督兼北洋大臣嘅人係榮祿（1836-1903），榮祿係慈禧堅定不移嘅支持者，早響1861年辛酉政變已經企喺慈禧側邊，1895年，榮祿正式接手大清軍務改革。

太陽能電筒袁世凱再次出場，1894年佢離開韓國，隱伏咗一排，之後就上門投靠榮祿，我諗袁世凱把口應該好得，榮祿一見佢就非常咁賞識佢，仲上奏畀劉晶知話大清冇左依個人唔得，韓國嘅事從此冇人追究袁世凱，所以話袁世凱叻仔就係咁解。當時大清陸軍有幾頹廢、戰鬥力有幾高強，經過甲午戰爭大家應該一清二楚，於是榮祿指派袁世凱改建陸軍系統，組建新軍，要求紫禁城大撥資源，比袁世凱響天津小站練兵，建設中國第一支真正嘅現代化普魯士式陸軍軍隊。

有榮祿枝大水喉射住，亦都係袁世凱一生嘅發跡點，北洋陸軍嘅人同事，從此影響中國政局三十幾四十年，袁世凱亦同時成為晚清近代史上面一個最重要嘅人物（沒有之一）。

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

推介【七不思議系列二：紙紮】
https://play.google.com/store/books/details/%E4%B8%89%E5%B3%B6%E6%82%A0%E4%BA%9E_SEVEN%E4%B8%83%E4%B8%8D%E6%80%9D%E8%AD%B0?id=DSpnDwAAQBAJ

【大清亡國關慈禧蛋牛治】
https://play.google.com/store/books/details?id=C3hjDwAAQBAJ