一路上我讓少女坐了在單車上休息,而我就從旁扶著車子前行。
由於少女的右手傷了,因此我就走了在她的右邊,好讓她能夠借我力稍為依靠著我前行。
看起來……就像男朋友教女朋友學踩單車一樣。
「係呢。」我邊推著單車邊說。「你頭先……點解會係個到既?」
「因為……」少女低著頭。「我突然想去回味一下囉。」
「回味?」我側望著她。
「嗯。」少女淡淡然道。
「回味。」
沉默了半晌,少女再次開聲。
「你記唔記得我頭先講過,話我認錯左你做第二個人?」少女問道。
我點了一下頭回應。
「我想去回味的……」少女說。「其實就係我同個個人一齊經歷過的回憶。」
「我同佢之間發生過好多事,有喊既,有笑既,有開心既,有感動既,有酸尾尾呷醋既。」
「仲有……」少女看著我。「令我無以為報的。」
聽到這裡,我才醒起了少女剛才叫我的名字。
「佢個名一定就係叫Santa呢。」我笑了一笑。「係咪?」
少女瞪了一下眼,接著輕輕點頭 : 「嗯。」
於是乎我繼續說 : 「就咁聽落, Santa佢都應該幾中意你喎。」
「而且……」我微微一笑。「我諗Santa有你係佢身邊,佢都應該感到幾幸福。」
「你又知?」少女聽罷凝望著我,眼神裡流露出閃爍的水珠。
「嗯……咁或者係因為我唔多唔少……」我思考了一下。「都已經體驗到Santa佢的諗法掛。」
「雖然我都仲未係知道得太清楚,不過我相信既係終有一日……」我上揚起了嘴角。 「我一定會了解到Santa,同埋了解到------妳。」
「咁如果……你最後真係唔得呢?」此刻少女的眼眶早已變得通紅。
「咁樣啊……」我笑得很燦爛。「咪靠你去講番俾我聽囉,你話好無呀。」
少女終於破泣為笑,展露出最美麗的笑容。
「你真係好傻啊!」她的眼眸裡藏起了濃濃蜜意。「傻瓜,白痴!」
「真係好耐無聽過咁既叫法喇,哈哈!」我的眼亦逐漸濕潤了起來。「你仲未答我喎,好定唔好?」
「嗯……」少女故作思考了一下,其實心裡一早就有了答案。「好呀。」
就在這個時候,一把不知道是哪裡傳來的老練男人聲音突然響徹在天邊。
「Merry Christmas~~~!」
我和少女聽罷不禁一起失笑了出來。
「聖誕快樂呀。」我凝視著眼前的少女說道。
「嗯。」她輕點了一下頭,胸前的紅毛茸球則伴隨著她的動作輕輕搖擺。
莉芙望著我,莞爾一笑。
「聖誕快樂啊,Santa。」
……
「係喎Santa,咁阿萍今晚咪無罐罐食囉?」
「唔怕啦,睇完醫生之後都應該朝早架喇,到時候去買俾佢咪得囉!」
「嗯!」
「咁……你想唔想上黎睇下佢?」
「……好啊 <3」
全文完