《我一個唔留神，撞死左聖誕老人？！》【斬掉重煉版本】

留名
評已正

舊讀者live

留名
原來開左post

留名

昏迷左 一陣食埋飯打 打完出

又昏迷？
等緊樓主文

留名

屌，以為post左，原來未send

姬仔視角 過去篇

「好歡迎咁多位中一新生加入我地呢間學校既大家庭。作為校長，我衷心希望可以見證住你地呢一班莘莘學子係未來六年既成長裡面，逐漸脫變成為一隻隻美麗的蝴蝶……」

開學一星期後的周會上，那個有中年脫髮使得額頭可以反射陽光的呀叔，正有如黃河般滔滔不絕地站在台上演說他那份不知排練了多少次的講稿。

環顧台下前排的觀眾席，是一個個臉容天真無邪，對未來中學生活一片憧憬的中一學生。

「呵欠~~~」我坐在第一排近走廊的座位上，懶洋洋地伸了一個腰。

「完未架，好肚餓啊。」

由細到大，由於我老豆老母都淨係識得掛住賭既關係，結果每次帶完我去一個陌生既地方之後，都會叫我自己出去行下周圍搵野玩。

於是乎我每次都只好落樓下搵下附近有無公園，然後就厚面皮咁問個到d小朋友摻唔摻自己玩。

雖然聽落就有D悽慘，之不過呢D係公園玩既光陰其實已經係我童年裡面過得最開心既時間。

然而好景不常，係我升中一既時候，老豆老母突然對我落左禁制令，唔比我再成日去公園到同班小學生玩到忘晒形。

原因，就係因為我大個喇，所以要多d留係屋企幫手做家務。

就係咁，我最開心既時間終於都到此為止。

缺乏了生活趣味的我，開始對任何事都提不上起勁，比方說------「上學」。

「多謝咁多位！」校長滿臉風騷咁結束佢既講話，台下亦隨即傳來掌聲。

被噪音短暫拉回現實的我，先循例「啪啪」的鼓掌，然後心思又瞬間飛到去午餐的雞脾飯上。

「喂，姬仔。」

此時旁邊傳來一把男生的聲音。

轉過頭去，是我這個星期結識到的朋友「肥佬」在叫喚我。

「搞咩？」我問道。「係咪你都好肚餓，想快d食飯！」

肥佬認真的回答我說 : 「雖然我係好肚餓，但我依家想講既野係比食飯更加重要！」

「咁即係咩？」我俾肥佬認真的眼神嚇了一嚇。

「我！……」肥佬哄近我耳邊。

「好肚痛。」

「……屌。」

為左解決肥佬的生理需要，周會之後我就先陪佢去廁所。

「好快呀！」肥佬說罷一支箭咁標入男廁。

我廢事係廁所入面等佢，於是乎就呆呆咁企左係廁所門口。

「好肚餓啊……」我個肚已經餓到打晒鼓。「早知就同肥佬講去canteen食住等啦。」

我一路係到仰天打掛自言自語，卻沒有留意到一個身影漸漸從遠方接近。

直至我察覺到的時候，她已經正在我前方略過。

那是一位黑髮紮著馬尾，瞳孔清澈美麗，鼻高高嘴細細，整個臉形輪廓看起來更有一份脫俗貴麗的女生。

她雙手擁著一疊書，經過的時候馬尾隨風飄逸，留下陣陣牛奶香味。

雖然整件事情加起來全完不夠半秒，但卻足已令我心跳不已。

「好……好靚……」我望著她逐漸遠去的背影，喃喃自語道。

當我仍在心跳悸動之際，一下拍擊突然從後而至，打在我的背上。

「啪！」

「喂！」肥佬從後大叫道。「走得喇，落去食野喇！」

「屌你，嚇死人咩！」我沒好氣的轉過頭來望住肥佬。

「見你發晒呆咁，咪諗住叫下你囉！」肥佬訕笑道。「你岩先睇咩睇得咁入神姐！」

我偷偷地把視線轉回走廊上，卻發現女生的身影早已消失得無影無蹤。

「嗯……」我故作思考了一下。「你真係想知？」

「你話呢，廢話！」

「我呢……」

「嗯嗯！」

「岩先呢……」

「嗯嗯嗯！」

「見到呢……」

「嗯嗯嗯嗯！」

「有個肥到好似坦克車既女仔經過。」

「……屌。」

我同肥佬臨落canteen的時候，我實在忍不住再次回頭。

縱使走廊依舊是空空如也，但我的心裡卻多了一份喜悅。

「唔知道……我可唔可以識到佢呢？」

大把大把，仲有仲有

加速

等你

推推推

翌日。

「喂，有無資料提供？」我托了一下眼前的黑色墨鏡。

「更係有啦。」小子拿起了自己精心手寫的筆記，熟練地「唦唦」翻著頁。

一會兒，他把手按在其中一版上。

「王艾詩，人人都叫佢做阿詩。」小子似是自信地笑著。「1B班，女神級，優質潛力股，將來應該會更加靚。」

「三圍係30，24……」

「夠喇。」我閘住小子的說話。「好啦，唔該晒你既情報。」

