貓糧資料庫（20）

隻貓有時會嘔糧 係咩問題 食得太急定消化問題？ 有冇乾糧推薦

食完無耐即嘔？

我隻貓就係，特別係濕糧食得勁快，之後睇reddit講用啲高身啲嘅碗就無咁易嘔，之後轉咗呢款成個月都無再嘔，好神奇

睇官方介紹佢設計都係for易嘔嘅貓

https://www.necoichi.co.jp/Products/detail/id=7720

係 食完無耐就嘔 但又唔係經常 一時時咁咯
食濕糧又無野
高身碗咩原理？

好似話太矮食道灣就易卡住所以嘔，一係啲人教搵嘢墊高佢調節高度

1. 上手食開咩就繼續俾咩先，遲下適應咗環境/成貓再慢慢轉。
2. 所有凍乾生肉基本上都好過乾糧，因爲凍乾製作相對麻煩，生肉處理標準又比較高，材料成本都高，所以一定貴過普通乾糧好多。
3. Excel表A++嗰啲都ok，一般人食Ziwipeak, Wellness Core, Instinct, Orijen (小心最近有假貨), 怪獸部落, Wysong呢d都ok。
4. 幼貓一般就早晚半個罐頭，其他時候放長糧。放長糧都唔好放太大量，始終擺出黎就會開始受潮唔香唔好食，擺太耐都係要倒咗佢換一批。卡路里都唔洗計太多，基本上食到幾多就幾多，因爲大部分幼貓食極都太瘦，可以食到佢身形真係覺得肥先控制。成貓之後就每日3-4餐，你要返工午餐俾唔到罐頭的話就早晚各一個罐頭，其他時候用喂食機定時定量俾少許乾糧。
5. 磅重冇乜必要。

低敏就鴨/兔/鹿之類。
少油就有Optima Nova之類修身配方，修身既選擇就少好多。
Open farm油脂又冇話好高，算正常水平，未必真係因爲佢問題。
黑頭可以用每日用暖水輕輕抹下清理，太大力會刺激到反而生更多，都需要一段時間先停止生，我建議你嘗試清一排如果都冇效先轉糧。

以80G罐頭黎計，記得買主食罐，多數有寫住Complete meal/diet/food。
除非真係好大隻好大食，否則都唔好買太大罐，擺完雪櫃翻熱都冇咁好食。
罐頭揀大概75-83%水分左右，水分太高怕唔夠飽同性價比低。
覺得唔夠水可以自己額外加水既，不過大原則都係佢會食曬先好加，你加完唔食就本末倒置，水分吸收仲少咗。

鷄/火鷄應該最淡味，吞拿魚就最濃味，食得多吞拿魚怕唔肯食其他。
有淡到濃開始試。
可能要試好多款先搵到款肯食曬，細細個開始養成食濕糧既習慣就可以節省好多醫藥費。同埋記得要刷牙。

都清咗成1個月，每日用生理鹽水+銀離子抹，都冇效🫩

我同呢個爸打情況差唔多
就嚟接隻8weeks貓
想早晚濕糧 早晚一包85g
晏就返工補乾糧

暫時揀咗濕糧Canagan kitten / Ziwi
乾糧 Wellness core kitten

肯食嘅話
呢個係咪最好嘅選擇？

乾糧一嘢買1.75kg會唔會好搏

ok呀，只要佢肯食。
乾糧多數貓都肯食，始終香口濃味D，買大包應該都ok。
罐頭就唔好啦，買2-3罐試咗先，真係肯食先好買一箱。
不過都建議一開始食返佢本身食開嗰款先，無謂環境又轉食物又轉，怕佢唔肯開口食，加上細個腸胃敏感容易唔舒服，轉都要逐漸溝下等内分泌逐步適應會比較好。

感謝
然後再大個啲係應該繼續加濕糧
乾糧當零食/補餐？

冇錯，太多問題係身體脫水衍生出黎，夠水份本身就可以減少好多醫藥費，自己一定飲唔夠。
不過其實兩罐都唔夠一隻成貓每日所需嘅水量，要令佢鍾意食濕糧都唔係咁容易。
另外食濕糧記得要勤刷牙。

家有7貓 有老有嫰 老至11 12歲 嫰至歳半
食開乾糧放題 自由活動
有1老貓曾有胰臟炎 打水後好返 但長期軟便
有另1中年貓早排驗到有石
要分開食處方糧超級困難 無獨立房間作分隔
想搵一隻乾糧可以盡量滿足所有貓
請問有咩推薦? 謝謝

刷牙冇product要買同推薦？
過往經驗係用一隻手指套嘅牙刷
就咁擦出邊就算

如果餐餐乾糧，未有問題既貓都大機會因為唔夠水份而有一樣既問題，或者已經有未驗出黎。
不如全部食處方糧算。
乾糧本身就係問題來源。

冇乜特別推薦。
都係靠物理接觸去刷，指套佢可能冇咁抗拒，尖頭牙刷就可以刷到多D牙縫，各有各好。最後餵佢飲水吞返刷出黎既殘渣就OK。

一search開Facebook係咁彈d貓糧廣告
有無人聽過untamed/ katkin？

想問下依家買乾量點解冇量杯送？

咁點樣知要比幾多佢食

Eg個包裝寫1/2cup

我買既係instinct ultimate protein

冇見過有量杯送。
個份量都係自己預大概就得啦，想佢肥/瘦自行加減。

兩個都係主食糧，成份都好。
香港應該好少見？冇印象見過有賣。

現階段因為就嚟接一隻幼貓
所以咩牌子只要成份好都想試一兩盒睇吓佢食邊隻

想請問下heromama呢隻岩唔岩6個月大既黃唐貓食？佢而家食緊幼貓糧 岩岩絕完育 想慢慢幫佢換成貓糧
https://heromamapet.com/hk/product/newglowingmeal/