《我一個唔留神，撞死左聖誕老人？！》【斬掉重煉版本】

今晚出 唔記得左自己今日要番工

經過一大輪獨白之後，我總算將自己同阿詩的過去全部都講晒俾莉芙聽。

係我剛才娓娓道來的時間裡面，雖然莉芙一直都好專心咁聽我講野，不時又有點下頭回應我咁 ; 不過唔知點解，我總係feel到莉芙佢有點兒不自在。

咪住先。

唔通係因為佢中意我？！

天外之音 : 夠喇，唔好笑呀。

我 : 屌。

咳咳！

如果係咁既話……可能係我feel錯啦，哈哈。

***

隨住莉芙聽完我講自己既往事之後，先是維持了好一會兒目無表情的樣子，然才再次開聲說話。

「Santa。」莉芙幾認真咁講。

「係？！」我俾莉芙突如其來的語氣嚇親。

莉芙徐徐道 :「Santa，你係咪真心中意我家姐？」

……

「欵？！」我驚訝的大叫了出來。「做咩無啦啦問D咁認真既問題！」

「答左我先啦！」莉芙帶點急壞咁講。

望住莉芙佢一臉渴望得到真正答案的樣子，如果求其hea咁答左佢既話我都真係幾衰仔。

於是乎我認真的沉思了一番。

老實講，雖然我同阿詩係同班同學，我地又一齊經歷過好多活動 (分開)，但講到尾其實我地兩個都無真正咁傾過計，有好多關於佢既野我都唔清楚。

就咁睇落，我好似對阿詩唔係太上心咁。

然而係另一方面黎講，我每一次見到阿詩，都會有一種內心悸動既感覺。呢種感覺就算過左咁多年直到依家，都依然仲係無變過。

佢既笑容，佢既舉手投足，都令到我感到害羞。

所以從呢一方面黎睇……我又真係幾中意阿詩。

「哎……」我苦惱的抓了一下頭。

半晌過後，我仍然是回答不出。

「洗唔洗諗咁耐啊你！」莉芙沒好氣的望住我說道。

「咁真係有d難答呀麻！」我反駁道。

「有幾難答姐！」莉芙說。「中意同唔中意，真心定玩玩下，表面定係深層，你自己feel到架麻！」

「嗯……」我認真的思考了一會以後，認真的回答說 : 「咁講啦。」

「我對阿詩既感覺，絕對唔係玩玩下。」

「我係認真既。」

「咁就得啦！」莉芙滿足的笑道。「Santa，如果我依家同你講，可以送你一個聖誕願望既話，你會用黎做咩？」

「er……」我雙眼眨了眨。

「我要錢得唔得？」

「……」

「俾d大志出黎啦！！！」

「我講笑姐哈哈！」我風趣說。

莉芙裝作鼓起腮子道 : 「一D都唔好笑囉，傻西瓜！」

於是乎我稍為正經了一下說道。

「如果可以既話……」我堅定的說。「我希望他朝有一日自己可以拉近同阿詩之間既關係，然後親口同佢表達自己一直以來既感情。」

莉芙聽完我的說話之後，先是頓了一下，然後重新拾起了笑容。

「OK！」莉芙站了起來，面對住我鼓舞道 : 「你既願望我收到喇。」

「放心，我一定會幫你實現佢既！」

「唔係掛！」我驚訝道。「乜你講真架？」

「梗係啦！」莉芙雙手叉著腰，身體微微向前傾說道。「咪當係你新手上路既禮物囉，唔好咩？」

「好，實好架！」我都士氣大振咁企左係身講。「有你呢個阿妹幫手，點都得心應手d！」

「哈，洗乜講！」莉芙沾沾自喜道。「好，既然係咁既話，我地就一於定下作戰計劃啦！」

佢繼續講 : 「今次我地呢個計劃就叫做------『同家姐過除夕倒數計劃』！」

……

「喂，你d計劃名可以再改得直白d架喎。」

「……咩姐！咁呢個係重點黎架麻！！！」

「okay okay，咁我地一於傾下內容啦。」

「我已經諗好左架喇，大概就係先帶家姐去食xx，然後帶佢去食yy，最後就帶佢去食zz......」

「你估佢係你咩，沙煲咁大碗野食都放到落個肚到，哈哈！」

