中醫算唔算害死梅艷芳

現代醫學最出色既地方係實證醫學，有錯就改，只要俾到實證，咩野科學理論都可以去挑戰。 邊似得中醫咁誕生即完美，唔容許挑戰，呢啲咪就係當神咁拜

醫唔好嘅話
有啲三姑六婆又會話呢個中醫同你唔夾

pin this

見你咁想知，我又咁岩放大假，又有宣傳真正科學知識既責任同信仰，唔介意分享吓。

同現代醫學體系整合唔到
中醫理論（陰陽、五行、氣血）同現代醫學既解剖學、病理學和生理學差天共地。現代醫學基於解剖學同埋分子生物學，中醫基於經絡同能量流動。
而目前分子生物學、生物化學呢類基礎科學已經透過無數實驗證實生命運作係由基因表達玩出黎，簡單講就係生物既基因資訊係用簡基序列好似密碼咁寫左喺DNA呢本說明書上面，基因表達就係會將呢啲密碼抄落RNA度，而唔同既蛋白質同酶之類既功能性分子會認得特定既編碼啟動傳譯反應去翻譯啟動碼後面既密碼去合成唔同既蛋白質作為功能性分子，功能性分子就會決定目前所有碳基DNA生命既運作，包括人類身體，所有既疾病都係同基因編碼同埋呢啲功能性既分子有關。
至於經絡同埋能量暫時我未見到可以用上面已知肯定既機制去解釋到，同埋物質，包括生物，都係由原子用唔同化學鍵組成唔同分子，但係中醫相關既嘢入面，我真係refer唔返去任何呢啲度得到測得到證實得到既分子。

科學證據缺乏
中醫治療方法同草藥療效靠既係幾千年經驗積累，但係缺乏現代醫學標準，例如最重要既隨機對照試驗、雙盲實驗同埋大規模臨床數據。
例如「氣」、「陰陽」、「五行」係好難量化，喺冇數字測量既情況下，證實理論同療效係好難同冇說服力。最常見就係中藥既效果依賴主觀感受，就算科學家想幫你都好難喺研究入面得到一致性既significant結果。

中藥藥材質量控制問題
中草藥近期有啲經過提煉濃縮再用separation science拎到有效成份都仲好啲，但係好多原型草藥係好大問題，我先唔講生物化學入面分子上既問題，淨係不同產地、氣候同採集時機都可能導致藥材成分含量有波動，而劑量喺用藥係極為重要，咁會令中藥既有效性同安全性無法保證一致。
如果你拎草藥擺落ICP-MS, LC-MS之類既分析儀，你會搵到有時中藥會污染，最明顯就係重金屬、農藥殘留。至於不法商人用假冒或劣質藥材扮真正藥材唔係科學問題我就唔評論。

毒性同安全性問題
有啲中草藥既毒性都幾高，長期用會對肝腎等器官造成損害。
例子：
馬兜鈴酸類中藥（馬兜鈴、青木香etc.）會導致腎臟損害+腎癌。
雷公藤有多種有毒成分，雷公藤內酯對腎臟同肝臟有劇毒性，可能會引發嚴重腸胃問題同埋免疫系統損害，長期或高劑量可以導致腎衰竭、不孕症、或者死。
斑蝥有斑蝥素，絕對係一種劇毒物質。小劑量都會引起嚴重腸胃道反應、腎臟損傷，都係可以死人。不過呢個已經俾現代醫學普遍認為係危險藥材。
仲有超過十種可以講，唔講咁多，檢測既圖譜都唔可以擺上黎，不過你有興趣既可以拎中草藥去化驗所驗。

缺乏標準化規範化
中醫既診斷同治療太依賴個人經驗，我唔係好見到統一既診斷標準。就算係同一病症，唔同中醫師都會有唔同既診斷同埋處方，呢種主觀性係令我有一種尻吹感覺，唔似現代醫學靠儀器同生物化學物理知識分析，準確度高仲可以重複結果。
例子：
「望、聞、問、切」就係有高度主觀性導致診斷結果係好唔同，冇標準化既診療流程。仲有把脈，我一路都想搞個比賽，中醫師隊把脈去診斷50個孕婦同50個冇懷孕既女仔，現代醫學隊派出一個中學生用驗孕棒，想睇吓邊個準啲，有冇中醫師組團接受挑戰。

