《我一個唔留神，撞死左聖誕老人？！》【斬掉重煉版本】

留意到巴打d文有套既定風格
1個睇落好雷但最有用既兄弟：蛋撻，啊溢，肥仔
2個女主角，然後最愛第2個
妙娜 ＞ 芷翹
紫鈴 ＞ 星瑤
啊詩 ＞ 莉芙
仲要通常第一個係高挑有身材好撚靚既女神
第二個就係細粒活潑可愛好想撩佢玩引佢笑type

留意到巴打d文有套既定風格
1個睇落好雷但最有用既兄弟：蛋撻，啊溢，肥仔
2個女主角，然後最愛第2個
妙娜 ＞ 芷翹
紫鈴 ＞ 星瑤
啊詩 ＞ 莉芙
仲要通常第一個係高挑有身材好撚靚既女神
第二個就係細粒活潑可愛好想撩佢玩引佢笑type

此game已完 收工

留意到巴打d文有套既定風格
1個睇落好雷但最有用既兄弟：蛋撻，啊溢，肥仔
2個女主角，然後最愛第2個
妙娜 ＞ 芷翹
紫鈴 ＞ 星瑤
啊詩 ＞ 莉芙
仲要通常第一個係高挑有身材好撚靚既女神
第二個就係細粒活潑可愛好想撩佢玩引佢笑type

巴打你知道得太多了

留意到巴打d文有套既定風格
1個睇落好雷但最有用既兄弟：蛋撻，啊溢，肥仔
2個女主角，然後最愛第2個
妙娜 ＞ 芷翹
紫鈴 ＞ 星瑤
啊詩 ＞ 莉芙
仲要通常第一個係高挑有身材好撚靚既女神
第二個就係細粒活潑可愛好想撩佢玩引佢笑type

此game已完 收工

SorryBro小弟以後做cdrom唔出黎鳩up唔好停文仲想J莉芙

留意到巴打d文有套既定風格
1個睇落好雷但最有用既兄弟：蛋撻，啊溢，肥仔
2個女主角，然後最愛第2個
妙娜 ＞ 芷翹
紫鈴 ＞ 星瑤
啊詩 ＞ 莉芙
仲要通常第一個係高挑有身材好撚靚既女神
第二個就係細粒活潑可愛好想撩佢玩引佢笑type

此game已完 收工

SorryBro小弟以後做cdrom唔出黎鳩up唔好停文仲想J莉芙

姊妹丼ok?

