《我一個唔留神,撞死左聖誕老人?!》【斬掉重煉版本】

825 回覆
128 Like 9 Dislike
2016-12-13 18:39:19


「Happy Christmas eve !」

今晚係普世歡騰既平安夜。

雖然每年越見溫暖的天氣經已大大銳減左冬日聖誕的氣氛,之但係咁樣依然無阻一對對的愛侶在尖沙咀海旁上圍爐取暖,共渡佳節。

而我作為一個時下的青少年,當然亦希望乘著節日愉快的涼風,感受一下久違的溫暖啦!

「又到聖誕,又到聖誕!」我正以時速三百公里的速度駕駛著BMW。

咳咳對唔住,BMX先岩。

「快快手番歸先!」我俯視了一眼車柄掛著的外賣乾炒牛河配凍檸茶。

……

係呀我係無人約呀吹咩!

「無人約又點喎!」我在渺無人煙的住宅區單車路上興奮地大叫著 : 「只要我今晚可以打到俾阿詩同佢講聖誕快樂,就咩都抵番晒啦!」

一諗到陣間十二點正我就可以聽到阿詩把聲 (仲要同我講聖誕快樂) ,真係當堂就想跳番part開心舞呀!

「無比溫暖,呵呵。」

落完個急斜之後,我轉彎駛入行人隧道。

點知就係呢個時候。

「嘭!」

一陣重搥相撞既聲音,我突然feel到自己係空中飛緊。

半秒之後,我一個完美頭頂落地,成個人撻左係地下。

「啪!------」我痛到即刻禁實個頭。「嗚呀……好撚痛......」

等到痛楚散去不少,我才能夠勉強睜開眼。

「發生咩事啊頂。」我輕揉著自己個頭頂,同時抬起頭來望向前方。

當我睇清楚眼前的事物之後,我的嘴巴頓時張開得可以塞下整個合味道杯麵。

事關就在那不遠處我的單車前方,竟然躺住了一個打扮成經典聖誕老人外表的肥老伯。

拿雖然本來呢D醉酒佬係大時大節扮鬼扮馬飲到貓晒訓係街邊就好正常既,咁身為「事不關己協會會長」的我平時當然亦少理為妙。

之但係今次個問題係……

我岩先好似迎面撞到佢順便使出左招「韋馱天跳躍」。

於是乎佢依家成口白泡咁訓左係地下到,郁都唔郁。

「屌,我一個唔留神,撞死左聖誕老人?!」
2016-12-13 18:47:29
Hello 咁多位我地又見面喇!

我係木鎷紫柃

故事將會係連登紙言同步連載,現附上紙言link :

https://www.shikoto.com/i/CHV

另外歡迎大家去紙言睇埋我其他故事 :

【我在IG Shop買了一個流星少女】
https://www.shikoto.com/i/rFu

《妳做咩將成碗譚仔倒落我個頭上面!?》
https://www.shikoto.com/i/naV

最後係我FB 同 IG,中意我D故事既話記得上去LIKE一LIKE。

Lammatszling
2016-12-13 18:48:42
第一章

「喂阿伯你點呀!」我急忙蹲下來搖著他的身子。

然而他還是動也不動。

「唔好死呀你!」我聲淚俱下大叫著 : 「你死左既話我要坐監架屌你老母!」

啊唔好意思更正番先。

「唔好死呀你!」我哭著說。「你死左既話我會內疚一世架!!!」

只見呀伯頓了一下,終於勉強瞪開眼睛。

「你無事拿阿伯?!」我高興道。

嘩屌嚇死我,好彩佢無死到姐。

「啊……我諗我無事既。」阿伯微微張口說。

他的目光放遠得像穿透了行人隧道的天花板一樣。

「不過呢……唔知點解我見到我死左既老婆同緊我招手,呵呵。」

「喂唔好呀阿伯,唔好應佢呀!!!」我搖晃著阿伯的身軀。「你應左佢就番唔到轉頭架喇!」

「好耐無見喇阿萍……」阿伯開始自言自語上黎。「仲記唔記得我地係點樣識?我地……」

老實講我當時真係無點留心聽佢講故仔,事關我個陣滿腦子都係諗緊如果阿伯瓜左既話,我以後既人生應該都玩撚完。

「阿伯呀,阿伯!」我大叫著。

然後我有我叫佢,佢有佢繼續無視我。

「妖!」終於係呢個moment我忍唔住燥底左一下,兜巴車左落去佢到。

「啪!」清脆既一聲,阿伯彷如回過神來認清楚眼前的事物。

佢瞪大對眼望住我,神情之中好似流露出一絲絲喜悅咁。

屌佢痴線架,抖M?!

定抑或佢其實係gay既?

嗚啊都係快D走算喇!