「咳咳。」小子遞出手來。「報酬呢？」

「我點會唔記得。」我說罷從背抽出一包熱騰騰的咖哩魚蛋。

「多謝。」小子一手拿走魚蛋，然後直接離開了locker的走廊。

於是乎現在就只剩下我一個。

「yeah！！！」我不再沉著氣而大叫了出來。

「我終於知道你叫咩名喇！」我忍不住偷笑著。「好！等我搵機會識下你先！」

***

自從個日之後，我開始留意多左，仲有參加多左校內既活動。

原因？只有一個。

我好想搵個機會，認識下王艾詩呢個女仔。

好可惜既就係，阿詩身邊實在一直都太多人喇。

唔只係狂風浪蝶，甚至就連個d為左上位而靠攏阿詩的女生，都同樣係多不勝數。

再加上……

「大家好，今日係義工助老人的大日子，希望咁多位中二既同學都可以踴躍d哄下我地既老人家開心啦！」

台上那個老人院的負責人正炒起氣氛。

「大家準備好未？」

「準備好！」台下齊聲大叫著。

於是乎負責人回答說 : 「好啦，既然係咁，依家就一男一女分組啦！」

「咩話？！」我聽到呢句說話之後，瞬間轉過頭來望向不遠處的阿詩。

佢今日身穿著PE衫，頭頂紮了一個運動feel既髻，整個人看起來清艷脫俗，非常清新。

「機會黎喇飛雲！！！」我暗自鼓勵著自己。

負責人說道 : 「------開始分組！」

此起彼落，一班餓浪立即朝阿詩方向衝去。

都去到呢個moment啦，我點可以輸架！

於是乎我使出輕功水上飄，用騰雲駕霧的氣勢將身邊的人一一撞開。

「係我贏啦！」我快要來到阿詩的面前。

然而就在此際，我的心卻跳得越來越快。

「唔係掛，呢個時候先黎怕醜？！」我自嘲著。「唔得架，我唔可以怯！」

我一個箭步踏上前，望著眼前的阿詩。

她的臉……很白滑呢……

諗下諗下，我的雙頰經已滾燙得可以煎荷包強。

「阿……阿……」我面紅耳赤的道。

「我唔得呀！！！」

我說罷一個魯芬急轉彎，離開了阿詩的範圍。

之後究竟發生左咩事，我都唔係好記得喇。

我淨係記得，阿詩佢同左一個自以為好靚仔既男仔一齊做義工，做攜手哄到一班老人家好開心，笑到四萬咁口。

所以話除左狂風浪蝶多之外，重有個更加致命既原因就係……

嗯，我淆底。

唉。

今日仲有！

完埋個過去篇之後，大家就要等下先喇 我去左台灣，11號先番

推post

隨住年紀漸大，我同肥佬都升到了中四。

當然啦，阿詩都係。

不過唔知道係咪因為一直失敗既原故呢，我都開始打消左認識阿詩呢個念頭，反而覺得係遠處一直望住阿詩都唔錯。

天外之音 : 收皮啦你，廢就廢啦咁多嗲，仲以為自己好撚型咁。

我 : 屌，你收聲啦！

有一日食午飯既時候，肥佬突然同我講左d野。

「喂，姬仔。」肥佬把口嘶緊隻雞脾講。

「屌，你食埋野先講啦。」我沒好氣地吃著車仔麵說。

「唔係呢，好重要架。」肥佬抬起頭來望住我，佢個gag樣實在搞到我好想一拳車落去佢塊面到。

「好啦好啦，你講啦。」我說。

「我係到諗緊，既然我地兩個都無乜錢，屋企人又唔俾錢我地洗……」肥佬思考了一會。「咁不如我地一齊出去搵份工，孖住上賺大錢？」

「下，你認真？」我笑了一下。「番工好攰架喎，仲有會無時間打機架喎！」

「但係比起無時間打機！」肥佬激認真咁講。「我更加想既係有錢課金！」

「哈哈！」我被肥佬逗得個哄堂大笑。「好啦，既然你都咁講，我就捨命陪君子！」

從個一日開始，我地每逢放學之後都會周圍去搵工，睇下搵唔搵到一份岩我地中學生番既part time。

試過幾份工之後，我地總算搵到一個合適既落腳店。

個到係一間西餐廳，人工高，番工時間仲任我地揀添。

於是乎我地就選擇左呢份工，然後keep住呢種放學打工既生活，一直去到中六。

雖然講就講話呢份工係幾筍既，不過如果係都要我雞蛋裡挑骨頭既話，我就會話……

「喂！」MK經理大喝了肥佬一下。「個到張枱呀，咁撚耐都唔執，食撚左屎呀？」

我就會話，係因為餐廳裡面存在住呢個中途輟學，然後出左黎做左幾年野所以捱到個「經理」一職既死MK仔囉。

「得得得，我幫佢抹！」我不屑的望了一眼MK經理，喃喃自語道 : 「挑，咁囂張，聽日平安夜唔好俾我見到你番工添呀，如果唔係我一定笑7你，死毒撚！」

(事先聲明，並非歧視毒撚，事關本人都係。)

