今次打算用有趣、淺白既方法去講下香港歷史

其實我係想睇樓主有趣地講香港歷史
唔係睇你copy出黎嘅資料

最鐘意睇歷史post 加油樓主 寫多啲

唔係話求真唔岩
但係你下下都依樣錯果樣錯
不如你直接開過個POST 講你認為綜合左既真實歷史
我當睇樓主既 POST 就係睇緊某一本書既觀點咁, OK?

你覺得唔岩 可以討論 唔係一尻話人錯

同埋個post係樓主睇法

巴打可以話我講既片面、表達得唔夠完滿
依個我承認，往後亦會再鑽研

一件事既成/原因、觀點依d ，有唔同角度

但基本資料性既野應該未去到唔「真」掛

live
樓主加油

單睇佢嘅評論一樣係冇證據 不如開個新post 嚴謹地講一次歷史仲好
一味話樓主錯但係自己又冇證據咁有咩意思

咪叫佢自己開過post咪係到騎劫囉

話我做乜鳩

有興趣可以去電郵註冊古物古蹟辦事處e-通訊
成日都有免費公開講座

依個好，我之前想join 依d 都要捕住康文署同博物館既最新消息

btw 分享多少少我睇香港史既睇法

我會按認識香港史既程度分成4層金字塔

頂層: 鑽研原始史料、舊檔案
第二層: 博覽群書、比較偏頗之處
第三層:大致知道香港大事
第四層: 相信網上傳言/一知半解

我上面都講過，而家官方香港史既定位並唔係教育義務，而係淪為康樂活動同文化節目

而康文署d 古蹟相關教育活動有幾多人報名去聽，去過幾次都已經會知，有目共睹

所以我會預期入得依個post既巴絲喺第四層既比例偏高

有時下下要交代清楚每一個細節雖然正確，但就好難引起第四層既興趣

用一個雖偏頗、片面但有趣既方法吸引多d人先有個基本認識(交代太多英法聯軍經過、宋朝滅亡經過之類同香港無直接關係既，好多人會覺得無趣)，先拉多d人上第三層都未必係壞事

當然我會想再鑽研，巴打講得係有道理，睇多d 可辨真假
不過對於大多巴絲而言，其實第三層已經夠用亦都好實用

樓上果位絲打辭咗CA份工同屋企人想佢做返政府，我就用依個舉例

做牙醫助理，人地見工一定問你點解想做，如果可以借香港史講下少少以前牙科喺香港未得到重視既史事，從而令到人地覺得佢好有抱負、好有心、好了解，係等緊機會圓夢，吹多兩吹亦都可以解釋到佢點解做開marketing會想轉，依d去到第三層已經夠用

留名睇香港史

又係你呀巴打

啱啱先忙完一個peak season, 遲d又到
得閒幫手推下post

明歞借口嚟啦

17. 一直以來只針對華人既宵禁令終於取消

以前就無平機會依樣野，白人同華人係有好明顯既差別對待。其中最嚴重既，要講起宵禁令

香港開埠果陣，因為出現大量為咗逃避戰禍落嚟既無業遊民，令到治安出現嚴重問題

但係當時香港警隊規模太細，無辦法有效咁維持治安，唯有喺1842年下令禁止所有華人不得在11點之後外出

(其實白人歧視有色人種一直都有歧視，到而家2018唔少美國白人都仲係覺得黑人 = 性罪犯/道友/小偷，把口唔講到明但上佢地d forum已經感受到

題外話，話說小弟因爲細個讀書畀人夾份屈非禮，所以對真正既性罪犯恨之入骨，睇得書多對性罪犯既動機同心態亦有少少見解)

1857年毒麵包案之後，香港政府對華人有更加大既戒心，同年7月15頒佈更嚴格既法例：

1. 任何華人喺晚上8點到日出前，如果無手持夜行紙，而被發現身處居所以外地方，就係犯法

2. 每次犯法可能會罰: 5到50元罰款/坐牢1到14日/12下以下公開笞刑/不多於兩小時戴上枷鎖遊街示眾，至於罰咩就由太平紳士決定

但係點罰都好，對於上層華人嚟講都具有好大既侮辱，公開處分更加係個個都睇到

隨住華人富豪同有地位既人越來越多，批評依種歧視性宵禁既呼聲都變大

最搞笑既係，華人員工可以因爲工作所需獲得警察司發夜行紙，但係請佢地既華人老闆反而就唔出得夜街

去到1881年12月，英國皇孫訪港，港督軒尼斯決定喺全港張燈結彩表示歡迎，並且暫停宵禁令，等華人都可以參與盛事

主張宵禁既人以為此舉會增加罪案，可惜果兩晚只有4宗偷竊案發生，實在無證據顯示華人宵禁與否同罪案率有關係

於是，針對華人既恒常宵禁令終於取消，只有喺港督刊憲之下先至需要華人申請夜行紙

英: 喉住九龍、另有巴打指清國無遵守南京條約承諾

法: 馬賴神父傳教受阻兼被處死

藉口夠充分未？

話咁快已經過咗200正評

多謝你起我底
Btw 已打消dental 念頭