《我一個唔留神，撞死左聖誕老人？！》【斬掉重煉版本】

經大型商場穿過地鐵站，我和莉芙徐徐走進了工業區。

在某個街口左轉前行了數分鐘之後，我們來到了一座工廈面前。

甫踏入工廈大堂的電梯，就已經看到旁邊的牆身正貼著明天領養日的宣傳海報。

「新一年新開始，我們將於2016年尾舉辦貓咪大型領養日，希望大家多多支持！」

「貓咪啊~~~！」我望著海報上的貓咪照片，樂得個陶醉道。

「睇黎Santa你真係好中意貓喎。」莉芙在旁笑說。「一陣上到去仲多貓，你仲唔開心到傻左，哈哈！」

「睇怕都會啦！」我自嘲說。「雖然由細到大，d貓都唔係咁中意我。」

「哈哈。」

從9樓步出電梯之後一拐彎，抬起頭來一張大大的banner寫著「貓之家」。

當我正係到欣賞緊個大門佈置的時候，一把年青的男聲突然場地裡面傳出來。
「莉芙，你黎左喇？」

莉芙聽罷望向前方，然後露出了一臉甜美的笑容。

「hello小生，好久無見啦！」

小生？邊撚個小生呀，有無花旦呀？

於是乎我亦隨著聲音的方向望去。

只見一個與我們年紀相若的男生，正緩緩朝著我們走過來。

他擁有一張美男子的臉，眼大大嘴小小，如果唔係聽到佢把聲既話真係以為佢係TB。

當佢走到來我們身邊的時候，我才發現他比我還高少許。

「梗係好耐無見啦，鬼叫你成日唔上黎幫手咩。」小生一副與莉芙熟稔的口吻說道。

「因為聖誕假比較忙，所以黎唔到。」莉芙不好意思的說，然後才向小生介紹我道 : 「係喇，呢個係我朋友San……姬仔，佢今日都會幫手佈置架。」

就在莉芙介紹完我之後，這個小生才第一次把視線放在我身上。

「hello姬仔，我叫小生，生命個生，係呢到既義工呀head。」小生向我擠出笑容說。「莉芙係呢到幫左『我』咁耐手，都無帶過人上黎既，睇黎你地都好好朋友定喇。」

你個塞豆窿，想同我玩親密度？！

未死過呀下！！！

於是乎我不甘示弱道 : 「都算幾好朋友既。反而係我『從來』都無聽過佢有係呢到做義工先真。」

小生聽罷眉頭一皺，看來是確實感受到我的挑戰狀。

「原來係咁。」小生思考了一下。「唔緊要呀，第時叫莉芙多d帶你上黎，咪知道多d『我同莉芙』以前既事囉。」

「你------」我被串得快要啟動toxic mode。

就在此時，莉芙突然加把口進來。

「哎哎哎~~~」莉芙打斷了我和小生的對話。「乜唔係仲有好多野等住我地去做架咩？與其仲係到傾計，不如快d入去開始仲好啦！！！」

我和小生對瞪了一眼，然後各自回答莉芙說。

「嗯好啊。」
「okay。」

小生說罷就別過身走進場地裡，而我和莉芙側從後跟隨著他的步伐。

「你呢個蠟fuxk小生，睇我遲下點炮製你……」我自言自語道。「啊不過話時話……其實我係係到同佢鬥緊乜呢？」

莉芙從旁看著我的反應，徐徐說了一句 : 「Santa。」

「嗯？」我側望著莉芙。

「你呢……」莉芙眨了眨眼，然後「噗嗞」一聲笑了出來。

「真係好『巴格』。」

「……巴格？」

「即係話你笨蛋呀，傻瓜。」

應該係好甜？

所謂的場地是一個空置的工廠單位，環觀四方就只有一大片正方形的石屎空地，還有就是牆邊正擱置著的數十個長形紙箱。

望向前方不遠處那場地的正中心，工作人數們正聚集在一起。

當中一位帶著冷艷的少女正指手劃腳的說著話，看來是在商討場地的佈置。

而我當然就被這個身影吸引了目光。

此時小生邊走向工作人員們邊說 : 「咁多位，我地又有兩位義工黎左幫手喇。」

於是乎眾人聽罷全都回過頭來望著我和莉芙。

而就在此際，阿詩的視線亦與我接上了。

