《我一個唔留神，撞死左聖誕老人？！》【斬掉重煉版本】

3p

阿詩同莉芙真係兩姊妹?

舊版本好似係莉芙係魔法變出黎，但之後消失左

舊版本好似係莉芙係魔法變出黎，但之後消失左

唔會架 再寫過就唔會消失架喇

就係咁我同肥佬一齊打左成個上晝online game之後，終於都黎到番工既時間。

「一陣見啦。」肥佬說罷就下了線。

於是乎我亦都徐徐去左換衫出門口。

就係我行緊番去餐廳的途中，有人send左個wtsapp過黎。

不知名電話號碼 : Santa！！！

「嗯？莉芙？」我自言自語道。「但點解個電話號碼我未見過既？」

我 : 點呢莉芙小姐？

莉芙 : 無啊，提下你記得今晚約左我同家姐姐~~~

我 : 得啦，點會唔記得。

我繼續講 : btw呢個係咩電話號碼黎？點解你唔用番之前個個既？

莉芙 : 呢個係我家姐部電話黎架，我部電話無電，所以咪借佢個部黎搵你囉！！！

我 : 你又會咁犀利記得我電話既 (事關我之前淆底唔敢同阿詩交手換電話號碼，所以照計阿詩部手機應該無我個number先係)。

莉芙既狀態keep住係「在線上」好一會兒，然後先再次變回「輸入中」。

莉芙 : 我同家姐依家行緊街，幾點黎你個到好？

我 : 無咩所謂既，總之你地差唔多黎既時候就wtsapp我啦，我預番時間出黎接更。

「啊。」我頓時醒起今朝同肥佬之間的對話。「都係同莉芙down聲先好D。」

我 : 係喇莉芙，我有個frd同我一齊番工的，因為我廢事扔低佢一個人自己食晚飯，咁所以我地四個一齊食好無？

本來我仲怕莉芙會覺得又尷尬又盛咁，點知到頭黎佢竟然好爽快就應承左。

莉芙 : okay無問題，一陣見啦咁！！！

於是乎我望住電話熒幕係到苦笑道 : 「莉芙果然係與別不同d，完全同婆媽呢兩隻字扯唔上任何關係，哈哈。」

我同莉芙keep住係到傾計，直至我番到黎餐廳開工先肯中場休息。

時間好快就過去左，轉眼就黎到晚市。

「嘩，攰死人咩！」肥佬趁住轉市的空檔係到叫苦。「個死人MK經理今日又唔番，我屌佢啦！」

「咪就係！」我伸一伸懶腰。

此時肥佬帶著疑惑的眼神望住我 : 「嗯……」

「搞咩？」我不解咁望住肥佬。

「點解你個樣仲可以咁精神既？」肥佬突然轉換了一個強硬的語氣審問道 : 「講！係咪因為一陣間會有兩個女神黎搵你，所以你就興奮到好似食左幾打偉哥咁款！」

「傻既！」我慌忙說道 : 「好明顯係因為我琴晚訓得好所以今日先咁有體力啦！」

我繼續反駁道 : 「反而係你似琴晚食左幾打偉哥就真！所以搞到依家成身無晒力！」

「挑！」肥佬說。「我琴晚打副本打夜左之麻！」

打打鬧鬧多左一陣之後，我地就重新投入了工作。

不過唔知道係咪因為我腦海裡面不斷係到幻想緊一陣間莉芙同阿詩黎既時候的情景呢，所以越係入夜，我就越唔能夠專心做野。

於是乎我回想起了肥佬剛才挖苦我的說話。

「真係知我者肥佬也。」我自嘲道。

隨住忙碌的晚市逐漸人多，我同肥佬一直係餐廳裡面頻頻撲撲，最後仲搞到完全無左個回事。

等到人潮稍為消散後我回過神來一看，才發現完來經已九點幾將近十點。

「欵？！」我非常驚訝咁大叫左出黎。「咁晏架喇？」

在旁的肥佬頓時恍然大悟 : 「係喎！咁你仲唔快d攞部手機出黎wtsapp下佢地！」

我立即打開手機按進wtsapp，卻未見任何未讀的信息。

正當我滿腦子都係到諗緊莉芙同阿詩係咪發生左d咩意外的時候，一下猛力的重擊突然從後而至拍在我的背上。

「啪！」

「痛！！！」我即刻用手遮住個背脊然後轉過頭來。

肥佬聽到巨響之後，亦都拎轉左身一齊望。

「Surprise！」莉芙笑說。「係咪搵緊我地兩個呢？」

眼前的她正身穿著一件黃色B-Duck有帽衛衣、一條黑色中裙同埋一條leggings ; 胸前個隻大大的鴨仔圖案配上她bob型及肩的棕髮、渾圓白滑的臉蛋和碧藍明亮的眼眸，更倍添一種可愛動人的感覺。