「哎？！點解你會知架？！」

「因為咁咁咁咁……」

就係咁，我同莉芙一人一句咁傾左勁耐，偶爾又串下大家，一直傾到天空都開始披上日落的霞光。

「嘩，乜原來咁晏架喇？！」莉芙發覺時候不早之後站了起來說。「我要番屋企喇。」

「嗯，好呀。」我回答說。「我都有d攰，想番歸訓個覺。」

「咁我番到去再wtsapp你，同你傾下黎緊要做d咩呀！」莉芙笑說。「走喇我，byebye！」

「拜拜！」我笑說。

說罷莉芙就別過身來，急步離開了公園。

於是乎我亦動身起程，徐徐回家。

番到屋企之後，老豆老母都唔係到，睇黎又出左去打牌。

我求其放低左D電話銀包鎖匙係張床之後，就去左沖個涼舒暢下身心。

「唦唦------」花灑的水不斷啪打我的頭頂。

我閉上眼睛，又回想起今日碰到阿詩和莉芙時的情景。

「哈哈，真係笑鬼死。」我自討苦笑道。

沖完涼番到房，我一野就攤左上張床到。

我隨手攞起電話一睇，竟然有一個未讀的wtsapp信息。

莉芙 : 作戰會議重開！

望住呢段信息，我立即坐直了身體。

「虧到。」我笑了一下，然後徐徐回覆。

我 : 遵命！

留名

推

老屎忽讀者表示宜家先睇到
留個靚名先

莉芙是最好的 你知道嗎
btw之前聖誕老人唔係做人老豆既咩 而家啲戲份

莉芙是最好的 你知道嗎
btw之前聖誕老人唔係做人老豆既咩 而家啲戲份

死撚咗所以無戲份

莉芙是最好的 你知道嗎
btw之前聖誕老人唔係做人老豆既咩 而家啲戲份

死撚咗所以無戲份

比茄哩啡更茄哩啡

幾得意 個故

莉芙是最好的 你知道嗎
btw之前聖誕老人唔係做人老豆既咩 而家啲戲份

死撚咗所以無戲份

比茄哩啡更茄哩啡

佢唔同左架喇依家
我講緊D咩，自己諗

呢一晚我同莉芙用wtsapp圍繞住除夕大作戰既議題上面傾左好耐計，一直傾到去我地兩個有d攰喇先肯去訓覺。

莉芙 : 係喇，我忽然諗到d野！

我 : 諗到d咩？

莉芙 : 唔講你知住，聽日11點準時係番公園等，到時我講你聽！！！

我 : 懶神秘咁！

莉芙 : 我當你得閑架喇，聽日見啦咁，good night Santa！

我 : good night 。

對話結束罷我將手機放到一邊，然後蓋上被單倒頭大睡。

唔知道點解，今晚彷彿比平日更寧靜似的，一閉起雙眼經已能瞬間進入甜蜜的夢鄉。

***

我和女孩穿過了公園，來到附近一個擺著小食車街檔的檔販面前。

眼前呢個老闆乍看來是個30多歲的成年男人，有著一堆濃密的鬚根，以及一對包歷滄桑的眼神。

「小朋友，想食D咩呀。」老闆掃視著我和女孩。

當我正把「我想食魚蛋」說出口之際，女孩狠狠的啤了我一下，令我頓時打了一個冷顫。

於是乎我避過女孩的視線後重新說道 : 「我意思係……『我地』想食魚蛋。」

「得，無問題。」老闆回答道。

說罷他一個熟手的把兩個發泡膠兜各放進些許魚蛋。

我和女孩遞手接過碗後，一同望著碗內正冒著煙的魚蛋看得個發呆。

「趁熱食啦。」一臉苦瓜的老闆居然也懂得微笑道。「呢到收你地10蚊得喇。」

「咁抵？」我驚訝地抬起頭來望著老闆說。

「係啊。」老闆帶點溫柔的說。「聖誕節麻，最緊要細路仔開開心心。」

「多謝老闆！」女孩一臉滿足地大聲笑說道。「聖誕快樂，希望你快D賺夠錢，咁就可以番屋企同屋企人過聖誕！」

「哈哈哈，小妹妹你真係識講野架姐！」老闆被逗得個樂笑說。「我都祝你地聖誕快樂啦！」

聽著這段溫馨的對話，我的嘴角都不自覺地上揚了起來。

