貓糧資料庫（20）

有兩隻唐貓三歲大，平時一日兩餐乾糧wellness CORE™ 火雞拼雞肉，一星期比一次fussie cat罐再加少少水，屋企個水兜早晚換水都見有飲過，但唔多

以前一日分三至四餐乾糧，餐餐清
上個月開始一日兩餐，每餐比多咗乾糧
其中一隻就開始不定時進食，即係比糧個時唔食
感覺好似唔憂食咁
係要無啦啦先走去食幾啖，凍乾比幾多都會食
Fussie cat濕糧直頭一聞就作嘔
依家懷疑揀飲擇食

睇完大家分享，發覺濕糧先係主食
我唔想貓貓炒腎啊
嚟緊會比返濕糧做主食
想問濕糧建議一日比幾多
有無健康推薦 感謝

想問問湯包可唔可以當主食？講緊唔係得湯，佢係好多肉絲，水份多啲，辛辛苦苦終於搵到隻衰貓肯食嘅濕糧，叫hell’s kitchen 湯包，每包60g，俾我感覺同平時啲主食罐冇分別，因為唔似喵汪湯罐咁得水

Fussie Cat唔好，勁多膠。
濕糧比例上食到幾多就幾多，做唔到三餐都俾兩餐啦，價錢係會貴咗，但係醫藥費度都少翻啦。
冇膠冇乜調味料少碳水既主食罐都OK，豆類既碳水就可免則免。如果唔介意產地的話，好多台灣罐頭成分上都可以食，汪喵/怪獸/陪心/肉球之類。外國罐頭就K9/Ziwi/金交/Thrive/Canagan…好多。
要試都係自己去寵物店望下成份表，買一兩罐返屋企試先。因為罐頭製作簡單D唔洗加咁多奇怪嘢，所以可以食既選擇係多好多。

冇寫明係主食都一律當副食，主食有添加佢每日所需營養素，副食冇。主食副食肉眼睇唔出分別。
汪喵湯罐都係副食，純粹補水用。
hell’s kitchen就一定唔可以當主食啦，冇符合任何標準，又增稠劑（會撐起D肉絲，令你肉眼睇落多料D冇咁水）。

原來係咁又要再搵過啱食嘅主食罐

多謝樓主建議
黎緊逐漸幫佢地轉主食濕糧
希望轉糧順利

貓貓9個月大，4.5kg左右，絕左育，每日兩罐thrive幼貓雞（total 150g) +一餐蒸雞50-60g，食完個樣仲會唔夠咁想繼續食
我見佢個suggestion係食一日2－3罐，我隻貓活動量勁大，一日跑個幾兩個鐘，但本身隻貓摺耳底，驚佢過重對關節唔好，d人又話overall佢地食太多肉唔好，叫我cut d
我試過減到total 140g thrive幼貓雞+50g蒸雞，食左4日立即輕到4.2-4.3kg，我想佢keep係4.5左右架冇諗過減少少就輕左，所以唔確定應該繼續比佢食舊份量好，定係真係每日減少少比佢食好，因為減左佢個樣更加唔夠食
btw 絕育後繼續食舊份量都冇特登重好多

佢都夠大可以食成貓罐啦。睇返官方話幼貓罐3-4罐，成貓就2-3罐。
成貓罐dry content多d，肉冇咁細可以消化耐D應該冇咁易肚餓。
貓養到小肥有肚腩仔就差唔多，kg數就因貓而異啦，男女都可以爭好遠。
有D貓係為食D，太肥都係要控制下，冇辦法。
貓係肉食性動物，主要係食肉冇問題，不過都要搭配適量膳食纖維、牛磺酸之類其他營養素，都要有適量油脂保持皮膚毛髮健康（thrive罐頭油脂偏低），你蒸雞可以揀肥D部位，油脂都可以延長飽肚感。

想請教一下
而家貓貓食緊一隻instinct既moose
覺得佢幾鐘意隻味
問題係moose佢唔識咬 次次都用舌舔 每次都舔20分鐘 佢又食得辛苦 我又餵得辛苦
會唔會有其他主食罐罐推介 定所有罐都有呢個問題？

想問下大家點計一日餵幾多比隻貓
貓仔 4個月大 2kg
乾濕糧都有餵

moose係俾冇牙BB食，大個小小可以食肉泥罐（市面多數都係），有牙力可以揀肉絲罐（冰島罐/Thrive/Canagan之類）。

咁輕其實唔洗計食幾多，佢肯食幾多就俾幾多，養到有肚腩仔先再加減。

Addiction 同 instinct 邊度買會平d? 兩隻糧都啱食

英短岩岩一歲食緊韓國牌子indigo嘅三文魚鴨肉乾糧
間唔中就餵汪喵啲罐比佢
腸胃偏差 容易有時屙屎patpat有血黏液
睇過獸醫都係話腸胃敏感啲唔可以係咁亂轉罐比佢食
所以依家都係盡量全餐乾