放左工之後，我同肥佬去左附近一間m記坐低吹陣水。

「唉，第六年中學喇！」肥佬頹到仆街。「我好想試下著住校服拍拖呀！！！」

「唔洗擔心喎肥。」我訕笑了一下。「其實無著過校服拍拖唔算係遺憾黎！」

「因為我地成個人生，根本都應該無機會拍拖，哈哈！！！」

「屌你啦。」肥佬串完我之後繼續講 : 「咁你聽日平安夜番唔番工？」

「番啦梗係。」我苦笑著。「都無人約架啦。」

「你岩！」肥佬回答道。「好，我又番先！」

就係咁，我同肥佬都決定左，一齊過我地第六年既平安夜。(非gay)

翌日。

我同肥佬由朝早打lol打到下午之後，就一齊去左番工。

由於正值紅日加上大時大節的關係，餐廳的人流永遠都好似源源不絕咁，到處都人山人海，水泄不通。

我同肥佬仲有一班waiters都做到手忙腳亂，幾經辛苦先捱過高峰的晚飯時間。

不過惟一令我感到開心既，就係……

「哈哈，MK經理真係無人約，要死死地氣番工喎！」我笑住咁同肥佬講，手指則偷偷指向忙於招呼人客的MK經理上。

由於依家係稍為無咁多人流既時間，所以我同肥佬都可以一齊忙裡偷閒咁挨住個出菜位吹水。

「雖然佢份人就係衰左D，不過平安夜無人約都好慘架喇，算啦，唔好串佢啦。」肥佬試著為MK經理平反道。

「估你唔到喎肥，竟然食碗面反碗底！！！」我恥笑著肥佬。

就係呢個時候，一個身影從餐廳的門口處徐徐走進來。

那是一位穿著住白衛衣紅裙子黑leggings，整個外表賦有聖誕氣氛，而且臉容沉魚落雁，明艷照人的少女。

甫她走進來開始，在場男士的目光均已經投了在她身上，想走也離不開。

「咦！佢咪係！」肥佬跟隨我的視線望向女生之後大叫道。

「唔……唔係掛……」我的心早已經泛起了悸動。

「阿詩？」

就係我仍然為著阿詩的到來而發呆的時候，MK經理早已經洞識先機，快我一步前去招呼。

「你好啊小姐，請問幾多位架？」MK經理十足前前前世未見過靚女咁款，一副烚熟狗頭的樣子望著阿詩。

「一位啊唔該。」阿詩有禮貌的回答說。

「OKOK，麻煩你過黎呢邊坐低呀。」MK經理把阿詩帶到一個窗邊的位置，然後幫阿詩拉開張凳。

係出菜位置見證住成個過程的我同埋肥佬，都立即咬牙切齒。

「屌佢老味……」我緊握著拳頭。「死狗公！」

「咪臭係！」肥佬和應道。「抵佢成世都無女！做足一世經理啦屌佢！」

「唔得，咁樣落去唔係辦法！」我回過神來認真地與肥佬商討道。「一陣萬一我地既學校女神俾MK經理污辱左既話，你叫我地點樣向全學校交代！你叫我地點樣對得住學校既子子孫孫！」

