有冇人係amazon買dell aw3225qf被取消訂單
開頭第一次取消訂單 email寫信用卡無法付款 叫我試吓更改付款方法 咁我換咗第二張hsbc嘅信用卡 都有同樣取消訂單嘅問題 之後我就問hsbc客服咩事取消兩次 打過上去滙豐度問佢就話唔關佢哋事 佢哋冇限制過任何嘅嘢 而且唔見amazon有扣過任何match mon價錢嘅交易
再問Amazon個邊 佢地客服嘅回應係因為我係一個全新嘅活躍客戶 所以系統會因為高金額而自動取消訂單 整個過程係自動化 連客服都解決唔到依個問題
咁佢嘅建議係我試吓購買啲小金額嘅物品 我就購買咗一隻幾舊水既臂架 成功扣到錢而且發埋貨 之後我第三次嘗試再購買隻mon 第三次都係被取消交易!!!再問客服到底咩事又取消我 佢哋都系話成個取消機制係系統自動化 佢地都冇辦法解決 然後喺度講抱歉
成個系統係智障嘅 即係如果系一個全新嘅客戶 我一定要購買十幾20次嘢成為一個活躍嘅買家先至可以購買一隻6000蚊唔算太貴嘅mon 取消三次浪費咗我成個禮拜嘅時間
有冇師兄師姐都遇到同樣俾人取消訂單嘅問題
到底系佢哋唔想人買到隻mon 定係真係佢個系統智障成咁