呢一餐晚飯裡面，我同莉芙暫時拋開左「主人同助手(?)」既身份，變回普通朋友互相交流認識。

我向莉芙分享左好多關於自己既故事，就比如話係朋友、家庭、學校或者工作等等。

係我講野既呢段時間，莉芙全程都用佢個雙碧藍色的眼睛注視著我，專心的程度誇張得仿似是一名粉絲正聆聽著自己的偶像分享一些輝煌往事般，使我不禁有點害羞。

我地維持住呢個「講者」與「聆聽者」的關係，一直傾到食完飯結帳之後來到了附近一個休憩用地的鞦韆。

「講左咁耐，好似都淨係得我講無你講咁既。」我說。

「無咩所謂啦，反正我都無咩故仔可以分享既。」莉芙她伸了一下脷。「況且……我都想聽多D你既往事麻。」

「竟然係咁，哈哈！」我苦笑著。「仲等我以為我呢D毒男故事無人想知架添。」

「咁又唔係咁講既。」莉芙用她圓滾滾的雙眼望著我。「毒男……都有佢值得欣賞既地方既，嘻嘻。」

聽到莉芙呢句說話之後，我頓時憶記了昨晚阿詩係譚仔對我講的說話。

「不過我又係既，其實都唔洗太過懷疑莉芙既眼光啊！」阿詩把頭微微哄前。

「話晒我地家的莉芙大小姐，向來都唔中意同其他人玩得咁親密架麻！但佢對你呢，就噓寒問暖非常之上心喎。」

「所以我諗既然莉芙將得你放係一個咁特別的位置既時候……你都應該係有一d值得欣賞既地方既。」

「係呢莉芙。」我倚靠著鞦韆的柱子望向莉芙。

「嗯？」莉芙緩緩坐在旁邊的鞦韆上與我對望著。

我開門見山道 :「我記得之前無論係你定抑或係阿詩都曾經提及過，其實你平日係無乜朋友既？」

「係啊，不過做咩咁問既。」莉芙眼仔碌碌咁等我繼續講落去。

於是乎我補充道 : 「事關……我有D野唔係好明。」

「舉個例就比如話係阿詩咁呀。由於佢平時俾人感覺冷艷，搞到D真心想結識佢既人都淆晒底卻晒步，所以去到最後剩低既就只有一班市井之徒。」

「佢地個個唔係想沾阿詩的光呢就係想追求佢，全部都心懷不軌。」

誰知就在此際，莉芙突然大聲笑左出黎打斷了我的說話。

「啊哈哈哈~~~」莉芙笑得不亦樂乎 : 「呢層你又講得好岩啊，呀市井之徒！哈哈哈！」

「……欵你唔好窒我住先啦！」我臉紅道。

「okay okay！」莉芙收歛了一下笑聲。

「咳咳。」我收拾心情繼續說 : 「咁所以話，如果有人同我講阿詩平時好少交心朋友呢，我係明既。」

「之但係如果個主角換轉左係你既話呢……我就唔係好明喇。」

「事關你平時成日將笑容掛係嘴邊，照計應該好多人覺得你平易近人，想走黎認識下你先係架麻。」

誰知莉芙聽完我的說話之後，竟然又再度笑起上黎。

「你笑咩？」我不解道。

「無啊。」莉芙微笑著。

「欵？」我疑惑道。

「或者咁講你會明d既。」此刻莉芙轉過頭來凝望著我。「對於我黎講，肯去認識我既人一個就夠。」

「所以……」莉芙莞爾一笑。「頭先個moment都唔錯啊。」

「你……」我頓了一下。「你講緊火星文？」

「……」莉芙鼓起了腮子。

「蠢蛋！」

「欵欵？！」

「蠢蛋蠢蛋！」

「欵欵欵？！」

同大家講定先 因為今晚要去做團年飯 所以會暫停一天 初一晚再補多少少俾大家

好蠢呀

莉芙 你都係專心做聖誕老人 莉芙交俾我得喇

前文提要 :

同莉芙阿詩去貓之家做義工既時候，夢裡面屬於女孩的身影竟然投射左落去阿詩身上。

之後我因為著涼冷親發高燒，幸好有莉芙上左我屋企悉心照顧我，我先可以一日之內退好燒。

不過亦都係因為咁，我發覺自己不知不覺已經對莉芙產生左好感，仲搞到要一腳追兩船添，唉。

講番係我發燒躺臥在床的時間裡面，我不斷咁補完左好多關於個個「夢」的剪影。

於是乎大量的疑問亦隨之而生------

究竟呢個夢對我黎講有咩意思？佢同聖誕老人個件事有無關連？我同夢裡面的女孩有咩關係？佢的身影點解會出現係阿詩身上？

一切一切，就等我黎解開。

出前文提要唔出文

初三了

夜色漸漸昏暗，寒氣肆意地竄進我的衣服裡，使我發冷得在打震。

「哈啾！------」我打了個噴嚏。

「嘩！」莉芙立即一臉著緊地望著我。「Santa你快d番去訓啦！」

難得可以同莉芙有一次談天說地的機會，我當然唔希望就咁白白浪費。

於是乎我帶點害羞地說 : 「但我想傾多陣先……」

誰知莉芙卻態度強硬的打斷了我的說話 : 「唔準呀，一陣你又病過既話點算！我先唔得閑再上黎照顧你，哼！」

「但係……」

「Santa！」

「……okay。」

本來我仲講話想送埋莉芙番屋企先走，但由於莉芙再三堅決咁拒絕我既idea，所以最後我都只好選擇投降。

「咁我番屋企喇。」我頹喪咁講。

「嗯嗯乖~~~」莉芙笑說之後道 : 「呀係喇。」

唔通莉芙想挽留我？！

「嗯？」我滿心歡喜地抬起頭來說。

於是乎莉芙徐徐道 : 「其實琴晚我家姐同你食完譚仔之後番到黎屋企，都有同我細心解釋番成件事既來龍去脈。我諗家姐佢花咁多口水去幫你，應該都已經對你已經放低左戒心！」

「咁所以再加上我家姐依家身邊都無乜男仔埋到佢身的情況黎睇，我相信只要你再努力D而我又再幫你多D既話，你要同家姐拉近關係應該唔係一件難事！」

我聽住莉芙口中的說話，唔知點解總係覺得有種說不出的違和感。

呢種感覺係係邊到黎架呢？唔通係因為我深知自己都中意莉芙，所以當聽到佢一心想撮合我與阿詩的時候，就有呢種難堪的感受？

定抑或係因為……

「喂！」

此刻莉芙把我從沉思中拉出來。

「你諗咩諗到入晒神啊？」莉芙趣緻地笑了一下。「係咪因為聽到我講既野一時間太開心搞到反應唔切呢，哈哈！」

望著眼前這個可人兒平淡地說出這番說話，實在不是味兒。

「嗯……」我腼腆地說 : 「係喇莉芙，其實你點解會幫我追你家姐既？」

「下？」莉芙似乎沒料到我會這樣問，於是愣頓了一下。「er……因為我覺得Santa你係一個好男仔，所以覺得將家姐交托俾你既話你都可以照顧得佢妥妥當當囉！」

「識左我幾日咋喎，咁快就睇清楚我？」我故作玩笑，其實係幾認真咁問。

我之所以會咁講，一黎係因為我心底裡開始浮現出中意莉芙的想法，所以唔想佢幫我追其他女仔 ;