「你講得岩！」肥佬已經燃點起心中的怒火。「阻止佢！」

「無錯！」我佯裝大叫道。「阻止佢！」

「砰！------」

點知就係呢個時候，身後發出了一下清脆的碎碟聲音。

於是乎我同埋肥佬仲有附近既人都立即望晒過去。

只見MK經理色狼上身咁攞左張紙巾出黎，而阿詩就拼命撥去身上既牛扒汁。

屌！唔好同我講，條經理想用「唔小心倒瀉野」呢條爛橋，借D易幫阿詩抹汁，順使攞佢電話話賠番件衫俾佢呀！

「唔好意思呀，我一個唔覺意冼手！」MK經理熟手咁用紙巾先替阿詩抹走膊頭既汁，然後順勢滑落手脾！

「得架喇，我ok架喇唔該！」阿詩微微推開經理隻手。

「唔好，係我既過失黎架麻，梗係要補償！」MK經理一於少理，繼續用老練既技巧揉論阿詩。

望住眼前一位咁純潔既少女被人如此糟蹋，試問又有邊一個人會甘於沉默呢？

天外之音 : 收皮啦，擺明係你中意阿詩先咁講。

我 : 你唔好再出聲！

我深吸左一口氣，直接走到MK經理旁邊，一手就搶走佢手上既紙巾。

「經理，呢d野等我黎得架喇！」我客氣咁講。「仲有好多人等住你埋單！你都係快d番去房到啦！」

MK經理眼見我破壞左佢既好事之後仲死心不息講 : 「哎小姐，不如留個電話俾我......」

「經理！」我再次大叫一聲，令到MK經理即刻頓左係到無聲出。

「咳咳......」MK經理用一個「你遲下就知死」既表情望住我。「咁你幫小姐執好d野啦！」

說罷佢就拎轉面嬲爆爆咁走左去。

「嘩......估唔到我會咁夠薑......」我仲為緊自己剛才英雄救美既事而振奮。

「唔......唔該晒。」此刻，一把甜蜜的聲音從後而至。

我別過頭來，只見一雙晶瑩剔透既眼睛同樣正在望住我，透出一絲絲的曖昧 (收皮啦) 。

「欵……小意思姐，哈哈。」我已經緊張得唔知道自己講緊咩。

「嗯……」阿詩帶點疑惑的掃視了我一次，然後徐徐道 : 「我地……係咪係邊到見過？」

「喔，其實我地係同校同級。」我害羞到唔知視線可以放去邊。「我……叫姬仔。」

「喔，原來係咁。」阿詩既笑容非常迷人。「既然係咁，麻煩你一陣幫我落單啊姬仔，我依家去廁所洗洗件衫先。」

「好......」我回答。

等到阿詩徐徐離開了坐位往廁所走去之後，我立即轉過身來往出菜位的肥佬奔去。

「頂，你就好啦，可以同到阿詩講野！」肥佬妒忌道。

「形勢所逼，無計啦！」我笑左出黎。

「唉，我呢d肥仔，邊會有機會識到女神先得架。」肥佬越講越頹。「反而係你呀，頭先應該把握機會問人攞電話呀麻！」

「傻左呀你，咁樣同條mk經理有咩分別！」我反駁。

屌，你估我唔想咩......

「咁一係你試下問我地D同學有無佢電話囉！」肥佬建議。「然後一陣間搭正0000個陣就打俾佢，同佢講自己係邊個，然後講聲聖誕快樂！」

「話晒你救過佢，佢唔會唔理你既係咪先！」肥佬繼續講。「到時喇喎，咪食住個勢上，同佢開始wtsapp囉！」

聽完肥佬講既野之後，唔知點解有一刻，我居然會覺得自己有機會同女神係埋一齊。

「你又岩喎屌你！」我笑住講。

「唉，總言之！」肥佬抓住我雙手。「你要好好對我地學校既女神阿詩呀，知道未？」

「痴線，講到我溝左佢咁！」雖然我係咁講，但其實早已經笑到見牙唔見眼。

「咳！」就係呢個時候，MK經理突然行左過黎。

望住佢個雙充滿怒火的眼睛，我都知道自己即將要被收皮。

「姬仔，今晚我早走『有約』，你同我踩到11點鐘！」

「下？！」我驚訝著。「但我趕住番歸……」

我都未講完，MK經理就打斷左我既說話 : 「你今日想早走，得，但以後都唔洗番喇。」

「……」我迫於無奈忍著說。「OK，我踩啦。」

「咁咪乖囉。」MK經理一副勝利者的語氣說道。「好啦，咁我走喇，約左女，byebye！」

等到MK經理行開左之後，我咬牙切齒咁講 : 「頂你個肺，鬼唔望你今晚俾人放飛機！」

半晌，阿詩就從廁所出番黎。

我除左跟住幫佢落單之外，就再無同佢傾過計。

無計啦，淆jer麻。

唔知道阿詩之後係咪約左人既關係，佢好快就食完野走左，遺下兩個無人約的小男孩，即係我同肥佬，係餐廳裡面望天打掛。

好好彩肥佬總算有義氣，陪我捱到十一點鐘先一齊放工。

我臨走之前叫左盒外賣乾炒牛河配凍檸茶，諗住一陣番歸打住online game食。

「咁我走喇，聽日見啦。」我踏上單車，回頭望向肥佬說。

「你起到身先算啦。」肥佬潤我說道。「byebye！」

於是乎我徐徐騎著單車，走進住宅區。

「又到聖誕，又到聖誕！」我正以時速三百公里的速度駕駛著BMW。

咳咳對唔住，BMX先岩。

落完個急斜之後，我轉彎駛入行人隧道。

點知就係呢個時候。

「嘭！」

「我一個唔留神……撞死左聖誕老人？！」

好，完喇今日

各位下星期見