見excel冇見過依隻糧點
想問下大家有冇咩其他乾/罐岩依啲腸胃比較敏感嘅貓仔試

成分：動物蛋白（鴨肉粉、三文魚粉）、有機玉米麩粉、雞油、大米、水解蛋白、有機大米、有機葵花籽粕 、有機甜菜漿、有機糙米、纖維素、有機燕麥有機大麥、有機亞麻籽、有機玉米麵筋粉、有機芝麻粉、氨 化膽鹼、有機玉米、DL-蛋氨酸、鮭魚油、絲蘭提取物、L-賴氨酸、有機葵花籽、檸檬酸鹽、蔓越莓、維生 素（維生素A、D3、E、B1、B2、B6、B12、泛酸鈣、菸酸、生物素、葉酸）、礦物質（鐵、銅、錳、鋅、碘、鈷、硒 ）、有機綠豆、有機蕎麥、有機紅薯、薑黃粉、牛磺酸、菊苣菊粉、維生素E、氨化鉀、有機胡蘿蔔、有機南 瓜、有機南瓜籽、鹽、低聚果糖、磷酸鈣、迷迭香提取物、蔬菜（芒果、草莓、橙子、香蕉、蘋果、甜菜、西 蘭花、番茄）、奶薊草、Probictics益生菌（雙歧桿菌、鼠李糖乳酸桿菌、植物乳桿菌）、維生素C、（總有機量：22.3%） Moisture 11.0% max, Phosphorus 0.8% min, Calcium 1.0% min, Crude fiber 6.0% max, Crude ash 12.0% max, Crude Fat 12.0% min, Crude Protein 34.0% min

纖維6%偏高，有機會令佢痾多D，飲水多D。
蛋白質正常，但係使用肉粉非新鮮肉類，亦唔清楚有幾多%肉類，鴨肉三文魚比例唔清楚，仲有添加水解蛋白，麵筋粉等植物性蛋白。
脂肪偏低，會影響毛髮及皮膚健康。
碳水化合物約23%，冇特別高都OK。

Overall普通啦，可以食用。
如果佢肚痾懷疑係對某D肉類敏感的話，可以試下單一肉類蛋白質既糧。鴨肉同三文魚都算係低敏肉類。
全乾如果冇辦法佢每日可以吸收到至少150ml水的話，就唔係好建議。唔夠水份真係會引起好多唔同問題，俾多好多醫藥費，最好都係罐頭為主啦。
食物成份唔同本身腸道就需要時間適應，身體需要分泌唔同既消化酶等等，消化唔到自然肚痾，俾一兩個禮拜佢慢慢轉就OK，未必係對食物本身敏感。
你都係等佢腸胃正常一段時間再嘗試慢慢增加比例咁轉罐頭啦。

感謝
佢水算飲得多 我都打算慢慢逐啲比佢適應返罐罐
乾糧嘅話諗住轉wellnesscore 火雞+鴨定instinct 鴨肉

可以試下火雞會唔會敏感先，咁你揀罐頭都知洗唔洗避開火雞。
飲水方面，你試下倒150ml出黎，諗下佢有冇飲到咁多。因為食乾糧兼且係高纖糧係一定會飲水，好容易引起「佢飲好多水」既幻覺。150ml水要lam好耐先lam到呢個份量。好多貓只係飲到夠維生就算。

我隻英短又係好鳩煩成日爛屎有血，醫生都係話腸胃敏感，叫我逐樣牌子/食物試，試咗好耐原來對雞敏感，而家淨係比一個牌子嘅吞拿魚罐罐佢食算

K9佢完全唔肯食搞唔掂

好多貓都係咁，試幾十款先肯食一款都唔出奇 罐頭冇乾糧咁香口，係難轉好多。有時食咗第一啖就繼續食落去，每隻唔同，真係要自己諗下辦法。
-慢慢溝下
-搵近似D既味
-溝零食
-手餵

鴨/兔/鹿/三文魚呢D都算低敏可以試下，不過多數糧都有加雞，唔係好多選擇。

貓仔6個月大 3.6kg 望落唔肥
一日4餐
早午晚3餐濕糧 60-75g/餐
宵夜1餐乾糧 20g

咁樣食夠嗎？
雖然好似都夠重 但係用熱量計算器都係食唔夠熱量

如果唔係大貓品種，6個月大3.6kg夠重啦。
摸到佢有肚腩仔微胖就OK，冇需要減肥的話可以keep住呢個食量唔洗變。

Addiction 呢個系列ok嗎? 見excel無 好似新出?
https://addictionpet.com/en-nz/shop/forest-meat-for-cats/
https://addictionpet.com/en-nz/wild-islands/wild-islands-for-cats/

就4個月貓女 1.9kg 一直以為ok 但見上面有6個月3.6kg開始懷疑係咪過輕
食開1日1 trilogy罐(加水) +30g purina one乾糧 (開頭接貓嗰時買仲未食完)