她望了我一眼之後，就把眼光放了在旁邊的莉芙身上。

「你講既朋友原來係姬仔啊？」阿詩非常疑惑的對著莉芙說。「我仲以為係你係學校既朋友添。」

「我係學校都無朋友既。」莉芙輕鬆的語氣與她所說的內容大相逕庭。「咁岩琴日傾計知道姬仔佢好中意貓，所以咪帶佢黎呢到幫下手囉！」

「嗯……」阿詩用一雙帶有戒心的眼眸看著我，彷彿在提防我對莉芙是否有什麼不軌的企圖。

我內心崩潰著 : 法官大人，我清白架！我係對你有企圖咋！！！

「姬仔。」阿詩的聲音把我拉回來。

「係！？」我頓時瞪直了身體。

阿詩望住我，一臉禮貌的笑容說道 : 「唔該晒你黎幫手，今日就麻煩晒喇。」

「喔，舉手之勞姐。」我都唔知點答佢好了。

眼見氣氛有點奇怪的小生，就在這時候向大家說 : 「好啦睇黎都齊人喇！」

「雖然我地人數就唔係好多，但我相信只要大家同心協力既話，今日趕起個場地佈置係無難道既！」

「既然係咁，依家就開波喇！」

眾人聽罷均點頭作回應，然後就徐徐散開開始工作。

於是乎依家仍然企左係中心的，就只剩下我、阿詩、莉芙、小生四個人。

「好啦。」小生打破僵局說。「佈置個邊其他人應該搞得掂，咁我地4個就負責裝嵌擺放貓籠用既十幾張長枱啦。」

說罷小生就用手指向牆邊的紙箱。

「因為D枱都幾重下，」小生望住我奸笑了一下。「所以------」

「我地一於就兩個人一組砌野啦。」

……

What the fuxkkkkkkkk！？

睇過你啲故，流星少女好感人。仲以為你收山，好耐冇出故。

小生

黎緊會加速 始終呢個短故事黎 拖太長唔好睇

「因為D枱都幾重下，」小生望住我奸笑了一下。「所以------」

「我地一於就兩個人一組砌野啦。」

……

What the fuxkkkkkkkk！？

「呢個提議唔錯喎！」莉芙一路講一路望住我，彷彿暗示我「機會黎喇飛雲！」。

……呢個提議邊忽唔錯呀莉芙小姐！！！

我暗自心想 : 呢個小生，果然並非九流等閒之輩。

如果我揀莉芙既話，就會同此行的目的背道而馳，唔能夠進一步拉近與阿詩之間的關係 ; 相反，如果我揀阿詩既話，咁小生就可以獨佔住莉芙，順度贏埋我同佢之間的鬥爭。

無論點揀都好，我都已經輸左。







你就想啦！我先唔會咁易放棄！！！

於是乎我望著小生，一臉輕鬆地回答 : 「兩個人一組？好呀。」

「咁一於就兩姊妹一組，我同你一組啦！」

……

此刻，眼前的三位無不目瞪口呆地望著我，周遭的溫度瞬間跌得比急凍凝冰可口可樂還要低。

莉芙希望替我挽回機會，徐徐開口說道 : 「但係D枱好重架喎，都係一男一女一組好D既！」

小生亦隨即收回他一臉驚訝的表情，故作平靜道 : 「咪就係囉，不如就我同莉芙一組，你同阿詩一組啦。」

阿詩聽罷回應道 : 「okay呀我無問題。」

雖然聽到阿詩講話肯同我一組既時候，我都真係幾開心。

之但係調番轉諗，阿詩之所以會應承，恐怕其實都只想係拉開我同莉芙，話晒佢都仲係對我有戒心，係咪先。

唉。

眼見大局已定，我都無謂再作反抗。

「好啦咁。」我回答說。

小生聽到之後，一臉勝利者的姿態說 : 「Okay！既然係咁事不疑遲，開波喇喂！」

說罷小生就拉著莉芙緩緩離開。

莉芙臨行開的時候望住我笑左一下，並且偷偷地做了一個「奸爸嗲」的口形。

我望著莉芙與小生一邊傾計一邊逐漸遠離的背影，頓時感受到父親嫁女的心情。

「莉芙……嗚嗚……」我忍不住流下男兒淚。

然而就在此時，一股令人毛骨悚然的氣場漸漸從旁邊傳來。

於是乎我心驚膽顫地把頭緩緩轉過去，才赫然發現氣場原來是來自阿詩。

