［Netflix］13 reasons why 漢娜的遺言第二季劇情討論區

果幕係呢季最好笑
Cyrus果堆又係

心諗 Alex就唔好去搞埋一份啦

s2劇情支離破碎 帶唔到明確信息
仲要破壞hannah嘅形象
未睇嘅人可以skip

睇哂13集 終於有機會學樓主咁講野

其實我覺得 起碼都帶出團結就是力量 之類既信息
佢地成班人 都叫做痴埋一齊玩 除左某幾個

btw 如果有S3一定唔睇

編劇好似話唔想拍第3季

睇完beyond the reasons個編劇應該係想表達女性都有主導權
即係好似啲人話女仔同人扑多幾次野就比人話係雞係公廁，男仔就好似好威水咁（倒如Justin ）
所以佢拍Zach同Hannah個意思係想話女性係一段關係上追求性去滿足自己都好正常（應該係指Hannah同Zach話佢搵緊咩位置最舒服果啲 ）
更何況Hannah唔係濫交，只係同Zach有拍過拖
而熱戀期追求刺激、瘋狂扑野都⋯⋯正常既
最戇鳩係Zach做錯決定，冇諗過佢講既野Hannah（女性角度）會點諗，佢地呢段關係先game over

歐美宜家成日用女權、#metoo果啲，所以佢咁解釋我當合理化左

某程度上我覺得Zach同Clay有部分相似
Zach成日俾隊友笑mama boy，怕俾人笑既時候選擇放棄
Clay就一直毒撚，Kat第一眼就知佢中意Hannah，Clay就一直慢慢嚟慢慢嚟，慢到俾人搶閘 無論Jeff果陣點推佢追人佢都拖泥帶水
好難怪Hannah有段時間同左Zach一齊
就算假設果個暑假Clay冇走，佢同Hannah會唔會有進一步發展我都好懷疑

我覺得唔算破壞Hannah形象既
信息既我覺得佢好似有太多野想表達所以會有啲混亂

信息應該包括「暴力解決唔到問題？」、凡事都要諗清楚先好做，唔好過份衝動？
（Tony既情緒控制問題、Clay太衝動想直接殺左Bryce、Monty因為俾Bryce叫佢back off而又冇左球季，可能會影響佢之後條路所以發洩係Tyler到、而正因為咁Tyler大爆炸差啲搞到校園槍擊案⋯⋯）

同埋始終係校園劇，主要都係講身邊有人自殺之後，呢班高中生要點樣面對成件事
有一點可能明顯小小係家庭教育有幾重要，Zach老母一直收收埋埋所以Zach都採取同樣方式，拍拖冇同過老母講、有自殺念頭都冇提過（見到佢老母聽到Zach都有呢個念頭個反應真係想打佢兩巴 仲話係因為Hannah洗左佢腦，話佢好正常果啲 ）
大概係叫班老豆老母唔好生低舊野就唔理，留意佢地既一舉一動、唔好過份縱容（Bryce老豆），反之亦然（Zach老母）

我咁留意啲細節位同埋好專注睇套劇係因為我自身都有類似問題
我唔係想吹噓自己了解哂套劇表達啲咩
我驚有人誤會

其實校長講得岩 Hannah唔係hero
係s1成日用clay角度講故事先美化hannah姐

有幾幕我覺得好似sence8

終於睇哂 好想睇Tyler射爆Monty多d

話說 clay個紋身係代表咩

最尾個幕

分號是介乎句號與逗號的停頓的標點符號，其實句子原本是可以終止的，但作者卻選擇繼續下去，暫時不劃上句號，因為他還有話要說，所以非盈利援助計劃The Semicolon Project的發起人Charlee Chandler和Matthew Wills決定用這個符號來作為象征，呼籲各位遭受到精神疾病折磨的朋友堅強活下去，要把自己的生命當做句子，拒絕劃上句號，也希望能夠通過分號刺青將這個理念傳遞出去，讓大家一起來幫助、支持精神病人。

計劃發起至今已經超過兩年，加入其中的不僅僅是精神病患者以及善心人士，對於在生活中遭受過重創的朋友也都是一個非常好的鼓勵，你不一定要刺青來表示支持，但請讓身邊人都知道這個計劃的存在吧，善待這個人群，他們正努力掙扎，所以請不要把他們當成怪物看待。

一齊係jess門口，係舞會攬埋一齊

好想睇多次結局

punk 仔同毒撚衝去執雞

其實有無人會聽埋soundtracks

睇到最尾舞會果到 當clay 聽到首歌

好sad

有
The night we met由上年loop到宜家

我都係
A 1000 times都好好聽 點解今season無

btw 今season首lovely都幾正

其實我幾中意back to you
但係兩季比既話我揀only you

呢兩隻算係主題曲？