二黎，就係因為我硬係對莉芙對我的態度存在懷疑。

拿你試諗下，正常一個女仔初初認識一個人既時候 (仲要係我呢種毒男) ，正常應該係出現阿詩個種警戒既反應先岩架麻！

但唔知點解，莉芙佢一黎就可以好放心咁同我相處，甚至乎係可以男女共處一室都唔驚我食左佢喎！

雖然你可以話佢係鬼妹仔性格既 (話晒佢都有對藍色眼睛係咪先)，但依家佢直程係當左我熟人咁款！

而且令我最疑惑既係咩？

就係我呢一個平時乜都置身事外，對任何事任何人都唔上心 (除左阿詩同肥佬)的人，居然最後會敗左係莉芙手上。

為左令佢笑番，所以肯去做聖誕老人 ;

為左等佢唔洗訓街，所以係佢離家出走既時候收留左佢 ;

為左佢個句「認識我一D」，所以就盲舂舂咁係街上面找尋佢既身影 ;

為左佢……我竟然開始去改變自己。

究竟係我心目中，莉芙係一個點樣既存在？

而係莉芙既心目中……我又係咪只係Santa咁簡單？

「識左我幾日咋喎，咁快就睇清楚我？」我故作玩笑，其實係幾認真咁問。

「……欵？」莉芙聽到我的問題之後，表現出比剛才更加愣頓的神態。

接著佢立即東歪西扯道 : 「呢……呢d係女人既直覺！」

「真係咁簡單？」我故意朝莉芙哄前身體，用一把懷疑的眼神望住佢。

「梗……梗係啦！」莉芙躲過了我的視線。「唔通你以為我一早識你咩，哈哈……哈哈哈……」

「嗯……」我審閱著莉芙的表情。「我覺得呢個人相當有可疑。」

「可疑你個頭！」莉芙一下子推開了我。「快d同我番去訓呀！」

「玩下姐，哈哈！」我立即打圓場說。

「拿總之打鐵就趁熱！」莉芙沒好氣地說 : 「等你今晚訓番覺好既抖順條氣之後，我地就繼續實行個個『除夕大作戰』啦！」

為左等我有時間可以重新思考自己應該專心咁追邊一個，我諗應該要先令莉芙打消幫我追阿詩既呢個念頭。

於是乎我笑說 : 「其實又唔洗咁急既，呢個計劃hold住先都唔遲呀。」

「除夕唔得咪情人節囉，情人節唔得咪佛誕囉，佛誕唔得------」

然而就係呢個時候，莉芙開口打斷了我的說話。

「唔可以呀！」莉芙焦躁的說。「除夕倒數放煙花咁靚，呢d咁好機會點可以晒左佢！！！」

無估到莉芙會咁大反應既我，即刻慌忙挽救。

「我都係講下笑姐！」我胡說道。

「係就最好啦！」莉芙這才稍為消了點氣。「好啦夜喇，快d番去休息啦你。」

「嗯……」我哄前去望著莉芙的藍眼睛。

「做……做咩？」莉芙的臉蛋正泛著微紅。

「你呢……」我非常肯定的點了下頭。

「果然係相當有可疑。」

「……疑你妹呀，白痴！」

別過莉芙之後，我就徐徐獨自跅步歸去。

甫回到家，莉芙就send左個wtsapp俾我。

莉芙 : 聽日你有無野做？

我 : 夜晚要去番工囉，做咩？

莉芙 : 咁就岩晒喇！聽日呀姨同uncle出街食晚飯，我同家姐都無落腳，一於就趁你放dinner time個陣去你餐廳到搵你食野啦！

我望住呢段訊息，把口擘大到合唔番埋。

唔……唔撚係下話！！！

如果俾肥佬見到然後開起我發生咩事既話，真係唔知由邊到開始答佢好！！！

到時……我諗真係俾肥佬斬開十八碌都唔得掂。

哈哈。

仆街了。

聽日夜晚會有，凌晨都應該會有

聽日夜晚會有，凌晨都應該會有

有伏 點解一定要放煙花之前做呀，係咪要走呀

推

輕輕一推

結局相當可疑 相信會係sad ending

感覺舊登多人睇啲

推

唔知道係咪因為受到莉芙昨日細心照顧的關係，呢一晚我瞓得非常安心，並無好似早前咁樣進入「夢境」。