徐徐望向莉芙的身後，就見到阿詩正站在旁。

她今日著了件白色津領冷衫，外面配上一條牛仔工人褲，再加上頭上那束黑色秀麗的馬尾，使她比起平時冷靘的打扮更加來得親切和有新鮮感。

望住眼前兩位美少女，我的心跳速率簡直係以幾何級數遞增，快到就黎要心臟病咁濟。

你問我企係隔離既肥佬依家點？

er……咪成碌木咁幢左係到唔識郁囉。

不過咁由唔怪得佢既，話晒今日莉芙同阿詩既裝扮都實在太令人噗通噗通喇。

好不容易定了驚(喜?)，我才徐徐窒口道 : 「你地兩個……岩岩去左邊？仲等我以為你地發生左d咩事添，咁耐都唔見人。」

莉芙微笑著回答 : 「我地岩先其實黎過架，不過係玻璃窗出面望入黎見到你地係到做到忙晒腳無停手咁，咪諗住等你地輕鬆d既時候先入黎搵你地囉！」

我聽罷心動了一下 : 「咁即係話你地頭先一直係出面等我……地？」

「嗯啊。」莉芙一副溫柔的臉點了點頭。

嗚呀！！！依家係香港好似佢地呢d咁好既女仔仲可以邊到搵呀！！！你唔講我仲以為絕晒種架喇！！！

此時企遠d既阿詩開口說 : 「你地依家方唔方便食野？定係要再晏少少？」

正當我打算開口回應既時候，肥佬竟然搶先回答。

「得，梗係得啦！」肥佬開心到乜咁。

要我形容佢依家個樣既話……就係呀BOB四萬咁口個陣既樣。

不過，肥佬係梳all back頭既呀BOB咁解。

肥佬迅速去攞左個menu番黎繼續講 : 「你地想食D咩？你地去四人枱個到坐陣睇下先啦，睇完同我地講，我地入廚房親手煮俾你地！」

「咁好服侍？！」莉芙滿意咁笑左出黎。「好呀，不過四人枱就未必夠位喇。」

「下？！」我不解道。「乜唔係得我地四個咋咩？」

莉芙望住我苦笑了一下 : 「本來就係既，不過我地岩先去行街個陣撞到------」

「喂。」

一把熟悉的男聲從遠方而至。

我聽到呢把聲，真係當堂講左下粗口。

屌佢老母。

「點解……」我咬牙切齒喃喃自語。「點解佢會係到架！！！」

小生著住一身潮流的韓仔打扮徐徐走到我們面前。

「Hello everybody。」小生環顧了在場人士一眼之後焦點落在我身上。「我地又見面喇。」

……

屌。

今晚仲有 補番早兩晚

正

莉芙正好多

留名

餐廳裡的某張四人枱上，正瀰漫著一股濃烈的火藥味。

阿詩同我正坐在同一陣線，面對住前方的莉芙和小生。

下？你問我肥佬係邊？

「er……」被逼係其他枱搬多左張凳過黎坐主席位的肥佬率先打破僵局。「咁多位係咪都諗好食咩？」

「A餐。」我狠狠咁啤左小生一野。「我通常都做開人地既A餐的。」

「下？！」莉芙阿詩及肥佬。

「係廚房幫手個陣。」我補充。

「哦~~~。」莉芙阿詩及肥佬。

「咁我要B餐。」小生坐正我對面啤番實我。「我通常都好重視人地既B餐。」

「下？！」莉芙阿詩及肥佬。

「係睇menu個陣。」小生補充。

「哦~~~。」莉芙阿詩及肥佬。

「咁我同家姐都要個C餐呀！」莉芙笑說。「我地兩個都唔中意同人地爭既。」

「下？！」我小生及肥佬。

「係揀客飯個陣。」莉芙補充。

「哦~~~。」我小生及肥佬。

揀好左野食之後，肥佬就打左個暗號俾我示意我繼續留係戰場上面作戰，唔洗入去廚房幫手。

「好兄弟！」我打番個熱淚盈眶既眼色俾肥佬。

「心照！」肥佬拍拍心口再開聲說 : 「咁大家等我一陣呀下，你地吹陣水先。」

說罷佢就別過頭離去了。

「Santa你個朋友都感覺都幾friendly喎！」莉芙對我說。

「係呀，佢咪係我『之前』係wtsapp同你講個個死黨肥佬。」我故意俾說話小生聽。

「喔喔我記得呀！」莉芙回應道。

小生見到自己呢鋪蝕左一章，頓時面露難色有點深深不忿。

本來我正打算乘勝追擊，然而係呢個時候，身旁的阿詩又再次出手阻止。

阿詩堵截我的發言道 : 「係喎姬仔，上次我咪拜託你幫我入數既，都未還番錢俾你添。」

「下？」我每一隻字都識，但加埋就完全唔明。