我點頭接受了老闆的好意，然後就與女孩一同別過小食檔，緩緩在歸返公園的小路上跅步。

一路上，女孩手捧著熱哄哄的熟食碗，雙眼卻彷似出了神般沉醉在不斷冒升的白煙之中。

「多謝。」

女孩突然一句說話，使我暫時放下本來已在嘴邊的魚蛋。

「唔洗多謝，話晒你岩先幫我執番個銀包麻。」我有點不知所措說。「學頭先個老闆話齋，聖誕節最緊要開開心心麻！」

「開心嗎……」女孩說邊說著，邊拮起了一粒魚蛋放進口中。

行行下，我地又再次回到公園。

我地揀左滑梯附近的一張長凳坐低，凝望眼前依舊熙來攘往的遊樂場。

東奔西跑弄得個滿頭大汗的小孩子們，雀躍地一彈一跳來到父母的面前討個歡笑和讚許，看起來一片樂也融融，溫暖遍遍。

半晌，我出聲打破熱鬧之中的沉默。

「你同我一樣，都係自己一個出黎玩既？」我好奇的側視著女孩說。

「係就係自己一個，不過唔係出黎玩。」女孩含著食物道。

「咁係做咩？」我追問下去。

「嗯……」女孩腼腆的仰望著天空。

「出黎散心。」

***

死撚咗所以無戲份

比茄哩啡更茄哩啡

佢唔同左架喇依家
我講緊D咩，自己諗

啊mk伯由頭老尾都係毒撚冇結婚冇女 我既第一想法

「痛痛痛！」

第二日清早，當太陽仍是剛剛冒出來的時候，我的頭突然像痛得要死似的，害我頓時乍醒了起來。

我把身體坐直之後輕輕按摩著自己的太陽穴 : 「搞咩啊頂。」

「唔通……係因為琴晚冷親？」

經過一輪按壓之後，痛楚總算是舒緩了不少。

我徐徐打開手機屏幕，發現現在經已8時許。

「唉。」我沒精打采道。「咁樣搞兩搞，都唔知訓唔訓番好。」

掙扎了好一番，我最後都係決定起床罷了。

不過由於太早起身搞到渾身都唔聚財，所以我就先去左沖個晨早涼。

「唦唦唦------」又係花灑的聲音。

「近排好似keep住每晚都有發夢。」我邊沖刷著頭髮邊心想道。「而且......仲好似係有連續性架添。」

……

「唉！」我鼓譟道。「最衰每次發完夢一起身，D內容都會唔鬼記得晒啦！」

「我真係好想知道個夢講緊咩呀！！！」

沖完涼裝好身食埋個早餐之後，我就依照昨晚跟莉芙既約定，11點鐘左右黎到公園。

甫步入門口，一個少女的身影經已出現在前方不遠處的長凳上。

我繞步走到她的背面，然後用雙手拍在她的肩膊上。

「早晨！」我故作大聲道。

少女沒料到此著，整個人嚇得彷如彈了起來似的。

「嘩！！！」少女驚訝地轉過頭來，才發現背後的人是我。

「哈哈哈！」我被她的表情和動作逗得個開懷大笑。

她得知自己被我玩弄以後，裝作沒好氣的鼓起腮子說道 : 「好好玩咩，Santa！」

此刻莉芙那雙碧藍清澈的眼睛正圓滾滾的與我對望著，配搭上她那趣緻的臉容表情，使我不自覺的心跳加速了一下。

「老實講。」我腼腆起來說道。「其實……」

「都真係幾好玩。」

「呵呵。」

涼風送爽，吹拂著花圃中左搖右擺的白蘭花。

「哈揪！！！------」

我一個完美的噴嚏聲打破了這個優美的畫面。

「Santa你病左啊？！」莉芙坐在我旁邊側望過來慰問道。「有無食藥啊？」

「無事啦，咁岩有風吹姐！」我拍拍自己的臉頰。

「係咪架~~~」莉芙半信半疑地望著我。「病既話番屋企訓啦，唔洗死頂喎！」

「唔洗！梗係唔洗啦！！！」我聽罷立即斬釘截鐵道。「今日咁重要，試問我又點可以走寶呢！」

「哈哈！」莉芙取笑我說。「算你啦，總算俾我見到你對我家姐係有上心！」

於是乎我徐徐說 : 「既然講開又講，其實今日係要做d咩？」