「行啦。」阿詩冷若冰霜地望了我一眼之後，沒等我回應就別過身走去了。

……

唉，睇怕照阿詩依家對我既態度睇黎，我同佢之間既北極冰層都要等到馬國明攞到最佳男主角既時候先有機會融化啦。

撞正有文

係時候用下d能力

將冰山劈開

就係咁，我地四個總算落手落腳工作起來。

我同阿詩商量了一番分工之後，就隨即開始著手拆除紙箱包裝以及裝嵌配件。

就係我砌緊個枱面既時候，阿詩突然從旁叫我。

「姬仔，過黎幫手睇睇啊。」阿詩帶點請求道。

哈哈哈，終於輪到我發威既時候喇！！！

「係！」我立即飛奔來到阿詩身邊。

「唔知點解枱腳之間個個臂架位好似唔岩插咁。」阿詩指著接口位說道。

「睇過。」我說罷就哄前身打算接過臀架。

點知就係因為我哄前左既關係，我與阿詩的距離瞬間拉近至不足半米，一陣陣屬於阿詩髮香的牛奶味隨即撲了在我臉上，使我頓時神志不清。

「!$%!#$%!@#$~!@......」我心跳正在異常地加速。

阿詩別過頭來發現我整個人愣住了，於是乎一臉疑惑地望著我 : 「？」

唔得架！我唔可以再俾阿詩覺得我係一個怪人黎！！！

我一定要係阿詩面前好好表現自己先得！！！

無錯喇，我已經唔係昔日個個淆底獸姬仔喇！！！

暗自鼓舞了自己之後，我深吸了一啖氣，終於稍為平靜下來。

「呼……」我整個人放鬆了少許。「無事，繼續啦。」

伸手接過阿詩手上的臂架檢查後，我感覺它的形狀好像是變形了，看來應該是一個劣品，又或是在搬運時給弄壞了。

「佢可能係變左形，所以先會唔岩位。」我分析道。「不如我地試下拆多箱黎對比下。」

阿詩望著我眨了一眨眼睛，然後點頭同意我的說法。

於是乎我立即拆開了一箱新的長枱給比較，發現情況果然如我所說般。

「真係變左形。」我苦笑道。「既然係咁既話，無計喇，第一張長枱砌唔到要報銷，我地惟有整過第二張啦。」

阿詩聽罷表示認同，但又帶點擔憂說 : 「事關我地呢個團體本來都唔係好夠錢，所以D枱既數量其實我地都只係預到岩岩好，甚至乎係少D架添。」

「如果咁樣再無多一張既話，我怕一陣D貓送黎既時候會唔夠位放。」

阿詩重新拾起變了形的臀架說道 : 「如果用鉗夾佢既話你估可唔可以整番好？」

雖然眼見阿詩咁大期望，我都唔係好想潑佢冷水 ; 之但係呢D鋁其實都真係幾脆下，夾幾鑊就會斷，所以照阿詩既講法去做既話係行唔通的。

我只好故作思考了一番，然後才回應道 : 「嗯……我諗就應該------」

然而就在此際，我赫然回想起一個事實。

「咳咳。」於是乎我清一清喉嚨說道 : 「我想講既就係------」

「我決定左要做聖誕老人啦。」

我隨即舉起右手並且拉起衣袖一看------果然，印記依舊在這。

係喎！我係聖誕老人黎架喎！！！

只要我用魔法整番好個臂架，咁就搞掂晒啦！！！

一諗到呢到，我立即自信滿滿地望著阿詩。

「你個提議唔錯，我諗行得通既！」我笑著說。「一於交俾我做啦！」

阿詩聽到我如斯贊同佢的意見之後，霎時之間都唔知俾咩反應好，於是乎只好腼腆的望著我 : 「不過我地呢到好似無鉗，所以可能要出去問其他單位借------」

「得架喇，我去就得！」我從阿詩手中接過臂架後徐徐步向門口。

臨走前我回頭望向阿詩微笑說 : 「你整住第二張枱等我番黎啦。」

阿詩頓了一下，點頭回答說 : 「嗯，拜託晒你喇。」

於是乎我別過頭來步出了場地的大門，轉進了工廈的後樓梯。

「嗚呀！」我奮興得大叫了出來。「岩先個個情景，十足十從前d士兵臨出去打仗既時候，同老婆餞別既個種feel，好正呀！！！」

