貓糧資料庫（20）

Kafka巴打可唔可評下依款 主食肉泥

係早幾日寵物展買到，但成份有 馬鈴薯澱粉

自己貓貓本身食開 怪獸部落草飼牛 同埋 自己整鮮食（雞柳+南瓜+蛋黃），大半年有多，但近幾日好明顯食厭左



https://www.hktvmall.com/p/H5525001_S_MMC-MP-QCC
https://m.facebook.com/p/Momocare%E8%90%8C%E5%AF%B5%E5%AE%88%E8%AD%B7-61556117927136/

佢得15G一條，如果作為主食每餐要整5條，好似唔係好方便同埋價錢稍貴。
睇落馬鈴薯澱粉都還好既，比例又冇話好高。
其他營養比例我睇圖片睇唔清楚，不過佢話符合AAFCO標準，應該都OK。
寫話源自日本，但係台灣製造，感覺上只係一間香港牌子搵台灣代工，同日本冇乜關係，加上貌似只係香港有售，官網都冇個，facebook得少量like，放唔放心買就自己決定。
另外你話符合AAFCO標準，其實好多罐頭都符合，感覺上似將罐頭加上馬鈴薯澱粉，包裝成肉泥，咁不如直接食罐頭。個定位怪怪地，當然都會有部份人本身選擇肉泥，見到佢咁寫就選擇佢。

Thank you

我係zooplus 買一隻叫wild freedom 200g都幾好，大罐分4餐兩日食，都算平1.75磅一罐

我最緊搵到隻叫Simpsons
1.85 200g都係
都打算買嚟試試

Ziwi 見淘寶平好多，有冇伏？

近排又假貓糧 又假貓砂

唔建議

想問邊到買到都想試下

local independent shop度搵到
叫eat play love

見到hktvmall啲人係咁話instinct糧出左事，真唔真？

今日帶主子去抽血準備絕育,跟住同醫生傾開貓糧,話簡貓乾糧要有兩大原則

1.唔係凍乾糧
2.要有穀物

instinct original雞味即刻俾佢ban左早一個禮拜先買左一大包

想問如果係上面2個原則 有咩推介

利申 主子 1歲多d 英短男仔

英短之前有血便，嗰排試過勁多隻凍乾同乾糧，幾經辛苦轉咗K9凍乾同FairCat蟲糧就好返晒，食咗4年。
最近佢食厭咗隻蟲糧有冇邊隻乾糧介紹？

我個仔都係英短，之前都係有血便，依家主食轉左毛肉毛球嘅木耳南瓜雞肉鮮食+Ziwipeak鹿肉，食埋益生菌，就再冇血便🤞

早排聽人講話orijen雞肉糧出事
貓貓仲食緊 so far無事
食埋呢度少少想同佢轉糧
但係又唔知轉邊隻好
想問下orijen嘅六種魚有無事

一向都係建議食濕糧為主，乾糧係唔方便時先食，講真如果8成濕糧，乾糧食邊款我都覺得影響不大。
水份攝取方面係需要主人去控制，凍乾大概5%，普通乾糧10%，兩者都唔會提供到足夠水份。長期食都係一樣有泌尿/腎臟相關問題。
纖維方面各款都會有額外添加到理論上足夠既比例，除非話穀物既纖維素本質上就係比較好，否則覺得唔夠就主人自己添加落去。

FDA有提及過發現狗隻食無穀糧比起有穀糧（貓隻樣本好少），心臟病風險會增加，但係個研究冇搵到確實問題出係邊度。
Source: https://www.fda.gov/animal-veterinary/outbreaks-and-advisories/fda-investigation-potential-link-between-certain-diets-and-canine-dilated-cardiomyopathy

究竟係缺少某樣穀物營養素？定係取代穀物既食材（豆類/薯仔）會增加心臟病風險？未有研究俾到確實答案。
暫時懷疑係豆類或馬鈴薯替代穀物影響牛磺酸吸收或代謝。
但係又冇見有話食多D穀物可以減少患病風險。
需要"少豆類或馬鈴薯"定係"多穀物"，係兩種唔同概念。
研究主要以狗隻為主（雜食性），貓（肉食性）消化碳水化合物能力差過狗，所以貓應該點食，到最後都係冇一個好清楚既結論。

安全起見，咁係應該揀一款少豆類或馬鈴薯既食物。
是否需要增加穀物攝取就打個問號。

到現實層面，市面上標榜食材新鮮既九成幾都係無穀，要有穀又食材新鮮可靠係好少選擇。所以退而求其次，就選擇少碳水化合物既糧食。
至於濕糧/凍乾/風乾糧就基本上唔會有豆類或馬鈴薯，照以上推斷，睇落係會比一般需要碳水化合物去成型既乾糧更加適合。

講到尾都未見到有一個確實研究話俾大家知應該點做，所以只能夠自己去判斷。

依家隻貓10個星期
早晚都係 canagan kitten wet food 加水
但依家天氣熱佢哋好似胃口細咗
又未識得自己去飲水 可以點解決
有人係度就可以少食多餐濕糧加水 但有時返工都係靠貓糧機補兩餐
有冇大約幾大到就識得自行飲水？同埋有啲咩方法可以引導佢好d

早餐食緊K9 + 晚餐乾糧，ziwi個價拍得上凍乾
依幾日晚餐試咗instinct, subzero, ownat, 全部都唔肯食。。。。
聽講orijen濃味？諗緊要唔要試下

口渴就自然識飲水，而家純粹係佢唔口渴自然冇去飲。
全濕糧係可以完全唔飲水。
佢要既水量儘量係每日幾餐度吸收曬啦。

想請教下
屋企隻大帝就11歲 有心肌肥大同骨刺問題
平時淨係俾面飲貓罐嘅水 飲完就算
最近驗血報告都冇乜大問題 但係發現尿有少少晶石
本身食緊nutrient subzero 同間唔中俾個貓罐佢
依家想換幫佢換N&D嘅石榴雞 + 醫療費削減嘅貓罐呃水夠唔夠
定係貓罐/乾糧有其他更好嘅選擇

屋企有放3個水碗 佢唔飲得多
又淆水機

醫療費削減好似唔係主食罐，食材得肉+水的話，只可以當補水用。
只要係主食罐，冇膠，水分大約75-85%（太多水其實好呃錢），其實都可以食，揀一款佢肯清曬既就OK。
當一隻成貓需要200ml水，佢吸收到80ml可能就唔覺得口渴唔會點再飲水，都係靠食物度俾佢吸收或者用針筒喂。佢都搞到自己有晶石，都唔好旨意佢會自己去飲，你擺幾多個兜都一樣。
有晶石可能除咗補水，仲有需要處方糧去溶解（問下醫生建議），雖然處方糧食材垃圾，但係針對性處理問題係OK既。
我會建議：
（1）減少乾糧份量，等佢肚餓D肯食多D濕糧（2-3餐）
（2）如果濕糧加水佢都會食曬，咁可以加，加完太淡唔食就唔好加啦
（3）每晚針筒喂水（始終而家已經有晶石，需要解決先）
（4）視乎需要睇下食唔食處方糧

濕糧keep住加水有無問題？