「阿伯你係咪無事喇?」我害怕的道。「無事我走架喇!」

阿伯完全無心裝載我講的說話,只有非常期待咁望住我講 : 「年青人,你單身左幾耐?」

「……」整個空氣dead得像屎一樣。
2016-12-13 18:49:11
「屌我走喇!」我正準備站起來離去。

「答左我先啦。你單身左幾耐?」阿伯又再問多一次,而且今次仲要幾認真下。

「……」我只好死死地氣回答。「我未拍過拖呀,即係十八年呀得未?」

「呵呵呵,果然我無估錯。」阿伯滿足道。「憑你既手力我就知道你一定未拍過拖!」

「……」

屌,不如俾我一槍打瓜佢算。

「得喇得喇知你勁喇阿伯。」我徐徐拿出手機。「睇你咁既款都應該無乜事架喇,一係我就幫你call白車,唔洗既話我就走啦!」

點知就係呢個時候,阿伯佢突然伸出左手緊緊捉著我的右手手腕。

「年青人,我等左多你好多年喇!」阿伯說。

「嗚呀我唔係gay架唔好爆我菊花!」我用另一隻手護著後庭。

「我做聖誕老人呢份工都做左七十幾年喇,雖然我個心仲好想繼續做落去,之但係身體唔聽洗,睇怕都過唔到今晚架喇。」

「下?阿伯你講咩呀?!」我不解又緊張道。「你唔會死架放心啦,我依家就幫你call白車!」

「唔洗喇唔洗喇。」阿伯平心靜氣咁講。「自己知自己事啦。」

佢繼續講 : 「所以由十年前開始,我每一日都穿洲過省飛越整個地球,希望搵到一個合適既繼承人。」

「然後,終於俾我係臨死前搵到你喇!」阿伯微笑左一下。「太好喇,全世界既小朋友以後都繼續可以有聖誕老人送禮物俾佢地!」

「阿伯……對唔住啊!!!」我崩潰咁喊左出黎。「一日最衰都係我……如果唔係我踩太快撞親你既話,你依家就唔會痴撚左線……嗚嗚……」

「……」阿伯。「屌,講完一大輪都係晒鳩氣。」

接著阿伯佢放開左我的手腕,然後我就發現剛才佢捏的位置上多了一個金色綠色紅色三線的環腕印記。

「總知點都好啦,係我死左之後呢個印記就會生效,到時候你就會成為聖誕老人,負責代替我將禮物及歡樂帶俾世上所有小朋友。」阿伯再次開聲,但聲音已明顯虛弱了極多。

「喂你做咩事呀阿伯,做咩突然無晒精神!」我著急說。

「睇黎我都差唔多夠鐘喇,呵呵呵!」阿伯笑說。「呀八野婆係上面等緊我架!」

雖然阿伯講既野就唔多可信,不過係此時此刻都唔理得咁多。

「咪住先呀阿伯,點解要揀我喎!」我問。

「因為……」阿伯用僅餘一口氣說。

「我貪你右手夠大力去搬貨。」

「啊仲有。」

「睇你個樣應該都成世單身,所以你平安夜無街出囉,咪有時間去工作。」

「呵呵。」
2016-12-13 18:49:42
一下招牌的聖誕老人笑聲之後,阿伯突然整個人一鬆,失去了知覺。

「……」我。

「阿伯!你乜春都無同我講我點識做呀!!!」

就係呢個時候,我手腕的印記突然釋出強光,把我刺得緊閉著雙眼。

「好暈……」然後我開始感到頭昏腦脹。

接著眼前畫面隨之變黑,我的意識亦停止了運作。

在尖沙咀的海旁上。

「三……」途人們大聲呼叫著。

「二……一……!」

「聖誕快樂!!!」

***

「咇咇咇咇,咇咇咇咇…..」

床頭的鬧鐘在響個不停。

「起身喇,」這是一把甜美的女聲。

「訓多陣先啦……」我回答。

「起身喇起身喇~~~」女聲繼續說。

「嗯……」我把被單直接蓋過頭頂。

「……」她深吸了一口氣然後大叫 : 「起 身 喇!!!」

「嗚啊!」我頓時札醒了起來。

本來我以為這已經夠驚嚇了,誰知當我對焦清楚前方一切之後,才真真正正明白到什麼叫震撼。

「早晨啊。」一名少女正騎在我的被單上微笑說。

「Santa <3」
2016-12-13 18:50:38
page1 lm
2016-12-13 18:52:02
留名支持!
2016-12-13 18:52:34
Lm
2016-12-13 18:56:16
上年有睇
2016-12-13 19:39:51
紫柃巴
2016-12-13 19:49:44
留名

想當年因為巴打嘅IG流星少女先踏入故台
2016-12-13 19:50:43
留名重溫
2016-12-13 23:23:01
2016-12-14 12:44:07
天使故幾時出
2016-12-14 15:24:40
老讀者留名
2016-12-14 15:32:52
留名
2016-12-14 15:39:25
天使故幾時出


我都想知
2016-12-14 16:28:19
睇過留底正皮
2016-12-14 18:41:45
藍月故la
2016-12-14 18:43:31
留名
2016-12-14 18:48:36
留名
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