天外之音 : 你咪繼續FF囉，咁就開心到鳩叫，抵你一世溝唔到女既。

我 : 挑，你呢個死摺毒就咪鬼出聲啦。

好一會兒漸漸冷靜下來之後，我就重新投入眼前的工作。

「好啦，首先因為我見過無壞既臂架係咩形狀，所以要將佢變番好應該都唔難既。」我自言自語道。「依家惟一有d驚既，就只係第一次用魔法架姐。」

把臂架放在梯級上之後，我深呼吸了一下，然後全神貫注在變了形的位置上。

「呼……」我現在的心情就好像是準備核對六合彩般興奮。「我要變番好佢……我要變番好佢……」

為左令阿詩唔洗再咁擔心，我要變番好佢！！！

此刻我堅信著內心的思念，然後右手大大力「噠」了一下手指。

聲音未畢，右手的印記突然發起強光，一股碧藍色的魔法粉末憑空而生，並且瞬間聚集在臂架之上。

接著臂架就像卡通片裡美少女戰士變身的情節般，被光影扼捏塑造成為一個良好的形狀，然後重新展現在我的眼前。

整個過程不消數秒，臂架就已經變得像新的一樣。

隨著魔法的結束，粉末漸漸隨風消失，而右手的印記亦失去了光芒。

「嘩。」我雙眼瞪大著。「誇張到佢呢。」

「……咳咳！真係啋過我把口。」

拿著經已整好的臂架，我重新走進大會的場地。

「搞掂喇阿詩！」我滿心高興地走到阿詩身邊。

然而接著我才發現，自己竟然一時間脫了口，一副熟稔的口吻喊了阿詩的名字。

今次mola mola！！！我頭先D語氣懶係熟絡咁，阿詩實會覺得我想同佢扮frd啦……

「整得到呀？」阿詩注視著我手中的零件。「咁勁既，你點整架？」

睇黎……上面講既野係我諗多左。

感覺被讚賞的我帶著少許尷尬地回答 : 「無呀，咪就係學你話齋問左隔離單位D人借鉗，然後細細力一下一下咁夾番好佢囉！」

「但你又會整得咁快既？好似幾分鐘咋喎。」阿詩疑問道。

死火，唔記得計番好D時間添！！！

「嗯……」阿詩一臉難以置信地接過我手中的臂架檢查著。「仲要無乜夾過既痕跡喎，咁犀利？」

「啊哈哈哈！快工出細貨麻，呢D咪高質！」我胡亂扯說。

阿詩與我對望了數秒之後，拋開了懷疑說 : 「咁好啦，我地快D整埋D枱佢啦。」

「嗯！」我猛力點頭。

呼，好彩姐。

重新開始工作之後，我地好順利咁就將臂架裝嵌到接口位。跟住我同阿詩夾手夾腳反轉左個枱面，然後每人一邊負責裝好D枱腳。

唔知係咪因為開左個靚頭既關係呢，感覺上其他步驟都變得得心應手起來，於是乎我地好快咁就將餘下的紙箱逐個擊破，最後終於連最後一箱都K.O.埋。

「1……2……3……！」

我和阿詩同步數著拍子，然後一起把長枱重新反轉。

長枱應勢而起，四隻枱腳穩穩地屹立在大地之上。

「yeah~~~終於砌完喇！！！」阿詩雀躍得冷艷的臉上掛了一張甜美的笑容。

我看著眼前紅顏一笑，心裡面本來抑壓著的悸動又再次泛起了漣漪。

「哈哈，辛苦晒！」我渾身不自然地抓著頭。

「你都辛苦晒喇！」阿詩望著我禮貌地說。

由於一路整既過程之中，我都有keep住同阿詩溝通，所以就形成左一種工作上的默契。

再加上佢依家對我講既呢番說話，睇黎阿詩都對我放低左少少戒心。

「既然我地都整好晒囉，不如去睇下其他人洗唔洗幫手？」我問道。

「好啊。」阿詩回應道。

於是乎我地兩個就徐徐走向不遠處莉芙和小生的身邊。

然而當我倆看清楚眼前的景象之後，幾乎同時翻了白眼。

前方的小生，雖然髮尾經已吊著一滴滴的汗珠，但仍然奮力獨戰著還剩下數張的長枱。

相反遙望旁邊的莉芙，她不知從何處找來一條紅帶綁在頭上，而右手則握著一份卷成喇叭狀的報紙，彷如應援團般坐在某張長枱上面對著小生重覆叫喊道 : 「小生，加油、小生，努力！」