「還掂依家又未上菜，不如你同我出去ATM我過番數俾你啊，反正個好近姐出去轉個彎就係。」阿詩說。

「但我好似無咩印象------」我正要說下去，又被阿詩打斷了。

「行啦！」阿詩一下子情急起來捉住左我的右手臂扯我起身。

「欵？哦好……」我邊說邊朝向莉芙。

只見莉芙與我對望著，做出了一個「加油呀機會黎喇飛雲！」的表情。

……哈哈。

就係咁，我眼白白望住小生擺出一副勝利者的姿態繼續同莉芙傾計，自己則與阿詩徐徐踏出了餐廳。

點解條友又係度架

屌燒鳩呀詩春袋啦仆佢個臭化閪

臭既 推自己個妹走

臭既 推自己個妹走

臭閪

文呢

我被阿詩一直扯住右手衣袖黎到餐廳後面的一個休憩花園。

「行到黎呢到就應該唔會懷疑啦。」阿詩這才徐徐放開了手。

「其實點解我地要無啦啦走出黎既？」我苦笑道。

「點解？」阿詩聽罷沒好氣道。「咁就要問下你自己做左D咩喇！」

「下？」我佯裝無知道。

當然我心底裡梗知道阿詩係為左阻止我繼續串小生所以先拉我走啦！

但講到佢接二連三咁做既目的喇喎……就真係不得而知喇。

「都唔知話你係單純好呀定抑或戇居好喇！」阿詩雙手叉住條腰微微哄前身體咁講。

由於佢呢個動作配搭上佢今日靚靚既裝扮實在係太犯規既關係，瞬間令我情不自禁臉紅起上黎。

阿詩徐徐補充道 : 「其實上次貓義工食tea既時候我都已經feel到你對小生有敵意架喇，所以我個陣都有出到手阻止你繼續追擊小生。」

「不過咁，話晒雙方係情敵，有火藥味就梗既，所以你地私底下解決呢我都無意見同埋無權阻止。」

「嗯嗯……」我贊同地點了一下頭之後隨即驚訝地望著阿詩 : 「欵？！咪……咪住先……」

「之但係依家個問題係！」阿詩一野打斷左我既說話。「老實唔怕同你講，其實小生佢由一開始識莉芙既時候就已經起晒力咁追佢架喇，而且……仲表白過好多次添！」

「竟然？！」我依舊一貫的驚訝樣子。

「係啊。」阿詩理性的點點頭。「好可惜我地家莉芙小姐唔領情呀，每一次都超直白咁同小生講到明佢地之間只可能係朋友，『完全完全』無可能做到情人。」

「咁所以講番去我點解要阻止你喇喎！！！」阿詩突然用手指督住我個鼻。

「欵？！」我變左做鬥雞眼。

阿詩說 : 「第一 : 小生佢話晒都係我朋友，佢追左咁耐都追唔到莉芙，其實心裡面既自信都已經所無幾淨架喇，你就咪再係莉芙面前一唱一和咁踩多佢幾錢重啦！！！你估佢真係傻架咩，feel唔到莉芙對你有意思架咩！！！」

我聽到阿詩講最後個句說話既時候雙眼瞪大得彷似要掉出來 : 「咩……咩話？莉芙佢------」

「聽埋先！」阿詩又打斷左我既說話。「第二樣係為左你好既！！！」

於是乎我閉上了嘴等待阿詩的解答。

「第二 : 我地莉芙小姐其實就好睇重朋友既，人地對佢好呢，佢就會對番人好好好，就好似今日行街撞到小生，其實都係莉芙問佢一唔一齊食晚飯。」

「咁所以萬一你成日係莉芙面前針到小生粒聲都唔出既話，都會搞到莉芙好尷尬架。」

「話唔定……」阿詩奸笑了一下。「可能仲會因為咁樣而心裡面扣你分添。」

我聽畢之後，呆若木雞咁站了在原地，完全俾唔到任何反應。

究竟莉芙係咪真係對我有意思呢？佢唔係只不過因為「聖誕老人與助手」呢個關係所以先對我異於其他人咋咩？

之但係頭先個句說話係由阿詩呢個家姐講出黎架喎！佢地相處多咁耐，對對方的直覺咁準，應該都唔假得去邊啦！

不過阿詩佢又唔知道我同莉芙之間既關係，所以佢get錯左其實都唔出奇架喎……

就係我陷入沉思之際，阿詩把我拉回來現實。

「總而言之就下次小心D喇~~~」阿詩拍了拍我的右肩 : 「俾心機！」

我抓著頭腼腆地說 :「哈……哈哈……」

聽阿詩依家咁講法，即係想幫我追莉芙啦……

家姐幫我追細妹，細妹又幫我追番家姐。

呢個係咩玩法？

我睇唔透，呵呵。

加速

唔多覺主角係聖誕老人

加速

最後會唔會同時間俾兩姊妹憎

最後會唔會同時間俾兩姊妹憎

玩弄感情，2個都飛撚咗你

屌你唔用魔法既

lm