只要你係香港人,果刻個心基本上都會好緊張
其實我地只係支持自己出身地既運動員姐,全世界應該得香港係連呢一樣野都咁大分歧,都要小心翼翼。 真係荒謬。
你比一個例子我
今朝太多情緒,所以個post 講既野有啲偏激,無諗過個鋪咁大回響,我決定係到整合多一次自己既論點。
首先第一點,我絕對唔係想屌一啲無感覺/無覺得開心甚至反感既人,我絕對無。 相反,我仲好支持好樂意見到個社會係咁多元。 我既論點係正正調轉番,點解你可以唔支持江旻憓,我就唔可以支持江旻憓?
而家大家個風氣好似變左:支持江旻憓就係藍,就係壞人。 支持江旻憓都要細細聲講好似一件好羞家既事。 但其實,我地大部分人個心態只係好單純見到一個講廣東話、同自己同一個文化背景大,著住代表自己地方既衫贏左一個咁重要既冠軍而開心,就係一件咁簡單既事,背後完全無其他既想法,咁都有錯?
我個人立場係覺得,佢上到台,佢就係一個運動員,佢就係一個代表香港既運動員。 其他既野係佢既個人生活,佢讀人民大學,番大陸讀書,根本同我無關係。 同埋另一方面,大部分人根本唔會特登走去睇佢啲背景,我地淨係知佢係一個運動員,起碼我無見過佢成日出嚟擾民好似pk鄧咁。
最後,反對唔支持絕對無問題。但係支持都一樣無問題,我地支持江旻憓,覺得開心真係好簡單,就係單純見到香港既本土運動員拎獎而開心,點解咁都可以比大家扭曲到去黃藍? 大把人支持既時候根本都唔知佢係藍。
講真,唔好下下咁極端啦,搞到咁極端根本係唔現實。 你唔支持姐,唔代表其他同你想法唔一樣既人就係有罪。
企番出嚟睇,其實我地只係支持自己出身地既運動員姐,全世界應該得香港係連呢一樣野都咁大分歧,都要小心翼翼。 真係荒謬。