……

真係慶幸我唔係同莉芙一組。

哈哈。

咁夜都有文 小生抵死

差啲唔記得左主角做左聖誕老人

差啲唔記得左主角做左聖誕老人

差啲唔記得左主角做左聖誕老人

個身份唔夠存在感

聖誕老人冇責任既話
又真係唔夠突出既

係我地四個 (其實唔計莉芙) 同心合力之下，總算搞掂晒所有裝嵌的程序。

於是乎我地set好長枱擺放的位置之後，終於都輪到安置d貓咪喇！

小生在旁撥了一個電話，談了數句之後就徐徐掛了線。

接著他召集了我們一眾的義工到正中心，然後開口說 : 「我已經打左電話俾貨車公司，佢地依家會係本部開車車d貓咪過黎，咁大概就20分鐘車程啦。」

「所以係呢段時間大家可以落去食番個tea先補充一下體力，因為之後安置d貓咪都會幾辛苦架。」

「總言之，今日真係辛苦晒大家喇！」

小生的演講無論是措詞抑或語氣均顯得大方得體，加上他如此俊俏的外貌還有標準的身高，相信很少女生會對他這種文質彬彬的美男子類型感到討厭吧。

咦，咪住先。

阿詩會唔會對呢個小生有好感架！？

仲有仲有，莉芙呢？莉芙唔會都中意呢個小生架可！？

雖然感覺上兩個人對小生都無乜明顯既反應，之但係女仔呢家野，講唔埋架麻！

天外之音 : 屌，係都要諗咁多。

隨住眾人逐漸散去，又得番我地幾個。

小生瞥了我一眼，然後故作禮貌說 : 「還掂得番我地四個，不如一齊食野？」

你條友仔講到咁唔情願咁，你估我又好想同你食呀！？

誰知在我還未出聲回應之前，莉芙經已插嘴過來。

「好呀好呀！」莉芙垂涎欲滴道。「我想食雞脾薯條啊~~~呵呵呵~~~」

「你呢個莉芙真係呢……」我碎唸罷回應道 : 「好啊，行啦咁。」

阿詩聽罷亦表示同意，於是乎我地一行四人就離開了工廈徐徐走到鄰近的茶記食下午茶。

係一路食緊野既時候，小生一直都係到撩莉芙講野。

「你同『以前』一樣仲係咁大食喎。」小生說罷望了我一眼，看來是要給說話我聽。

我順水推舟向著莉芙說話反擊道 : 「乜頭先『中午』個餐仲食你唔飽咩？」

「唔飽！」莉芙在撕咬雞脾的空檔之中回答說。

小生聽完之後額前冒了一滴冷汗，而臉上一副複雜的表情則出賣了他內心種種的不甘。

眼見形勢大好，我立即坐直身體擺出攻擊態勢準備乘勝追擊 : 「我------」

誰知就在此際，阿詩突然開口打斷了我們的對話。

「一陣間個流程大概係點樣架？」阿詩用她那雙冰晶般的黑色瞳孔望著小生。

於是乎小生隨即回復了平時的狀態解答道 : 「哦，一陣間首先會咁咁咁咁……」

眼見大勢已去，我只好把快要脫出口的說話「咕嚕」一聲吞回去。

「嗯……」我心想不解地想著。「硬係覺得阿詩呢下插嘴係別有用心咁。」

「不過究竟個目的係咩呢？」

「唉算啦，可能係我諗多左姐。」

填飽個肚之後，小生收到電話話D貓咪已經送到過黎，於是乎我地就埋左單然後番到去工廈的停車場幫手搬貓。

