同莉芙係觀塘百無聊賴繞左個圈之後,我都差不多夠鐘番工。
於是乎當我地黎到某個紅綠燈下的時候,我就開口對莉芙說道 : 「莉芙,我差唔多夠鐘番工,依家要走喇。」
只見莉芙鼓起腮子裝作不滿道 : 「欵!!!咁快要走,行多陣先啦!」
「唔得啊,再行就遲到架喇,到時又俾個MK經理抽秤!」我說。
莉芙帶點幼稚的回答說 : 「咁我依家做咩好喎……嗚……」
我笑了一笑 : 「你咪番歸搵下野做囉!做下功課,睇下TVB囉!」
「我先唔想番屋企……」莉芙喃喃自語道。
「唔想番去?!」今次我終於勉強聽到佢講咩。「點解既?」
「嗯?!」莉芙先是驚訝了一下,然後欲言又止的說。「咁係因為……」
「屋企發生左D事?」我一邊誘導莉芙一邊鼓勵佢道 : 「同我講下發生咩事,睇下我開唔開解到你?」
誰知莉芙聽到我講既說話之後,卻一臉懷疑地望住我講 : 「Santa乜你當初唔係話咩都唔想理,直程連聖誕老人都唔想做架咩?做咩依家又咁熱心既?」
「下?!」我被突如其來的問題弄得個啞口無言。「欵……無啊,見大家係朋友咪關心下囉!」
「朋友?」莉芙奸笑了一下,決定打蛇隨棍上。「但你好似除左我個名之外,就對我一無所知架喇喎!」
「邊係呢!」我反駁道。「我知道你住觀塘啦,知道你係聖誕老人既助手啦,仲知道你……er……」
係呢個時候我先發現,原來我對莉芙都真係幾一無所知。