今次打算用有趣、淺白既方法去講下香港歷史

正評

上水條巡撫街就係為咗記念佢而命名

好快有

但我只會講重點幾個

好正，今晚睇

想講既都講完

lm

有道理，當年的確資訊唔太流通

以我所知

果陣未有香港既概念，都係一個個細地方，各自有名

清朝先至劃分為新安縣（包今日既深圳市）

宋「首都」果忽當時叫官富場

今晚再出至少兩篇

lm想聽多啲英殖民時代野
建築街道 地區舊貌同發展 地名由來之類

5. 賤地招商法、自由港

當年香港既價值其實好高
軍事上可以作為英國作戰既軍事補給地同中轉站

經濟上因為有一個深水而且唔會結冰既維多利亞港，可以作為一個理想既貿易同貨物轉運站

一開始英國駐華商務總監義律為咗令到香港成為「新廣州」，玩拍賣地皮，將中環街市到灣仔既臨海地皮分50塊去拍賣

怡和、寶順之類原本喺廣州既英資大公司都參與買地，之後甚至將總部搬去香港

另外仲有一種叫做「免役稅」，即係租地既人只要一炮過交兩年地租既話，就可以得到地皮既所有權
（同南泡100年後李承晚建國玩果種差唔多，都係賤地招商法)

1842年繼任既砵甸乍為咗進一步促進香港既海路貿易發展，宣佈香港作為「自由港」既地位，簡單d講即係對任何國家既船隻都係零關稅

講開又講，啱啱開埠果陣未有港督依樣野，管治香港既責任係由英國駐華商務總監兼顧，戰時總監甚至需要北上指揮同清朝打仗，真係好多野做

一路去到1843年，《香港憲章》頒佈，砵甸乍先至正式變成第一任港督

6. 從兩單案件講下早期香港已經尊重司法獨立

第一單就係徐亞保案

1849年2月25日，有2個英國軍官飲醉酒，佢地不知不覺咁行到去赤柱附近既黃蔴角村

兩位都飲多咗幾杯屎水，醉到要逐家逐戶搵女人，終於搵到個18歲卜卜脆，一於就衝入屋摸手摸腳抽返夠本！

屋入面仲有兩個老人家，佢地想反抗，結果被軍官打到頭破血流，唯有衝出去叫救命啦

咁啱住喺隔離既就有一個海盜叫徐徐亞保，盜亦有道，即刻就帶咗6個手下衝入去救人，並且用長矛刺死軍官
之後仲要用竹竿挑起條屍dum落海

喺當時既香港，死一個中國人好小事，不過如果死既係英國人就好大件事

當局派咗100人喺附近海陸兩路搜查，結果係水警撈返條屍上嚟，同時陸上警察亦都喺岸邊發現血跡

當時未有DNA測試，甚至係要去到1910年，全世界先至成立第一間專門既法證實驗室

警察查案都係靠拷問附近既居民，先至知道單野係徐亞保做，於是就懸賞100英鎊通緝佢

兩年之後終於拉到人，案件喺香港高等法院開審

難得既有兩點：

1. 港督般咸當時為咗維持公平審訊，破例咁喺庫房撥50港元請律師為徐亞保辯護，律師亦冇揸流攤，喺捉人程序、國藉、司法管轄權以致案情等等既關鍵問題都提出過重大既挑戰

2. 英國人社群輿論覺得一定要吊死徐亞保，並且應該以「故意殺人罪」(Wilful murder) 告佢

不過法官特別提醒陪審團要考慮死者充滿攻擊性同首先挑釁既因素

最後大家都可以做到不偏不倚，冇因爲民粹壓力而重判，只以「一般殺人」(Manslaughter)定罪，亦唔駛吊死，判終身充軍

依個之前我個文物建築post會比較多

依個post主打歷史事件

上水條巡撫街就係為咗記念佢而命名

依個唔講真係無為意

宋帝昺唔係喺宋皇臺跳海

sor，依個語癌咗

摩擦力

我想表達既係見到宋皇臺會諗起佢跳海

第二單係毒麵包案

以前喺香港，華人係唔會食麵包，麵包都係歐洲籍既先至會食
而香港既麵包製作，基本上都係張亞霖開辦既裕盛辦館做獨市生意

本來都好地地，點知就喺1857年1月15日，如常供應既麵包竟然混有砒霜！當時大約有400個歐籍人士因為食咗依間野既麵包中毒

上至當時港督寶靈既夫人，下至提供急救既醫護人員都出事

不過好彩在於，砒霜既劑量超高，驗出嚟每公斤麵包3294含有毫克砒霜
依個濃度下，大部分人一食就即刻嘔，所以反而就無人毒死

對於張亞霖嚟講更加黑仔既係，當時正值「亞羅號事件」後中英再度開火，作為中國人既佢就更加有嫌疑，歐人公眾都未審先判覺得佢係為咗報復而落毒

之但係件事查落去，係會發現好多疑點：
1. 張既家人當日都有食果d 包，亦有中毒；
2. 張攞到獨市生意，喺社區既形象都好好，賺到錢，唔應該搞d 咁既野令信譽一鋪清袋；
3. 張知道麵包出事之後主動自首投案，話如果因爲麵包而有客出事，死500次都抵償唔到；
4. 廠房51個工人無人逃走，若無其事咁繼續做野等拉；
5. 要有成10磅砒霜先至做到依批麵包，依個份量喺民間係無可能買到；
6. 張之前仲承接咗10萬磅曲奇既訂單未起貨

民粹就覺得應該要告佢「企圖下毒」，甚至要求處死佢

當時不但法官、檢察官，連辯護律師都係毒麵包案既受害者，理論上張生係死硬

不過大家都基於事實，認為實在無證據指向係佢做

最後，張被判無罪釋放，但係喺歐人社群既壓力下，唯有以公眾安全為理由要求佢出境，張亦都簽名應承5年之內唔踏足香港

再一次睇現到香港既司法公正、獨立

張亞霖離開香港去左邊

返鄉下香山

其實當時中英已經開戰

未有毒包案之前香山果邊已經想佢返去，唔好為英國人「效力」

唔好講以前, 就算而家, 都仲係大把人覺得共產黨係好人, 有幫手打日本仔, 係真心為人民服務

非5毛，純講歷史
共產黨係有幫手打日本仔，不過只係有限度既游擊戰，邊打邊食花生積累實力

大將彭德懷違背毛澤東揸流灘既意願真打
文革咪比人鬥死

諗起九品芝麻官煲糖水

今晚會寫，不過聽日要做契兄弟要請假一日

雖然依個post 無乜人理不過都要交代聲

加油…我在看