由於D貓籠全部都已經用布裹覆好，所以我地好簡單快脆咁就將佢地搬晒番場地裡面。

「嘩，攰死人喇！！！」莉芙搬完野之後乏力地坐在地上叫喊。

「你好似淨係幫手搬左一兩轉咋喎莉芙小姐。」我挖苦道。

「咩喎，咁我細力呀麻！」莉芙鼓起腮子。

「食咁多野但又咁細力，真係難養難養啊~~~」我故作尖酸刻薄說。

莉芙用一把甜美的聲音回答我說 : 「車，乜你想養我咩？」

此刻的莉芙把頭別向了一邊，那雙碧藍色的眼睛則圓滾滾地眨了一眨，甚是可愛。

把整個畫面收在眼簾的我，心跳也瞬間加速了起來。

不知道莉芙是否也發現到自己的說話帶著點曖昧的成分，因此她先頓了一下，然後臉蛋隨即泛起紅霞。

莉芙失措得視線都不知可以放到哪去了 :「好熱呀流晒汗喇……我都係去個洗手間先！」

說罷莉芙就站了起來一枝箭跑左出去。

「呼……」我望著空空如也的大門口。

「冷靜d……最緊要冷靜d…..」

半晌，所有工作人員都番到黎了，於是乎我地就開始安置d貓咪，順便安撫下佢地既心情。

首先我地要做既就係將d裹住貓籠的布拆掉其中一邊，然後按照一早編排好的座位將d籠放係長枱上。

甫眾人打開裹布的一剎那，一隻隻可愛趣緻的貓咪隨即展現在我眼前。

豹紋、純色、三色、胡麻……嗚呀！！！全部都好cute呀！！！

我把手中的貓籠放到長枱後徐徐把裹布拆開，接著一隻黑白乳牛色既可愛大貓咪就出現了。

佢瑟縮在一角一臉驚恐咁東張西望，黑色的瞳孔大得快要佔據晒佢啡色的眼白 ; 而佢的鼻孔則不停在擴張嗅著周遭的氣味，看來是警戒著陌生的環境。

「唔洗驚喎乳牛~~~」我胡亂替牠作了個名字。

乳牛聽到我的聲音之後先是愣住了，接著就緩緩把視線與我對接上。

「hello~~~」我溫柔地說。

此刻，乳牛的眼神瞬間由「驚怕」變成了「死魚眼」。

牠不屑地望了我一眼以後，直接把身體180度轉過去望著籠子背部的裹布。

於是乎現在在我眼前的，就只有一大團軟茸茸的毛球。

……

「喂，你做咩啊~~~」我忍氣吞聲道。「係咪好驚驚所以先拎轉面呢~~~」

「乖------」

此刻，乳牛再次別過頭來與我對望著。

我們彼此注視著對方，空氣亦彷似凝結了一樣。

突然間，乳牛不屑地訕笑了一下。

「喵。(哼)」

……

「吭！」我抓狂道著。「你隻死肥貓！！！」

可能係我太專心同隻貓玩(?)既關係，所以竟然無留意到阿詩和莉芙原來一直都係我身邊整緊其他貓籠，而且仲望到晒剛才我與乳牛對峙的整個過程。

「Santa你都真係幾唔受貓歡迎架喎！」莉芙一找到機會就反過來挖苦我道。「啊，應該係話『被看眨』先岩，哈哈！」

「我……」俾莉芙咁樣潤一潤，我一時間實在是答不上話來。

就係我別扭之際，阿詩突然甜美地笑了出來。

「同貓傾計唔係咁樣架。」阿詩說起話來的時候那漂亮的笑容美得足以傾國傾城。

