貓糧資料庫（20）

怪獸部落乾糧好香，好似肉鬆咁既味，唔似普通咁腥臭。
但係會變左等食乾糧唔係好肯食罐頭，之後我就轉左第二款。

是唔是即係怪獸凍乾糧呀
我都有餵 佢都好肯食

但係想知有無邊隻傳統既香口乾糧
開頭食hill佢都食得幾開心
但啲巴絲話hill好垃圾

98%鮮肉糧呀
凍乾巧貴

1同2可以溝埋一齊食
1係凍乾肉粒
2係乾糧

3款都啱

2個月已可食生肉糧
其實主要睇你想餵邊種糧
可以俾貓試下食唔食先再決定

k9
instinct

貓罐wellness core同signature有咩分別? 比幼貓食

隻貓呢排係咁R自己條頸同隻眼，依家要笠頸圈
睇咗醫生話食物敏感，俾咗藥，但長遠要自己試下轉低敏糧
想問下有無邊隻罐頭同乾糧推介 Thanks

想請問下世界風/奶昔邊隻味適口性好啲？for主食係咪都夠營養？
依家貓貓食緊冰島mousse
但驚脂肪唔夠
所以都想試下其他差唔多texture既罐罐

佢地都係屬於主食罐呀
世界風我自己長期都入三文魚同鮪魚 因為魚罐最香口
老貓唔鍾意食另外個三款所以就冇繼續買

我第一次買個陣有偷食過燉牛肉（紫色罐）個款
真係同平時自己煮未落調味嘅燉牛肉差唔多味

不過魚罐就唔會餐餐都畀佢地 可能一星期依兩款會每樣餵一罐 廢事佢地食得太重口唔食其他嘢

奶昔嘅話六隻味我兩隻貓反應都差唔多
但新味道有一款係有貓薄荷 隻老貓食得比較起勁

唔該ching好詳細
我見香港代理要$450先免運費
可能上HKTVmall買幾罐試下先

其實台罐好似比較淡味 仲要偏貴
但係外國罐好多都係肉泥肉絲 好難清碟
德罐適口性好啲 200g又太大罐
有時貓貓呢餐鍾意 下餐又走去埋
揀罐仲難過乾糧繼續努力中

唐貓大概1歲兩個月 本身食緊RC幼貓 之後買咗包 fit 32 但聽太多人都話RC唔好 睇咗excel見好似好多乾糧比例都係唔好嘅 想請教有無邊款性價比較高推介 (睇咗go solution/alleva)，主子比較鍾意食魚類，不過早排買咗D涷乾零食三文魚比佢佢唔食

性價比最高一定係濕糧（罐頭 / 生肉 / 凍乾加水），節省好多醫藥費。
可以食濕糧既時候都食濕糧，唔方便既時候先食乾糧。

乾糧優先揀高動物蛋白，鮮肉>乾肉>肉粉>肉類副產品，少碳水化合物。
碳水化合物多數冇show出黎，自己用100%減蛋白質/脂肪/灰分/纖維/水分，就大概得到個數。
例如ziwipeak / Instinct / wellness core / wysong / thrive / 怪獸部落 etc...
其他牌子你都可以自己睇成分表。

最近先養返貓，原來罐罐可以食咁密 姐係日日食都okay？睇嚟啲知識out哂

因爲貓主要係靠食物本身黎吸取水分，好少真係走去搵清水lam。你喂乾糧係會見到佢飲水，但係好多貓係去到脫水先走去飲，純粹for維生，好難飲到健康既水量，仲好容易呃到主人覺得“佢自己有飲水，唔擔心"。
罐頭只係一種保存方式，好多罐頭都冇額外落調味料，健康與否係睇成分。
成貓最好每日食3罐主食罐(85G一罐，80%水分的話)，咁全日唔額外飲水都可以夠水分，2罐都可以接受。如果水分比例太高就可能唔夠飽要額外再食多罐/其他食物。
一直喂乾糧好容易有尿道/腎問題，連帶影響埋身體内分泌都可能引起其他地方有病。
如果d尿既顔色好黃就代表唔夠水分，健康既尿只係微微黃。用人類既方式去理解就得。屎都係一條條表面光滑為之健康，唔好覺得貓屎一粒粒係正常，咁係代表唔夠纖維同水份。

Thanks! 原來同凍乾唔同
check返先知98%鮮肉糧原來是熟肉 唔怪得平一截

btw 聽講orijen乾糧都香口 師兄點睇

我覺得orijen太油太濃味，製作過程（應該）比98%鮮肉糧高溫，同埋碳水化合物比較高2x%，不過價錢平好多。ziwipeak都幾好，不過價錢更貴。
平時食罐頭多，乾糧買貴d都唔係好傷荷包姐。

thanks師兄
突然發現同凍乾比 ziwi就唔算貴

同ziwi比冇咩算貴

想問下題外話
你地有無用過吸毛機
Work 唔work

即係aeramax個d空氣清新機？
有用，過一個禮拜你會見到好多毛係個filter度。
但係要放係佢哋慣常行走既位置，擺埋一二角就冇乜用啦，睇你屋企有冇呢個空間擺。
另外如果隻貓跳上去部機好易反。

係喎 無諗過佢會跳上去

挨住牆就ok既，如果挨住其他本身佢可以跳上去既嘢（矮櫃/梳化之類），佢就可能用黎借力就會反。本身部機個shape佢應該唔會有興趣專登跳上去停留係上面。

想問7週已戒奶幼貓
上手飼主話佢會食RC幼貓乾糧 所以當時買左一袋食左3日
但岩岩爬文先知原來無益 打算轉wellness or instinct
如果宜家轉糧建唔建議溝糧先定係都可以一刀切換
怕對腸胃有影響