Btw 大陸好多中藥成藥沖劑，九成幾都混合左啲西藥。 單獨純粹只有中藥嘅係鳳毛麟角。

唔好咁吹奏日本中醫去到邊都係垃圾
只不過日本漢方有做改良，唔用一啲已經證實咗有毒嘅原材料，例如朱砂，即係話冇咁易食死你，但係一樣醫唔好你

咪就係
明明有睇西醫

班中醫梗係唔敢解釋啦
落咗咁撚多類固醇

梅姐係上面 哥基patpat係要落去搵梅姐老母

調你老母

中醫撚: 天然類固醇唔算類固醇

中醫憑咩同西醫對立
兩樣二而選其一就話對立啫, 即係例如android同ios

人類冇咗西醫/現代醫學會冚球剷
冇咗中醫基本上唔會對任何人類生活有咩影響

根本就唔存在選擇

唔會有人理你

你同個醫生唔夾呀

佢哋會介紹另一個中醫俾你，話再試吓
你試完冇料到，要放棄喇
佢哋就話：到你老咗你就知味道

涼茶鋪都落成藥
等啲人以為有效

“中醫優勢就係唔需要理咩致病原
只有知道有咩症狀，就知身體狀態，就知用咩藥”

即係有個病人屙到仆街, 不論病因係病毒感染細菌入侵食物中毒癌症
中醫淨係識得開腸胃藥, 而且非常自豪

完全表露到中醫理論係幾咁無知, 反科學
佢哋仲好意思話西醫治標唔治本
中醫連個“本”都唔知係乜, 夠膽死話自己治到本

中醫咁撚有效嘅話班東亞病夫就唔使狗衝日本爆買西藥啦

讀中醫嘅人係好討厭自己啲藥俾西醫拎去“搞”
佢哋覺得西醫唔識中醫理論就亂咁化驗啲藥

現代科學係可以接受到真係有效嘅中藥
但係中醫嘅methodology（aka憑感覺醫病, 即係斷鳩估）係唔會被主流科學接受

咪亂講啦，首先根本唔多人早期就知佢有患癌，然後梅姐屋企人知唔知死剩邊個？你竟然話佢會聽屋企人勸從來都係梅姐自己唔想睇西醫，當初知道嘅人（劉培基）先尊重佢決定同佢一齊搵中醫，但第一個中醫都勸梅姐中西一齊醫，係梅姐唔肯，覺得西醫醫完會令佢上唔到舞台+佢胞姐嘅原因，先再搵其他中醫。去到最後病情惡化，都係劉培基同謝霆峰勸佢同說服到佢睇西醫張文龍即使去到後面梅姐化療完唔戒口，朋友點勸都係阻止唔到，梅姐就係一個咁堅持己見嘅人。

好心真係尊重下人啦，咩都唔知就亂up，梅姐過世大家都傷心，但唔好歪曲事實。梅姐最後8場告別演唱會，成班朋友勸佢唔好開，都係佢堅持要開。梅姐嘅生命就係舞台，只要影響到佢上舞台嘅嘢佢一律唔做，無論朋友點勸都好。為咗反中醫講到係梅姐輕信人哋建議，你連梅姐人格都詆毀埋

同意，其實好多老一輩都係咁
拖到最嚴重先睇西醫，神仙難救
其實如果係早期，根本應該立刻睇西醫成個切除
反而如果發現時已經係晚期，西醫成功率都唔算高咁睇中西醫都無所謂

就算真係成功
sample size = 1 唔可以代表啲乜

嗰個中醫可以將好多同一病徵嘅人醫到企返起身就真係信佢有料

香港啲大學開中醫明顯係政治任務

叫佢慳返啲睇中醫嘅錢去gym房做運動好過啦

仲有佢胞姐梅愛芳都係子宮頸癌，接受西醫治療見到又辛苦最後離世埋，所以佢好抗拒西醫，即使第一個中醫叫佢要中西一齊做佢都唔聽
同梅姐最親嘅劉培基一早講曬出嚟