於是乎我瞬間被迷得三魂掉了七魄，甚至連開口回答阿詩這個動作也給忘掉了。

阿詩看見我沒有作出任何反應，就徐徐走到來我身邊。

「拿，教你啦。」阿詩說罷望向籠子裡背向著我們的乳牛。「首先你要做既，就係整D特別D既聲音出黎吸引佢地注意。」

「囁囁------」阿詩微微蹲低。

乳牛聽到呢D聲之後先動了一下雙耳，接著就轉了頭過來。

「係得喎！」我鼓舞道。

「跟住個步先係重點！」阿詩溫柔道。「我地要做既，就係同佢雙眼對望住，然後好慢好慢咁眨眼。」

說罷阿詩就開始付諸實行起來。

「之所以咁做既原因，其實係想俾一個安全感D貓咪，令佢地知道我地對佢係無惡意既。」阿詩解釋道。

半晌，乳牛突然做出了一個舉動------

佢竟然以同樣的方式向阿詩緩慢地眨眼！

「欵？！！」我驚訝道。

阿詩微笑說 : 「咁樣就代表佢已經接受左我既好意，之後就可以伸隻手俾佢聞下你陣味，然後就可以摸佢架喇！」

於是乎阿詩遞手去乳牛的鼻前，乳牛嗅了嗅以後，就任得阿詩撫摸著牠的頭頂。

「嘩……好犀利……」我衷心佩服道。

「你都得架。」阿詩回頭望著我。「試唔試下？」

「好呀------」我一邊說著一邊緩緩蹲下來。

然而。

就在這個時候，我的腦海中突然閃過一剎那的影像。

縱使畫面非常朦朧，但裹是依稀能看到一隻黑貓和一個女孩。

而且最重要的是。

「點……點解……」我雙目頓時放空了。

雖然只有一瞬間，但腦海裡的女孩和黑貓的身影------

竟然毫無遺和地與阿詩和乳牛重疊了。

「姬仔？」
「Santa？」

兩把交錯的女性聲線，把我重新拉回來現實。

向莉芙和阿詩胡扯了一些藉口解釋自己發呆的原因之後，我就借詞暫時行開去了洗手間一趟。

打開水龍頭，我把冷水撥了在自己的臉上。

「頭先究竟發生咩事……」我冷靜的思考著。「突然間係腦海裡面閃過影像，仲要同現實交疊……？」

「之但係以我印象之中，個段影像我好似係未見過架喎……」

唔係喎咪住先。

縱使畫面非常朦朧，但裹是依稀能看到一隻黑貓和一個女孩。

「個個女仔……」

「我係咪係邊到見過佢？」

沉思了好一會兒，我不但無法記起任何事情，而且還漸漸感到頭痛。

「痛痛痛……」我按壓著自己的髗側。「痴線，仲痛過今朝起身。」

反正再思考落去都係徒然，倒不如暫時拋諸腦後先更好。

於是乎我猛力搖了一下頭，就緩緩走回場地裡。

一入到去，莉芙就率先跑左過黎。

「Santa你無事啊麻，好似成塊面都青左咁既？」莉芙擔心的說。

「傻啦我無事喎！」我充撐說。

「真係無事？」

「係呀。」

「真係真係？」

「係呀！」

就係咁樣互相對答了十幾廿次，莉芙終於都選擇了投降。

「好啦，信住你先啦。」莉芙沒好氣地鼓著腮子。

雖然俾莉芙咁樣追問法係有d煩，之不過……

都幾暖心呀。

