貓糧資料庫（20）

幼貓既話Wellness core好過Orijen同instinct

我果隻都係唔食ziwi同 k9 而家餵台罐 佢開始食嫌會試德罐

想請問吓有冇試過台灣牌子hero?

德罐肉質好好好緊實，我兩隻都唔食 畀浪浪食加唔夠水佢都麻麻，同埋德罐唔知點解勁多啲啫喱狀嘅肉汁咁

咁我隻貓一定唔食 佢要食勁軟質地果啲 push佢好鍾意 但食完又軟便 實肉加水又唔食

果啲啫喱又係唔知俾唔俾佢食好

我個兩隻都係要食勁軟身嘅，冰島mousse 有一隻肯食羊奶吞拿魚，暫時除左no fish cat同country naturals都未搵到咁軟身嘅 但另一隻貓食厭咗呢兩款乾糧完全唔食，凍乾又軟便，頭都大埋

衰仔會仔仔吓厭先麻煩 又要再搵過 肉絲罐又全部唔使睇
越蟹越多

一模一樣，我成個櫃都係佢哋唔食嘅罐頭，而家拎晒嚟餵流浪貓

我已經放棄 轉晒做乾糧了

德罐成陣咸牛肉咁嘅味，可能香口，我兩隻都好鍾意
隻細貓直情俾幾多食幾多

而家開始有另一個問題，舊貓乜都食，
我從來冇面對過貓偏食嘅問題
但新貓細細個就開始知道有香口嘢就唔食淡味罐

想問隻貓11歲 餵左5-6年都係applaw 果隻海魚乾糧，見到個doc係c級 咁係咪轉下其他糧好d?

同埋飲唔夠水係咪直接用針筒餵水？

用針筒餵係好過冇既，但係一個罐頭既水量，等於你餵幾十支針筒，最好都係食罐頭。
用針筒都冇可能餵到100ml水。

乾糧食左咁多年冇問題可以唔轉既，未必款款都適合。

食緊佢隻幼貓糧

怪獸部落新出左幼貓既鮮肉糧 心思思想轉 睇落成份都ok?
本身食緊wellness core 一定要撈濕糧先肯食 買一包食勁耐

成分OK呀，纖維都夠。
肯食濕糧好好呀，食少D乾糧啦，好多人想餵罐頭都唔肯食。

但慘在佢好細粒 3個月大
全濕糧食唔夠個份量想佢吸取多啲熱量

買高熱量罐 1g1cal 果啲？ 寶寶罐果啲佢食唔食？

布偶貓10個月大，每日3餐
早晚餵罐頭，中午貓糧，本身食緊
1）怪獸部落寶寶罐
2）Wellness core幼貓糧

想轉貓糧，諗緊轉邊隻好
1）instinct ultimate protein 雞肉配方
2）ziwipeak 風乾貓糧 雞肉配方

罐頭想轉
1）k9 雞羊盛宴

想知道一日3餐會唔會太少？
貓糧罐頭會唔會有其他更好嘅選擇？

請大家比吓意見

如果晚餐同第二日早餐隔太耐，可以中間俾少許乾糧佢，反正都係set機自動出姐。Ziwipeak應該係乾糧入面最好。
罐頭揀一款佢肯食曬既就OK，只要係無膠少碳水少調味料，唔會好大分別。如果加水唔食就唔好加水啦，真係食落肚先最重要。

問吓有冇慕絲罐推介俾thrive罐罐佢完全唔肯食

怪獸部落，汪喵，陪心，Astkatta....
你可能要每款買1-2罐頭返去試下

想問有無人聽過Nunavuto呢個牌子?
見啲主食罐好似幾平

佢罐頭size 80g比一般細小小。
主食罐我就搵唔到成分表。

唔好意思，新手養貓好多野想請教

黎緊會接隻英短仔10 weeks返屋企。佢本身食緊rc乾濕糧，咁我想轉啲好少少嘅牌子比佢，例如orijen / instinct

咁我睇咗個貓糧execl，計過大概隻貓要幾多kcal同水

我想問下跟個kcal同水去比糧隻貓係咪就夠？定除咗睇kcal同水，仲要考慮佢飽唔飽？事關我睇啲包裝上邊嘅instruction，佢地有寫啲貓每日要食幾多野。但如果我跟佢地嘅建議，又好似會過多kcal，我驚食到隻貓好鬼肥

同埋我知轉糧要慢慢轉，但如果濕糧想轉係咪都要新舊咁mix？事關佢仲咁細，本身就食得唔多。如果要mix新舊糧，實會有好多淨返。聽講啲濕糧一雪啲貓就唔再食，我覺得好浪費。

10 wks咁細個多數都會偏瘦，可以放長糧，唔洗計kcal，佢食得幾多就幾多，當然都唔好擺太多出黎，受潮會唔好食，幾時都有野食就OK。
咁細個怕佢腸胃敏感，轉糧應該慢慢轉好D，，RC都唔係毒藥，可以慢慢咁俾佢食埋淨低果D先。
最好細細個就養成個習慣食濕糧先，由淡口味開始試，放長糧都會令到佢食少D濕糧。雪完可能要坐熱先肯食，或者完全唔肯食，視乎隻貓本身。浪費都冇辦法，垃圾桶可能食得仲多過隻貓，但係養成到個習慣飲夠水就少好多好多醫藥費。
另外你新手養貓記住唔好成日搞佢，細細個未適應好易壓力大就病。一病又要逼食藥又係一種壓力。仲有好多貓有心臟病，盡量俾佢地冇壓力咁生活，玩都唔好玩太勁，分段式同佢玩。帶去睇醫生時最好遮曬成個籠，佢地會冇咁驚。