只見莉芙聽罷嘴角上揚了一下，然後用一臉「勝券在握」的表情望著我。

「哼哼。」莉芙奸笑著。

「欵？」我感覺到一滴冷汗沿著我的臉流到下巴。

「我地------要去貓之家！」

「不過係去之前......不如我地食左個午飯先？」

「事關我肚餓了。」

「……okay。」

「嘻嘻 <3 。」

時間岩岩好

留名

莉芙

某間大型商場的吉野家裡，一名少女正狼吞虎嚥地進食著她的午餐。

鄰座食客目睹了她枱面上面那一疊猶如摩天大樓般的餐碗，無不目瞪口呆地停下了雙筷。

某些人更加在竊竊私語的談論著眼前的奇觀。

「咁靚女……但咁鬼大食既。」
「睇怕做佢男朋友都應該洗好多錢定啦。」
「咪就係，呢D真係養唔起呀，成個無底大飯桶咁。」

眼看著此情此景，我相信感到最尷尬的並不是這位女生。

「呀莉芙小姐。」我哄前去莉芙的耳邊。「其實你覺唔覺呢……」

「D人好似望住你食飯咁？」

「係咩？」莉芙正專心致志地爬著她碗裡面的白飯。「我又唔係好覺喎，哈哈。」

……

大佬呀你就梗係唔覺啦！但身為坐係你隔離既我，就已經俾人用視線強X左幾廿萬次喇嗚嗚嗚……

等到莉芙食完野之後，我總算係有機會問下莉芙一陣間既事。

「係呢莉芙，其實我地一陣間去個個『貓之家』係咩黎？」我好奇道。

莉芙拿起紙巾抹乾淨嘴巴之後，望著我回答說 : 「其實『貓之家』係一個專收養無家可歸的貓咪既地方黎，大體上就同『愛護動物協會』差不多啦。」

「咁由於黎緊就係除夕然後新年喇，所以『貓之家』就打算係聽日舉行一個大型的貓咪領養日，希望一眾的貓咪可以係新年之前搵到愛錫佢地既主人。」

「於是乎今日理所當然的就係事前籌備日，顧名思義，就係要佈置一下個場地，仲有就係照顧好d貓貓咁樣啦。」

「咁所以喇喎……」莉芙笑了一下。

「我地就梗係唔好執輸，一於一齊去做一日義工，負責幫下手啦！」

「……下？」聽完莉芙的解說之後，我仍是一臉不解地說。「我唔係好明喎！」

「雖然話做義工係一件好事姐，之但係呢件事同我地個『除夕大作戰計劃』又有d咩關係呢？」

「而且你估話去做義工就去做義工咩，人地唔知道我咩來歷架喎！」我繼續說 :「話唔定我係一個虐貓狂魔黎呢！」

莉芙聽罷，立即大笑了出來。

「你對住見得個幾十分鐘既黑貓都傷心都死，真係好難想像你會係虐貓狂魔囉哈哈！」莉芙嫣然一笑。

「咩……咩姐，打個比喻姐！」我別過眼睛說。

「呢層你唔洗擔心喎其實！」莉芙徐徐道。「事關我本來已經係個邊既義工，所以我諗今日帶多個朋友去，佢地都會好歡迎既。」

「原來係咁。」我點頭回應道。

「至於關個計劃咩事喇喎……」莉芙說罷突然加重了語氣大叫 : 「當然關事啦！」

「咁係因為------」

「家姐其實都係個到既義工！而且佢今朝已經去到幫手啦！！！」

此際我心想 : 雖然可以係阿詩面前表現自己既愛心係一件好事，之但係如果回想番過往同阿詩去老人中心做義工的情況既話……唉。

「啊……哈哈……又係義工……」我低下頭來喃喃自語道。

「Santa你講緊咩？」莉芙一臉聽不清楚所以感到疑惑的樣子。

「喔無野！」我苦笑道。「我只係話可以去做義工，仲有得玩貓貓，好開心姐！」

「嗯嗯！」莉芙一臉幸福道。「d貓貓真係好得意架，你去到就知！」

於是乎我隨即站了起來，揹起背囊說道 :

「咁仲等咩，Let’s go！！！」

「好！」莉芙充滿活力的回答。

「不過等我食多碗飯先。」

「……」

「okay。」

一陣仲有，應該

一陣仲有，應該

等你呀

一陣仲有，應該

等你呀

訓醒再睇