而亦都係因為咁，我第二朝好早就可以精神飽滿咁起咗身，騰空時間為今晚即將發生的事做定準備。

我講緊啲咩？咪就係講緊今晚莉芙同阿詩黎我番工個間餐廳食飯個陣，會同肥佬黎個完美邂逅囉！

你知啦我無同肥佬講過自己呢幾日發生既事架麻，所以如果我唔係事前向肥佬解釋下既話，我諗真係絕交都有得似！

天外之音：挑，就算真係絕交都抵你啦，鬼叫你當初嫌麻煩於是乎連對住自己兄弟都唔坦白呀！

我：......啊其實我忍左你好耐架喇喎，做咩好似屎毛垃圾都關你事咁架呢？

天外之音：咁我都係講事實姐，吹咩？

我：......屌！

咳咳，言歸正傳。

於是乎係刷完牙洗完臉之後，我就開左電腦用skype打左俾肥佬。

「喂契弟你搵我打機丫？咁耐無見你上水仲以為你死左添！」肥佬仍然彷如一隻小綿羊咁樣，唔知道一個驚為天人的大秘密經已係到等緊佢。

「正想同你傾呢樣野。」我苦笑左一下。「邊打邊講。」

親愛的肥佬，RIP。

***

「嗚呀呀呀！！！」

高亢的震撼聲音從我耳機的另一邊發出，響徹整個宇宙。

「屌你聾喇！」我說道。

「所以你依家即係想同我講------」肥佬試著整理一切 :「你平安夜個晚遇到一個叫莉芙既女仔，佢因為離家出走無家可歸所以你就收留左佢仲做左朋友，點知咁岩得咁橋佢家姐就係阿詩喎，所以去到最尾你就可以食晒呢兩姊妹開後宮下話？！」

係到提番下先，因為我覺得「聖誕老人」個件事始終都係秘密d好，所以我就同肥佬講左個新版本。

哈哈。

「er……基本上正確，但吹到話『後宮』就over左少少。」我腼腆道。

「嗚呀！！！」隔住個mon都聞到肥佬個陣酸過葡萄汽水的味。「點解會係揀你，點解唔係揀我呀！！！我都好想要後宮呀！！！」

「諗多左喇你。」我苦笑說。「我同佢地兩個都只係普通朋友黎架咋。」

「普通朋友？」肥佬大叫。「我呢個毒撚連一個女性朋友都無呀，你仲好講話係普通朋友！！！」

跟住肥佬就開始哽咽上黎 : 「我地姬仔大個喇，有毛有翼識溝女喇，唔睇住自己既兄弟喇，嗚嗚嗚……」

「你係我好兄弟黎架麻，點會扔低你先得架！」我靈機一動說 : 「今晚佢地會去我地餐廳食野，到時我同你一齊去join佢地咪得囉！！！」

「我咁樣咪阻住你地囉，唉……」肥佬頹到乜咁講。

老老實實，雖然我驚咁樣做既話會搞到莉芙同阿詩好尷尬，不過……我總唔能夠唔理肥佬既感受架麻，係咪？

「我諗無問題既。」我安慰道。「我一陣就通知佢地！」

肥佬聽到呢句說話之後，就好似鹹魚番生咁即刻變到生生猛猛。

「真係既？」肥佬頓時充滿力量咁講。「我等左成十八年……係十八年呀！！！終於……終於……終於都俾我等到喇！！！」

「姬仔！！！」肥佬嚎叫說。

「係？！」我嚇左一嚇。

「雖然我都知會麻煩到你架喇，但依家講緊既係識女神喎，呢D千載難逢既機會我真係唔想錯過！」肥佬好似又想喊咁款。「Thanks Bro！」

「有無咁誇張。」俾佢咁搞法我都有d感動 : 「好啦，打多幾場機就番工啦！」

「好！」肥佬回應道。「呀係喇。」

「嗯？」我疑問道。

「你呢……」肥佬一把奸險的聲音。「唔會真係想食晒兩姊妹下話？」

「痴……痴線咩你！」我頓時驚慌失措。

「係人係鬼我一聽就聽得出啦！」肥佬自信道。「我識左你幾多年呀，契弟！」

「er……哈哈……哈哈哈……」我只可以係到乾笑。

「得啦，趁仲有時間。」肥佬用一把「我話一就唔準話二既語氣」講。「由頭講俾哥哥知你地之間發生左d咩事啦！」

「……okay。」事到如今我都只好投降啦。

其實唔一定要選擇 打孖上咪算囉