企番去自己既崗位之後，我四周遙望了一下，就發現阿詩早已經離開了乳牛的位置，並且走到不遠處的地方處理著其他未安置好的貓咪。

「阿詩咁認真係到做緊野既時候，我無奶油分心架姐。」我鼓舞著自己。「好，繼續努力！」

於是乎安置好一眾貓咪之後，我地呢班工作人員就開始左清理貓籠的工作，就比如話係清理貓砂、換清水、加貓糧等等。

雖然全部都只係一d簡單的動作，不過由於我真係天生「黑貓憎」關係，每次我伸隻手入去唔同的貓籠既時候------

「喵！(收皮啦你！)」接著又係一下貓抓功。

「嘩痛！」

裡面既貓咪都一定會勁大力咁抓我。

***

「今日辛苦晒大家喇！有緣再見！！！」

一班工作人員聚集於正中心，為今日籌備的工作劃下句號。

眾人 : 「byebye！」

「呼，總算完左喇！」莉芙伸了一個大懶腰。

「嗚……總算完左喇……」我撫摸著自己被抓得通紅的右手。

此時小生走了過來找莉芙。

「莉芙，你今晚得唔得閑？」平日說話流暢的小生居然腼腆了起來。「不如……一齊食飯？」

莉芙聽到之後第一個反應，竟然係望左過黎我到，然後展露出一副「點算好」的表情。

我頓時瞪大了雙眼，接著就用眼神瞄了一下阿詩，意思係希望向莉芙傳遞一個信息------「你話你約左家姐食飯咪得囉！」

誰知莉芙見罷，居然對著小生故作溫柔地說 : 「好呀，我得閑呀，一齊食飯啦。」

「真係既？！」小生沒料到會成功，於是乎異常高興地說 : 「好呀，咁我地去食花園餐廳囉，let’s go！」

「嗯！」莉芙微笑的回應道，然後望向阿詩 : 「家姐，咁我同小生去食野喇，你今晚自己搞掂啦。」

阿詩一臉難以置信的樣子回答 : 「下！？哦……好啊。」

係莉芙同小生步出大門之際，小生率先回頭望住我說話。

「喂姬仔，『我同莉芙去食晚飯先喇』，第時有緣再見啦，byebye！」

在小生別回頭望向前方之後，就到莉芙望了過來。

她鼓起了腮子與我對望了半秒，然後「哼」一聲拎番轉面。

就係咁，我眼白白睇住莉芙同小生的背影離我而去。

「……下？！」我猶如一隻被朦在鼓裡的牛般，還未能分析到現在是出了什麼情況。

此時在旁目睹了一切的阿詩亦開了口。

「你俾莉芙嬲左喇。」阿詩笑了出來。

「下！？」我實在是一頭霧水。

「乜你唔知發生咩事咩？」阿詩望了過來。

「er……」我頓了一下。「真係唔知。」

「睇黎原來係我一直都高估左你，哈哈！」阿詩露出了她潔白的牙齒。「你想唔想知發生咩事？」

「你話呢……」我真係R爆晒頭。

「好啦。」阿詩故作考慮了一番然後說 : 「講俾你聽都得，但你都要有番D表示。」

「欵？」我驚訝道。「你想我做d咩？」

阿詩回答說 : 「相信做左成日野，你同我都餓到個肚打晒鼓架啦，你話係咪？」

「嗯啊。」我點了一下頭。「所以？」

「所以？」阿詩奸笑了一下。「所以……」

「你要請我食飯。」